笑死我喇～～

唔使番學，１０：００先起身，打左陣機－ｗｉｎｎｉｎｇ８，跟住食早餐，番黎就上網，同埋做電腦會考功課，３：３０落去踢波，由於就快新年，好多球場都用作年宵花巿，包括葵芳、林士德、沙咀道，而大窩口有紅十字會，同埋有個藝術展覽，咁我地唯有上去５人場踢喇．．．都幾多人，差唔多有廿個啦，跟隊踢左一陣，係咁贏，之後小肥果ｄ落黎，有贏有輸，踢到７點幾，累ｌｕ，走人，如常地去左阿波羅傾陣計，之後搞笑野發生喇：事緣有個男仔，好似好型咁，行入阿波羅買雪糕食，叫左一個價值＄１０的芒果味雪糕，阿波羅個阿姐就特登整個大ｄ的雪糕球俾佢，佢買完就行左出門口，此時我地咁ａｒｍ諗住走，咪都行出門口囉，咁ａｒｍ呢個時候，笑料黎喇，果個男仔第一啖舔落去個雪糕球度，誰不知成個雪糕球從雪糕筒上掉下來，落左地上，佢無奈咁望住我地，好似仲好驚我地見到，會指住佢黎笑，我地就扮作若無其事咁認住唔笑，佢慢慢咁行開，步行至一個垃圾桶旁，將手上的雪糕筒丟進去，便行入百佳了．．．（可能入去再買過個唔會食到掉出黎的雪糕．．．）我地係咁笑，停唔到，仲全部衝番入去同個阿姐講，個阿姐都係咁笑，但係都順手攞紙巾，出去抹走店舖門外那芒果味雪糕球，笑完便各自各回家去了～～