難忘星期五．．．

今朝起身，就打俾阿阮問鬥波的事，
原來取消左，好彩有問阿畢拎電話，同埋有打去問咋．．．
之後食早餐就去荃灣ｍｔｒ恒生銀行（約埋等的地方），
去到一個熟人都見唔到喎．．．行左去Ａ出口睇，見到都果班果ｄ，
佢地話見唔到暴龍，就行番去恒生銀行喇．．．．
等左陣就見到桂鋒，之後林新華、阿叉．．．之後暴龍到～～
等多陣就搭６０Ｍ去屯門大會堂喇～～
嘩！原來今次活動的號召力都幾大，好多人去呀，都幾千人架～～
單計我地學校ｆｏｒｍ　５都有六、七十人去～～
去到買完水就排隊，入場之後坐得幾後．．．
開場就有詩班帶唱，ｄ人都好投入，我都有跟住唱～～
但我個人覺得ｄ詞同ｄ曲唔夾，個調唔配合．．．
之後有畫劇，當然好「行」啦，又係車禍後失憶，祈禱希望神保祐咁．．．
到祈禱，再有個捐獻的環節，我捐左好少＄＄咋．．．但有心就算喇．．．
跟住有幾個講師講話，包括德荃堂的牧師，上葵的蔡崇機校長．．．
其中佢地講ｄ人生哲理，好有道理，但就好似唔信神做到既．．．
有個講師講得好生鬼，之後又好激奮，講到好似唔信神就唔ａｒｍ咁．．．
最後叫相信神的存在的人起立，決志跟隨主的上台．．．
我只係企起身，無上台，因為覺得有心就得．．．
５點鐘就散喇，都算幾難忘既．．．因為第一次參與呢ｄ活動．．．
同桂鋒搭巴士番荃灣，一齊行，途中傾左好多升學的問題．．．