ｄ老師剪左頭髮好搞笑！

又下雨了．．．　呢２晚都訓得唔係幾好．．．
阿ｓｉｒ遲到，塞車喎．．．　抵死～～
２堂ｐｕｒｅ，ｍｉｓｓ剪左頭髮，勁搞笑！
佢話星期５係地鐵入面，聽到個阿伯約人北上包２奶．．．
跟住個阿伯仲打埋俾老婆，話去朋友間屋玩．．．　勁賤！
然後又拎左個２奶張相係咁揚．．．正式賤男！　功課幾難，講左成堂．．．
ｐｈｙｓｉｃｓ，阿ｓｉｒ又係剪左頭髮，又係勁搞笑！
聽左半堂，訓左半堂咁啦．．．　未交到功課住．．．　小息又無落去．．．
中化，講返上次未講果ｄ問題，我扮聽．．．
英文２堂，無咩心機上，佢張紙勁多錯！　又成日簡單野複雜化．．．
ｌｕｎｃｈ文華．．．　之後２堂ａｐｐｌｉｅｄ，我無書．．．
講ｄ好煩既野，自已ｄｅｒｉｖｅ條式，代數計，唔難，只係好煩．．．
空堂同阿仲捉棋，自己白痴睇唔到將軍抽車．．．　輸左．．．
放學測《敬業樂業》，好似係答得最好既一次～～
ｇｏ　ｈｏｍｅ，夜晚溫左ｄ　ｐｈｙｓｉｃｓ咁啦．．．

買ｃｄ，去佐敦踢波

１０點就起左身喇，食完集興就去鋪頭企左陣．．．
返黎就做功課，之後ｓｅａｒｃｈ下有咩正歌，真係俾我發現ｄ正野～～
見咁耐無買碟，就忍唔住喇，同個妹一齊去荃灣．．．
點知千色店、城市中心２間都無喎，就同佢去左葵芳喇．．．
有喇，《深白色２人組》，之後又帶個妹去買壽司．．．
返到ｈｏｍｅ就一路聽歌一路做中化．．．
６點幾落大雨，但係都要去踢波，係佐敦官涌街市隔離．．．
人地唔係勁，但係塊地濕晒，我又肚餓，踢得超曳！
１０點ｇｏ　ｈｏｍｅ，繼續做我既功課．．．
ｔｍｒ仲要測《敬業樂業》ｔｉｍ架．．．

踢波，臭汗又傷過．．．

尋日俾人踢到，今朝起身都仲痛，我諗要過幾日先好得番．．．
落鋪頭頂左一陣先可以去買早餐食．．．
之後就係ｈｏｍｅ做功課，一直到３點幾．．．
由開學至今，今個星期係第１次５科同時有功課咋．．．
同臭汗、阿培、阿廖、小肥、阿邦去雞場下面個５人場踢波．．．
有阿廖個ｆｄ荳奶．．．　唔敢去得太多，因為驚傷．．．
連馮榮基都係果度踢，真係估唔到．．．
又係一直ｗｉｎ喎，直到輸就上返雞場踢．．．
去到就亂踢，無咩隊型可言，之後臭汗又ｐｋ，又傷過．．．

踢波俾人踢到傷左．．．

經過尋日既經歷，今朝梗係早ｄ起身啦，又同ｄｅｖｉｌ一齊喇．．．
ｐｕｒｅ堂，收到我功課，無話記缺點，好彩．．．
２堂中化，吹左一堂水，第２堂要我地每組答一題，我地要答第４條．．．
最後由我講，由於中ｐｏｉｎｔ，講左少少已經唔使我再講～～
小息，買到三文治食喇！
２堂ｐｈｙｓｉｃｓ，俾功課，講ｄ　ｅｘｅｒｃｉｓｅ點做，
之後睇ｐｏｗｅｒｐｏｉｎｔ．．．
ｏｒａｌ，抽到ｒｏｓｓａ講架，最後因為重覆而變左我地出去講．．．
都講到少少既，不過咁樣出到ＡＬ一定死！　遲ｄ要搵ｍｉｓｓ搞補習班！
ｌｕｎｃｈ同叮噹、阿迪去茶樓食，我似乎食得最多，ｓｏｒｒｙ．．．
２堂英文，ｍｉｓｓ有返喇，講ｄ無聊句子結構，佢話用ｔｏ乜乜唔ａｒｍ，
但之前我地學果ｄ係用ｔｏ－ｉｎｆｉｎｉｔｙ架嘛！　咪問佢囉～～
佢講極都唔知我地想問乜．．．　最後話ｔｏ乜乜係ｏｋ既，真係俾佢玩死！
ｌａｓｔ堂，班主任堂，講德育，要有逆景自強的觀念．．．
放學吳ｓｉｒ要開會，派卷俾我地先，星期１先對，我又係３個之中最高分！
南昌銀行，幫ｌｅｖｅｌ　３，今日唔多人，好易搞掂～～
ｇｏ　ｈｏｍｅ換衫去５人場，得我、阿廖、臭汗、阿邦４個．．．
雞場都無人踢，就去左下面個５人場，踢左２分ｄ人就話走，
咁就返屋企食野先，食完去７人場，叫埋金貓黎～～（好耐無見佢ｌｕ）
有人，跟隊，狂ｗｉｎ！！　我入左３個遠射，呵呵～～
之後人地出腳慢，踢到我腳脛．．．　好痛！　抖左陣．．．
之後再踢，踢唔郁喇．．．　最尾仲要我打龍，輸左俾阿廖ｄ　ｆｄ．．．

爭ｄ遲到．．．跑返學！

嘩，今朝真係爭ｄ就遲到．．．
８點先到大窩口ｍｔｒ，同ｄｅｖｉｌ一齊，點知架車係葵芳停左陣喎．．．
等左２分鐘先再開車，搞到我地要跑上去．．．　好彩都無遲．．．
２堂中化，吹水ａｇａｉｎ．．．　講書＆報紙ｄ例．．．
英文，ｍｉｓｓ無返，自修ｌｕ～～　小息無晒三文治，買到腸仔食咋．．．
３堂ｐｈｙｓｉｃｓ，講牛頓環，勁靚！！　聽左ｄ書先訓架．．．
ｌｕｎｃｈ去成半班去粥鋪，叮噹個ｆｄ「反光」黎左同我地一齊食～～
叮噹去左又唔食粥鋪ｄ野．．．　等我地食晒，佢自己買包．．．
同叮噹玩象棋，講返個殘局俾佢聽，「單車可破士象全」！
ｏｒａｌ堂，做左ｄ　ｐｕｒｅ，佢抽唔到我地講野～～
ｌａｓｔ　２堂英文，ｍｉｓｓ都無返，做晒ｐｕｒｅ就捉棋．．．
放學就幫小肥計左題數，之後測《庖丁解牛》、《歸去來辭並序》．．．
唔多識《歸去來辭並序》，是但作ｄ答案俾佢啦．．．
之後同阿迪ｇｏ　ｈｏｍｅ．．．

目擊有人搶銀包！

３堂ａｐｐｌｉｅｄ，計ｄ應用題，都識既．．．
我諗溫返之前果ｄ計算方法，就可以解決ｄ問題架喇！！
小息，叫左ｄｅｖｉｌ幫我ｐｒｉｎｔ工作紙．．．
３堂ＴＡＳ，唔多識做．．．　同阿迪佢地吹水算數．．．
ｌｕｎｃｈ去粥鋪，去果陣見到２個男人係馬路中間執起個白色銀包，
之後向我地跑過黎！　我心諗係咪搶野呢？
跟住有２個女仔係馬路中間執返ｄ咭，又無叫救命果ｄ，以為無事啦，
佢地可能怕事，唔咁叫，眼白白睇住２個人搶左個銀包．．．
之後先拎起電話報警喎．．．　如果佢地叫，我地幾個一定可以捉住個賊架！
唉，食完返返果度，先見到佢地係警車上面．．．　早知捉住個賊先啦！
心諗２個賊可能有刀，２個女仔唔想我地有事，所以唔叫啦．．．
ａｎｙｗａｙ，過左去．．．　算喇，唔諗咁多．．．
３堂ｐｕｒｅ，ｃｏｍｐｌｅｘ　ｎｕｍｂｅｒ喇．．．
派測驗卷，得１４／３０．．．　抄錯加減號、計錯加減數．．．
放學，做晒ＴＡＳ先走，阿ｓｉｒ話今日一定要交喎．．．
搵吳ｓｉｒ，講返ｄ尋日測驗答案，話我同叮噹練熟ｄ就應該無問題喎～～
黎俊聲就．．．　希望到時３個都ｐａｓｓ啦！！
好耐以前睇果ｄ算命果ｄ，話我個人呢一世會有一件大事影響一生架喎．．．
希望唔係中文會考ｆａｉｌ啦．．．　因為我仲要入大學架！！