踢波 ＆ 踢波．．．

９點半，家姐叫醒我，因為我約左人踢波，
不過我見太陽咁猛，唔想踢，就繼續訓．．．
１１點，梁勇打黎叫我去．．．　唉．．．　去喇！煩！
去到，都幾多人，久未露面既阿聰都復出喇～～　不過真係好曬．．．
又熱又曬，我除衫踢喇．．．　唔係真係會中暑．．．
鬥波，唔係好跑得郁．．．　不過都入波．．．
踢左２分咋，１：１，之後ｄ人就開始走，痴線．．．
踢左少少就走，都唔知踢黎做乜．．．
都夠７、８個，就同人地鬥波，人地有個哥哥仔之類，
都幾勁，可惜其他人好唔掂．．．
我地係咁入波，不過都俾佢地入到幾球．．．　總之贏好多～～
踢完，去食野．．．　卒之有野食入肚喇．．．
去上次小肥介紹既「日昇」食車仔麵～～　正！
得番我、阿聰、梁勇、明仔　４個．．．
因為有時間，去左機鋪，點知阿聰個樣太過似細路，人地查佢身份証．．．
佢又無帶喎，就好無奈咁係門口等，我地自己入去玩．．．
我陪左佢一陣，就入去打，玩左隻賽車ｇａｍｅ，
＄４盤，好似貴左ｄ，不過好好玩！
唔難控制，畫面質素又一流！
係入面又見到嗎啡、金瀧，同埋組長銘．．．
組長銘今日好無運，玩足球ｇａｍｅ場場都係互射１２碼先黎輸．．．
我返ｈｏｍｅ拎場紙，之後再返林士德，
去到無人跟隊，就唔清場啦，同ｄ阿叔踢．．．
唔難踢，不過我有ｄ累，而且大脾內側開始痛．．．
踢左１個鐘就走ｌｕ．．．
今晚又係買三寶食，不過真係好好食！
曬到好黑呀，就黎皮膚癌架喇．．．
原來今日要返學校做綵排，我唔記得左．．．
最後唔使我做ｌｕ．．．　都好既，因為我都唔會幫到ｄ咩忙．．．