做功課，踢夜波．．．

朝早叫臭汗同我去買ｍ記食，佢有６折嘛，ｔｈａｎｋｓ．．．
食完就做功課，是但寫左篇中化既投訴信．．．
到夜晚，佢地打黎問踢唔踢波，我話唔去，
之後家姐搶左部電腦黎玩．．．　咁就去踢波啦，
點知佢地又無落到去．．．　打俾阿廖約人去．．．
仲有小肥、臭汗、阿邦，５個人，跟隊，拉全完果ｄ幫手踢，
人地果隊ｏｋ勁，不過有少少茅，之後仲撩我地打架．．．
「係咪唔順呀？打架丫，未驚過呀！」
我地無理佢，繼續踢，好想贏佢地，不過衰在腳風唔好，
我好多機會，成日都俾人封到位，小肥又有中柱，我又有球笠中楣．．．
最後輸左，有ｄ唔順氣．．．　佢地有得踢，
不過應該出盡力對我地，好快就輸俾另１隊．．．
又到我地踢，對全完，我地玩住黎踢，果隊都唔想等，走先．．．
又踢左好耐先贏到．．．　我都係入唔到波．．．
對另１隊，我猜輸，打龍，踢一陣臭汗就輸單刀波，唔使救啦．．．
走ｌｕ，１１點幾喇，肚餓，同阿媽食飯，之後做完英文作文先訓．．．