踢滅罪盃、行旺角、去小肥度睇波

今日有比賽踢，滅罪盃，陳南昌ｖｓ燕京．．．
９點半就同小肥去葵芳，會合埋阿曾就一齊去利口坊食早餐，
食完就過球場，睇左陣就到我地踢，無得戴眼鏡．．．
又係好似唔夠狀態咁，我地俾人入波先，
之後我有罰球機會，龍門拍出俾小肥執雞入左！　不過好快又輸多球．．．
人地幾勁呀，有好高果個阿邦打後，細孖打前．．．
下半場焗住搶攻，好多機會都入唔到，
最後仲要俾細孖打反擊入多球，咁就無ｌｕ．．．
踢完就同小肥、阿曾、ａｍｙ、ｃｒｙｓｔａｌ去旺角行街，
海豚又唔出得街喎．．．　無奈．．．
係地鐵玩，猜輸要飲水，我輸左２次，飲到好飽．．．
去到旺角，ｃｒｙｓｔａｌ就去大家樂食野，個個睇住佢，搞到佢唔好意思，
食完就行啦，ａｍｙ好勁，一路行一路食，無時停，
本來用黎買衫果ｄ錢，俾佢拎晒黎買野食，勁！
之後去影貼紙相，影左２次，都ｏｋ啦，我都係唔識擺ｐｏｓｅ．．．
買煎釀三寶食，今次得ｃｒｙｓｔａｌ唔買，佢又好尷尬．．．
見到間「咀妙妙甜品」，ａｍｙ又走左埋去睇，真係丫．．．
去洗衣街行，行到去麥花臣睇ｄ阿叔射波，真係幾勁架喎！
陪阿曾睇ｂｏｏｔ，去到興發，我地睇野，ａｍｙ又去左對面買魷魚食．．．
去朗豪坊行，萬聖節，商場有ｄ人扮鬼嚇人，有個扮殺人狂，超真！
睇大電視，有個節目玩ｄ藝人，請佢地上間餐廳坐，
之後搵個大胸女人係隔離引佢地，好搞笑架！
睇左郭晉安、陳小春，小春先勁，扮睇報紙，跟住係咁望條女，笑死！
去無印睇野，睇完就差唔多喇，ｇｏ　ｈｏｍｅ食飯，
食完就上小肥屋企睇波，有阿廖、臭汗，睇熱刺對阿仙奴，車仔對布力般，
睇到差唔多１２點就返屋企訓ｌｕ．．．