同羅馬網既人踢波（整親隻手）

今朝起身落雨，不過都同阿廖去踢波，約左ｒｏｍａ球迷網既人～～
去到我係遲到既，所以都就做帶路，將功補過啦．．．
去到林士德，有人喎，跟隊踢囉．．．
果班人其實唔係好勁，可能因為我地ｄ人唔熟，唔夾啦，
踢得唔好，後防好亂！　係咁俾人入波．．．
之後我地有機會入波架，阿廖斬俾我，我單刀架喇，
點知果ｄ人都好茅，明知踢唔到個波都出腳，
我俾人從後踢跌，仲拗親隻左手ｔｉｍ．．．　有排痛喇！
我地其實都踢得唔差架喇．．．
都有ｄ射門，仲有下中柱ｔｉｍ，可惜就係無入波運啦．．．
之後林士德班阿叔又跟隊，同佢地踢仲難踢呀，
俾人係咁搓．．．　搓到無氣啦．．．
踢多幾分就走ｌｕ，一齊去葵涌廣場既金星食飯，
食完就同阿廖搭４３　ｇｏ　ｈｏｍｅ．．．
打機，訓左陣，又再打機．．．
無計啦，鬼叫整到隻手咩，唉．．．