ｍ記比賽，１和１負．．．

今日１０點幾起身，訓得唔係幾好，可能又緊張啦．．．
１２點同個妹去集興食早餐，食完去惠康買野飲返屋企補倉．．．
到２點就同小肥、阿廖、家俊搭的士去新都會對面個場，
係ｍ記青訓比賽呀！　足球界１年１度既盛事呀！
派左藍衫俾我地，都幾好睇丫～～　見到潘永權，招呼都唔同佢打．．．
第１場就對潘永權果班，有李錦、阿欽、阿牛．．．
有好開始架！　我罰球入波，雖然唔係咁靚，不過好過無啦！
不過人地始終高質，話咁易就反入３球．．．
包括李錦罰球射網仔．．．　俾人串ｔｉｍ．．．
我半場就被調離陣，果陣係１：１架咋．．．
輸波之後去買手卷落球場食，食完就第２場，對平時練波鬥果班，
諗住好易就ｗｉｎ啦，點知踢得都唔係幾好，個阿ｓｉｒ唔識用人．．．
又係我入波先，過半場遠射，龍門撲入，正！
其實我睇唔清楚架，因為唔俾我戴眼鏡，好似盲左咁．．．
不過人地又反入２球．．．
又包括１個射死角既罰球．．．　龍門真係唔使救．．．
最後都要靠人地擺烏龍先可以打和．．．　真係踢得有ｄ肉酸．．．
我、阿廖下半場都抽筋，要被調離場，無份射９碼，
最後互射９碼，阿聰、阿希都爭ｄ唔入架喇．．．
好彩我地ｗｉｎ左，先無咁羞家．．．
去葵涌廣場食左餐難食既飯先返屋企．．．