第３日，真係做到隻狗咁．．．

今日都係咁啦．．．　食完早餐先返工．．．
都無咩胃口，食左１半就食唔落喇．．．
返到去就是但做下野咁，本來都無咩特別架．．．
過左陣就勁多人打電話黎叫外賣．．．
果陣已經心知不妙喇．．．
之後真係要狂送呀，每次拎５、６袋．．．
走左好多轉呀．．．　死人咁滯．．．
之後又見到魚子，佢又陪我行左轉，不過只係拎ｄ醋俾人．．．
隻手超軟呀．．．　好似想甩出黎咁．．．
一直捱到夜市，真係走左好多轉呀！　踢波都無走咁多．．．
都有幫下手做樓面ｄ野．．．　總之無停過啦．．．
仲諗住有排捱，點知有個阿姐話收夜喎，
咁我９點就可以收工喇．．．
都好既．．．　唔係我真係會死架．．．
今晚踢唔到ｍ記青訓．．．
不過原來小肥、阿廖佢地都無去喎．．．