同海豚行街街～

嘩．．．　尋晚傾電話，由１１點半傾到３點半先訓．．．
今朝俾樓下個升旗禮既聲音噪醒，９點幾咋．．．
同爺爺去飲茶，因為好耐無陪過佢喇～～　去左金輪～～
食得幾飽，因為有蝦餃，ｈａｈａ～～
食完就出左葵芳啦，搵埋暴龍一齊行街，買左份野俾海豚，希望佢鍾意啦！
同暴龍去ｒａｖｅ　ｚｏｎｅ玩電腦，因為佢話想睇下海豚個樣，
我地用左好多辦法，最後係因為ｃｏｏｋｉｅｓ既問題入唔到ｍｓｎ睇．．．
分道揚鑣後我就入左青衣接海豚喇～～　同佢搭地鐵去荃灣～～
係新之城影貼紙相，諗左好耐都唔知擺咩ｐｏｓｅ好．．．
影得好差呀！　唔得呀，下次要再影過！　不過我都好開心呀～～
上左機鋪，搵唔到肥衍喎，見到ｐｅｒｒｙ、阿ｂ，但係佢地認唔到我．．．
同海豚玩捉錯處，開頭好合拍，好好玩，不過之後勁難．．．
走，買野飲，跟住去左愉景新城，佢話肚餓，咪食ｍ記囉～～
佢講左好多野俾我知呀，包括佢去旅行的經歷，正！
食完就行街街，入左美國冒險樂園尋回一些童年時的回憶，ｙｅａｈ～～
入左１間精間品，ｄ野好靚，有ｄ好ｃｕｔｅ既電話繩！
因為太靚，忍唔住就要買喇！　１人１條，好開心呀～～
周圍行，入左直銷中心，搞到我地好似新婚要買野佈置家居咁．．．
行完差唔多喇，同佢搭巴士返青衣，我好鍾意咁樣呀！
送完佢返去就ｇｏ　ｈｏｍｅ　ｌｕ．．．
夜晚踢波，去到都無人，得我地１隊，無波鬥，射左陣波就返屋企，
好似有ｄ生「風難」，沖完涼，搽左ｄ野就無乜事喇．．．
同海豚ｍｓｎ，開心死我喇，佢好鍾意份禮物呀～～
今晚又可以同佢傾電話喇～～　ｙｅａｈ～～