病好了，返左李中～

唔睇醫生都可以好番～～　ｈｅｈｅ～～

２１號仲病病地，不過我都要返李兆基，睇歌唱比賽！
今年既水準真係高左！　個個都唱到好似歌手咁！
高級組獨唱真係鬥到難分難解呀，
「屈機姊妹花」卒之都衰左喇，卒之都唔係佢地拎冠軍！
不過ｍｉｒｒｏｒ就最慘，因為４個人都咁強，獎就得３個，佢要犧牲．．．
之後去葵芳ｌｕｎｃｈ，又打機，又打羽毛球，ｈｅａ到４點，
幫手買野，之後返上去，５Ｅ　ＢＢＱ！
個個都唔同左樣，ｄａｎｉｅｌ果ｄ仲高左好多！
果晚玩到９點幾先俾人趕走．．．

尋日就無野做，係ｈｏｍｅ玩電腦，打機咁，
晚夜做節，食飯，食完就趕住走，去青衣公園踢波，
同石仔果ｄ踢，人地唔勁，想茅我地又茅唔到，總之就唔勁．．．
我地係咁贏，踢落都無癮，玩到１０點幾，買埋野飲，食埋ｍ記先走．．．

今日無出到街，夜晚同小肥、阿廖去觀塘比賽，
「超越」既第２場聯賽，對手應該唔勁，因為佢地上場輸４球．．．
上半場無得出，因為俾上次無踢果ｄ人踢先．．．
小肥好快就做左首名入球！　ｙｅａｈ！
不過之後入唔到波，包括德仔轉身左腳抽死角，可惜係柱邊出界．．．
上半場１：０，下半場我都唔出得，因為傻傑想繼續踢．．．
阿文無啦啦又入到波，２：０，見仲有１０分鐘，小申俾左我入替傻傑，
出到場就梗係出力踢啦！　我推左幾球落底線出波，
阿ｋｉｎｇ把握到，入到球，佢勁ｈａｐｐｙ，即刻走黎我度慶祝！
之後阿鋒勁射中柱．．．　我遠射又俾人救到．．．
阿廖都唔忿氣，死扭，狂推，最後都俾佢入到波！
不過佢有少少無品，有球推跌左人都唔拉番人地起身．．．
最後我都唔執輸，遠射入波！　５：０大勝！　即刻升到聯賽榜次席！
搭４２ｃ返，小肥難逃一劫，都要交錢，ｈａｈａ～～