新波衫～～～

今日１０點幾起身，打ｗｉｎｎｉｎｇ８～～１２點去食野，食完就同阿廖＆奧雲去拎波衫～～去到興發，就數錢啦，中途又望下個櫥窗，見到有幾件ｎｉｋｅ波衫，新出既，勁靚！！突然覺得好唔抵．．．點解唔係之前見到？搞到整左件無咁靚既．．．奧雲自己出錢買左件，因為太靚喎．．．之後我地３個搵埋係旺角補習的家俊一齊搭３３Ａ番大窩口～～３：３０踢波喎，７人場有紅十字會操練，要去５人場，而全部人都著新波衫，哈哈！係時候笑家俊喇～肥肥矮矮，著件咁鮮色的波衫～～贏左幾場，又輸左幾場，有一球輸我，施丹式轉身之後攞唔番個波，俾金貓射空門．．．５點幾去買野飲，再去７人場踢～～去到７人場，我即刻生猛晒，個波係我覺得最好踢果個，仲入左幾球ｔｉｍ～～但係踢踢下抽筋，要退下火線．．．．走之後玩射龍門，中場射，有特定規則，唔入就跑圈喎．．．我雖然抽筋，但我係表現最好果個，跑得最少！！阿廖果ｄ跑餐死囉．．．．跑足７個圈．．．番到屋企食飯，沖涼，溫左陣ｐｈｙｓｉｃｓ，又睇「珍珠港」，睇左３個鐘，到而家凌晨１點．．．