又係ｂｉｏ呀．．．日日都係ｂｉｏ．．．

　↑　ｍａｎｄｙ　＆　ｋｏｅｙ，係我自己影架～～

今日落雨喎．．．　ａｒｍ喇，橫掂都未溫好書，唔踢波ｌｕ～
真係好乖仔呀～～　雖然已經由朝溫到晚，
但係都只溫左２個ｃｈａｐｔｅｒ咋．．．
之後佢地叫我都唔去踢波，睇下我幾乖～～
《魔法小米路》已經全部播影完畢喇，無得睇，無得笑ｌｕ．．．
又迷上左睇一套日劇《縮水女朋友》，睇落覺得唔錯～～
今晚應該完成溫習ｂｉｏ　ｂｏｏｋ２架喇～～
聽日要即刻開始ｂｏｏｋ３，無時間喇！！！

溫ｂｉｏ！！！

ｈａｈａ～～　本來今日係約左果次班女仔黎大窩口鬥波架，
點知佢地臨時話唔黎．．．　不過唔緊要啦，尋日踢夠了，今日當抖抖～～
一路都係度溫ｂｉｏ　ｂｏｏｋ２，但係溫得真係極慢．．．
課課都有一大堆生字要串．．．好難搞！！
要放棄一ｄ溫英文＆ｍａｔｈｓ的時間去搞掂佢得喇．．．
４點幾，悶悶地，用波波教的方法打ｗｉｎｎｉｎｇ，
真係正，好玩，但連輸幾盤．．．可能太耐無玩，生疏啦．．．
會考完再煲過～～　一定要再同波波鬥過！　正呀！！
因為進度真係好慢，夜晚都用埋黎溫埋ｂｉｏ，都係咁．．．
黎緊幾日唔打機，唔踢波，要等溫晒ｂｉｏ先！！！

ｂｉｏ ｐｒａｃｔｉｃａｌ ｅｘａｍ ＋ 踢波

今日要番學校，因為係ｂｉｏ　ｐｒａｃｔｉｃａｌ　ｅｘａｍ，
１點去食早餐再行番學校，途中見到波波，就一齊行番學校．．．
番到去就上圖書館，拎番ｃｈｅｍ　的　ｍｏｃｋ卷，
嘩．．．我的分數真係嚇死人．．．
卷１　ｐａｒｔＡ：　９．５／５４
卷１　ｐａｒｔＢ：　３．５／３６
卷２　（ＭＣ）　：　　１５／５３
咦．．．咁的分數去會考，仲唔Ｕ呀．．．
唉，都唔知考ｃｈｅｍ果日去唔去好．．．
拎完卷就上ｂｉｏ　ｌａｐ，等一陣就排隊，入得喇～～
４５個ｓｅｔｕｐ，要分半鐘做一個，時間唔多，好緊迫！！
而且有ｄ係睇顯微鏡，好難睇，有ｄ字又唔知點串．．．
不過都算好喇～～　都唔會低分既．．．
跟住佢又話１／４愚人節要補課喎．．．都唔知係咪玩人既．．．
走果陣行落葵芳買手機螢幕貼，＄２８一細張喎．．．
番到屋企就換衫踢波，佢地係５人場，上到去就拉埋佢地去７人場，
因為７人場有西聯，諗住同佢地鬥波，點知佢地淆ｄｅｅ喎．．．
我地叫跟隊佢地就走人，跟住上番５人場踢．．．擺明驚左我地．．．
我地本身諗住再上５人場去踩佢地場，但係有人黎，就留番係度鬥波～
係上次５人場果ｄ飛仔，都唔係勁，所以唔怕佢地，照踢～～
另外又有隊幾茅的人黎，有個係「鬍鬚阿叔」，
仲有個著ＡＣ的都幾茅，但我地又唔怕，照踢～～
先贏左ｄ飛仔一次，之後一直都贏唔到．．．
因為幾茅果班狂贏．．．　我好盡力呀，狀態幾好，
ｄ人都唔係好ｍａｒｋ到我，但係其他人一人錯一次就輸好多波．．．
最後阿叔都走埋，諗住踢多鋪，贏番次啦，點知都係輸．．．　走人！
尋晚發現ｂｉｏ　ｂｏｏｋ２好多野要記，溫左１／３咋．．．
今晚要衝埋另外果ｄ佢！！　唔係真係溫唔切其他科喇．．．

無鬥波都好累呀．．．．

　↑最愛球星：飛機仔【蒙迪拿】　（而家又傷左．．．）

今朝起身果陣ｐｌａｎ左個時間表：
起身　→　早餐　→　打機　→　踢波　→　晚飯　→　溫書
早餐完番到ｈｏｍｅ，阿聰ｉｃｑ叫我去網吧，橫掂ｐｌａｎ左，去！
去到又係打ＣＳ，好似勁左，因為ａｔ　ｈｏｍｅ有打過～～
３點幾走人，番屋企換衫，４點落到球場，５人場同７人場都無人黎，
搞錯呀！仲諗住今日係假期會有人黎鬥波ｔｉｍ．．．
連我地都只係得４個人：我，阿聰，臭汗，阿叔．．．（奧雲甩底）
一直射波射到５點幾都無人黎，阿叔都話走ｌｕ，我地去買野飲，
買完臭汗都走埋，我同阿聰番７人場繼續射波，輪流射波，輪流打龍，
可能因為我無食ｌｕｎｃｈ，射幾腳波都腳軟喎，射到６：４５走喇。
今晚要全力溫晒ｂｉｏ　ｂｏｏｋ　２，唔係真係幾難２２分喇．．．
「當你」歌詞：好想對你說　卻害怕都說錯　好喜歡你　知不知道？

成功破關喇～～

　↑　昔日的Ｓａｖａｇｅ　Ｇａｒｄｅｎ

唉，懶喇，連日記都唔想多打，因為無乜特別事．．．
早餐：西炒飯（原來同揚州炒飯唔同架！無咁多油，都無咁好味．．．）
無聊得滯，搵番隻ＣＳ出黎安裝，自己打，唔係好熟手．．．
玩左陣就３點ｌｕ．．．特登行落荃灣交電話費，要成＄１１５．．．
因為喉嚨痛，順手去萬寧買埋喉糖，
仲去埋惠康買２條檸檬茶番屋企，使＄使到我窮晒喇．．．
終於打爆左果個光線折射的ｇａｍｅ，第２２關真係好考腦力！！
http://flash-1.skycn.com/down/3610.swf
自己上去玩下啦～～
等左你好耐喇．．．幾時先出現架！？

繼續番溫書！！ 會考要有２２分！！

尋晚又因為一ｄ事，訓唔著，好似失眠咁喎．．．．
１２點先肯起身，都唔係好精神，跟住行落惠康買野番屋企煮，
快熟牌通心粉，爽滑彈牙（只係廣告話架咋），一ｄ都唔覺．．．
跟住就上左陣網，２點就開始番溫書，ｂｉｏ　ｂｏｏｋ　１，
係呀，仲係ｂｏｏｋ　１咋．．．你話我呢幾日幾咁懶呢．．．
４點鐘落去踢波，諗住落去郁下，因為幾日無運動．．．
去到５人場，有好多人，其中有ｄ係「飛仔」黎既．．．
去到無理由唔踢架．．．照跟隊鬥波ｌｏｒ．．．
我地都幾勁呀，贏左好多場，ｄ飛仔輸幾場波好似唔順咁，
又話跟多隊，入我地波又大大聲咁，卒之咪又係輸．．．
之後阿駒同阿發又黎左，跟多隊，反而輸左幾次．．．
最後６點幾，我地輸左，我就走喇，因為只係想玩下，
輕鬆下，唔想出太多力，而且想用ｄ時間溫多ｄ書！！
食完飯就順手睇埋「殘酷一叮」，今集無聊又唔好笑．．．
梗係溫ｂｉｏ　ｌａ～～　黎緊３日要完全溫晒！！
就算唔去踢波都要溫晒佢！　會考目標２２分！（好似定得太高，但會盡力）

難忘星期五．．．

今朝起身，就打俾阿阮問鬥波的事，
原來取消左，好彩有問阿畢拎電話，同埋有打去問咋．．．
之後食早餐就去荃灣ｍｔｒ恒生銀行（約埋等的地方），
去到一個熟人都見唔到喎．．．行左去Ａ出口睇，見到都果班果ｄ，
佢地話見唔到暴龍，就行番去恒生銀行喇．．．．
等左陣就見到桂鋒，之後林新華、阿叉．．．之後暴龍到～～
等多陣就搭６０Ｍ去屯門大會堂喇～～
嘩！原來今次活動的號召力都幾大，好多人去呀，都幾千人架～～
單計我地學校ｆｏｒｍ　５都有六、七十人去～～
去到買完水就排隊，入場之後坐得幾後．．．
開場就有詩班帶唱，ｄ人都好投入，我都有跟住唱～～
但我個人覺得ｄ詞同ｄ曲唔夾，個調唔配合．．．
之後有畫劇，當然好「行」啦，又係車禍後失憶，祈禱希望神保祐咁．．．
到祈禱，再有個捐獻的環節，我捐左好少＄＄咋．．．但有心就算喇．．．
跟住有幾個講師講話，包括德荃堂的牧師，上葵的蔡崇機校長．．．
其中佢地講ｄ人生哲理，好有道理，但就好似唔信神做到既．．．
有個講師講得好生鬼，之後又好激奮，講到好似唔信神就唔ａｒｍ咁．．．
最後叫相信神的存在的人起立，決志跟隨主的上台．．．
我只係企起身，無上台，因為覺得有心就得．．．
５點鐘就散喇，都算幾難忘既．．．因為第一次參與呢ｄ活動．．．
同桂鋒搭巴士番荃灣，一齊行，途中傾左好多升學的問題．．．

ｗｏｗ～～ 好開心呀～～

　↑我件波衫呀～～　２０號～～　
　　係咪好ｓｈａｒｐ呀？

今日１２點先起身，梗係啦，尋日雨戰之後，都幾累架～～
食完大快活就玩電腦喇，上網啦，ｉｃｑ啦．．．．
硬係唔想溫ａ．ｍａｔｈｓ　ｂｏｏｋ３，因為好難呀！
之後拎ｄ　ｂｉｏ出黎，睇左幾課就算喇，心散呀，唔想溫．．．
今日無波踢，因為阿廖番左大陸，其他人又番緊學．．．
打機喇，打左幾舖都無打喇，連打機都心散喎．．．
今晚好開心呀～～卒之俾我搵到喇～～皇天不負有心人呀～～
聽日要去果個「難忘星期五－綜合音樂會」，唔知會有幾難忘呢？
仲有亞斯理同人地鬥波，希望可以贏到啦～～

同女仔鬥波～～

今日因為奧雲唔使番學，就上去佢屋企打ｗｉｎｎｉｎｇ喇～～
原來佢果隻ｗｉｎｎｉｎｇ係最近架喎，畫面同音效都靚ｄ．．．
打左多幾舖，輸多贏少．．．輸親都係僅輸，贏就大炒～～
之後阿廖都話上黎，就叫佢買多兩個杯麵上黎，諗住當ｌｕｎｃｈ啦，
點知佢買左上黎，奧雲屋企個工人又幫我地煮左麵喎．．．
咁無計啦，唯有多謝佢地，都煮得幾好食～～
之後先發現阿廖無帶波黎．．．咁咪陪佢一齊番屋企拎囉．．．
拎完就一齊去金貓樓下，等齊人就搭巴士向慈雲山進發～～
等緊人其間，就打俾黑柴問佢係邊，佢係ｍ記入面，
但係佢同我地講係千色店行緊過黎．．．跟住奧雲＆臭汗串左佢成日～
搭４２Ｃ去到黃大仙，等埋嘉威就搭２Ｆ去到慈雲山～～
去到５點幾，換衫就同班女仔鬥波喇．．．
佢地對我地黎講真係唔係勁．．．但係女仔黎講都算唔錯喇～～
贏左佢地幾球，之後落雨，佢地都好好呀，都肯踢多陣先～～
佢地有個女仔同我條褲一樣，咁就俾佢地屈左我地係情侶．．．
跟住有隊波黎撩我地鬥波，我地就分隊，拉住ｄ女仔一齊踢～～
效果都唔錯呀，有贏有輸咁啦，
不過我無落場果２場輸晒喎，我有踢果２場都贏．．．
踢完就一齊去ＫＦＣ，買桶餐果陣個靚女售貨員問我地ｄ雞辣唔辣，
臭汗話：少少丫唔該．．．（點少少呀．．．乜雞有得少少辣架咩？）
之後食完野阿廖俾人用個桶笠住個頭．．．佢又笠番奧雲．．．
食完又去搵ｍ記換薯條同包食，順手「唱」散紙～～
其後發現有紅ｖａｎ搭番去喎，＄１０個，平過仲快過搭巴士～～
真係亡命小巴，８：３９上車，２０分鐘唔使就到大窩口ｍｔｒ．．．

補領左身份證喇～～

因為阿爸要係舖頭幫手，所以要我早ｄ起身去補領身份證～～
１１點搭小巴過去長沙灣，個十蚊一個喎，好貴呀！！
去到原來好快架咋，申請一張智能身份證仲快過飲餐茶呀，
一個鐘都唔知使唔使～～影相果陣影得唔好，張相影得好差呀．．．
搞掂晒就番屋企ｌａ，又係度發奮，ａ．ｍａｔｈｓ　ｂｏｏｋ３，
主攻ｃｈ．１５，因為唔係好識運用微分．．．．
５點幾又懶番，打左陣機，唉，江山易改，品性難移呀．．．
聽日大事呀～～約左一班女仔鬥波！！！

白走一趟．．．．

今朝早ｄ起身，同阿爺飲茶，因為要去補領身份證，
飲茶果陣食到好滯呀．．．因為叫多左野食．．．
之後搭地鐵，去長沙灣政府合處～～人事登記處係３樓～～
去到唔多人，就排隊，問佢有咩手續，
原來要父／母陪同補領架喎，爺爺唔得喎．．．
佢俾左張申報表我，叫我填完叫父／母一齊黎過．．．無奈左～！
搭番３３Ａ去大窩口～～一番到屋企就溫書，
因為為左某一ｄ野，好想係會考拎得高分ｄ！！！
成個下午就發奮，煲ａ．ｍａｔｈｓ　ｂｏｏｋ２，而家識晒～～
聽日ｓｔａｒｔ　ａ．ｍａｔｈｓ　ｂｏｏｋ３！！！

推介：好少睇卡通片的我，而家日日都追住睇《魔法小米路》！！
　　　因為真係好睇，好低ｂ，好得意，好搞笑～～

今日去拜山呀～～

↑等我晒下命先～～

今日又係一年一度去和合石拜山的日子，７點幾起身，８點出發～～
係巴士站見到個親戚係巴士上面，想上車但架車又開走喇喎．．．
８：３５去到大埔ｍ記食早餐，之後飛的趕去和合石，因為差唔多遲到
９點幾去到，一早封左路，要行山路上去，個幾鐘，可能我成日踢波啦，
覺得行幾多都無問題，ｄ大人就話行得好辛苦喎，直頭想抽筋咁滯．．．
上到去又曬又熱，仲要同ｄ親戚唔熟，企左係度傻下傻下咁．．．
拜完，ｄ大人偷雞，燒兩排炮仗就閃喇～～
落番去空地食野，由於食ｍ記食到懵左，食唔落野，又係企左係度．．．
食左１塊威化餅同飲左１盒陽光蘋果汁．．．
因為阿爸要趕番黎舖頭幫手，未食完就走ｌｕ，果陣１２點到啦．．．
番到大窩口，阿聰同梁勇叫我去荃灣網吧打機喎，無野做就去喇～～
打到４點幾，落左津味，食好耐無食過的炸醬麵～～　正呀～～
之後阿聰話唔夠飽，仲想挑戰，叫一碗麻辣的牛腩麵，價值＄１６，
ｄ店員同佢講話好辣，勸佢唔好叫，點知佢唔聽，照樣落單．．．
到喇，我地坐佢隔離都聞到一大陣辣味，跟住我就估佢一定食唔晒！
佢食左２舊牛腩，就放低筷子，飲晒成杯豆漿，話唔食ｌｕ．．．
可能真係太辣啦！ｄ店員阿聰換過ｄ湯底佢都係食唔落，＄１６．．．
佢地再去金禾打機，而我就再同家姐去買發泡膠盒果ｄ野番舖頭～～
除了ｖｅｃｔｏｒ，ａ．ｍａｔｈｓ　ｂｏｏｋ２原來我差唔多識晒！
聽日再溫晒佢就開始ｂｏｏｋ３～～
ｂｔｗ，聽日要去長沙灣補領身份證呀．．．

叫左樹熊果班黎大窩口鬥波～～

今朝訓醒果陣爺爺已經買定盒飯番黎俾我食，ｔｈａｎｋｓ！！
跟住就上網喇．．．之後溫左陣ａ．ｍａｔｈｓ啦，
３：００約左樹熊同龍哥果ｄ黎大窩口踢波～～
上左５人場，西聯果ｄ都係度，我同臭汗拉住３個細路贏左佢地，
之後佢地好似餚晒ｄｅｅ咁，淨係係場邊玩馬騮搶波，唔跟隊．．．
好曬呀，搞到踢左一陣就累．．．贏下輸下咁啦．．．
５點幾就落７人場鬥波，見到全完ｄ人，肥馬果ｄ都黎左．．．
跟住我地李兆基的人隊，贏足一個ｒｏｕｎｄ～～
我仲入左兩個靚波ｔｉｍ～～好開心呀～～
跟住阿聰走ｌｕ，我地即刻輸波．．．
最後踢多次，我助攻俾樹熊入波呀～～
之後再輸就走喇，因為要趕番屋企睇「殘酷一叮」．．．
好野～～　溫左幾日終於溫晒ａ．ｍａｔｈｓ　ｂｏｏｋ１喇～～
聽日開始ｂｏｏｋ２！！！但係聽朝要去拜山呀．．．

今日好懶呀！！！

尋晚３點幾先訓，今朝９點隔離屋ｄ人鑽牆喎，搞到我無覺好訓．．．

１１點半家姐打黎叫我落舖頭，仲以為有乜急事，即刻落舖頭，
原來諗住叫我同家姐去荃灣買發泡膠盒果ｄ咋．．．
因為未食早餐，食左半碗翅仔先行，買完番黎就１２點半喇．．．
同波波去美心食野，因為要叫佢借本中學指南俾我參考．．．
但係美心無＄１５果ｄ瀨粉喎，我就買ｍ記番屋企食。
跟住就好懶，成個下午係度上網，唔溫書，咁就ｈｅａ到５點．．．
星期５，所以去亞斯理踢波，順便同阿阮傾下星期５同人地鬥波的事，
佢會叫埋佢細路「細肥」去，細肥係葵青區隊，好勁，
曾經係學界比賽射波省到人地暈．．．傾完就鬥波，
今日唔知做乜，射波都完全無準，狀態唔係幾好，可能訓得唔好啦．．．
唉，咁就ｈｅａ左成日去喇．．．
計過喇，仲有４０日就考會考的第一科：電腦
唔計ｃｈｅｍ的話，平均每科有５－６日去溫，
一定要爭取每一分一秒去溫書先得！！

倒霉的一天．．．．

↑呢個女仔個樣有少少傻氣、孩子氣，而且又幾靚女，
　個樣又有Ｄ似「阿夢」岑寶兒，最衰唔知佢叫咩名啦．．．


本來無乜事，都係　食早餐　→　溫書　→　踢波　咁啦．．．．

踢波果陣就發生左幾件事，十分不幸．．．．

１．　今日無人黎大窩口７人場踢波，唯有上５人場同李惠利ｄ人鬥。

２．　係５人場踢左陣，李惠利ｄ人都走晒，我地自己有６個人，
　　　就３打３啦。其中一次，阿廖控住個波，我埋去扮鏟波啦，
　　　佢想過我，就踢走個波，點知省左落我塊面度，中左個鼻，
　　　有少少痛，番到屋企直到打日記的呢一刻都仲痛痛地．．．

　　之後就有人提議去我舖頭買野食，去到得阿廖買燒賣，
　　食完話７－１１果ｄ好食ｄ喎．．．
　　奧雲、小肥＆梁嘉威就買碗仔翅食，一齊買左帶上去７人場食，
　　去到都係無人踢波，咁佢地食完玩斬波、頂波、射罰球．．．

３．　玩完就走啦，發現我個袋唔見左．．．而其他人的財物都完在，
　　　跟住搵左好耐都搵唔到，無計啦，ｇｏ　ｈｏｍｅ．．．．

　　袋內有：身份證／八達通／ｋｅｙｓ／紙巾／５粒棉花糖／
　　　　　　０４－０５年度李兆基學生證／蔣雅文國際歌迷會會員證

　　好黑仔呀．．．次次俾人偷野既都係我．．．唔制呀～～
　　又要補領身份證喇，今次仲係張智能ＩＤ　ｔｉｍ，會唔會貴ｄ架？

大佬介紹我聽日隻歌，又真係幾好聽喎，等我又係度介紹下先～～
　蔡健雅　－　下一次愛情來的時候

睇到肥燊的一句話，激發起我的鬥志，一定要努力讀書！！
「今天工作不努力，明天努力找工作」

又係苦悶的一日．．．．

今日公公婆婆黎，諗住等埋佢地黎到飲茶，
點知黎到之後公公話食左粥．．．
原來今日公公黎，都係拎錢架咋．．．
佢話佢今日生日，媽咪俾左幾千蚊佢，去左買介指．．．
１１：００我同爺爺去茶餐廳食早餐，
食完就ｇｏ　ｈｏｍｅ，我開始玩電腦，
１２：００玩到差唔多４：３０開始溫書．．．
因為ｐｌａｎ左溫ａ．ｍａｔｈｓ頭幾課．．．．
溫到７：００就搞定了頭４課，感覺「會考無難度」了～～
聽日要溫晒ｂｏｏｋ　１佢！！！

為會考奮鬥！！

今日起身就開始打算下會考的事喇．．．
食早餐果陣邊食邊諗點去溫書，
食完早餐就諗到個溫書的策略ｌｕ，就係由最尾果科溫先～～
番到ｈｏｍｅ就睇下個時間表，２８／４考第一科，
仲有４０多天，預計每４、５天溫好一科，
今日開始溫的是ａ．ｍａｔｈｓ，要逐課溫晒佢～～
因為連續踢左兩日波，今日覺得好累，所以今日無去踢，
下午連埋晚上，斷斷續續咁溫左幾課完全唔熟的，
聽日開始要每課都讀熟晒呀！！

踢波踢到好累呀～～

１２：００先起身，無打機，因為約左２：００葵芳踢波～～
去舖頭拎錢，因為阿媽無擺低錢係屋企，
點知佢係咁鬧，話我成日使錢，係佢唔俾錢我，仲好似我錯咁．．．
食完就去葵芳，差唔多等到３點先齊人，仲要見到阿聰果班人黎踢波，
正，有波鬥，我地只贏少少，因為無人肯打後，失好多波．．．
之後俾人ｂｏｏｋ左場，又唔想同ｄ阿叔去隔離場鬥，
唯有去中葵（大連排果邊，５人場）踢啦．．．
去到同龍哥，ｕ記，家誠一隊，對住阿ｄｅｅ，ｇａｒｙ，樹熊＆腮東，
都幾辛苦下，好難搶到ｇａｒｙ個波，阿ｄｅｅ又鬼咁大力，
樹熊又咁鬼死好腳法，好彩我地都有龍哥，有贏有輸咁啦～～
期間我有一次勁射省中阿ｄｅｅ個袋，佢痛到典左係度．．．最後無事，
之後又猜過人，話鬥十分，輸左請野飲，我話唔好玩野飲，就唔賭了，
猜左同腮東，阿ｄｅｅ，ｕ記一隊．．．
即係對住樹熊＋ｇａｒｙ＋龍哥＋家誠．．．
諗住輸梗啦，好彩話唔賭野飲．．．
之後我唔想輸，用盡力踢，原來都有得鬥，
１人入１球咁，最後我地居然贏埋．．．
７：００就ｇｏ　ｈｏｍｅ　ｌｕ～～

又出ｍａｎｄｙ ｆｕｎｃｔｉｏｎ喇～～

今朝叫家姐特登早ｄ叫醒我，一齊去飲茶～～
１０：００去飲，同家姐、爺爺三個人，
飲完個天就落雨喇，就下定決心唔去踢波，一於去睇ｍａｎｄｙ！！
之後問阿廖，佢話去下都無所謂喎，咁就一齊去喇．．．
２：００一齊搭３３Ａ去奧海城，３：００去到，
一去到會場就見到ｍａｎｄｙ同阿ｄｏｎ影緊相＆接受訪問，
果個活動係成立左１２５週年的樂善堂的籌款活動，
係佢地叫ｄ婆婆幫手包裝架，每包＄２０，
之後開始介紹，先有ｄ小朋友跳舞，後有主席果ｄ致辭，
講完就到ｍａｎｄｙ、阿ｄｏｎ就出場，
佢地原來叫做「甜心大使」，個名襯ｍａｎｄｙ，唔襯阿ｄｏｎ．．．
跟住佢地就要玩遊戲，跳３０秒自創「糖果舞」，
ｍａｎｄｙ爭住跳先，因為要自創．．．佢仲叫阿ｄｏｎ咪抄佢．．．
無乜野，只係搞笑，有ｄ唔協調咁．．．
到阿ｄｏｎ，佢係咁玩花式，好似剔波咁，但係又唔成功．．．
玩完就唱歌，當然係合唱佢地的拿手飲歌：懶醒
佢地２個仲宣佈年中（５、６月）會合作出碟！！到時必買啦！！
整個過程我都影左相，跳舞＆唱歌果２ｐａｒｔ我仲拍左ｍｏｖｉｅ，
最尾ｍａｎｄｙ＆阿ｄｏｎ幫手義買糖果，我都拎左＄２０出黎，
但係ｍａｎｄｙ手上的糖果咁快就賣晒．．．無奈啦．．．
最後為左做善事，都係個ｃｏｕｎｔｅｒ買左一包，
我初頭仲以為ｄ糖係ｄ婆婆自製的，
但係開左之後先發現只係一包軟糖入盒內買，
唔怪得ｄ婆婆話幫手唔辛苦啦．．．．
跟住就同阿廖去買野飲，搭番３３Ａ番屋企喇．．．
番到ｈｏｍｅ，睇相，原來張張都好矇，得ｄ　ｍｏｖｉｅ睇到．．．

８：００睇「殘酷一叮」，本來都無乜野，都係覺得好笑咁．．．
到第３個參賽者，佢個樣好面善，唔知邊度見過咁，
佢個名有個龍字，係男扮女裝唱「紅花會」，把聲好熟，
跟住我就認定佢係平時同我地一齊去ｍａｎｄｙ活動的龍龍，
即刻以ｉｃｑ問下佢先，誰不知真的是他．．．．
佢最後係拎到＄４０００走，戥佢開心！！
起碼佢好大膽，放下尊嚴，男扮女裝「獻醜」，抵佢拎到咁多＄＄！！

終於又有波踢喇！！

考完ｍｏｃｋ３日先有波踢．．．不過都好過無．．．
特登ｈｅａ下，呢幾日唔溫書住，輕鬆下啦香港人～～
起身一陣就打機啦，１２點幾就去買ｍ記食，
３：３０去踢波喎，７人場無人，５人場踢住先，
踢左一陣茅柴去左７人場，諗住去同佢地鬥波啦，
點知我地去到佢地又ａｒｍ　ａｒｍ走．．．
跟住建議去葵芳，奧雲、小肥果ｄ又唔合群，話唔想去，拖左陣先行．．．
去到見到康輝＆阿阮，佢地叫我地跟隊鬥波，因為周展同阿欽果ｄ係度．．．
跟隊啦，有８個人，猜人踢，我第一次就猜輸，係場邊食風，真係好凍．．．
到我踢，因為ｄ人好勁，俾ｄ阿叔狂猜，踢得好辛苦，搶極都搶唔到波．．．
開頭都好ｄ，有贏有輸，之後體力下降，仲要無水飲，一直輸到走．．．
夜晚家姐話唔舒服喎，又痾又嘔，睇黎係腸胃炎，
唔知佢聽日仲考唔考到ｍｏｃｋ呢？？
今晚羅馬輸到痺，上場仲話想贏祖雲達斯，今場連卡利亞里都失咁多波．．．
睇黎都係執定包袱，唔使踢歐洲賽架喇，希望迪尼利（羅馬教練）快ｄ走人啦

終於考完ｍｏｃｋ了．．．．

今日考埋ｍｏｃｋ的最後一科：ａ．ｍａｔｈｓ
２小時３０分做一份卷，時間都幾長．．．
有分ｐａｒｔ　Ａ同Ｂ，ｐａｒｔ　Ａ都幾易下，１２題得１、２題唔識，
ｐａｒｔ　Ｂ就係長題目，５揀４，死喇，
睇睇下發現有微積分、ｖｅｃｔｏｒ、ｌｏｃｕｓ．．．．．
全部都係唔擅長果ｄ，有少少濕滯，好辛苦咁做．．．
做左４題，有１題只做了１個分題．．．．．
其餘３題都係完成唔晒，有２題只係爭１個分題就完成架喇．．．可惜．．．
本來諗住ａ．ｍａｔｈｓ可以有Ｃ／Ｂ架，但係呢次應該係Ｄ喇．．．
希望會考會好番ｄ啦，如果唔係或者會唔夠分升中六架．．．
之後諗住考晒所有科就去踢波啦，但係料不到天公不造美，下起雨來．．．
最後又揀左去網打２個鐘機，之後就番屋企ｌｕ．．．．

聽日ｍａｎｄｙ有ｆｕｎｃｔｉｏｎ呀，應該都會去既．．．．

溫埋ａ．ｍａｔｈｓ佢！！！

唉，生活都係無大變化，同一個模式持續了多日，有ｄ悶喇．．．．
又係起身，打機，食早餐，跟住就溫ａ．ｍａｔｈｓ喇．．．
１點幾溫到７點，溫晒ｄ舊野，無乜問題了．．．
食完晚飯就睇下ｄ微積分同埋ｓｉｎｅ、ｃｏｓｉｎｅ果ｄ，
８點幾睇到凌晨１點都係唔係太識．．．
死喇，聽日都唔知會點ｔｉｍ．．．．

無覺好訓．．．辛苦．．．．

哇！！救命呀！！整夜沒覺好睡啊．．．
不知為何，整晚輾轉反側，睡極也睡不著．．．．
起來後，長了一顆口瘡，一顆飛滋，好痛呀．．．．
考ｂｉｏ呀，卷一唔係太難，但係有ｄ生字唔識串．．．
卷二就易ｄ，好快就做晒，仲有時間在卷上畫畫．．．
之後去ｋｆｃ食，食完就係果度溫一陣ａ．ｍａｔｈｓ，
順手等埋考完ｏｒａｌ的阿聰一齊去網吧打機，
點知佢成４：００先黎，去左三間網吧都無位．．．
番屋企，好眼訓，訓一陣先～～
７點幾起身食晚飯，跟住就打呢篇日記喇．．．
今晚一定要訓餐飽！！！

又係溫書＋踢波囉．．．

１２：３０起身，之後買大快活食，ｄ野食麻麻地啦．．．．
溫ｂｉｏ　ｂｏｏｋ　２，差唔多４：００溫完～～
約好阿廖同奧雲踢波，因為馬騮佢地叫左ｄ陳兆民的人黎～～
去到見到有２隊全完，話ｂｏｏｋ左場到６：００喎．．．．
叫佢地拎張場紙黎睇啦，點知佢地又無喎，原來想呃我地．．．．
同佢地鬥波，贏左一場先，係我入波架，但係唔靚．．．
之後同陳兆民果ｄ鬥，玩左一陣，我甩波俾人入左，
但係我地來埋話唔入．．．繼續踢．．．
我打龍，換左阿廖出黎，點知踢左陣阿廖又甩波，又俾人入，
咁次完全睇到喇，無得扮．．．
到番我地隊出去，屈梁家威守龍，諗住贏啦，
點知今次到奧雲係中場俾人搶左個波，人地推順抽死角入．．．
無奈，再到我地的時候，個個到話走ｌｕ．．．
玩左陣趟地波同埋射楣就番屋企喇．．．
今晚要溫晒ｂｉｏ　ｂｏｏｋ　３呀！！要加把勁喇！！

最難頂的一個考試．．．．

今日要考我放棄左的一科：ｃｈｅｍｉｓｔｒｙ
本來仲諗住ａｂｓｅｎｔ架，但係又怕佢捉我去補考喎．．．．
嘩！正呀！第一次考試可以咁ｓｏｆｔ，咁舒服～～
卷一有１小時４５分，做果陣題題都唔識，做左幾個字，
識的都做晒，要撞的都撞左，就趴左係檯喇．．．
之後亂咁寫ｄ野上去，費事ｅｓｓａｙ果ｐａｒｔ空白一片晒．．．．
訓左一陣啦，等左好耐先夠鐘咋．．．
之後個個都想話我咁滯．．．話我做乜做得咁快，佢地就做餐死喎．．．
你估我想架咩，要識做先得架．．．
卷二都仲好ｄ，ｍｃ有得撞下，慢慢做，慢慢估，
做完得番５分鐘，ｈｅａ下就過ｌｕ～～

阿聰佢地話踢波喎，但係我無帶衫而又想踢喎，咁咪著校服踢囉．．．
又曬又係咁出汗，幾辛苦下，踢左一陣就有ｄ累．．．
之後阿聰果ｄ話走，樹熊果ｄ又黎左喎，叫我同地一齊踢，咪踢囉，
橫掂ｕ記順手拎衫褲同襪俾我～～
有三隊，一隊係有ｄ李賢堯既，有一隊係ｄ葵芳班阿叔，
有少少想同李賢堯果隊打架，佢地茅我地ｄ人，仲要唔認喎，勁無品！！
輸左幾場，贏左１、２場咋．．．．
跟住２邊都俾人ｂｏｏｋ晒，咪走囉．．．

唉～唔知呀，希望ｃｈｅｍｉｓｔｒｙ的成績唔會影響我的升學前途啦．．．

好眼訓！！

睇完羅馬對祖雲達斯的比賽，凌晨５：３０了．．．賽果是羅馬輸１：２
２個失球都具爭議性，第一球簡拿華路是越位的，第二球不應是１２碼．．．
整場波都充滿火藥味，其中當前羅馬球員艾馬臣同薛比拿控波時，
全場球迷都噓聲四起，指責他們是叛徒．．．

即刻訓覺，醒來己是下午１：３０了，買飯盒吃．．．
又因為眼訓，推辭不去踢球了，在家溫習ｂｉｏｌｏｇｙ．．．
全日都係溫書咋，有ｄ無聊，仲好悶ｔｉｍ．．．．
睇獎門人，ｄ人跳ｈｉｐｈｏｐ好好笑～～
今晚要早ｄ訓呀！！

大戰～～

尋晚叫左家姐今朝叫醒我一齊去飲茶，但係真係好眼訓，唔願起身，
仲要家姐同爺爺買埋番黎俾我食，我就快變懶蟲喇！！
食完就睇左電視，溫左陣ｂｉｏｌｏｇｙ，開電腦玩，
ｄｏｗｎｌｏａｄ左一ｄ王心凌的野，正呀，佢的新碟都幾好聽，
之後４：００又準時去５人場踢波．．．．（紅十字會又進駐左７人場）
去到見到西聯，佢地好似好驚咁，唔敢跟隊喎．．．．
同家俊，奧雲，金貓一隊，贏左好多次～～
６：００去番７人場，有隊全完，另外有隊淺粉紅色波衫，好似都幾勁，
跟隊啦，踢咁耐輸咁耐．．．．搞到我地好似好咋咁．．．
之後佢地２隊走晒，黎左隊全完ｂ　ｇｒａｄｅ同另一隊唔錯既．．．
連贏２場，２場都係我入波呀！有球仲要係好耐無入過的拉西曲墜呀～～
９：４５番到屋企，沖涼食晚飯，睇埋「鋼之練金術師」，因為好好睇，
上星期唔記得左而錯過左，可惜．．．
睇完成晚就溫ｂｉｏｌｏｇｙ　ｂｏｏｋ　１，溫到３：３０溫晒成本，
順手睇羅馬ｖｓ祖雲達斯呢場大戰！！！希望羅馬贏到，蒙迪拿入多ｄ波啦．．．

又去亞斯理～

尋晚２：００先訓，今朝１２：３０先起身，一覺訓到大天光，好舒服呀～～
去舖頭拎野食，因為唔想使錢，又係燒賣同糯米飯，食得好飽～～
打左陣機，就溫ａ．ｍａｔｈｓ，睇番微分，有少少唔記得，
拿拿聲背番熟，好彩都無乜大問題～～
到４：３０就換衫去踢亞斯理喇，去到全完ｄ乙組話ｂｏｏｋ左場練波到６點，
我地唯有上５人場踢住先啦．．．
上到去我同陳鴻，雞亦，同埋一個唔知叫咩名的人一隊，
次次都係贏一場，跟住又輸一場咁．．．
最後一次我地爭一隊就ｗｉｎ一個ｒｏｕｎｄ架喇，
最衰康輝好好彩咁用腳面彈到個波入死角，雞亦想救都無得救．．．
去番７人場，有３隊，有一隊係全完果ｄ人，都幾勁下，點知見到我地，踢左一球就話走．．．
仲有２隊同我地踢，踢左幾分又話走ｌｕ．．．
我地得番十個，５打５啦，我同小潘，康輝，家祺，雞亦一隊，咁住玩５分射龜，
我地贏左５：０．．．．一人射５球．．．合共２５球．．．
射到最後落大雨，跟住就返屋企ｌｕ．．．．
走果陣買左一條陽光檸檬茶，番到屋企直至食完晚飯，俾我飲左５盒．．．．

終於又可以踢波ｌｕ～～

成朝係屋企打ｗｉｎｎｉｎｇ，早餐都係煮麵食咋．．．．
下午就做下ａ．ｍａｔｈｓ，因為有好多野都唔識，又ｄ又唔熟．．．．
５：００去踢波，等到５：３０先阿廖先到，
５：４５先見到奧雲，仲要得４個人，鬥唔到波．．．
去上村去廁所，之後買左個包食，跟住又係阿波羅ｈｅａ左陣咁．．．
等到小肥換左衫落黎，仲有臭汗，６個人喇，番７人場～～
見到全完ｄ人黎左喇，６打６踢住先，
之後有隊幾勁既話跟隊，咪踢得認真ｄ囉．．．
連輸幾次，都係輸俾幾勁果隊，有ｄ唔忿氣，
跟住果場博晒老命，施丹式轉身過左２個，俾直線阿廖，
佢係出底線前傳中俾番我，我就順勢射番近柱，個波好慢，但係死角入，哈哈～～
係場邊等果陣奧雲係咁講敘利亞，好無聊．．．
全完多場就走，我地得番５個人，人地又係得番５個人，唔想咁累，無再鬥波，
番到屋企，家姐就捉住我叫我教佢數，因為聽日佢考ｍｏｃｋ，係ｍａｔｈｓ科，
ｍａｔｈｓ係佢的弱項，上次會考佢好似唔合格，但英文就係佢的強項，
而我同佢就完全相反既．．．．都唔知我同佢係咪唔同阿媽生既．．．．

今日都幾好丫～～

今日數學考試，之前覺得會失手，幸好事實並非如此．．．．
卷一全部做晒，仲有差唔多十分鐘剩，慢慢ｃｈｅｃｋ卷啦，
點知ｃｈｅｃｋ到最後一分鐘先見到有錯．．．改都改唔切ｌｕ．．．咁就無左６分喇．．．
卷二係ｍｃ，都全部做晒，仲有幾分鐘剩，成分卷得一題有少少唔肯定，
所以都懶得ｃｈｅｃｋ喇．．．試後問人發現自己ａｒｍ左，咁一定好高分啦．．．
始終都係強項，無咁易失手既～～
今日去大快活食野，我地幾個人坐係面向商場既高枱，一路食一路俾人望住，好搞笑～～
我地好似動物園的動物咁．．．有ｄ同校的人見到，識既，都望住我地係咁笑～～
跟住又一齊去網吧打機，今次無人食煙，舒服好多．．．又係ｃｓ同埋ｗｉｎｎｉｎｇ．．．
有隻ｇａｍｅ叫龍珠ｃｓ，咪玩下囉，原來好搞野～～
好多招式架，不過唔係咁識玩，亂咁打，連自己友都唔知，照打，笑死～～
走果陣落緊大雨，即係又無波踢喇．．．好慘呀！！
係屋企又打ｗｉｎｎｉｎｇ，用的人好勁～～
ｉｚｍａｉｌｏｖ，ｓｉｍａｏ，ｃｕｅｖａｓ，ｋａａｂｉ，
ｂａｒｒｅｔｏ，ｅｓｓｅｉｎ，ｋｏｍｐａｎｙ．．．．．
全部都又勁又唔係太出名，但係就好使好用～～
黎緊呢幾日都唔使番學，星期一仲要係考我放棄左既ｃｈｅｍｉｓｔｒｙ，
到星期三先再考ｂｉｏｌｏｇｙ，星期五再考ａ．ｍａｔｈｓ，但係都唔可以鬆懈，
要善用呢幾日溫熟ｂｉｏｌｏｇｙ同ａ．ｍａｔｈｓ佢！！！

轉用新ｂｌｏｇ～～

舊果個好廢！！繁忙時間永遠都上唔到，
有時打晒，ｌｏａｄ唔到就要由頭打過，好煩！！

今日都係好無聊咁過．．．．
１０點幾起身，打機，梗係ｗｉｎｎｉｎｇ８啦．．．
１點鐘先去食早餐，因為懶行囉．．．
去舖頭拿野食算喇．．．
順手幫阿媽買左盒叉燒飯，因為佢地行唔開．．．
拎左半盒糯米飯同十幾粒燒賣番屋企，都幾好味呀～～
成個下午溫左ｍａｔｈｓ，睇下電視咁，好無聊．．．
全日都無人打黎搵我，即係一定無波踢啦．．．
今晚晚飯，爺爺好好呀，整左碟好好食的鹹魚蒸肉餅，真係多謝佢～～

唔知點解，硬係覺得聽日數學會嚴重失手，可能係心理作用啦．．．

重拾狀態！！

重拾狀態！！ 今日考ｐｈｙｓｉｃｓ，卷一係長問題，卷二係４５題ｍｃ．．．考卷一果陣唔係咁識做，計完個答案好似唔ａｒｍ咁，可能因為溫得唔夠熟啦．．．收左卷之後，蔡ｓｉｒ話我地班噪，罰我地留低靜坐差唔多１０分鐘．．．跟住聽日傾番，話份卷出得幾易，我當堂嚇一跳，然後得啖笑．．．卷二就好長，差唔多用３０秒先睇晒一條題目，無太多時間去用心計．．．好多題都好似２個答案差唔多咁，唔係咁決定到．．．做得晒成份，唔係太難，應該都幾高分～～　因為之前測驗都幾高～～ｌｕｎｃｈ一齊去「維園餐廳」食，阿迪話學生去食唔會貴，同埋幾好食，所以全部人決定去試一試！＄２０唔使食左個係普通茶餐廳都食得到既餐，但係就好食少少～～之後玩野，填意見表，係咁剔不滿意的格，又話野食唔夠熱，又話待應招呼不周，總之無聊搞下事咁啦．．．幾個人去網吧打機，原來阿聰ｄ　ｆｄ一早已經係果度玩３緊．．．又玩下ｃｓ，又上下網，又玩ｗｉｎｎｉｎｇ．．．有人係果度食煙，好臭，有ｄ頂唔順，走人，搞到件衫一陣臭味．．．跟住先發現把雨遮漏左係學校禮堂．．．番到屋企換衫去５人場踢波，原來尋日佢地踢左個波上平台，我攞左支地拖去撩果番個我認為最好踢既波落黎，得左～～大窩口除左我地，無人踢波，唯有去雞場踢啦～去到跟隊踢，班人好似好勁，最後２：２，我入左球～班人話走，我地就去左下面另一個５人場喇．．．去到見到威仔果班李惠利的人，咁熟，踢隊一齊踢啦～～踢到走為止，我地場場贏，只係失過一球，入左好多波～～我個人入球最多～～　正，可能係因為用果個正波踢啦．．．聽日唔使番學，可以一覺訓到大天光ｌｕ～～ｐ．ｓ．　家姐今日唔使番學去左舖頭幫手，佢話幾好生意，好多人幫趁喎．．．　　　　　希望日後生意滔滔啦．．．