踢波、去阿廖ｈｏｍｅ打機

明仔叫我踢波，約定１０點雞場，
我９點半同家俊一齊行去，去到一個人都無．．．
射陣波先，點知射幾下就射左入草叢，搵左好耐．．．
家俊仲搵到部主機，諗住賣俾ｄ收買佬，
過多陣阿廖到，之後家寶＆阿聰都黎埋，只係唔見明仔．．．
有個收買佬走埋黎，話部主機係佢既，咁就搬左去．．．
之後盛恩果ｄ　ｂｏｏｋ左場練波，
諗住ｊｏｉｎ埋佢地啦，個阿ｓｉｒ話鬥波先一齊玩．．．
等左陣就悶喇，幾個人射下波咁啦，
點知阿聰大腳踢左個波上屋頂．．．
佢唔肯執，可能唔知點執啦，
之後我同佢一齊爬過去執，都執得番，但係爬到隻手勁痛．．．
盛恩果ｄ鬥波，又話自己夠人，唔同我地鬥喎．．．
１２點，佢地散ｂａｎｄ，都唔見明仔．．．
我地落左去下面個５人場度．．．
有班陳兆民細路，跟隊，都唔勁既，
我地無乜心機踢，是但贏幾球就亂踢．．．
佢地有個發脾氣，係度喊，都唔知做乜，
個樣好唔忿氣咁，好似想打佢ｄ　ｆｄ，有次爭ｄ開片．．．
踢多陣就走，我同阿聰、家寶去葵芳食ｌｕｎｃｈ，
因為諗住留ｄ＄＄打機，就食撈麵果ｄ，
有間花店個女人好似做錯事，想個老板娘俾次機會佢，但係佢唔俾，
就跪左係地下喊，之後有個交通警黎左．．．
去到網吧，見到黃子明果ｄ，爆晒棚，無位．．．
另一間又要俾入會費，經商議之後決定去阿廖屋企打機～～
去到就睇左陣香港波精華，都唔係太好睇，晨曦奪標～～
之後就打ｗｉｎｎｉｎｇ，輸流玩，家寶、阿聰打先，
我就玩左陣電腦（悶到要玩落樓梯．．．），
家俊之後又上埋黎，一齊玩ｗｉｎｎｉｎｇ，都幾正～～
家俊好似咩都唔識咁，係咁鏟人，個個球員都拎黃牌咁滯．．．
佢仲要好似咩都未見過咁，係咁搞阿廖屋企ｄ野，好搞笑～～
打到５點返大窩口，阿廖見無野做就一齊去５人場ｌｏｏｋ　ｌｏｏｋ～～
小肥佢地同ｄ細路玩緊，我地３個又跟隊，踢左一陣咁啦～～
有個細路左腳既，俾我地叫做大窩口新星「雲佩斯」，
佢都幾ｏｋ，睇黎第日會勁過我！　睇黎我都要進步下先得．．．
之後去阿波羅買野飲就ｇｏ　ｈｏｍｅ．．．
夜晚無波睇呀，阿仙奴ｖｓ曼聯，連出面ｄ餐廳都無直播．．．
搞左成晚，電腦度都睇到ｄ，但係好ｌａｇ，就唔睇喇．．．