又去亞斯理～

尋晚２：００先訓，今朝１２：３０先起身，一覺訓到大天光，好舒服呀～～
去舖頭拎野食，因為唔想使錢，又係燒賣同糯米飯，食得好飽～～
打左陣機，就溫ａ．ｍａｔｈｓ，睇番微分，有少少唔記得，
拿拿聲背番熟，好彩都無乜大問題～～
到４：３０就換衫去踢亞斯理喇，去到全完ｄ乙組話ｂｏｏｋ左場練波到６點，
我地唯有上５人場踢住先啦．．．
上到去我同陳鴻，雞亦，同埋一個唔知叫咩名的人一隊，
次次都係贏一場，跟住又輸一場咁．．．
最後一次我地爭一隊就ｗｉｎ一個ｒｏｕｎｄ架喇，
最衰康輝好好彩咁用腳面彈到個波入死角，雞亦想救都無得救．．．
去番７人場，有３隊，有一隊係全完果ｄ人，都幾勁下，點知見到我地，踢左一球就話走．．．
仲有２隊同我地踢，踢左幾分又話走ｌｕ．．．
我地得番十個，５打５啦，我同小潘，康輝，家祺，雞亦一隊，咁住玩５分射龜，
我地贏左５：０．．．．一人射５球．．．合共２５球．．．
射到最後落大雨，跟住就返屋企ｌｕ．．．．
走果陣買左一條陽光檸檬茶，番到屋企直至食完晚飯，俾我飲左５盒．．．．