去將軍澳睇ｍａｎｄｙ＋約全完踢波

今日又出ｍａｎｄｙ　ｆｕｎｃｔｉｏｎ喇～～　好野～～
但係我誤會左，以為２點半先集合，原來係２點．．．
搞到遲晒到，要一個人自己去．．．
搞左成個鐘地鐵．．．　要去寶琳站．．．
去到又唔係好識路，行左一轉，睇完指示牌，再打俾紙皮問先去到．．．
原來係個驗血捐骨髓ｆｕｎｃｔｉｏｎ，要滿１８歲先驗得．．．
都有６、７個ｍａｎｄｙ　ｆａｎｓ架～～　我都要幫手舉牌．．．
魚子又無啦啦打黎問路喎，商場又收得唔好喎，總之講到好混亂啦．．．
等左３、４個字，ｍａｎｄｙ佢地出場，佢今日特別靚喎～～
仲有阿ｄｏｎ、阿ｄｅｅｐ、ｙｕｍｉｋｏ，同埋一個唔識既．．．
ｄ　ｆａｎｓ真係群情洶湧，係咁大嗌，
搞到ｄ睇ｓｈｏｗ既阿嬸師奶們唔知點好．．．
因為力哥無去，我幫下手影ｄ相交差啦．．．
之後佢地到後台，我地過左去睇，勁多人鬥逼，ｄ人係咁推，
諗住可以更親近ｄ明星．．．（其實我都有份，不過梗係規矩好多啦）
近距離影左好多ｍａｎｄｙ的相～～　正～～～
好多人搵ｍａｎｄｙ合照，但係我無，因為行唔到埋去，又無人幫．．．
（唔想學上次個「奇人」．．．佢上次連開筆蓋都要人幫．．．）
ｍａｎｄｙ幫人簽埋名就走ｌｕ．．．
返大窩口踢波，家俊約左全完ｄ人喎．．．
佢唔陪我去睇ｍａｎｄｙ，原因係話約左人，唔想遲到．．．（約左４點）
我４點９去到，全完黎左３－４個人，我地有５個人，但都唔見家俊．．．
文瀚係泰國旅完行返黎，買左ｄ野食俾我地，一齊食，都唔錯～～
家俊５點到，原來去左葵芳ｍ記見工喎．．．
等多陣有波鬥，都幾好踢，我個人都入左幾球，ｈａｈａ～～
之後李惠利ｄ人都黎，３隊輪流，我地越踢越無心機，
越踢越無癮，之後我打龍仲俾人笠死．．．
明明睇好個波的來勢，仲諗住拍出底線，最後拍得唔應，拍左入龍．．．
ｂｕｆｆ拗左柴，行唔到，ｃａｌｌ白車，全完ｄ人陪佢去醫院．．．
ｈｏｐｅ佢快ｄ好番，再同我地踢過～～