踢波，水準下滑．．．

終於可以唔使早起身喇～～　ｙｅａｈ～～
成１２點半先醒，買飯盒食就算喇，但係都無乜胃口．．．
打機囉，雖然知道聽日考ｂｉｏ，但幾過上次ｍｏｃｋ，
覺得自己ｂｉｏ幾ｏｋ，唔使再係咁背，係咁串字．．．
爺爺叫我３點半去接個妹放學，
原來佢今日要學節奏樂，放４點幾．．．　白行左一趟．．．
到左４點幾，阿廖打黎叫踢波，其實都諗住郁下個人架喇！！
上左奧雲屋企再落７人場，有可風ｄ人，
佢地好似西聯咁，我地叫左跟隊，佢地輸左之後成班都走喎．．．
上５人場啦，有李惠利果ｄ，跟隊啦～～
點知踢左２場都輸．．．　可能太耐無踢，好快無氣．．．
番落７人場射下波，等左陣就有人黎，
有個係紅衫ｌｉｖｅｒｐｏｏｌ果個，上次佢同班飛仔黎過．．．
有個奧雲話佢個樣似方力申喎，我覺得把聲似ｄ．．．
總之呢班人都應該幾茅下架喇．．．
過一陣鬥波，因為唔夠人，我地拉左幾個李惠利的一齊踢，
開頭人地睇少我地，而好快我地就由奧雲入波～～
之後人地唔順咁，有２、３個開始發茅．．．
有球阿廖過左條友，果個人拉住阿廖件衫，衫都爭ｄ打爛．．．
又有球個肥佬俾阿廖係咁ｆａｋｅ，唔順氣一野撞埋去．．．
又有球個肥佬甩左腳，我偷左個波，佢飛鏟埋黎喎，仲要中腳唔中波．．．
搞錯呀，又唔勁又要咁鬼茅既，ｐｋ黎架！！
可能真係太耐無做運動，跑２步都無乜氣、無乜力．．．
最後我地輸番３球．．．　成場波踢左成個幾鐘，途中無得抖．．．
返到屋企都無乜胃口，都唔知係咪又有病．．．
今晚要睇番ｂｉｏ　ｄ字點串～～
（好彩之前個ｍｏｃｋ有真正咁溫過、有串字，而家唔使咁辛苦～～）