又踩單車喇～

今日家長日翌日呀～～　唔使返學～～　約人去踩單車～～
有我、阿迪、叮噹、阿傑、阿袁、小濤、佳果，仲約埋荷蘭豆～～
風高氣爽，又唔覺得累，勁適合踩單車架！
１２點開始踩，原定係由沙田去大尾督再返沙田架．．．
很可惜事與願違，小濤原來唔識踩．．．
陪佢學，教佢踩啦，其間不時有ｄ女經過，佳果就會即刻懶型踩得勁快！！
之後我＆阿傑果ｄ就扮追佳果，踩埋去睇埋一份～～
阿迪果ｄ就扮慢，係女仔堆中間穿插，ｈａｈａ．．．
係城門河附近踩左３個鐘，小濤終於都踩到ｄ喇～～
咁就唔等咁多喇，出發踩去大埔喇！
荷蘭豆自己踩過去先，因為佢早餐食左好少野，就快餓死．．．
我地留後陪小濤慢踩，５點前都去到永發食野～～
我食左個煎蛋牛扒飯＆奶醬包，超好味！
又踩返沙田，７點剛剛好會到單車鋪交車．．．　又係唔夠喉的１日．．．
下次一定要踩到去大尾督睇風景！！