整新波衫～～

今朝起身，溫左個幾鐘中文～～約左阿廖同奧雲一齊去睇波衫，睇之前先去西九龍中心食壽司，＄４４任食，都幾正～～好飽～～食完去旺角「興發」睇下整邊件啦～～睇到無乜款ａｒｍ既．．．我地係想整件粉紅色的波衫架．．．見到件＄１１８的粉紅色短袖，又幾輕，最後就揀左呢件～～揀印咩字，我睇ａｒｍ左隻唔起角的字，但係佢地就睇中隻好多小圓點的字，最後就順佢地意～～之後去葵芳買波，用阿叔俾我地果＄１００買左２個波，跟住就番大窩口５人場踢一陣啦，著住ｄ長衫長褲踢，好熱，又好重，但係最後贏晒～～走果陣發現大鼻妹攞走左我地一個新波．．．佢好煩呀，都無人想理佢，仲要搞住晒．．．最後攞番個波，番屋企食晚飯～～要係咁狂溫中文，好辛苦呀！ｄ野好難記入腦呀．．．一定要努力呀！！考好個ｍｏｃｋ佢～～～