繼續番溫書！！ 會考要有２２分！！

尋晚又因為一ｄ事，訓唔著，好似失眠咁喎．．．．
１２點先肯起身，都唔係好精神，跟住行落惠康買野番屋企煮，
快熟牌通心粉，爽滑彈牙（只係廣告話架咋），一ｄ都唔覺．．．
跟住就上左陣網，２點就開始番溫書，ｂｉｏ　ｂｏｏｋ　１，
係呀，仲係ｂｏｏｋ　１咋．．．你話我呢幾日幾咁懶呢．．．
４點鐘落去踢波，諗住落去郁下，因為幾日無運動．．．
去到５人場，有好多人，其中有ｄ係「飛仔」黎既．．．
去到無理由唔踢架．．．照跟隊鬥波ｌｏｒ．．．
我地都幾勁呀，贏左好多場，ｄ飛仔輸幾場波好似唔順咁，
又話跟多隊，入我地波又大大聲咁，卒之咪又係輸．．．
之後阿駒同阿發又黎左，跟多隊，反而輸左幾次．．．
最後６點幾，我地輸左，我就走喇，因為只係想玩下，
輕鬆下，唔想出太多力，而且想用ｄ時間溫多ｄ書！！
食完飯就順手睇埋「殘酷一叮」，今集無聊又唔好笑．．．
梗係溫ｂｉｏ　ｌａ～～　黎緊３日要完全溫晒！！
就算唔去踢波都要溫晒佢！　會考目標２２分！（好似定得太高，但會盡力）