剪頭髮，又踢波．．

唉．．．　今日去剪頭髮，同阿廖＆家俊，
去到荃灣剪（平時家俊去開果間），
我叫佢剪短ｄ啦，最後剪左都唔係太短，
仲要唔多好睇，好亂．．．
跟住陪阿廖去買校服，去「鐵皮屋」喎，
其實果度叫鱟地坊（都唔知點讀，好似讀個「喉」字），
之後陪家俊買褲，行到去新之城，
睇過晒ｄ　ｂａｌｅｎｏ、ｂｏｓｓｉｎｉ果ｄ，
買２條褲７折，開頭家俊話買１條，
之後我同阿廖都話買２條啦，
因為計落第２條平好多，之後佢先肯買夠２條．．．
但係佢仲要揀條唔多襯佢的深藍色．．．
買完去愉景新城食野，＄１２果ｄ瀨粉囉，
食完行過見到２Ｒ係果度出緊ｆｕｎｃｔｉｏｎ，
望左２望佢地就走喇．．．　見到有人拎左簽名！！
去惠康買野飲，見到明仔，遲下叫佢踢波喎～～
約左人４點踢波，但係４點幾我地先搭３４返屋企，
４點半果陣奧雲仲未出門口！！
仲好意思用屋企個電話打俾家俊．．．
４點９去到，原來茅柴果班無黎，同ｄ細路猜勻黎踢，
幫我地打龍果個屎到丫．．．　無晒心機踢．．．
買野飲就上５人場，無波呀．．．
好彩有個人同ｄ仔係果度踢，仲叫我地鬥波喎～～
讓下ｄ小朋友，俾佢地入下波，有場仲贏埋我地，
佢地好開心，我見到佢地開心，自己都好開心～～
之後佢地走，又無波，要等到李惠理果ｄ人黎，之後又鬥波，
我有落場果ｄ都贏，無落場果２場都輸．．．
返阿波羅，家俊真係笑大人個口，
竟然以為ｍｏｎｄａｙ雜誌真係逢星期一出．．．
之後我地話唔通星期８週刊又星期８出咩，
佢地以為我地講笑話玩佢，其實真係有本星期８週刊．．．
返屋企睇羅馬ｖｓ拉素，之後ｍａｃｙ幫樹熊問我無准考證要點搞，
跟住阿廖又打黎話唔見左鎖匙．．．
金貓同家俊落左去幫佢搵，最後係阿波羅搵番～～
係ｈｏｍｅ睇波，英超真係好好睇，搞到我唔想睇羅馬果場，
因為亂咁踢，一ｄ板斧都無，２隊踢到渣流灘咁．．．
英超最後超戲劇性咁由西布朗護級成功．．．
睇住修咸頓ｄ職、球員＆球迷一齊喊．．．
但係球迷都好有心，最後都為班球員鼓掌，起碼有努力過，問心無愧！