一年一度的家長日．．．

心情無咩特別，係有少少擔心阿ｓｉｒ會唔會亂講野．．．
９點半，阿爺就叫我起身，之後同佢去飲茶喇，
買左盒ｍｅｌｔｙｋｉｓｓ，叮噹今日生日呀！
最可惡的係阿ｓｉｒ明知佢生日都要佢返學幫手招呼家長．．．
返到去，有好多人呀！　要等半個鐘先到我．．．
吹水，叮噹就分左盒朱古力俾大家食，又同英文ｍｉｓｓ傾計．．．
睇住阿ｄａｎ俾４個大人圍住黎省．．．　好可憐．．．
（劉ｓｉｒ、黃ｓｉｒ、佢爸爸媽媽）
到我喇，８次欠交功課．．．　成績都ｏｋ，全班第９．．．
ａｐｐｌｉｅｄ全班第１，ｈａｈａ！（因為得１１個人讀．．．）
得科英文差ｄ，３６分，全級２８，算係咁啦．．．
叫我踢少ｄ波，入左大學先算喎．．．　你估我唔想咩！
下學期目標係英文都合格！
班名次：阿尤第１，大佬第２，叮噹第５，我第９，阿迪１３，阿傑１４
ｔｈｅｎ　ｇｏ　ｈｏｍｅ打機．．．
之後同阿廖、臭汗落林士德踢波，又有智仔、阿邦、阿發．．．
阿邦、阿發勁係屎，係前面入唔到波，之後返後仲搞到輸埋！
我就入３球～～　有２球笠死，肥蘇都要俾我笠，ｈａｈａ～～
唔係好累，去左葵涌廣場買野飲先返屋企．．．
點知沖完涼、食緊飯果陣阿文又叫我落７人場踢．．．
落囉．．．　開頭唔係好想踢，之後踢起條癮，又入左２球！
踢到１１點幾先返屋企．．．　今日踢得好舒服～～
諗返上學期既事，好似真係唔夠比心機讀書．．．
過２日要開始發力溫中文喇！　會考要過左先！　先再講入大學既事！