病，都踢波．．．

尋日訓之前病病地．．．　有少少發燒、喉嚨痛、頭暈＆頭痛．．．
成晚都訓唔著，好辛苦，碌黎碌去，個身好熱．．．
５點幾頂唔順，是但搵ｄ藥食下，啪左粒「必理痛」再訓．．．
但係作用唔係幾大．．．　朝早起身都係咁上下．．．
頂住先，落街食早餐，連一碗麵都食唔晒．．．
喉嚨痛的一貫做法：買「使立消」食～～
食完又真係好ｄ喎，喉嚨無乜事，但都係有少少暈暈地．．．
溫書，都溫到既，溫左「古詩２首」，就唔溫喇．．．
約定人聽日返學校一齊溫，係ｈｏｍｅ真係太多引誘！溫唔到書．．．
跟住去踢波，因為想出身汗，排毒呀，太辛苦了．．．　食多粒藥先行．．．
去左荃灣交電話費，再返上球場，點知得阿廖＆臭汗．．．
上「雞場」踢，因為知道戴啟然佢地係果度踢，
去到原來佢地５點ｂｏｏｋ左場，但係因為仲未夠鐘，所以我地跟隊先，
鬥左３場波，贏晒，ｄ人唔算勁（陳兆民果ｄ）．．．
返落大窩口，有人鬥波，就一齊啦，又贏左好多場．．．
其中有一個係非洲黎的小朋友，著住件巴西波衫，仲以為係「羅賓奴」！！
我都入左２、３球，走過陣叫埋小肥落「阿波羅」，
一齊吹水，７點ｇｏ　ｈｏｍｅ．．．
出完汗真係無乜事喇～～　硬係要會考時間先黎病下．．．
都差唔多成年無病過架喇．．．