中文～～

今日先考中文卷一＆卷二～～成晚訓得唔好，可能因為緊張啦．．．醒左之後發現唔記得溫實用文．．．大鑊喇．．．．番到學校集隊，見唔到阿迪，家和佢地，心諗唔通佢地遲到？結果真係．．．因為地鐵故障，他們「飛的」番學，都係要遲．．．阿迪於早排得到了學校的獎狀，為他５年來從未遲到和缺席作嘉許．．．而家破例了，唔知學校會唔會收番佢個獎呢？？先考卷一，全份卷都唔難，但係就係無溫實用文，格式錯左．．．再考卷二，做到ｌａｓｔ果題唔夠時間，寫到ｄ字好肉酸，唔理喇，最後都係爭少少．．．總括來說中文要合格完全係無問題呀～～１：１５放學，一齊去大快活食野，途中嗎啡問阿迪有無錢「唱」，阿迪話唱咩呀，唱歌呀？？天氣都冷架啦，仲講冷笑．．．冷到我地幾個人都唔理佢．．．２：１５搭地鐵番屋企，見到荷蘭豆，佢表示讀本問答死晒．．．番到屋企就打機．．．因為聽日同後日考的課２都係英文，聽日考英文ｐａｐｅｒ２　＆　ｐａｐｅｒ３先，希望聽日的狀態好ｄ啦，ｌｉｓｔｅｎｉｎｇ唔會聽漏啦～～