好無聊的一天．．．

又係１０點幾起身．．．．今日懶行，叫家人幫我買早餐回家，謝謝他們．．．食完就溫ｐｈｙｓｉｃｓ，溫左成個下午，連波都唔踢．．．溫到５點幾溫晒，打左２鋪ｗｉｎｎｉｎｇ．．．７：００食晚飯，吃完，無事幹，就打了這篇內容很不充實的日記．．．其實我家有大事發生！！！ｔｍｒ舖頭開張呀，都係尋日先知，時間很倉促，父母忙著準備，小食店，老本行啦．．．又係賣燒賣、牛雜、粉果之類果ｄ啦．．．等閒要去幫手呀，等我考完會考叫媽咪請我先～～

新波衫～～～

今日１０點幾起身，打ｗｉｎｎｉｎｇ８～～１２點去食野，食完就同阿廖＆奧雲去拎波衫～～去到興發，就數錢啦，中途又望下個櫥窗，見到有幾件ｎｉｋｅ波衫，新出既，勁靚！！突然覺得好唔抵．．．點解唔係之前見到？搞到整左件無咁靚既．．．奧雲自己出錢買左件，因為太靚喎．．．之後我地３個搵埋係旺角補習的家俊一齊搭３３Ａ番大窩口～～３：３０踢波喎，７人場有紅十字會操練，要去５人場，而全部人都著新波衫，哈哈！係時候笑家俊喇～肥肥矮矮，著件咁鮮色的波衫～～贏左幾場，又輸左幾場，有一球輸我，施丹式轉身之後攞唔番個波，俾金貓射空門．．．５點幾去買野飲，再去７人場踢～～去到７人場，我即刻生猛晒，個波係我覺得最好踢果個，仲入左幾球ｔｉｍ～～但係踢踢下抽筋，要退下火線．．．．走之後玩射龍門，中場射，有特定規則，唔入就跑圈喎．．．我雖然抽筋，但我係表現最好果個，跑得最少！！阿廖果ｄ跑餐死囉．．．．跑足７個圈．．．番到屋企食飯，沖涼，溫左陣ｐｈｙｓｉｃｓ，又睇「珍珠港」，睇左３個鐘，到而家凌晨１點．．．

電腦考試～～

如常番學校，今日考的係電腦，分開ｃｏｒｅ同ｐｒｏｇｒａｍｍｉｎｇ．．．．考ｃｏｒｅ先，２個鐘，有４０題ｍｃ同長問題，ｍｃ普通難，長問題都幾難，做完就發現係今年考試出的參考ｍｏｃｋ卷，我地就估ｐｒｏｇｒａｍｍｉｎｇ果份都係，ｓｏ背定ｄ答案先，之後考果陣果然不出所料，一模一樣．．．所以覺得好易做．．．由於係星期五，番到屋企就乜都唔理，打機！！！打足成個下午．．．雖然有亞斯理，但係都唔去踢ｌｕ．．．聽日同阿廖佢地一齊去拎波衫喇，好期待肥肥矮矮的家俊著左件粉紅色波衫果陣會有幾搞笑！！

２４／５

今日唔使考試，所以係屋企溫書～～聽日考電腦，係我比較強的其中一項，所以好快就溫晒～～朝早起身，喉嚨又痛過，有幾聲咳，有ｄ痰，但係病得唔嚴重，所以唔諗住睇醫生．．．今日好潮濕呀！成屋的地板同牆都係水．．．．．去左飲茶，阿媽約左麻雀友一齊，食左一陣就走～～番到屋企打左陣電腦，就開住電腦溫電腦喇．．．溫左成個下午，６：００佢地叫，我就去左踢波喇～～有史以來狀態最差的一日，帶病踢波，腳步浮浮咁，仲要好似就快窒息咁．．．球球都輸我咁滯，有心無力，去唔到波，總之就係廢．．．好似仲差過阿邦．．．番到屋企就溫多陣電腦，之後ｓｌｅｅｐ．．．

今日有ｄ病．．．

起身果陣喉嚨無咁痛，都仲講到野，可以考到ｏｒａｌ　ｌｕ～～８：３０－９：４０考英文作文，有３個題目，揀左個可以老作的～～題目話係麵檔見到個男人留底左個公事包，我打開發現左ｄ驚奇野．．．老作左有炸彈，俾人威脅，最後俾警察救番．．．做完仲有５個字剩．．．好有信心一定合格呀！！ｏｒａｌ　１：１０先開始，一齊係ｋｆｃ食早餐先，再去網吧打陣２個鐘機～玩左個幾鐘ｃｓ，跟住佢地打ａｏｃ，我唔識打，就玩ｙａｈｏｏ桌球ｈｅａ下．．．１：１０番到學校，見ｄ人搬枱，為準備放學的環校跑比賽，尹約基黎我地學校呀！！係等緊果陣有ｄ緊張，一路鋤ｄｅｅ一路等，舒緩一下～～到我地喇，６分鐘準備ｐａｒｔ　１，以為好多啦，做落唔夠時間．．最後緊緊過骨～～問問題果陣有少少口窒，最後仲唔記得講ｔｈａｎｋ　ｙｏｕ．．．ｒｅｐｏｒｔ果陣無乜事，但有一題就唔知佢問乜，停左係度，佢問多次先答到，扣左少少分．．．ｐａｒｔ２開始果陣樓下開咪，做熱身準備跑步，我地要等佢關咪先再開始．．．討論果陣佢地就唔住ｄ時間，太慢，但係講到ｐｏｉｎｔ，最後草草埋尾咋．．．走之前偷睇到ｄ分：２　ｐａｒｔ都合格呀～～總結：英文應該合格左喇～～　好開心呀～～走果陣佢地跑緊喇，見到尹約基同佢的拍擋，仲見到梁ｓｉｒ～～同佢打氣就走ｌｕ～～由於聽日無考試，諗住約人踢波啦，唔知係咪個天都想我溫多ｄ書呢？得阿廖話去．．．當然踢唔成波啦．．．今晚同聽日都要努力溫好電腦！！！

太眼訓了．．．．

朝早起身發覺有少少喉嚨痛，唔知係咪俾阿廖傳染？考英文卷３先～～　即係ｌｉｓｔｅｎｉｎｇ～～ｐａｒｔ　Ａ　真係ｅａｓｙ　ｊｏｂ，好易做～～ｐａｒｔ　Ｂ　演出唔係幾好，應該只係合格．．．總觀：ｌｉｓｔｅｎｉｎｇ一定合格之後考卷２，即係ｕｓａｇｅ～～２篇ｃｏｍｐｒｅｈｅｎｓｉｏｎ都幾難，無乜信心ｔｉｍ．．．做完都覺得唔係太大機會ｐａｓｓ．．．之後又一齊去大快活食野，食完ｇｏ　ｈｏｍｅ～～因為星期３考英文作文同ｏｒａｌ，所以番到屋企就打左一陣機～～６點鐘果陣覺得眼訓，跟住就訓左覺，連晚飯都無食．．．１１點醒左，沖澡，唔覺得肚餓，但係就頸渴，飲左盒維他奶先訓過～～希望第二日喉嚨無事，順利考好ｏｒａｌ啦．．．

中文～～

今日先考中文卷一＆卷二～～成晚訓得唔好，可能因為緊張啦．．．醒左之後發現唔記得溫實用文．．．大鑊喇．．．．番到學校集隊，見唔到阿迪，家和佢地，心諗唔通佢地遲到？結果真係．．．因為地鐵故障，他們「飛的」番學，都係要遲．．．阿迪於早排得到了學校的獎狀，為他５年來從未遲到和缺席作嘉許．．．而家破例了，唔知學校會唔會收番佢個獎呢？？先考卷一，全份卷都唔難，但係就係無溫實用文，格式錯左．．．再考卷二，做到ｌａｓｔ果題唔夠時間，寫到ｄ字好肉酸，唔理喇，最後都係爭少少．．．總括來說中文要合格完全係無問題呀～～１：１５放學，一齊去大快活食野，途中嗎啡問阿迪有無錢「唱」，阿迪話唱咩呀，唱歌呀？？天氣都冷架啦，仲講冷笑．．．冷到我地幾個人都唔理佢．．．２：１５搭地鐵番屋企，見到荷蘭豆，佢表示讀本問答死晒．．．番到屋企就打機．．．因為聽日同後日考的課２都係英文，聽日考英文ｐａｐｅｒ２　＆　ｐａｐｅｒ３先，希望聽日的狀態好ｄ啦，ｌｉｓｔｅｎｉｎｇ唔會聽漏啦～～

整新波衫～～

今朝起身，溫左個幾鐘中文～～約左阿廖同奧雲一齊去睇波衫，睇之前先去西九龍中心食壽司，＄４４任食，都幾正～～好飽～～食完去旺角「興發」睇下整邊件啦～～睇到無乜款ａｒｍ既．．．我地係想整件粉紅色的波衫架．．．見到件＄１１８的粉紅色短袖，又幾輕，最後就揀左呢件～～揀印咩字，我睇ａｒｍ左隻唔起角的字，但係佢地就睇中隻好多小圓點的字，最後就順佢地意～～之後去葵芳買波，用阿叔俾我地果＄１００買左２個波，跟住就番大窩口５人場踢一陣啦，著住ｄ長衫長褲踢，好熱，又好重，但係最後贏晒～～走果陣發現大鼻妹攞走左我地一個新波．．．佢好煩呀，都無人想理佢，仲要搞住晒．．．最後攞番個波，番屋企食晚飯～～要係咁狂溫中文，好辛苦呀！ｄ野好難記入腦呀．．．一定要努力呀！！考好個ｍｏｃｋ佢～～～

係咁溫中文．．．．

係屋企食早餐，食完早餐就溫功課，溫左陣都係忍唔住，打左一鋪ｗｉｎｎｉｎｇ，當鬆一鬆，之後繼續溫，溫中文，溫到就黎無時間開電腦～溫到夜晚１０：００差唔多溫晒，見到羅馬對利禾奴開波喇～～就睇囉～～開賽一陣【蒙迪拿】就入波！！勁呀～睇晒全場，羅馬３比０贏波，就好滿足咁訓覺～～突然發現：忘記了溫實用文，慘了．．．

考ｍｏｃｋ前最後一天上課日．．．

有ｄ唔開心，考ｍｏｃｋ前ｌａｓｔ一日上課．．．２堂ｍａｔｈｓ，睇２００３年ｐａｓｔ　ｐａｐｅｒ，又分析．．２堂英文，第一堂派功課答案黎對，好悶呀．．．第二堂做ｗｏｒｋ　ｓｈｅｅｔ，ａｒｍ左唔少，對會考有信心～～電腦，講番個會考功課的分，我有７０，同預期差唔多～～中文，簡ｓｉｒ無番，我帶左部ｍｐ３番學，攞左黎聽～～ｌｕｎｃｈ，滇園，又係好差的服務質素．．．．越來越唔好食，失晒信心，真係以後唔去食喇．．．ｐｈｙｓｉｃｓ，講埋ｌａｓｔ的ｎｏｔｅｓ，完晒ｌｕ．．．又係ｍａｔｈｓ，再講埋ｄ數，又完晒．．．２堂ｂｉｏ，派卷，２８／３９，算幾好喇～～之後做ｗｏｒｋ　ｓｈｅｅｔ，佢ｌａｓｔ一堂都要遲放．．．放學同人地寫紀念冊，之後同ｄｉｃｋｙ去葵芳撘地鐵番屋企～星期一開始考ｍｏｃｋ，第一科係中文，要３日內溫晒２６課．．．係時候發力喇！！！

無晒ｔｅｓｔ喇～～

今朝一ｄ都唔凍，得到番學校識出汗．．．今日影班相～～先由我地中五影大合照～～二百幾人企係個又熱又焗的禮堂度，個個都話好辛苦，全部人都成身汗．．．光是排企位都排左成堂的時間去．．．「麥當勞嬸嬸」怕無位坐，第一個跑去霸位，全部人都笑佢！個攝影師話要影幾張，怕有人眨眼喎．．．佢每影完一張之後先叫人企直ｄ，唔知對影出黎的相有乜影響呢？本來用黎ｔｅｓｔ的２堂ｐｈｙｓｉｃｓ咁就無左．．．ｂｉｏ堂，測ｍｃ，ｍｒｓ　ｙｉｐ派完就要去禮堂繼續拍照，佢叫我地唔好出貓，話信得過我地，但係都仲係有人唔聽佢講，做做下發現有兩題１９題，個個都唔知點填ｄ答案．．．．小息完，到我地５Ｅ影班相，我諗住自己好醒啦，特登同阿迪隔住黎排，諗住可以一齊企，點知我係第一排最尾果個，阿迪係第二排．．．波明笑我係「祖哥」（企最邊，而祖哥平時踢波成日係邊線推進），跟住果個人叫我同波明調位企，我即刻笑番佢，而知道晒的卓霖都係咁笑～～波明始終擺脫唔到宿命，因為佢次次影相都企最邊～～ｍａｔｈｓ，講少少會考的注意事項，同埋叫我地試下分析題型～ｃｈｅｍ，完全無理到佢。今日係我做值日，佢又再次寫滿晒個黑板，擦到我丫．．．ｌｕｎｃｈ落雨，猜程尋，輸左要企係操場食ｌｕｎｃｈ，結果我輸左，但之後佢地又話出去西村食，好野，唔使出醜～～去到又玩過，今次猜輸要玩係士多門口果部街機，今次到阿聰輸，佢揀左關羽，同埋一個細路玩，阿聰好快就玩完，但個細路打左超耐都未輸．．．走果陣幫阿聰改左個花名叫「關羽聰」，哈哈～～２堂英文，做ｌｉｓｔｅｎｉｎｇ練習，唔難，仲可以番屋企先做～～２堂中文，講番尋日個測驗，發覺自己答錯左好多野！會考果陣一定唔可以咁，如果唔係分分鐘升唔到中六．．．放學補測ｐｈｙｓｉｃｓ，１個鐘做４５題ｍｃ，收卷果陣我爭幾題，結果撞ｄ答案落去．．．會考果陣一定n做得快番ｄ～～由於聽日無ｔｅｓｔ，又無乜功課，就去左踢波，６點幾踢到１０點幾，番到屋企輕微抽筋，但無乜事．．．呢個ｂｌｏｇ真係成日到上唔到，搞到我要等１２點幾無乜人用的時候先打到日記，真係辛苦，聽日仲要番學架．．．又遲左訓喇．．．

今日．．．

要番學呀～～無乜學校要番，得幾間，見到好少學生咋～～仲要有中文測驗．．．．英文，全部人上堂做番ｄ功課，同埋為ｍｏｃｋ做準備．．．２堂ｃｈｅｍ，話ｔｅｓｔ，ｍｃ黎既，６／２２．．．中文，測驗，最尾做剩６分，但係份卷唔難，只係多同煩，應該可以合格～～２堂ｂｉｏ，做書，做左一半就唔想做，傾計～～ｌｕｎｃｈ，去食大碗麵，而家整得慢左！！同埋食唔飽既．．．搞到我要另外買多個包黎食．．ｍａｔｈｓ，講番假期要上網做的ｍｃ答案，但係我番左大陸無做到，好留心咁聽番～～週會，會考講座，都係好難原校升架喇．．．但係升中六就無乜問題既．．．聽日要ｔｅｓｔ　ｐｈｙｓｉｃｓ　＆　ｂｉｏ，好辛苦呀．．．會考真係好大壓力呀．．．

俾家俊笑死．．．

朝日有親戚黎同我地飲早茶～～之後就溫書，４：００去踢波，今日阿叔派利是，６個人有＄１００～～臭汗俾我地係咁笑，因為佢搭西鐵果陣買特價票用，俾人捉到正，要罰＄５００，無左一半利是錢～～夜晚，由家人資助＄１５００，我同家姐去買ｍｐ３同數碼相機～～ｙｅａｈ，終於唔使再問人借了～～

整整一星期的家鄉生活！！

年廿九
１１：３０番大陸，包車番去，個司機話＄７００，睬佢都傻，最後壓價到＄４００，４：００就番到，都幾快下～～

年三十
１０：００起身，同阿爺去稔山（市集的所在地）買菜，用＄３０買左ｄ魚就番屋企，全日睇電視，打下麻雀，陪下細路打機咁啦，之後有親戚番黎，好清閒咁過．．．．（因為佢地霸住副麻雀）睡覺時發現房內有幾隻大黃蜂，連忙用殺蟲水噴殺，全部６隻死晒．．．好得人驚，全部曱甴咁大隻．．．訓到凌晨１２：００，家家都燒炮仗，好噪，訓唔到．．．

大年初一
都係咁過，但係就有溫書，因為假期完後就測中文，都有溫下ａ．ｍａｔｈｓ，見到ｄ　三角幾何就唔識，停左．．．又有親戚番黎，之後一齊玩副啤牌，鋤ｄｅｅ，潛烏龜．．．

年初二
慣例，媽咪的親戚全部都要去舅父家吃飯，舅父家就在隔離村，相距１公里都唔知有無．．．去到有好多人，幾個表哥表姐，幾個姨媽親戚，加埋三十幾四十個，要分三張大枱食．．．叫表哥用電單車載我到稔山，買左隻王心凌黎聽～～表哥買左一箱公仔麵，同幾躉煙花係夜晚燒～我地就係果度訓一晚，夜晚放煙花，好靚呀～舅父家的狗可能被響聲嚇壞，竟躲左雞籠下不敢亂動！而二表哥的ｂｂ仔就嚇到喊．．．（佢好得意架！）之後見到我地條村有煙花爆炸，燒著左堆草，好彩最後都無乜事．．．同表哥訓，間房幾大，好簡單，但係好鍾意！！可能又係實而不華啦！只不過居然無枕頭俾我．．．

年初三
赤口，唔出得街，被逼係舅父家住多日．．．睇電視，打牌度日，ｄ書漏係屋企，無得溫．．．夜晚又買煙花燒，無昨晚果ｄ咁靚，２日夾埋燒左＄７００，好貴．．．

年初四
去進叔叔家，果度叫「好招樓」，好怪的名．．．果度風景都幾好，真係阡陌交錯，ｄ屋又排列整齊，是美的和諧，只是缺乏相機，否則一定影餐飽！！祥仔帶我去打街機，之後又睇人地籃球比賽，睇一陣就走ｌｕ，收到＄１００利是！！想去草莓園摘草莓，但係全部都好細粒，唔摘ｌｕ，坐車番去，最後我仲試騎電單車，載表哥番去～～夜晚燒烤，兩個表哥去買野，都會唔記買最重要果樣：炭．．．食左幾隻燒唔熟的雞翼，但係在大陸燒烤算係上下啦．．．

年初五
食埋早飯就番屋企，番到去見到住香港仔的叔公番左黎，又有利是，我諗住呢日番香港，但係阿媽叫我住多日先．．．．２點幾諗住出稔山食野，等左７架車到上唔到，叫埋爺爺一齊出去，好多人，逼上車，要企，我仲踩到人地隻腳．．．食野，叫左２碟烏冬先食得飽，夾夾埋埋食左＄１００買ｇａｍｅｂｏｙ，因為之前果部壞壞地，買左部假野＄１５０夜晚，我個妹和２個堂弟話要同我同房，但係得一張床，最後佢地３個訓床，我訓地下，塊地好凍呀．．．

年初六（今日）
４：００醒左，因為諗住今日搭頭班車去深圳，最後７：００先出門口，搭左第三班車．．．搭緊巴士果陣，可能因為行李太重，爺爺跌倒了，幸好無大礙．．．１０：２０就番到香港家，好快呀！第一次咋．．．跟住就去左飲茶，ｄ野食好食過鄉下果ｄ好多呀～食左好多野，飽晒～～之後好乖仔咁溫書～～約左４：００踢波，去林士德，贏多過輸，雞年首次踢就入左２球喇～～

總結：利是＄９００

聽左一隻歌，覺得ｄ歌詞好正，好有感興：
　你都如何回憶我　帶著笑或是很沉默
　這些年來　　有沒有人能讓你不寂寞
　　後來　我總算學會了　如何去愛
　　可惜你　早已遠去　消失在人海
　　　後來　終於在眼淚中　明白
　　　有些人　一旦錯過就不在
　　　　　永遠不會再重來
　　　有一個男孩　愛著那個女孩

猴年最後一次聚舊．．．．

約左１０：００一齊去荷蘭豆屋企～～去到有阿迪，ｌｉｕｗａｙ，美女，ｋａｔｙ，拉登，何淑瑩，梁勇，暴龍．．．（暴龍遲大到呀）一去到，打機：高達，梁勇老屈，好似好勁咁，蝦我地唔識．．之後小喬黎左，梁勇即刻收晒皮～～隨後到的有家和，阿聰，波波，黃維祖等，數唔到喇分左幾批人，有ｄ打麻雀，有ｄ打電腦，有ｄ打ｐｓ２，有ｄ玩ｒｉｓｋ，總之好多人！！今日同波波鬥ｗｉｎｎｉｎｇ８，好廢，狂輸．．．有打牌，好似食過１鋪咋．．．有打電腦，ｙａｈｏｏ桌球，同埋ｒａｉｎｂｏｗ６７：００走ｌｕ，陪暴龍買揮春，ｇｏ　ｈｏｍｅ～今日真係好開心，好多人一齊玩，但係就攪到荷蘭豆屋企好亂，好似麻煩左人地．．．聽朝番大陸，係番黎香港之前都唔會再打日記．．．其實唔係咁想番，鍾意香港，但係為左ｄ「利是錢」點都要番去架喇．．．ｑｕｏｔｅ　荷蘭豆的　ｉｃｑ　ｉｎｆｏ　：如果你把快樂告訴一個朋友，你將得到兩個快樂；而如果你把憂愁向一個朋友傾吐，你將被分掉一半憂愁。

又係踢波（新年前最後一次）

今日１１：００起身，打左陣ｗｉｎｎｉｎｇ　８，就同娘親去食早餐，之後就去荃灣買衫喇．．．．去左千色店，買左１件ｍｉｚｕｎｏ的長袖衫，１條ｎｉｋｋｏ長褲，２件ｓｕｐｅｒＸ的長袖衫，之後去左城巿中心買左１件長袖衫同１條牛仔褲，之後就番屋企約阿廖佢地踢波喇．．．５人場，又係狂贏，只係輸過俾阿駒＋阿叔果隊，有個人叫我阿叔做阿伯，我地叫番次，阿叔應喎～～之後阿欽果ｄ黎左，同我地踢，我地贏晒～～之後全部去晒７人場踢，有３隊，我地贏左好多場，我都入左球～～ｙｅａｈ～～之後玩射楣，輸左射龜，我先輸１鋪，之後贏番～～番到屋企９：００，原來屋企人留左飯俾我，好野！聽日去荷蘭豆屋企，後日番大陸，所以今日踢盡佢～

ｌａｓｔ ｄａｙ．．．．

今朝帶幾多野番學：書包，一袋衫褲鞋襪，一個波。２堂ｍａｔｈｓ，做數ａｇａｉｎ，都係好易．．．２堂英文，又派功課，又做ｏｒａｌ，過得好快～～電腦，成堂都係度上網，因為只係叫人出去問下個ｐｒｏｇｒａｍ啫．．．潘迪嘉疑「請槍」，用ｃ＋＋黎寫仲ｒｕｎ到．．．中文，講番ｄ測驗，我１７／３４，僅僅合格．．．ｌｕｎｃｈ，西村ａｇａｉｎ，食左唔多野，又抽獎，今次肥燊抽到個踺，係路踢番學校，先有阿聰踢到去人地個頭度，後有我踢上籃球架個後框度，笑死～～ｐｈｙｓｉｃｓ，講左少少就打鐘，講唔晒，放假後講埋佢．．．ｍａｔｈｓ，補派成績表，因為之前果張有少少錯，同埋問准阿ｓｉｒ放學留校踢波～～２堂ｂｉｏ，講晒書喇，ｍｒｓ　ｙｉｐ話ｔｈｅ　ｅｎｄ　ｏｆ　ｔｈｅ　ｂｏｏｋｊｏｈｎ話ｔｈｅ　ｅｎｄ　ｏｆ　ｂｉｏｌｏｇｙｍｒｓ　ｙｉｐ又話ｔｈｅ　ｅｎｄ　ｏｆ　ｔｈｅ　ｗｏｒｌｄ我心入面話ｔｈｅ　ｅｎｄ　ｏｆ　ｙｏｕｒ　ｌｉｆｅ放學，ｐｈｙｓｉｃｓ　ｔｅｓｔ，做得幾快，交完之後發覺錯左好多ｍｃ，仲係錯ｄ白痴野．．．執書包，好多野，行左兩次去ｌｏｃｋｅｒ，個書包大到好似番大陸咁．．．．踢波，入左幾球，仲有助攻俾荷蘭豆～～黃志剛諗住趕左我地，我話有梁ｓｉｒ准許，佢無聲出，就話我地好心讀下書啦，我話之後係假期呀，佢又話假期唔使讀呀．．．我咪話假期有排讀囉，玩埋ｌａｓｔ　ｄａｙ，佢無晒聲出，無奈地走左～～踢到７：１５，累了，梁ｓｉｒ要走了，我們都走了太累了，因為昨天對大窩口聯時體力用盡．．．．番到屋企，爺爺特意買了「叉燒炒瀨」俾我，好好味

踢波踢到好累．．．

今早如常地上學去～～２堂ｐｈｙｓｉｃｓ又係聽一ｄ書傾一ｄ計咁．．．ｂｉｏ，搵唔到本書，講進化論，又問我地信唔信，其實我信的，因為由細到大都覺得人同猩猩有ｄ關連．．．（ｐｓ:　上一堂ｂｉｏ　ｍｒｓ　ｙｉｐ　ｓｈｏｗ左ｄ化石展覽的相俾全班睇，入面有佢個樣．．．笑死我～～）小息，用＄５買左５件春卷係課室食，俾人地搶左４件去，最後我剩低１件食咋．．．２堂ｍａｔｈｓ，做９９年ｐａｓｔ　ｐａｐｅｒ，ａ　ｐａｒｔ易到嘔茄．．．ｃｈｅｍ，唔理佢ｌｕ，寫ｌｉｕｗａｙ的紀念冊～最尾落堂果陣個黑板都仲係好多字．．．ｌｕｎｃｈ，上西村食，食極都唔飽，可能因為凍啦２堂英文，叫我地做野，但係無理到，用晒黎傾計。２堂中文，講番閱讀理解答案同埋作文技巧，最後派張新春徵文通告，叫我地順手找錯處，果度個日期打左「二零電王年」，笑到我趴係度～～放學，留堂班，有８０人，係ｌｏｃｋｅｒ搵番本ｂｉｏ書，走人時打俾阿廖問有無波踢，最後係有既～５：３０去ｍ記食野，因為金貓有六折，ｓｏ去，食完就踢波～～同全完ｄ人踢，好舒服，贏好多球，我都有入波～７點幾８點「大窩口聯」黎跟隊，同佢地踢．．．完全係一次體能上的大考驗，佢地踢法急進，腳法一流，走位靈活，節奏快速．．．．．踢完真係累都趴係度．．．．１０：１０番屋企，約好聽日同荷蘭豆踢波的事，真係熱切期待～～

被人老屈！！（感覺像被人打劫一樣）

今日７點起左身，好早，仲好凍！！著左４件衫～～慢慢行番學，番到學校門口打鐘，個阿ｓｉｒ好狗，截住晒ｄ人，之後屈全部人遲到．．．．英文，繼續做ｐａｓｔ　ｐａｐｅｒ，好快落堂～～２堂ｃｈｅｍ，玩ｄ　ｓｏｌｕｔｉｏｎ，狂做實驗，一打鐘就走人～～小息，又係食野，因為好凍．．．中文，講閱讀理解的答案，都係好多唔識．．．２堂ｂｉｏ，講基因工程同進化論，無帶書，但係佢問我問題我都識答，臨尾好眼訓，可能係因為早起身得滯．．．．ｌｕｎｃｈ，西村食，走之前玩低能野，猜輸要出＄２，猜贏就去抽獎，暴龍輸，ｄｉｃｋｙ贏，抽中左個叫中指槍的野，用黎整蠱人的，ｄｉｃｋｙ攞獎果陣我地一齊指住佢黎笑佢傻仔～～ｍａｔｈｓ堂，都係做ｐａｓｔ　ｐａｐｅｒ，一堂做一題，好似好慢咁．．．．３堂班務，最後一次班務堂，好用心聽，做三樣野：回顧、總結、展望寫低左好多野，好似作文咁．．．因為早前自己都諗過了，好唔捨得呀．．．時間可唔可以過得慢ｄ呢？？放學，今日到我喇，派紀念冊俾人地寫～～有ｄ感觸，時日無多了，好好珍惜寶貴的時間啦，「蘇州過後無艇搭」架！！！唉，無啦啦多撻啦，又遲到多次ｌｕ．．．好彩成績表出左，ｄ資料唔會加入去，無大影響～～星期５同荷蘭豆踢波，星期日仲可以去佢屋企玩～～一定要玩得開心ｄ呀～～

無題

今朝天氣頗冷，遲左醒，又爭ｄ遲到！！７：５０先出門口，由於一路都見唔到的士，只好一直跑，由大窩口跑到學校，最後無遲到，但係不停出汗，好似個奇人！！（全校得我一個咁既天氣都仲出汗）英文，有做ｃｏｍｐｏ，但係未抄落單行紙，ｍｉｓｓ　Ｏ　俾我地聽日先交～～２堂電腦，辛苦左咁耐，就係等呢堂喇，交一份令眾人都折騰了很久的電腦會考功課～～好多人都做得差過我，咁都無咁驚～～餘下時間做ｍｃ，因為放鬆左，所以亂做．．．小息，食野，好凍呀．．．．中文，講番ｄ閱讀理解答案，ａｒｍ左少少，好ｃｈｅａｐ，又要再溫番喇．．．．２堂ｃｈｅｍ，叫我地自己溫番ｄ野，無人傾計，搞到我一個人係到ｈｅａ，又係漫長的等待（落堂）ｌｕｎｃｈ，去滇園食，而家的服務質數越來越差！等左好耐先有人幫我地落單，又等左好耐先有得食，ｄ野食又唔好食，ｄ飯好隔夜咁，硬既，叫佢整西芹雞柳又唔整，以後唔去果度食喇．．．．２堂ａ．ｍａｔｈｓ都係做ｐａｓｔ　ｐａｐｅｒ，同埋派番前兩次的ｔｅｓｔ　ｒｅｓｕｌｔｓ，ｍａｔｈｓ佢計漏我１分，係３２／４０，正～～ａ．ｍａｔｈｓ係４３／６０，比預期好ｌｕ～～２堂ｐｈｙｓｉｃｓ，對ｍｃ，傾計，佢話我地無乜時間剩，唔好再傾計，之後我地即刻收晒聲，留心聽講直到放學．．．放學，睇報紙，幫人寫下紀念冊，叫何淑瑩借部數碼相機俾我影相，之後個個走晒，得番我同荷蘭豆，我地傾左一陣計，講左好多心事同想法，好開心，荷蘭豆都幾健談，其實佢都好想同大家傾下計，只係唔係咁熟，唔知點開口，無乜話題啫．．．之後一齊走，搭３４番屋企，仲應承左佢星期五幫佢約人踢波～～同埋星期日可以上去佢屋企玩！！好開心～～

最後衝刺！！

好彩尋晚ｓｔａｎｌｅｙ問幾補幾點，否則我就唔記得今朝要番學補ｐｈｙｓｉｃｓ．．．之前仲提自己唔好咁大頭蝦，老毛病又來了．．．尋晚睡得唔好，今朝無乜精神，飲左咖啡先番學～～１１：４５補完，同阿迪、梁勇去食ｋｆｃ，席間有個細路扭計俾爸爸打，「哭聲直上干雲霄」，食完就去左ｃｄ舖，買左ｂｅｙｏｎｄ隻新碟喇，仲見到第１６屆ｃａｓｈ流行曲創作大賽隻碟， 終於等到喇，唔使出旺角ｌｕ～～去左肥燊屋企整埋份電腦會考功課，聽日要交，做得好辛苦，個ｄｏｃｕｍｅｎｔａｔｉｏｎ好長，做到我地２個攤左係度．．．希望唔係太差啦．．．７：００帶埋部手提電腦回家，順道買了紀念冊。今晚好想食糖，特登落左街買～～