旺角場睇波＋去肥仔ｈｏｍｅ睇波

係ｈｏｍｅ　ｈｅａ足一朝．．．
５點出去，去「朗豪坊」出ｍａｎｄｙ　ｆｕｎｃｔｉｏｎ．．．
差唔多６點去到，「朗豪坊」都幾靚，又大，
好多人一齊等明星出現，之後阿廖同家俊都黎埋等．．．
等到７點都未見人．．．
都唔想等落去，走喇，去左ＫＦＣ食野，
有個好似係弱智人士的員工，執檯果陣食人地食剩既野，好恐怖．．．
食完就搵超級市場買野飲，跟住「飛的」去旺角場，果陣已經８：１０，
我拎張上年的學生証，都過到骨，有得免費入場，
去到搵完位坐低一陣，晨曦就輸波．．．
晨曦龍門出陳家麒，佢大演身價，瓦解左好多單刀波．．．
晨曦要係最後由安德列入番球符碌波先唔使輸咋．．．
之後去肥仔屋企睇波，去到就邊打機邊等．．．
ｙｅａｈ，打ｗｉｎｎｉｎｇ一場都無輸過，ｈａｈａ～～
跟住打「數碼暴龍」，總之就幾隻野圍毆啦，幾得意～～
總於等到開波，我捧ＡＣ架，上半場就好興奮，因為ＡＣ炒緊３球～～
下半場ＡＣ唔肯換走無態既舒夫真高，以湯馬臣入替梅開２度既基斯普．．．
話都無咁快，後防好似發夢咁，６０分鐘就俾利物浦追番３：３．．．
一路都再無記錄，要互射１２碼，最後ＡＣ就輸埋．．．　唉．．．
６點幾返到ｈｏｍｅ，沖埋涼先訓．．．