林士德踢波．．．

１１點醒，又係自己走去新興食早餐．．．
之後打機，西貢個阿嬸黎探我地，就帶佢去鋪頭睇下．．．
跟住就同小肥、奧雲去荃灣津味食炸醬麵，
食完上左千色店搵果日見到果個女仔，不過搵唔到．．．
去左天天打陣機先，玩頭Ｄ，小肥ｗｉｎ左我，
佢有得玩多鋪，不過之後俾人挑機，輸到喊咁滯．．．
我同奧雲玩ｏｕｔｒｕｎ２，我贏～～
搭４３去林士德，ｂｏｏｋ左場，不過都無用，
ｄ阿叔唔肯讓個場出黎．．．　我頂．．．
鬥波，開頭都贏既，踢左陣就俾個阿叔茅．．．
左腳大脾食左下，好痛，即刻換臭汗踢，點知佢出場就輸左．．．
我抖左陣先再踢，點知今次都我一出場就輸波．．．
到另一面踢，又輸波，對面有個人唔著波衫，
我地成日認錯佢係自己人，成日交個波俾佢．．．
之後對康輝佢地，佢地有阿欽，我地都夠踢既，
不過最後我攻完之後回防唔切，仲以為臭汗會包人地個過頭波，
點知佢無包到，我再追都追唔切．．．
跟住阿廖仲要發我地脾氣．．．　唉．．．
返到大窩口，我地仲上５人場同老林果ｄ踢左陣，
之後教下佢地射波，同埋去阿波羅傾計咁．．．