ｏｒａｌ練習＋睇ｍａｎｄｙ

可能今日太多節目，尋晚又訓唔著喇，起身果陣好似成晚無訓過咁．．．
７：４５出去食早餐，等阿迪黎埋就一齊行去聖芳濟～～
去到係門口企左陣，之後又入去坐左陣，跟住就上「等候室」．．．
上到去就傾計、玩「猜程尋」，總之無聊．．．
之後就分ｇｒｏｕｐ開始，做４次ｇｒｏｕｐ　ｄｉｃｕｓｓｉｏｎ．．．
唉，你知我架啦，英文咁屎．．．　總結左以下的ｐｏｉｎｔｓ：
１．　講野無ｐｏｉｎｔｓ，有ｄ唔ｍａｋｅ　ｓｅｎｓｅ．．．
２．　唔夠大聲喎．．．　同埋讀得唔夠準．．．
３．　識得太少ｋｅｙｗｏｒｄｓ．．．
４．　唔識得捉住ｄ　ｐｏｉｎｔｓ去講．．．
５．　講得太少野．．．　拎唔到分．．．　合格有ｄ「抆水」．．．
走果陣去荷蘭豆ｈｏｍｅ玩下～～
行經南豐果陣夾份，４個人買左４件同１款白色衫，
諗住去ｃａｍｐ果陣一齊著～～　跟住又去勞工處睇下有乜工～～
上到去就ｈｅａ左陣，玩「操控飛機」既ｇａｍｅ，
又睇左荷蘭豆細路打機，之後走，返屋企拎相機入將軍澳睇ｍａｎｄｙ～～
家俊、阿廖都去，因為個ｆｕｎｃｔｉｏｎ係「試叮大會」！！
又搭左成個鐘地鐵喇．．．　去到好多人，好逼，好辛苦先搵到位企．．．
睇左陣，ｍａｎｄｙ出黎喇，同阿ｄｏｎ獻唱「我蠢我認」～～
今次有好多ｍａｎｄｙ　ｆａｎｓ去呀～～　哈哈，ｍａｎｄｙ出名喇～～
跟住佢地做嘉賓評判，參賽者質素都幾好～～
有個人扮譚詠麟扮得超似！！　遲ｄ一定上電視呀！！
另外有隊４人組合叫Ｐ．Ｈ．Ｄ．
佢地４個人都「鏟青」，又笠住個爆炸頭既假髮，
跳既舞步又好鬼搞笑～～　總之正啦！！
之後ｍａｎｄｙ走，我地係後台等佢，仲諗住叫佢同我合照，
但係佢又俾保姆拉走左喎．．．　最後影唔到．．．
食完野又再睇試叮，ｙｕｍｉｋｏ黎左，但都唔吸引．．．
睇左陣，自己搭地鐵走，諗住去返荷蘭豆ｈｏｍｅ繼續玩，
之後阿迪又話就快走，叫我唔使去喎．．．
無奈地一個人ｇｏ　ｈｏｍｅ．．．