林士德踢波、去沙嗲王食晚飯

不知不覺已經打左半年日記喇．．．

今日本來諗住去睇ａｈｙ架，食早餐果陣連相機都拎埋去架喇～～
不過食完之後就落雨，唔想成身濕晒咁出到去．．．
所以決定唔去，留番下次先拎ｄ野俾ａｈｙ簽名～～
之後就係ｈｏｍｅ打機，悶．．．
阿廖都話悶，４點無雨，就話約人踢波～～
約唔到小肥，因為佢病左，聽講仲發燒．．．　希望佢快ｄ好番！！
約左家俊、阿邦，去林士德～～　去到有阿華、阿叔～～
跟隊，班人係大窩口見過，不過無同佢地踢過，
點知佢地都幾茅，有個人射波果陣唔收腳，踢落阿廖度．．．
我忍唔到，就係咁扭佢地，又狂勁射個龍！
之後有球我禁區頂控定對住個後衛黎抽，
佢都驚啦，避波，俾我射左入龍．．．
之後連贏幾場，家俊都入２球，連阿華都有入波～～
開始有ｄ腳軟喇．．．　可能係前２日踢得太多的關係啦．．．
俾人係咁攻，好彩有肥蘇打龍，先唔會失波．．．
不過，之後俾人角球直接射入．．．　唉．．．
跟住買野飲，阿華同阿叔都走喇，我地都唔踢啦．．．
問樹熊借電話，不過搵唔到人，
就只係得我、阿廖、臭汗３個出去食晚飯咋．．．
去左搵沙嗲王、扒王之王，最後決定去平ｄ既沙嗲王．．．
點知去到都唔平得去邊，計過好似唔多夠＄＄．．．
食完之後，臭汗去左銀行拎錢，我同阿廖趁佢出左去，
叫左２個雪糕食，諗住唔俾佢知啦．．．
食完，ｄ人都唔幫我地收碟喎．．．
之後臭汗返黎，佢成身濕晒，因為落大雨，
佢睇到ｄ碟，問咩黎，我地呃佢話係間野送俾我地食架啦，
點知埋單果陣張單有印．．．　仲俾佢睇到．．．
佢當食左我食，因為佢無係我生日果陣陪我喎．．．
之後就行返大窩口．．．　ｔｈｅｎ　ｇｏ　ｈｏｍｅ．．．

《鋼之鍊金術師》第２首片尾曲

今次既ｂａｃｋｇｒｏｕｎｄ　ｍｕｓｉｃ，
係用《鋼之鍊金術師》既第２首片尾曲，
由於係日文，所以無歌詞啦．．．

ｍａｎｄｙ送生日咭俾我！

１１點幾起身，捱到１２點去食早餐．．．
無咩胃口，而且又要儲錢，所以去買麵包食就算．．．
打陣電腦，１點就去屯門，ｍａｎｄｙ有ｆｕｎｃｔｉｏｎ！！
搭巴士果陣睇風景，又影左ｄ相，
仲見到有架撞到就快散既的士．．．
一去到，紙皮就話有野俾我，搞到我唔知點算．．．
原來係張生日咭，重點唔係度，
而係張咭係ｍａｎｄｙ送俾我架！！
真係超開心！　好感謝佢咁有心～～
可以去力捧一個咁有心既ａｒｔｉｓｔ～～
真係覺得自己好幸福架～～
佢仲畫左個蛋糕係我張生日咭上面，
雖然係睇得唔食得，但係係今年生日唯一既生日蛋糕．．．
之後等左好耐，ｍａｎｄｙ都出場喇～～
我今次叫得特別落力，因為我要以行動話俾人聽，我極度支持佢！！
活動完左，ｍａｎｄｙ仲對住我講生日快樂～～
嘩！　開心到唔識形容喇！！　總之好多謝佢！！
佢係我今年生日最值得高興的！！
之後就自己搭巴士返荃灣，再行返大窩口．．．
今晚，一定記得睇「鋼之鍊金術師」、「魔剎」！！

「派傳單」見唔成 ＆ 踢波全勝～

１１點就自己醒左喇．．．　唔知做乜咁早．．．
去食早餐囉．．．　之後又係打機．．．
２：３０就同小肥、奧雲去食北京拉麵，
食完一齊去愉景新城既直銷中心搵工，
因為話果度請人派傳單．．．
去到問，原來見工要去到觀塘度見．．．
又見到阿華，佢係ｈｏｍｅ悶，周街行下喎．．．
搵埋阿廖，一齊去睇下ｄ體育用品鋪頭～～
之後分道揚鑣，我同小肥去左新之城間機鋪打機．．．
去到唔知玩乜喎．．．　又係是但玩ｄ賽車ｇａｍｅ．．．
又見到肥衍，原來佢係果度做．．．
玩完就搭地鐵去葵芳，去到新都會對面個場，一個人都無．．．
企係碟鋪門口睇「雀聖」，又幾好睇喎～～
之後又搵埋阿廖，去左林士德，換好衫，等齊人就跟隊～～
有阿叔＆顧超文ｄ人，不過都唔係我地對手～～
我地連勝呀！！　一場都無輸到，超勁！！
因為有小肥、阿廖、德仔、龍哥、樹熊、阿ｄｅｅ．．．
完全係一個屈機的陣容．．．
之後ｍ記青訓，小肥踢先，我、阿廖去買野飲，之後再睇佢踢．．．
超大雨，諗過唔踢架喇，但係都黎左喇，咪踢埋佢囉．．．
本來大窩口鋼門果班都叫我地踢波架，
但係都無場、又無時間、又唔夠人．．．
到我同阿廖練，得小肥１個係場邊幫我地睇袋．．．
練斬波，我地梗係好掂啦～～　因為我地有「質素」嘛～～
因為大雨，今日人少，可以鬥波鬥全場呀！　正！
最後我地係ｗｉｎ　３：２架～～
如果唔係個龍門ｏｎ９，我地可能唔使失波ｔｉｍ啦．．．
走，３個人去左葵涌廣場入面既「日昇」食車仔麵，
又幾好食喎～～　不過原來做埋下個月就無得做．．．
之後行左陣商場，同小肥搭地鐵走，見到家誠～～
今晚又打三國誌，用曹操，卒之俾我統一全國喇，ｈａｈａ～～

一早返學校踢波．．．

９：３０先訓醒，屎忽窿打黎，遲到喇．．．
約左９點返學校踢波架．．．
即刻換衫，帶埋個波返到學校，原來佢地無波架．．．
好彩我有．．．　如果唔係唔使踢啦～～
４打４，求其踢下算啦，因為個人未訓醒，又未食早餐．．．
踢下抖下咁，到１點走，自己去利口坊食野～～
食完ｇｏ　ｈｏｍｅ打電腦，
玩左陣就嘗試約小肥、阿駒一齊去見工啦，
佢地２個都話唔得閒．．．　無理由自己去啦．．．
之後就覺得好眼訓，跟住．．．　ｚｚｚ．．．
好熱，又唔俾開冷氣，係咁出汗．．．
晚餐又無人陪我出去食喇．．．
去三寶買左ｄ豬扒、魚柳咁當晚餐．．．
夜晚見悶，電視都無野睇喇，就打ｇａｍｅｂｏｙ～～
好耐無玩過ｌｕ，３國誌！！
用劉備，點知俾人屈機，攻極都贏唔到孫權．．．
幾個姓諸葛的，再加埋魯肅果ｄ，全部都超高「知力」既．．．

小肥入到港青喇！！

好消息：小肥入到港青喇！！　勁野！！

生日喎．．． 唉．．．

我１７歲生日呀！　又如何？
呢個將會係人生入面過得最無意義的一個生日！！
無慶祝、無蛋糕、無禮物、無節目．．．
都係食完早餐係ｈｏｍｅ玩電腦，
３點半果陣都仲要人落去鋪頭度幫手．．．
生日呀！　想搵班ｆｄ開開心心咁過都唔得！
將來仲有咁多個生日．．．　唉．．．
我唔想個人生就咁就白白浪費左呀．．．
之後又係去踢波．．．
日日都踢波，連生日都係咁，無人同我搞ｄ野既．．．
去５人場，跟隊，可風ｄ人，唔勁，
點知佢地踢完就走，應該又係怕左同我地踢．．．　我頂．．．
我地又得４個人：我、阿廖、臭汗、阿邦
去雞場，有人，ｄ細路咁上下，又係唔敢鬥波．．．
去ＯＫ買野飲，之後會合埋奧雲落下面個５人場，
有２隊，一隊係華森果ｄ，不過華森又唔係度．．．
另１隊我唔好識，阿廖話佢地唔勁，不過之前好串架喎．．．
我地跟隊同佢地踢下，睇下有幾串啦！！
華森果班輸左，之後就走喇．．．
同果班串人踢，５打５，真係唔勁，
阿廖話佢地之前屈我地機，仲懶係勁咁．．．
我地屈番佢地機，係咁入波，串到佢地無晒聲！！
之後阿廖、奧雲果ｄ仲要茅下佢地咁，佢地梗係都係唔敢出聲啦～～
我入波之後，阿廖佢地仲同我唱生日歌ｔｉｍ～～　ｈａｈａ～～
出番次氣就返去ＯＫ買野飲，又返過去雞場．．．
有波鬥喇～～　計埋我地有４班人～～　（又會突然咁多既．．．）
我地鬥先，拉左個幫我地，我唔係踢得好好．．．
因為有ｄ怯場，生日唔想去得太盡，驚會受傷呀．．．
佢地都有少少茅，會推下人．．．　所以我都費事盡力踢．．．
俾佢地入波先，不過因為出界在先而作廢．．．
點知我地又贏到喎！　俾直線臭汗走，佢又射得入喎，仲要射大細入．．．
對另１班人，佢地得４個，我地拉左個大窩口鋼門幫我地，
不過佢又唔係打龍喎．．．　不過佢出黎踢又幾勁架喎．．．
話咁易又贏一場啦，阿邦入波ｔｉｍ～～
本來我入架，我傳中個波中龍架，不過阿邦門前加一腳．．．　算啦．．．
拉另一個幫我地，因為到大窩口鋼門果班隊．．．　佢地有２隊．．．
都算難踢喇．．．　俾人係咁攻．．．
不過佢地後衛失誤，俾我搶到個波，又過埋最後１個後衛，輕易射入．．．
對佢地另１隊，無咁難踢．．．　又係我地贏～～

好似奧雲入波架，我搶左後衛個波督俾佢，佢面對龍門，射入～～

又對番第１隊，都係唔敢去攔截．．．　好彩有阿廖打後咋．．．
家俊又入波，推橫就射抽入左～～
之後對番４個人果隊，佢地明顯係最唔掂果隊．．．
今次又係我搶到個波，右邊推過個後衛，射遠柱網仔入～～
最後係對大窩口鋼門果隊．．．　都無氣喇．．．
阿邦失誤，俾人搶到個波，就俾人射入左．．．
再去ＯＫ買野飲，返屋企ｌｕ．．．
阿廖就繼續踢，因為大窩口鋼門果班拉佢踢．．．
生日呀！　晚餐係價值＄１５既車仔麵．．．

人的一生為左乜？？

今日都無野做，都唔知有咩好打．．．
打返ｄ個人感覺啦～～　承接下暴龍個日記～～
下晝無聊果陣係度諗一個一直諗唔通的問題：
人生出黎究竟為乜？
聽日就１７歲喇，都係一事無成，做人日日都渾渾噩噩咁．．．
諗返起一個好耐以前係網上流傳的故仔：

從前有２個人，佢地都生活係鄉村，
有１個人，不甘生活平凡，誓要到城市一闖天下，一展拳腳，
佢好叻架，學野好快手，勞碌左半生，卒之捱出頭，
成為一間上市公司老闆，不過佢要退休了，結果將所有財產留給兒子，
自己則返回家鄉，過些所謂的「退休生活」．．．
另１個人，一輩子也生活在鄉村裏．．．
２人過了一生，結果也一樣，究竟人生是為了甚麼呢？？

今晚去左踢ｍ記青訓，教埋ｄ無聊野．．．
傳波走位喎．．．　之後鬥波，仲要唔同阿廖一隊．．．
同ｄ人唔夾，唔識走位，無乜野發揮到．．．

多謝魚子、美女、ｋａｔｙ！！

今日食完早餐就打機，打左陣就去青協，
搞足球比賽ｄ野，去交表啦，
去到個ｍｉｓｓ原來今日放假喎，
咁我唯有放低份表就走喇．．．
之後魚子打黎約我出去喎，唔知咩事呢？
去左荃灣，搵到佢喇，原來佢送生日禮物俾我呀～～
前２日，佢、美女、ｋａｔｙ　３個去左書展，
佢地順手買左蔡汶家《ｈｏｍｅｍａｄｅ》本書，
原來係買黎送俾我架，超開心呀！！
真係好多謝佢地咁有我心呀～～
仲送埋ａｈｙ的海報俾我！！　真係開心到講唔到野呀！！
之後我就同魚子行街，傾下計咁啦～～
我仲帶佢去左機鋪，一齊打機！　玩左賽車ｇａｍｅ～～
玩左２鋪就算ｌｕ～～　因為佢要返屋企．．．
咁就陪佢等巴士，之後我就返屋企，睇本書喇～～
成個下午就係咁過．．．　不過真好鍾意本書呀！！
真係好多謝佢地～～　（原來呢少少野，就已經搞到我開心左成日！）

踢波，曬，快要累死了！

　↑　早知去睇蔡汶家簽名會，都唔去睇曼聯啦．．．


　↑　不過都好，卒之有第一次一齊影相喇～～
　　　左起：臭汗、金貓、阿廖、海狗、小肥

今日當然又係無節目啦．．．　有工返你話幾幸福呢．．．
去食早餐囉，去左鋪頭，幫左幾個字手就返屋企．．．
去小肥度都唔得啦，因為小肥要去選港青呀．．．
之後同阿駒傾計，佢話想踢波，我又係想踢喎，就約人去啦～～
約左阿廖、阿邦、臭汗、奧雲．．．
奧雲之後又唔黎喎，得番５個人．．．　又搵唔到金貓．．．
去林士德，等齊人就跟隊，個場曬到丫．．．　我就快溶架喇！
叫左肥蘇幫我地打龍，又叫左葵芳踢開，好勁下果個幫我地～～
ｈａｈａ～～　今日係我表演的時候呀！！
開波一陣就俾我射入，點入？
中場搶到個波，又係推順，見到龍門行出左，就射遠柱上角入網～～
第２場，又係我入～～　ｈａｈａ～～　勁開心呀！
禁區頂睇定黎抽，死角～～　其實都唔難入～～
之後有場對ｄ阿叔，我都有入波～～
家俊落底傳中俾我，我挑過個後衛，再腳面彈地波去遠柱入網！！
嘩～～　講到自己好勁呀～～　其實唔止我一個勁，阿廖都有份～～
另一場，又係對ｄ阿叔，佢推到禁區頂又係射死角！！
本來爭ｄ輸架，不過肥蘇真係幾勁，單刀都俾佢撲到呀！
呢場臭汗同ｄ阿叔有ｄ碰撞，ｄ阿叔發茅兇我地．．．
最後俾我地贏到佢地，出番啖氣～～
之後韓成、阿興果ｄ黎左，佢地齊人同我地鬥，
呢場波好多人睇，因為我地贏左好多場，佢地係學界精英．．．
當然，我地梗係輸啦，佢地超晒班．．．
不過頂到一陣先輸，算係咁啦．．．
去買野飲，之後轉戰新都會果面個場，去到見到獅子會果班，
見到肥文、何Ｂ佢地，跟隊囉～～　之後阿畢又黎埋．．．
對班唔知咩人，著國米波衫，唔算太勁，
一開波我搶到，入到禁區避過晒ｄ守衛，不過對住龍門射中楣出界．．．
之後踢左陣，我放個直線俾臭汗入楔，佢又射地波，不過中柱彈入喎～～
跟住同阿畢果班鬥，唔係幾夠踢架喇，因為我地都無晒力咁滯．．．
捱左好耐，之後有球阿邦俾到我單刀，ｈａｈａ～～　正！
推順，睇定個龍門，最後射埋ｋｅｅｐｅｒ大細入呀～～
之後果場，個個都無力啦．．．　其實都係想特登輸左佢走架喇．．．
累到丫．．．不過好開心，好耐無試過入咁多波喇～～　仲要球球都幾靚！

宋岳庭 － 讓我自己飛

宋岳庭　－　讓我自己飛

歌詞：

　＊　別告訴我應該怎麼做　說破了嘴　還不是沒達到效果
　　　人生本來就該自己走　讓我去過　我自己決定的生活
　　　該說的都已說過　再說就變成囉嗦　不要再問我想做甚麼
　　　順其自然讓我自己摸索　還管它甚麼對與錯

　＃　就讓一個孩子擁有心靈的空間　讓他飛　去飛
　　　給他說話的機會　再給他夢想的藍天　讓他去追　去追
　　　何不給一個孩子一雙有力的翅膀　讓他飛　讓他飛
　　　成長也需要鼓勵和讚美　停止無謂的指罪　讓他飛

　　　ｒｅｐｅａｔ　＊　＃

　　　就讓一個孩子擁有心靈的空間　讓他飛　去飛
　　　給他說話的機會　再給他夢想的藍天　讓他去追　去追
　　　ｈｕｈ　ｗａｈ　ｈｕｈ．．．的翅膀
　　　ｙｅａｈ．．．ａｈ　ｈａ　ａｈ　ｈａ．．．
　　　成長也需要鼓勵和讚美　停止無謂的指罪　讓他飛


好鍾意呢首歌，宋岳庭的創造力真是不容置疑！！
佢唱得雖然唔係幾好聽，但係佢只係用一台ｋｅｙｂｏａｒｄ，
加上一部卡式錄音機，就造出如此般的音樂～～
係一首好歌黎架，如果係由一個歌手演譯，相信一定係冠軍歌！！

睇波：曼聯ｖｓ港聯～～

ｃｏｎｄｏｒ　ｓｅｎｄ番我同ａｈｙ張相俾我呀！！
不過效果好似唔係幾好．．．　唔緊要啦～～


今朝俾電話噪醒，小肥打黎問幾點邊度等喎，
因為今日係睇港聯ｖｓ曼聯的好日子！
其實今日ａｈｙ有簽名會呀！　不過因為同場波撞左期，
所以．．．　下次先叫ａｈｙ幫我簽名啦～～
當然，去之前梗係要做番少少野先架啦：去鋪頭幫手．．．
去左幫手個幾鐘，又食左早餐～～
去福來村搵埋阿廖，佢返工呀，做緊外賣仔．．．
去埋惠康買埋野飲先，不過超多人，
幾經辛苦先叫到ｄ人俾我地排先咋．．．　（仲見到明仔呀～）
去地鐵站會合埋小肥佢地，一齊去大球場～～
去到銅鑼灣又會合埋阿廖個ｆｄ．．．
去到大球場喇～～　開始左喇，不過仲係０比０，無損失丫～～
文瀚帶左佢女朋友一齊去睇呀～～　ｏｋ靚丫～～
不過好似我一個小學同學．．．
（連小肥都話好熟面口，因為小肥同我讀同一間小學架．．．）
但係我估佢唔係我小學同學囉，因為文瀚都係讀我地呢間架．．．
場波有ｄ悶，唔夠娛樂性，因為ｃ．朗拿度都無黎，無人扭波．．．
不過董方卓第１次為曼聯上陣就入波喇！！
最後曼聯贏２比０，另１球係ｒｏｓｓｉ入．．．（都唔識佢．．．）
走，一齊搭返去荃灣，食「龍記」，因為可以順手睇埋皇馬果場波，
阿廖有２個ｆｄ黎食，不過似乎佢地唔係好識叫野食，
叫左ｄ唔抵食既野．．．　沙爹牛肉粉絲煲，粉絲多牛肉少，唔抵．．．
食完，睇左半場波，都係唔好睇，都係無娛樂性．．．
我地去左打機，城市中心果間，因為貪佢果度無人食煙～～
同小肥玩賽車ｇａｍｅ，佢玩到上癮．．．
玩左廿幾蚊，玩晒都唔想走呀．．．
佢聽日俾個ｍｉｓｓ叫左佢去選港青呀！！　我睇好佢入到架！！

見左ａｈｙ ２次呀！仲有合照～

唉呀．．．　壞消息呀．．．
ｒｏｍａ果個禁止一年買賣球員既決定原來維持原判呀．．．
仲要係即時生效呀．．．　死喇．．．

今日去左會展，睇書展呀～～
原來我家姐都係果度賣書喎．．．
＄２０入場費，都幾多人，不過都幾抵，因為超多書睇！！
ｄ書又平喎～～　有ｄ仲＄１０就有交易～～
好大呀，有３個ｈａｌｌ呀！　真係大開眼界！！
行左好耐，睇到咁上下，搵下蔡汶家本書有無得賣，
叫ｈｏｍｅｍａｄｅ，細細本，＄３８．４，
不過我無錢呀．．．　唉．．．
之後去睇個ｆｕｎｃｔｉｏｎ：太陽閱讀Ｔｅｅｎ
蔡汶家都有份呀！　仲見到關心妍、張繼聰、梁宇欣．．．
不過只係開幕禮，無唱歌呀，有少少可惜．．．
幫ａｈｙ影左好多相呀～～
有遊戲玩呀，ａｈｙ送本ｈｏｍｅｍａｄｅ出黎，
問問題，答ａｒｍ就有喇，問本書邊個寫架喎．．．
不過我唔夠膽答，因為要上台架．．．
最後ａｈｙ走果陣，幫佢影左張大頭～～
ｇｏ　ｈｏｍｅ，交埋電話費之後返學校清ｌｏｃｋｅｒ，
無鎖匙架，不過上次無用鎖匙，都開到個鎖，
諗住今次都得啦，點知失敗左．．．　白走一趟了．．．
返到黎，食埋晚飯，就去林士德喇．．．
去到，阿廖都到左喇，小肥練緊ｌｕ～～
今堂要跑圈先．．．　主要叫我地練盤球的技術～～
之後又有波鬥，又對阿ｓｉｒ，今次我表現下自己，
係中間扭幾球，又分下波咁，總之算爭波踢啦．．．
同阿廖買野飲就自己去灣仔喇．．．　睇ａｈｙ呀～～
今晚佢係「中環藝穗會」有ｌｉｖｅ　ｓｈｏｗ！！　正！！
早左少少到，要等埋個ｆｄ先敢入去．．．
近距離見到ａｈｙ呀～～　不過都係唔敢同佢講野．．．
不過就識左佢個經理人ｒａｎｉ，之前都有同佢ｉｃｑ架～～
ｃｏｎｄｏｒ到左，同佢一齊入去，坐左係個角位度呀．．．
阿ａｈｙ出場！！　唱左好多歌，仲有首係ＥＰ入面無架！！
真係好好聽！　我仲幫佢影左幾張相ｔｉｍ！！
之後我仲有同佢影合照呀～～　ｈｅｈｅ～～
當然，我都有幫ｃｏｎｄｏｒ啦～～　佢都有同ａｈｙ合照～～
又傾左陣計既～～　都對ａｈｙ了解深左喇～～
聽埋另外幾隊ｂａｎｄ表演先走，唔好蝕丫嘛～～
因為要買飛入場架，成＄８０呀！
走果陣已經凌晨１點ｌｕ，無地鐵搭．．．
得番＄２４，係中環，都唔知可以搭咩車走．．．
ｃｏｎｄｏｒ超好人，帶我搵車搭呀！！
帶左我搭巴士去灣仔，之後搵有無通宵小巴直接返到大窩口，
點知無，佢又同埋我一齊搭車去旺角，
再帶我去到朗豪坊搭小巴返大窩口．．．
真係好在有佢，係的話唔知點返屋企呀．．．

今日無節目呀．．． 悶．．．

今日無節目呀．．．　又要悶喇．．．

阿廖就好啦，佢個ｆｄ唔做外賣仔，讓左俾佢做呀．．．
不過佢好似話好惡做喎，要成日受人氣．．．
ｄ人係咪都話佢做得唔好．．．　仲話佢識食唔識做．．．
唉．．．　打工真係唔容易喇．．．

無錢喇，去惠康買生命麵包＆蜜瓜奶當早餐．．．
之後就上網喇．．．　唉．．．　ｉｃｑ都無人陪我玩呀．．．
２點幾又要去鋪頭幫手囉，去左半個鐘又唔使喇喎．．．
黃昏果陣落超大雨呀！　好彩我無去到交電話費咋，
如果唔係都唔知點返屋企呀．．．
睇新聞先得人驚呀，青衣有冰雹呀！！
４－５點果陣錄得１０００次既閃電喎．．．
原來尋晚仲勁呀！　２小時內有１萬次閃電．．．
聽日ｂｏｏｋｉｎｇ　ｆｕｌｌ晒呀，好多地方去呀～～　唔怕悶ｌｕ～～

去左ｂｏｏｋ場～～

一朝早去ｂｏｏｋ場，遲左起身，去到唔見阿廖，就自己上去，
上到去見到阿廖，同埋一個佢識既阿叔，之前都有鬥過波架．．．
輪住ｂｏｏｋ場，ｂｏｏｋ左好多個～～

　　林士德足球場：　　　１／８　５－７ｐｍ　　１５／８　５－７ｐｍ
　　　　　　　　　　　　６／８　４－６ｐｍ　　２２／８　４－６ｐｍ
　　　　　　　　　　　　８／８　５－７ｐｍ　　２９／８　４－６ｐｍ
　　　　　　　　　　　１２／８　４－６ｐｍ　　３１／８　５－７ｐｍ

坑坪街足球場（雞場）：　７／８　８－１０ｐｍ　２１／８　８－１０ｐｍ
　　　　　　　　　　　１３／８　８－１０ｐｍ

ｂｏｏｋ完就返屋企，之後又帶阿妹去食早餐，
食完，悶ｌｕ．．．　睇《十月初五的月光》呀．．．
因為早起身，所以有ｄ眼訓，就訓左陣啦．．．
到２、３點果陣，就玩電腦，呼籲ｄ同學去踢果場波．．．
到４點幾，肚餓，咁ａｒｍ個妹想去買野食喎，
叫佢幫我買盒意粉，之後食晒～～
過多陣又食晚飯，有ｄ飽，所以食左好少咋．．．
之後出去踢波，不過就腳趾公「串魚蛋」呀，痛．．．　唔想踢．．．
行晒雷，閃晒電咁，跟住就落好大雨，濕晒．．．
同家俊走先，因為佢同我一樣又係咁整親．．．

有一件事好值得高興，就係ｒｏｍａ上訴成功，
推翻左先前禁止ｒｏｍａ買賣１年的裁決～～　ｙｅａｈ～～

必睇！　不可思議！　肚餓的魔術師～～
http://tak.jumbotak.com/epson_2/japan_magic.wmv

笑死我了！！　馬有失蹄～～
http://tak.jumbotak.com/epson/AFV-Icantdance.wmv

都係咁搞笑！！　馬有失蹄２～～
http://tak.jumbotak.com/epson/3402673.wmv

超抵死呀！！　按摩女郎～～
http://tak.jumbotak.com/epson/CatCatCat.wmv

包你一睇再睇！！　２人精彩表演～～
http://tak.jumbotak.com/epson/twofunnyguys.wmv

詹瑞文的身體語言真係ｎｕｍｂｅｒ　１！！
http://tak.jumbotak.com/epson/jim.wmv

都唔知個ｂｂ究竟係笑定喊～～
http://tak.jumbotak.com/epson/f39708b861e9ca43f1326891e8dca26b.wmv

個傻佬通街嚇人．．．
http://tak.jumbotak.com/epson/supp.wmv

去小肥屋企 ＋ ｍ記青訓

有無搞錯架．．．　尋日都熱到溶架啦！
今日仲要再熱ｄ喎！！　３５．４度呀．．．
唔中暑都算好彩架喇．．．
今朝早俊叔成家黎探我地喎．．．
約左去接佢，因為佢唔識去鋪頭，點知等左半個鐘都唔見佢，
原來佢自己搵到．．．　搞到我白等．．．
之後同個妹去食早餐，食完ｇｏ　ｈｏｍｅ．．．
親戚係ｈｏｍｅ，咩都玩唔到，悶．．．
就上小肥ｈｏｍｅ打機～～
跟住阿廖黎埋，就租碟睇啦～～
租左２隻，就睇《三岔口》先啦～～
點知好悶架，都唔知套戲想講ｄ咩既．．．
睇完就叫左臭汗，連同小肥３個人去荃灣食拉麵～～
食完就搭４３去林士德，因為今日係青訓～～
小肥係７－８點，我同阿廖就８－９點～～
小肥同組果ｄ有幾個唔係港青，就係區隊既，唉．．．
睇小肥踢，之後阿廖就黎左，換完衫又見到阿駒～～
同我同組既，有幾個都好勁，包括龍哥既ｆｄ阿熙，
有個係周展既ｆｄ，踢丙組球會既．．．
心諗都唔知今年會唔會又入唔到第３階段．．．
踢完，成身汗，成件衫都濕晒．．．
去ＯＫ買野飲就搭番４３　ｇｏ　ｈｏｍｅ．．．

ｐ．ｓ．　臭汗都唔知有無大過架，都成１６歲仔啦，
　　　　　食雪糕都唔識食，頭都未食完就食個尾先．．．
　　　　　最後ｄ雪糕係咁滴，滴到成件衫都係．．．
　　　　　走果陣佢仲驚會俾人笑，用手遮住唔俾人睇到．．．　唉．．．

熱死人喇！！ 打羽毛球．．．

嘩，熱死人喇．．．　３４．４度．．．
係今年最熱的一日呀．．．
個人唔想郁咁．．．　今日打死都唔去踢波架喇！！
食完早餐就待在家裏，ｈｅａ囉．．．
之後小肥話好悶，問有咩做，
打埋俾阿廖一齊傾，之後就提議去ｂｏｏｋ場打波，
我去睇有咩場，ｂｏｏｋ左５－６點打羽毛球．．．
就約埋家俊，４個人去打啦，
去到打，原來無冷氣架．．．
照打囉，一身汗．．．　捱左一個鐘，就上去壁球室嘆冷氣～～
（好彩有咋．．．　如果唔係真係中暑．．．）
跟住ｇｏ　ｈｏｍｅ　ｌｕ．．．
睇新聞見到台灣被颱風「海棠」吹襲，見到真係好慘．．．

蔡汶家 － 木偶

蔡汶家（ａｈｙ）　－　木偶
作曲／填詞：ａｈｙ　編曲：ａｈｙ　監製：Ｄａ　Ｊａｍｚ

歌詞：
　　　傳說在木偶天國　瑪莉與約翰相約喝湯
　　　全日相對　甜蜜一堆　最讓人羡慕一對
　　　突然於一天　故事急變　看瑪莉苦笑著離開了
　　　四肢僵了　約翰不懂心跳　任由拉扯的他已沒這需要

　　　可惜這個可愛的木偶人　已不屬某人　約翰笑說　甚麼已都不要緊
　　　偷偷摔破這伶仃木偶人　從此沒這人　也許總好過　掏空的心痛到劇震

　　　誰說結局　定歡樂團圓　快樂的故事太短了
　　　手鬆開了　擁抱不緊了　若然剩下沙啞片段　要不要

　　　可惜這個可愛的木偶人　已不屬某人　約翰笑說　甚麼已都不要緊
　　　偷偷摔破這伶仃木偶人　從此沒這人　離開　難道要約翰一等再等
　　　幸福怎去平分　從手機裡重溫　要追索伏線怎去行近

　　　可惜這個可愛的木偶人　已不屬某人　難道要約翰一等再等
　　　道別這木偶人　從此沒戲份　也許總好過　呆望瑪莉愛別人
　　　道別這木偶人　而不需手震　拿最後憶記　最後一口氣貪心

睇ｍａｎｄｙ ＋ 踢夜波

都係咁啦，差唔多１２點醒囉．．．
即刻去食早餐，因為無乜時間剩喇！！
食完，阿廖打黎，佢又入屯門喎～～
不過我地唔同路呀，佢去蝴蝶灣燒野食，
我就去屯門市廣場睇ｍａｎｄｙ　ｆｕｎｃｔｉｏｎ．．．
今次帶埋相機＆　ｍｐ３去，搭巴士果陣就一路聽住ｍｐ３．．．
去到，唔識路，亂行，之後睇牌，卒次都俾我去到～～
今次得ｍａｎｄｙ同阿ｄｅｅｐ，無左阿ｄｏｎ，感覺怪怪的．．．
嘉賓開始坐上台，之後每個人講ｄ野咁，
我無乜心機聽，因為掛住影ｍａｎｄｙ嘛．．．
之後ｍａｎｄｙ佢地做評判，ｄ義工上台比賽，
有人唱歌、有人玩雜耍、有人跳舞咁．．．
點知阿ｄｏｎ突然出現！！
之後上台同ｍａｎｄｙ合唱《我蠢我認》，又到我地嗌歌ｌｕ～～
唱完就去後台搵ｍａｎｄｙ傾計、合影，
我本來有合影架，不過幫我影果個手震，矇左呀．．．　嗚嗚～～
去停車場等，今次ｍａｎｄｙ好快就上左車，就走左ｌｕ．．．
搭返巴士出荃灣，再行返大窩口．．．
今晚出街食，佢地又話踢波，我就換波衫去食喇．．．
又叫「西檸炸雞」黎食，無《龍記》咁好．．．
食完就拿拿聲走左球場，仲以為我係最遲啦，
點知去到得阿邦、奧雲２個人到左．．．
等到齊人先跟隊，又有大窩口鋼龍果隊．．．

神奇４俠　：　阿廖、我（海狗）、阿邦、小肥
　事緣１　：　角球攻勢，個波彈返出禁區頂，
　　　　　　　阿廖狂抽，個波急勁到直飛遠柱入網，神奇嗎？
　事緣２　：　我擲界外球入禁區，奧雲漏頂，
　　　　　　　ｍａｒｃｏ撲高左個波，之後入左，神奇嘛？
　事緣３　：　今日連阿邦都有入波，
　　　　　　　不過我地全部人都唔記得球波點入架喎，神奇嗎？
　事緣４　：　小肥本來話踢波，之後放人飛機，
　　　　　　　仲要咁ａｒｍ肚痛喎，你話神唔神奇喇．．．

我地踢左好耐先輸，果陣已經贏左差唔多５、６場，
我自己都入左波，仲覺得自己射門又準番喇喎～～
不過人地２隊都有個鋼門，好難先入波架．．．
ｌａｓｔ果場太累了，踢左一半就走喇，因為有人大腳踢左個波出馬路．．．

ｐ．ｓ．　有好多人都搭左今晚既飛機去Ｎｅｗ　Ｚｅａｌａｎｄ喇～～
　　　　　祝佢地一路順風，有個美滿的旅程～～

返教會、游夜水～～

１１點就醒左ｌｕ．．．
本來要去鋪頭幫手，不過懶喇，而且又無打返黎，我無去到．．．
食完早餐，打機到２點，卒之都係要落去幫．．．
３點就可以返黎喇～～
應承左暴龍，今個星期返教會，所以就返喇．．．
聽完崇拜就走喇，無去小組．．．
因為約左小肥去游水，有阿廖、臭汗．．．
小肥又約左佢ｄ　ｆｄ喎，又唔同我地玩．．．
我地３個好悶呀，都有游既，
仲見到雞翼＆陳鴻，不過佢地係黎睇女仔．．．
浸到９：１５上水ｌｕ．．．
同埋文瀚一齊去龍記食晚飯～～　正～～
睇埋果個獎門人就ｇｏ　ｈｏｍｅ喇，
今晚又有ｍｏｎｓｔｅｒ《魔剎》睇喇！！
一定要追黎睇呀！　因為ｍａｎｄｙ都介紹我地睇呀！！

亞斯理踢波（細肥黎左）

　　↑　支持蔡汶家清新、舒服的音樂！

又係咁啦，好遲先起身囉．．．
都唔知使唔使返去上ｔｒａｉｎｉｎｇ，
佢地又無打黎叫我返喎，都係唔返喇．．．
真係好悶架，日日係ｈｏｍｅ打機．．．
今日有亞斯理，本來無人去踢架，
之後小肥一聽到阿阮帶埋細肥黎踢，就好雀躍喇！
即刻換衫黎踢，仲叫埋阿廖佢地ｔｉｍ．．．
計埋我地有３隊，又係跟隊踢啦～～
之後我面對細肥，佢想過我，幾次都過唔到，ｈａｈａ～～　好開心！
都唔想打喇．．．　因為又係有贏有輸咁．．．
今日都射左靚波既～～　禁區頂撞射，近柱死角中楣底入～～
細肥真係幾勁，射門又大力、又準喎．．．
之後我地自己上５人場，有大窩口鋼龍果班喎．．．
又同佢地鬥囉，好過係７人場鬥，
因為都只係５５波，無話邊隊特別勁．．．
之後佢地走，到金貓細佬果隊黎左，
無力都同佢地踢，因為佢地明顯地唔勁啦～～
俾我地係咁玩，炒到佢地丫～～
之後我好累ｌｕ，唔踢，３ｖｓ４，我地都無輸蝕，只係俾佢地破左蛋．．．
走人，去到７－１１，大鼻妹果班真係好煩，拎左我地個波．．．
最後要叫阿Ｔｉｍ幫手拎番．．．

買左《蔡汶家》隻碟 ＋ 踢夜波

今日唔使去ｔｒａｉｎｉｎｇ喎，咁就１２點先起身．．．
打機囉，無野做，１點半先出去食野．．．
係ｈｏｍｅ玩果隻賽車ｇａｍｅ，要練下ｄ技術呀．．．
家姐好好人，行過ＣＤ鋪順手幫我買左《蔡汶家》隻碟呀！
仲買埋《早熟》既ＶＣＤ返黎，正！！
第１時間聽碟喇～～　蔡汶家把聲好靚呀～～　好支持佢！！
因為佢係ｙｕｋｏ既師姐黎架．．．　（之前佢讀保祿六世架）
到７點就去７人場踢波，行去偉力買左個４號波，
大窩口爆水管喎！　巴士站果度封晒路，無車搭呀．．．
之後７人場仲俾人ｃｕｔ電ｔｉｍ，波都無得踢．．．
行到雞場，又俾人ｂｏｏｋ左場．．．
行到林士德，２面ｂｏｏｋ晒．．．
行到新都會對面，見到偉仔踢緊，不過又係ｂｏｏｋ晒場，
一度以為有得踢啦，之後又黎一班，仲拎住場紙架．．．
無晒計，我、阿廖、梁嘉威行路返，上左果個５人場，
見到李惠利果ｄ踢緊喎，就ｊｏｉｎ埋喇～～
踢左陣，好焗呀，果個場一ｄ風都無架．．．
踢左２場就走ｌｕ．．．　去ＯＫ買野飲，
之後問阿廖拎埋曼聯波飛就行返屋企ｌｕ．．．

第２日ｔｒａｉｎｉｎｇ＋踢夜波

尋晚３點先訓，今朝又要９點起身喎．．．
又要去聽ｔｒａｉｎｉｎｇ，一ｄ精神都無，成朝係咁打喊路．．．
今日由ｔｅｒｒｉｅ講升學出路，好詳盡，
聽完而家好似變左個專業顧問咁！
又ｇｏ　ｈｏｍｅ，同阿迪、暴龍玩賽車ｇａｍｅ～～
２點－４點去鋪頭幫手，因為得番阿媽一個．．．
之後約阿廖、小肥去踢波，去左「新興」食野先，
跟住就出到葵芳會合埋樹熊佢地，
踢左一場就話ｂｏｏｋ左場，無得踢．．．
我地３個返大窩口踢，等左好耐卒之有人黎，
我同阿廖１隊，同小肥敵對，ｄ人唔勁，不過我都唔想出咁多力踢．．．
總之有ｄ無聊啦，跟住阿廖肚痛又走先．．．
同小肥踢多２分就去７－１１買野飲，ｔｈｅｎ　ｇｏ　ｈｏｍｅ．．．

蔡依林 － 天空

蔡依林　－　天空
演唱：蔡依林　詞：衛斯理、小米　曲：衛斯理

歌詞：

　＊　聽著自己的心跳　沒有規則的跳躍　我安靜的在思考　並不想被誰打擾
　　　我們曾緊緊擁抱　卻又輕易地放掉　那種感覺很微妙　該怎麼說才好
　　　時間分割成對角　停止你對我的好　瓦解我們的依靠

　＃　在你離開之後的天空　我像風箏尋一個夢
　　　雨後的天空　是否有放晴後的面容
　　　我靜靜的望著天空　試著尋找失落的感動
　　　只能用笑容　期待著雨過天青的彩虹

　　　ｒｅｐｅａｔ　＊　＃　＃

　　　在你離開之後的天空　我像風箏尋一個夢
　　　我靜靜的望著天空　試著尋找失落的感動

ｔｒａｉｎｉｎｇ＋謝師宴．．．

今日開始係連續為期一星期既ｔｒａｉｎｉｎｇ．．．
９點起身，去太子，遲左少少到，不過好彩都有位坐．．．
由　ｆｒａｎｋｉｅ　＋　ＭＭ　等大人物講下點解會搞呢間ＨＫＵＥ，
又分析左香港黎緊教育界會點樣可以賺好多＄＄．．．
有ｄ都幾ａｒｍ聽既～～　當免費上下堂囉～～
之後ｇｏ　ｈｏｍｅ，食完飯就搵埋阿廖，
一齊去見工呀～～　（送外賣飯盒果ｄ，＄２５一個鐘）
搵左好耐先去到，仲發現左偏僻既橋底有個５人場．．．
填完表，講左２、３句就走得，等電話喎．．．
仲有時間，就同阿廖行晒葵芳２個廣場．．．
見到《蔡汶家－ｈｏｍｅｍａｄｅ》隻碟，好想買，
不過驚之後唔夠錢使，所以唔買住．．．　（＄５９咋，好想即刻買！）
又見到《第１６屆ｃａｓｈ流行曲創作大賽》隻碟減到＄２９．．．
好彩我懶，仲未買，係時候趁低吸納喇～～
之後自己１個去逸東酒店，去到得好少人，因為我早左好多到．．．
隨後發現大部份男仔都著西裝去．．．
搞到我同美女果ｄ俾人ｉｇｎｏｒｅ左．．．
買左副啤牌，但係打左２鋪就無人玩喇，唉．．．
都搞得好成功呀！　好多遊戲玩，好開心，
又有好多珍貴片段既回憶（包括冷笑），真係畢生難忘架！
ｄ野食都好正，我勁食壽司，因為佢整得太好味了～～
之後我地又猜，輸左要食勁辣壽司，我無輸過！！　ｈｅｈｅ～～
又傾計，又影相咁，搞到１２點先走．．．
想搵地方ｈｅａ下先返屋企，去到機鋪，又收檔喇喎．．．
無計之下，一齊去青衣鋤ｄｅｅ，
玩到２點同荷蘭豆搭的士ｇｏ　ｈｏｍｅ．．．

手痛，夜晚都要踢波．．．

唉呀．．．　整親隻手，咩都做唔到呀．．．
食完早餐返屋企諗住睇電視，原來《少年包青天２》已經做晒喇．．．
無計啦，玩電腦囉．．．
唔想開工，唔想打電話叫人聽講座，因為覺得無人會聽．．．
成個晏晝打ｙａｈｏｏ桌球，
我玩到２個ａｃｃｏｕｎｔ都過左１９００分喇．．．
跟住就ｈｅａ喇，睇有線，都唔記得咩戲喇，總之無聊啦，
之後打ｗｉｎｎｉｎｇ，打到ｒｏｍａ又埋拎冠軍．．．
食完晚飯去踢波，因為踢波唔係用手架嘛．．．
去到我地要６打７呀，因為阿廖未到，不過佢黎到果陣，
掂左幾腳波就輸左，輸我ｃｕｐ唔過人地．．．
之後問果個阿叉叫咩名啦，原來佢叫ｓｕｒｅｎｄｒａ，
仲問佢拎埋電話喇，以後會叫埋佢一齊踢波～～
ｓｕｎｎｙ、君傑佢地都有黎，不過佢地太耐無踢，
好似無以前咁勁，抑或係我地進步左呢？
本來都輸架，之後小肥肚痛走先，家俊又跟住走．．．
佢地幫我地，仲有個好高既幫我地打中堅喎～～
咁最後就贏左幾球先走，ｓｕｒｅｎｄｒａ都頭鎚入波～～

同羅馬網既人踢波（整親隻手）

今朝起身落雨，不過都同阿廖去踢波，約左ｒｏｍａ球迷網既人～～
去到我係遲到既，所以都就做帶路，將功補過啦．．．
去到林士德，有人喎，跟隊踢囉．．．
果班人其實唔係好勁，可能因為我地ｄ人唔熟，唔夾啦，
踢得唔好，後防好亂！　係咁俾人入波．．．
之後我地有機會入波架，阿廖斬俾我，我單刀架喇，
點知果ｄ人都好茅，明知踢唔到個波都出腳，
我俾人從後踢跌，仲拗親隻左手ｔｉｍ．．．　有排痛喇！
我地其實都踢得唔差架喇．．．
都有ｄ射門，仲有下中柱ｔｉｍ，可惜就係無入波運啦．．．
之後林士德班阿叔又跟隊，同佢地踢仲難踢呀，
俾人係咁搓．．．　搓到無氣啦．．．
踢多幾分就走ｌｕ，一齊去葵涌廣場既金星食飯，
食完就同阿廖搭４３　ｇｏ　ｈｏｍｅ．．．
打機，訓左陣，又再打機．．．
無計啦，鬼叫整到隻手咩，唉．．．

帶人聽講座 ＋ 陪小肥食飯

今日約左暴龍、潘廷＆梁桂鋒去聽升學講座，我無食早餐出去，
暴龍好好，無遲到，潘廷遲左幾個字．．．
梁桂鋒仲衰，無到，又唔同我講聲．．．　搞到我地白等．．．
上到去，有位，坐左半個鐘先開始呀．．．
我又聽埋一份，聽多次，今次講得詳細過上次，
聽完就同阿ｓｕｅ、珍珠果ｄ傾下計，
走ｌｕ，潘廷話想報，希望佢真係會報啦．．．
去荃灣搵埋ｗａｙｎｅ先食野，果陣差唔多４點．．．　餓死我了！
去食北京拉麵，又好食，又抵食～～
食完陪埋佢地買ｇａｍｅ，之後返屋企，無去教會．．．
夜晚陪小肥食飯，因為佢ｔｍｒ生日～～
一齊去龍記食，見到ｓｔａｎｌｅｙ．．．
４個人叫５碟野食，食唔晒，總之全部都食到好飽！
小肥先勁，食左２大兜飯先食得飽．．．
食完就帶小肥去機鋪見識下，無人睇得出佢唔夠秤．．．
之後上左網吧，打左１個鐘ＣＳ～～　１１點ｇｏ　ｈｏｍｅ～～

開工．．．

今日開工，要街頭做問卷喇．．．
目標係今日放榜既中７學生～～
８點半去左旺角地鐵站等，見唔到佢地，
就自己行過去旺角火車站搵佢地．．．
之後搵小巴搭去何文田喇．．．
入到去唔識路，睇地圖，都行錯．．．
卒之去到，係ｄ學校門口企，等中７　ｄ人出黎，
好少人行出黎，都叫到１、２個既．．．
之後有３個女仔好似等人咁，我行埋去，都未開聲，
佢就話得，幫我填，之後就填左３張～～
再之後ｄ人陸續出黎，都走晒咁滯，ｄ人都唔幫我填．．．
我同阿ｓｕｅ會合番其餘２個，之後一齊去食野．．．
去左間ｍ記食，見到個人既側面超似ｍａｎｄｙ，
似到好過份，連ｄ唔係好識ｍａｎｄｙ既都話似！！
我拎左阿ｓｕｅ部手機偷影左佢～～
之後去左雅蘭中心，有個直銷場，
＄５００唔使有部５１２ｍｂ　ｍｐ３機．．．
睇完就去左長沙灣間ｉｖｅ，因為果度會搞講座，
諗住會有好多中７去聽啦．．．
點知無乜人去喎．．．　白做．．．
跟住ｇｏ　ｈｏｍｅ　ｌｕ．．．

ｔｒａｉｎｉｎｇ．．．

都唔記得幾點訓醒喇．．．．
去ｔｒａｉｎｉｎｇ，１點去到佐敦，
上到去，佢地話ｄ房ｆｕｌｌ晒呀．．．
要轉地方，去左旺角「飛達」果面，上左「變靚ｄ」果度用房．．．
咁就講一ｄ資料啦，俾ｄ　ｎｏｔｅｓ，要我背．．．
同埋教我地點樣答人地ｄ問題．．．
講左好耐，之後要去太子聽講座，因為聽左會明ｄ～
去聽囉，好多人，我被逼坐門口位呀．．．
升學講座，都有介紹個「遙距課程」既～～
聽完就走得，ｇｏ　ｈｏｍｅ．．．

見工．．．

差唔多１１點起身，唉．．．　背肌仲痛緊呀．．．
自己去食早餐，食完返到屋企就開電視睇《少年包青天２》呀～～
真係好好睇架！！　睇到１２點半就出門口，
去油麻地，見工喎，佢打黎果陣同我講明會請暑期工喎！　正！
去到就見到３個女仔，好似全部都中７架喎．．．
最靚果個俾張ｆｏｒｍ我填喎，我一路填，佢一路撩我傾計．．．
搞到我唔知同佢講好定係填表好．．．
之後另外２個見到就叫佢等我填好先傾，
不過佢都係唔理，繼續撩我喎．．．
填完，就ｉｎｔｅｒｖｉｅｗ喇，叫我２分鐘自我介紹．．．
我唔識，唔知要講ｄ咩，佢都好好人，用ｄ問題教我點講，
原來呢間都叫學校黎既，每年都會搞升學就業講座，就要請人幫手．．．
個幾靚既女仔原來叫珍珠喎，我覺得個名好搞笑～～
佢又同我講左ｄ基本既野，到時要俾ｄ資訊人地，
話俾佢地聽有咩升學途徑、唔同課程有咩唔同之類啦．．．
好似好多野要背，不過橫掂都關我事既，咁就背下無所謂啦，
返工前要ｔｒａｉｎｉｎｇ架，會上堂教下我地一ｄ野咁，
最後佢留左個電話俾我．．．
返到ｈｏｍｅ先２：３０，之後又係無街去．．．
又係ｈｅａ囉，打機．．．　唔係點可以呢？

王心凌 － 明天見

王心凌　－　明天見
詞：陳靜楠　曲：林俊傑

歌詞：　　＊　雨下了　又停了　淚流了　又乾了
　　　　　　　你走多久　多遠了　我還在這
　　　　　　　你說的　你忘了　可是我　還記得
　　　　　　　手心裡　緊握著　已不屬於我的親熱

　　　　　＃　愛怎會輸給了時間　我的耳邊　再聽不見
　　　　　　　我以為永遠不會變　最習慣的明天見
　　　　　　　放手了該回到原點　心會受傷　也能復原
　　　　　　　我會學著自己走出從前　祝福明天

　　　　　　　ｒｅｐｅａｔ　＊　＃　＃

　　　　　　　我會學著自己走出從前　祝福明天

睇戲：《龍咁威２之皇母娘娘呢？》

９點半起身呀，去惠康會合埋金貓出葵芳．．．
去到就見到阿廖，即刻就買飛喇，睇《龍咁威２之皇母娘娘呢？》，
本來我唔想睇呢套架，因為都好似好無聊下，
而且遲ｄ有線都會有得播架啦．．．
但係為左陪金貓，而且ｍｉｋｉ又有份做喎，咪睇囉．．．
都幾搞笑既，ｍｉｋｉ出得唔夠多呀．．．
睇完又去食ｍ記，因為又可以用金貓張６折咭嘛～～
食完就ｇｏ　ｈｏｍｅ喇，因為金貓要返工．．．
返到ｈｏｍｅ就打機，係個晏晝都係咁過呀，悶．．．
又無得踢波喎，因為拉親背肌呀．．．
而家扭唔到腰，一扭就痛．．．　希望快ｄ好番喇．．．

終於又踢波喇．．．

１２點先醒．．．　開電腦，諗住玩陣啦．．．
咁就唔記得左睇《少年包青天２》喇．．．
去食早餐，我叫左沙嗲牛肉麵架，佢整錯左牛肉麵．．．　嗚嗚～～
特登唔出街呀，成日俾阿媽話．．．
係ｈｏｍｅ　ｈｅａ囉，無計，睇下借返黎本書囉．．．
之後又覺得悶，打ｗｉｎｎｉｎｇ　８，ｄ人又要訓練喇．．．
打到６點走人，去踢夜波．．．
陪左阿廖買飯食，之後又叫左金貓黎，
佢有ｄ免費ｍ記野食既券，阿廖咁就蝕晒喇．．．
之後諗住等埋金貓一齊搭巴士去林士德啦，
見到佢黎既，之後又無左蹤影．．．
等左３部車佢都無黎，唔理喇，我地上車先算．．．
點知去到先知佢已經到左．．．　原來佢自己搭的士過去．．．
等左陣有波鬥，同ｄ阿叔鬥，
阿廖ａｒｍ　ａｒｍ食飽，無力追波，俾人過左．．．　先輸１球．．．
之後我踢番後，好ｄ，贏番２球呀～～
２球都係小肥入既，我想入波架，不過射極都唔入．．．
之後４個場都俾人ｂｏｏｋ晒，我地諗住去雞場踢，
咁我地４個行先，就拎住金貓ｄ券食左好多ｍ記既包！！
之後又用６折咭買左２個包食，正呀！！
跟住行過雞場，見唔到樹熊佢地，以為佢地去左大窩口個７人場啦，
去到又唔見佢地喎．．．　唔理喇，又見到上次果２兄弟，
今次又拉埋佢地一齊鬥波，原來佢地真係新搬黎果ｄ呀．．．
佢地講ｄ我地聽唔明既話，應該又係阿差果ｄ，不過睇個樣又唔似喎．．．
叫左個人幫我地打龍，對大窩口聯．．．
完全無諗住贏架，不過踢左陣，阿廖大腳吊入禁區，
人地後衛有ｄ誤會，頭鎚跣左入龍擺烏龍．．．　ｙｅａｈ～～
之後對另１隊，又係大窩口聯果ｄ啦．．．
都有得鬥架，互有攻勢，我地果ｄ仲入肉ｄ　ｔｉｍ！
我有球遠射諗住死角入架，點知又中楣角彈出喎．．．
另一球又射到柱邊出界．．．　唉．．．
小肥都有射門，不過唔中龍，爭唔係好多咋．．．
果２兄弟都幾勁，真係唔怯場架，有推波，有起腳，踢得幾有睇頭架～～
之後我拉親背肌，扭唔到腰呀．．．
眼睇住人地過我都搶唔到個波，唉．．．
之後人地有窄位射中楣，又有傳中省中柱，
最後我地都係輸左．．．　如果唔係我拉親．．．　唉．．．
去７－１１買野飲，同金貓＆阿廖傾ｔｍｒ一齊去睇戲～～

又去２個ｍａｎｄｙ ｆｕｎｃｔｉｏｎ！

今日ｍａｎｄｙ又有２個活動喇～～
朝早起身，本來係同椰汁糕去踢波架，不過佢要返工喎．．．
無理由一個去架．．．　唔踢ｌｕ～～
１２點半搭４８ｘ去沙田，點知早左好多到．．．
又點知原來個個都好守時，個個都早到喎！！
有力哥、藍嵐、阿Ｔｉｍ．．．
去到會場就見到紙皮喇，咪企係度等到ｍａｎｄｙ黎囉．．．
原來個時裝表演３點先開始．．．　頂．．．
卒之開始喇，ｍｏｄｅｌ無個靚既．．．
有個男ｍｏｄｅｌ好似比利斯素利咁既樣！　我嚇左跳！！
到ｍａｎｄｙ同ｄｏｎ行，點知佢地走一轉架咋．．．
之後又叫左力哥上台玩所謂既遊戲．．．　都有１袋紀念品俾番佢架，
有２頂帽、１個好靚既鎖匙扣、１個水壺，夾埋都總值２百幾蚊架！！
諗住去食野架喇，點知會有第２場，唯有繼續等，睇埋第２場啦．．．
睇完去搵埋佢地ｄ　ｆｄ，都唔知叫咩名．．．
之後佢俾人屈左請全部人食野，點知佢又真係肯喎．．．
食完就趕去九龍灣展貿，會合紙皮果ｄ一齊排隊．．．
個ｓｈｏｗ叫《ＥＥＧ　Ｓｕｍｍｅｒ　Ｈｉｔｓ全城熱唱優先選》，
英皇全部星都會參與演出架！！
因為係ｆａｎｓ　ｃｌｕｂ，唔使飛都入到去～～　正！！
未入去就得個等字，入到去就得個企字．．．
唔知點形容，總之係好正既一個ｓｈｏｗ！！
到ｍａｎｄｙ＆ｄｏｎ果陣，今次我都有嗌歌呀！！
睇晒成個ｓｈｏｗ先走！　總之係好正！！
同日清走，搭地鐵，１２點返到ｈｏｍｅ．．．
搭地鐵果陣見到個幾靚既女仔，仲同佢對望左陣ｔｉｍ～～　ｈａｈａ～～

出２個ｍａｎｄｙ ｆｕｎｃｔｉｏｎ～～

雖然尋日踩到好累，但係今朝都１０點起左身～～
打左陣電腦，去買麵包食，當早餐，因為無錢喇．．．
之後搭地鐵去九龍灣，出ｍａｎｄｙ活動呀～～
去到只係見到紙皮，等多陣就見到藍嵐、超人力果ｄ～～
上到德福廣場，係ｗａｌｌｓ雪糕ｆｕｎｃｔｉｏｎ黎既～～
兒童台既阿ｂｅｎ＆丫文做主持，
有人玩遊戲，係間房入面執ｄ半空飄浮既分紙，ｄ分可以換電器．．．
等到２點半，佢地終於到喇～～　我又係舉大牌．．．
ｍａｎｄｙ、ｄｏｎ、ｋｅｎｎｙ、ｂｏｙｚ＆四葉草既ｃｅｌｉｎｅ，
佢地食雪糕，之後扮個滋味樣出黎，叫我地既聲浪決定幾高分，
我地梗係係咪都叫啦～～　ｍａｎｄｙ整鬥雞眼，好得意～～
最後ｋｅｎｎｙ贏左呀．．．　因為佢ｆａｎｚ太多ｌｕ．．．
之後又係台上面整雪糕、疊盒鬥高、收集分咭．．．
最後玩遊戲果陣仲有叫力哥＆紙皮上台ｔｉｍ！！　ｈａｈａ～～
紙皮ｗｉｎ左部電視架，最後佢無去拎獎．．．　蝕晒．．．
力哥都拎到件衫俾ｍａｎｄｙ簽名～～
去停車場追車，不過又逼又多人．．．
轉個頭就一齊搭車去數碼港，另一個ｆｕｎｃｔｉｏｎ，
今次係個音樂ｓｈｏｗ，超多人出席！！
好似排隊買曼聯波飛咁．．．　又係要等．．．
佢地鋤ｄｅｅ，我睇，力哥唔係好識，要我提佢水呀～～
卒之入到去，爆多人，企得好後，仲要俾人舉牌遮住個台．．．
一開始係個乜鬼「高潮樂隊」喎．．．
一ｄ都唔好聽，得個叫字，又噪生晒．．．
之後ｓｔｅｐｈｙ唱青山散步，一隻好怪既歌．．．　人就ｏｋ靚～～
ｔｏｂｙ出場，唔知唱乜．．．　王浩信唱訊號．．．
之後到ｍａｎｄｙ＆ｄｏｎ喇！！　唱新歌《傷對論》！！
我地又發癲，唱埋一份！（其實係大叫唔係唱．．．）
唱完佢地５個又合唱２首歌，其中１首係《我們的愛》！　正！
走ｌｕ，又去停車場，今次要係門口等．．．
等左好耐，終於出左黎～～　佢地仲落左車同我地傾計＆影相！！
我又有同ｍａｎｄｙ合照喇～～　ｙｅａｈ！！
跟住ｇｏ　ｈｏｍｅ，睇「奇幻潮」，今集有ｍａｎｄｙ喇～～

情節都好恐怖，又割手，又斬手指，最後ｍａｎｄｙ死得好慘呀！！

一生難忘既踩單車！

ｈａ～　今日無咩人去踩單車，驚落雨喎．．．
我、梁勇、荷蘭豆３個都唔驚，決定去做「死士」！！
１０點「老地方」等，我地荷蘭豆買左個包食．．．
等埋ｓｉｍｏｎ就搭４８ｘ去沙田新城市中心ｌｕ～～
去到就搵番「順利」租車，＄５０一個人呀，有ｄ貴，畢竟係假期．．．
踩住先，部車都幾ｏｋ丫～～
之後原來又要等埋張陽升，又要踩返去大會堂搵埋佢．．．
同佢租多部車，就出發ｌｕ，由沙田踩去大埔～～
因為之前踩過幾次，熟左路，好快就到左大埔喇．．．
途經個唔知咩球場果陣，見到好似南華咁既人係度練緊波．．．
搵餐廳食ｌｕｎｃｈ，睇到間買相最好既《永發茶餐廳》，就決定入去食！！
個個都叫飯食，真係好食，仲有跟湯，飲埋凍飲都只係＄２６，正！！
因為仲有好多時間，想踩去大尾篤，就問下個老板拎ｄ資料，之後就出發～～
個老板仲話踩去大尾篤都幾好喎．．．
唔係好識路，亂踩，點知又搵ａｒｍ路喎～～　ｈａｈａ～～
踩到半路，落雨，仲越落越大喎．．．　梁勇仲驚到抽筋ｔｉｍ！！
去到一個隧道停低，諗住整理下，順手避下雨啦，擺左個電話入荷蘭豆個袋，
過左陣，坑渠塞左，開始水浸，我頂！！
因為濕晒，就除左衫，點知俾蚊咬到一撻二撻．．．
我地風雨同路，一直衝，成身濕晒．．．
除左眼鏡，加上大雨係咁打落對眼度，我既能見度得番唔夠１０米．．．
一直衝，卒之去到水庫底ｌｕ～～
之後決定上埋去睇，橫掂已經濕晒，唔爭在啦！！
上到去，係直升機坪，前面係一條大直路，長８ｋｍ，
係水壩之類啦，沿路無瓦遮頭．．．
一場黎到，無理由調頭走既，決定一齊踩過去！！
好大雨！！　講得上係橫風橫雨，一路踩，ｄ雨就一路打落個身＆塊面度，
好似俾人用子彈亂槍掃射咁，好痛呀！！
不過行到路中心，無晒退路，而且好似開始行雷喇．．．
如果俾雷劈到就必死無疑！！　唯有忍住痛，博命踩！！
到盡頭，得番我同梁勇，見到好多人避雨，雖然無瓦遮頭，但佢地有遮．．．
返轉頭睇下佢地係邊，原來真係有人炒左車，係張陽升．．．
（傳說中既「金貓式炒車」．．．）
同佢止左少少血，跟住就返轉頭ｌｕ，又係同一條路，又痛過．．．
最終都俾我地捱過左，落番大尾篤巴士總站去廁所．．．
過多陣又起行了，回程，雨細了，可以慢慢踩返去大埔．．．
一路都無乜事，返到大埔就差唔多５點．．．
見仲有時間，就去返果間茶餐廳食下午茶，因為個個都無力喇．．．
諗住搵番個老板，話下佢所謂既「好介紹」．．．
可能佢知我地會返轉頭搵佢算帳，所以已經走左ｌｕ．．．
洗下件衫，因為彈到成身都係泥．．．
著住件濕既衫，又開晒冷氣，好凍呀！！
食雞扒＋沙律，飲埋熱朱古力，＄１９，有少少貴，不過又幾好味！！
係時候踩返大埔交車ｌｕ．．．
去到吐露港，見到有２個女仔＆１個細路女，見佢地都唔係好識踩，
就同梁勇２個玩佢地，我地２個人１左１右咁過佢地，正！！
之後我地仲連玩幾次ｔｉｍ～～　ｈａｈａ～～
過多陣，３個人無左影，荷蘭豆佢地同我地講番，
原來我地過左ｄ人之後一陣，有１個女仔可能想追番我地，
不過佢炒左車．．．　過多陣又開始落雨．．．
本來想返轉頭睇下佢地點架，不過梁勇又唔返喎．．．希望佢地無事啦．．．
我、梁勇＆ｓｉｍｏｎ　３個到左「順利」先，準備交車架喇，
等左好耐都仲未見荷蘭豆佢地，就同梁勇返轉頭搵，
不過到係搵唔到，原來佢地行錯路，兜左另一條路過去．．．
之後發現我、荷蘭豆個電話都入左水，可能已經壞左．．．
因為仲肚餓，買左ｄ包係搭巴士果陣食．．．
之後同荷蘭豆搭番４８ｘ返黎，８點返到屋企．．．