考ｃｈｅｍ．．．

去圓玄第一中學考ｃｈｅｍ．．．
本來唔想去架喇，因為去到應該會Ｕ．．．
但係諗住可以見到上次考電腦果陣個女仔，ｓｏ．．．
同波波搭３１號巴士去，佢行得超快，好似趕住去睇果個女仔咁．．．
去到真係見到，著紅衫，個樣就係幾ｏｋ～～
波波連續８科都同佢一齊考呀，好羨慕！！
考卷一果陣，好多都唔識做，
係咁老吹ｄ自己覺得有道理的ａｎｓｗｅｒ．．．
可能唔使Ｕ啦．．．　因為有ｄ太簡單既都識既．．．
做剩好多唔識，仲有好多頁係空白，
但係坐我後面果個就做到舉手加紙．．．
做完有半個鐘剩架，但係早走好似好核突咁，所以坐到收卷．．．
ＭＣ卷就超正，因為有得撞呀，一唔識就撞，實質題題都係撞．．．
做得好快，半個鐘就做晒，ｄ人唔知就以為我好勁．．．
坐個附近有個人又係做得好快，佢慢我少少做完，
之後就「裝」下我，佢可能係以為我係ｄ超勁既人啦．．．
其實我都唔知佢係好似我咁，定係真係識晒，所以做得快．．．
不過我地有共通點，就係用剩低既時間係草稿紙係咁寫，係咁畫．．．
走果陣落雨．．．　成班人一齊搭車去葵芳．．．
去到會合埋梁勇就一齊食ｌｕｎｃｈ，去左最唔想去既「吉野家」，
食左ｄ又貴又唔飽既飯，嗚嗚．．．　蝕錢喇．．．
之後同ｐａｔｒｉｃｋ＆梁勇返學校，諗住返去溫書，
點知守門口果個係「米奇老鼠」喎，唔使指意「過骨」啦．．．
同梁勇落「哈迪斯」溫ａ．ｍａｔｈｓ，
我俾你條數佢計，佢計左成個鐘先計到．．．（其實係條數真係好難）
３點幾一齊食埋野，無計啦，「吉野家」都食唔飽人既．．．
食完又傾陣計，５點ｇｏ　ｈｏｍｅ，打左陣ｗｉｎｎｉｎｇ．．．
最後呢２日一定要努力埋佢，因為辛苦埋呢２日，得益既係自己，
黎緊２年的生活過得辛唔辛苦，就係睇我捱唔捱到呢２日．．．
ｒｅｍｅｍｂｅｒ：「今天工作不努力，明天努力找工作」