又踢波．．． 後悔．．．

因為尋日睇左戲，所以今日食完早餐就溫中文，
睇左少少咁啦，不過都唔識．．．
之後同波波ｉｃｑ左陣，又上下網．．．
久違了的文瀚，打黎話踢波．．．
因為太耐無同佢踢，費事推啦，去！　仲要特登同波波講．．．
踢波陣可能ｄ人唔勁，全隊好似無乜心機踢咁．．．
個個懶跑咁，又要係咁玩野，好唔認真，搞到我無晒心機踢．．．
唉，諗過走先架喇，但都係費事喇．．．
自己係咁射波就算喇，橫掂傳左俾人都係浪費架啦．．．
之後有人黎ｂｏｏｋ左場，上５人踢，
是但鬥下波，都係悶悶地架喇．．．
最後６點幾又番落７人場射左陣波、傾多陣計就走喇，
早知就唔落去，溫書算啦．．．
今晚溫５課先準訓！！　唔係的話一定溫唔切！！！

睇戲：《早熟》

今日諗住溫中文架，點知溫左少少又覺得悶，用左ｄ時間黎打機．．．
諗住夜晚再溫番啦，點知阿廖同金貓打黎話去睇戲喎．．．
咁就８點出去，然後慢慢行落荃灣，決定左睇《早熟》，
我夾左錢，之後原來金貓諗住請晒我地睇架．．．　最後我出左＄１０～
跟住去百佳買野食野飲，因為金貓有袋，叫佢順手帶入去～～
因為仲有時間剩，去美國冒險樂園夾糖，我夾到２粒咋，但已經係最多果個！
套戲真係好好睇，又幾搞笑，又幾感人，無悶場，正過睇《見鬼十》ｎ倍啦～
完全無後悔去左睇戲，聽日要溫書，彌補番今日的溫書時間！！

會考第一科：電腦

可能係太緊張啦，成晚碌黎碌去，完全訓唔著．．．
特登早ｄ起身去食早餐，費事空肚到１點．．．
去林護考電腦，唔係太驚，因為全部ｆｄ都去果度！！
去到個個都係搵廁所先，但係好多人都搵唔到．．．
入到ｈａｌｌ都係好緊張，坐唔定咁．．．
先係ｃｏｒｅ，派左ｍｃ答題卷先，要填好多野，
可能係第一次，覺得好煩、好亂，填得好慢，仲好似有ｄ手震．．．
之後派埋ｍｃ問題卷＆ａｎｓｗｅｒ　ｂｏｏｋ，
見唔到ｑｕｅｓｔｉｏｎ　ｂｏｏｋ，以為佢一陣會派，所以開始做ｍｃ，
有好多都唔肯定呀．．．　全部都係要２個之中揀１個，撞左唔少．．．
做完都唔見有人派野，有ｄ驚，打開本野先知係問題＆答案連埋既．．．
做囉，唔算難，睇得明條題目，但係有ｄ諗左好耐都唔識，是但寫ｄ野囉，
唔知呀，ｃｏｒｅ應該都合格多少少既．．．　Ｄ／Ｅ咁上下啦．．．
收卷果陣個女監考員係咁「烏」低身，個個都唔敢望．．．
考完ｈｅａ左陣又入番ｈａｌｌ，終於無咁驚喇．．．
考ｐｒｏｇｒａｍｍｉｎｇ，１粒鐘，驚做唔晒呀．．．
題目唔難，為左可以拉高個分，好留心咁睇題目，答得仔細ｄ，
唔俾機會自己錯！！　做晒成份仲有３個字剩，就諗番空左的一題，
３分，到ｔｉｍｅｓ　ｕｐ果陣都諗唔到點做呀！　可惜，Ａ唔到ｌｕ．．．
完左之後ｓｔａｎｌｅｙ講番俾我知，易到爆呀．．．　有無搞錯！！！
計埋之前ｃｏｕｒｓｅ　ｗｏｒｋ　有７０分，應該Ｃ啦．．．
總觀：電腦Ｃ　ｇｒａｄｅ呱．．．（最唔好彩的話可能真係會Ｄ埋．．．）
走果陣係出斑馬線企左幾鐘先轉．．．　都唔知係咪壞既．．．
之後一齊行去葵芳食野，順路討論番ｄ題目．．．
食完ｇｏ　ｈｏｍｅ，約人踢波，因為真係好悶喇．．．
距離下科仲有一個星期，諗住今日唔溫書，俾個腦抖抖．．．
點知落到去得我同金貓，個個都遲到，又無波喎．．．
咁ａｒｍ前２日金貓賭波中左成千蚊！！（發左達）
佢話出錢買個波，就同佢去揀左個＄４９的波，都幾好踢～～
去番５人場，得我地２個、阿廖、奧雲．．．
奧雲約人５點半，仲要話以為６點，仲要係咁兜，
講到自己好似無錯咁，真係無佢符．．．
跟住我地３個自己射波，唔理佢，由得佢俾蚊針～～
之後去買野飲，會合埋小肥，落７人場，等人黎鬥波．．．
點知一係唔黎，一係就黎ｄ鬼死咁勁既．．．　葡萄牙佬果班．．．
同葡萄牙佬講下笑、傾下計，仲同阿廖幻想將來我地ｄ人會似佢地邊個．．．
推論：奧雲大個之後會似葡萄牙佬！！
理由：２個都咁多口水，鍾意吹水．．．
之後鬥波，可能我地進步左（定係無左家俊呢？），原來都有得鬥，
我都有入波，ｈａｈａ～～　雖然最後輸３：４，但係起碼入多左波～～
跟住另一隊人拉埋我同佢地鬥波，可能ｄ人唔識我啦，叫我打前喎．．．
仲係咁斬高波俾我．．．　人地個後衛高我成個頭呀，點去搶波呀．．．
阿廖感冒所以唔踢落去，係場邊睇，等埋我踢埋先一齊買野飲，
返屋企果陣對腳累到丫！　沖涼果陣校到ｄ水好熱，浸下腳先無咁累咋．．．

狂衝電腦！！

今日又係返學校溫書，ｌａｓｔ一日溫電腦喇．．．
９點返到去，同阿聰一齊溫，溫左唔少．．．
１０點鐘就肚餓，２個都未食早餐，一齊去葵芳食啦，
出校門果陣個校工以為我地逃學呀．．．　ｈａｈａ～～
諗住去食ｍ記，因為魚柳包買一送一，但係原來１１點後先有．．．
去左ｋｆｃ食，早餐塊雞扒細到丫．．．
返到學校就繼續溫，之後用電腦上陣網，
睇下ｄ　ｐａｓｔ　ｐａｐｅｒ咁，有ｄ唔係好熟．．．
１２點幾果陣，家和＆美女叫我地去食ｌｕｎｃｈ，
雖然我地唔餓，但都陪佢地出去，介紹佢地去「利口坊」，
家和叫西餐食，又係有雞扒，大塊過ｋｆｃ果塊２、３倍．．．
我同阿聰都唔餓，所以學ｄ女仔，叫左一個飯兩份食，
食完返到學校入ｈａｌｌ，有ｓｃｉｅｎｃｅ　ｆａｉｒ，
去到唔係人地介紹展板內容俾我地聽，好似係我地教番人地咁．．．
ｍｒｓ　ｙｉｐ教ｂｉｏ架，但係佢好留心聽人講解，可能係扮野．．．
睇完肥燊又返左去，叫佢教我地，又順手吹下水咁．．．
總之仲係識ｄ唔識ｄ咁，聽日都係望天打卦架喇．．．
希望學冼ｓｉｒ話齋：會考成功啦！！

又返學校溫書．．．

有乜好講呢？？　返左學校溫書囉．．．．
ｌｕｎｃｈ先返，因為懶得早起身．．．
溫電腦，得番２日，好驚呀！！　心理壓力越來越大了．．．
像是喘不過氣，溫極也溫不入腦，好怕會考果陣失手呀，
今次仲要係入林護度考．．．
溫左ｄ電腦，就做下ｐｒｏｇｒａｍ，順手教下人地ｍａｔｈｓ，
有幾題真係幾難，難到連自己都唔識答．．．
又同ｕ記一路溫一路吹水，佢自號「Ｒ鐘王」．．．
「Ｒ鐘」同打發時間／消磨時間差唔多，
聽日返去再溫一ｄ，後日就出戰喇．．．　要盡力奪Ｃ！！

今晚有ｍａｎｄｙ睇呀！！　ｈａｈａ～　正呀！！

溫書！！

無乜特別事，又係食完早餐之後打左少少機先溫書～～
開住部電腦成日，唔係掛住上網ｏｒ玩ｉｃｑ，
係用黎做ｃ　ｐｒｏｇｒａｍ～～
睇番阿ｓｉｒ講果ｄ　ｐａｓｔ　ｐａｐｅｒ的題目，
之後試做，做落就上番手，唔係太難，
６點做好多題，應該無錯喇～～　掂呀～～
食完晚飯去ｍ記，因為約左暴龍溫書，一齊鑽研ｍａｔｈｓ～～
去到見到阿昌，原來暴龍「靈修」緊喎．．．
我自己帶左電腦書落去，咁咪睇住先囉～～
仲有２課就溫晒喇～～　ｈａｈａ～～　聽日返學校一齊溫埋佢～～
之後暴龍「靈修」完就一齊睇下ｄ難的ｍａｔｈｓ題～～
我地解左好多難題，好野～～　會考無難度呀～～　ｈａｈａ～～
扭計都路過，佢溫左陣中文就走ｌｕ～～
溫到差唔多１０點半就ｇｏ　ｈｏｍｅ　ｌｕ．．．

楊杰妮 Ｊｅｎｎｙ　Ｙａｎｇ　－　不公平（鬥魚主題曲）

歌詞：　　走了那麼遠　發現你不在身邊　獨自走過了什麼　自己都不了解
　　　　　未來的藍圖應該有你　不該只剩嘆息　只是偶爾　淚流不停

　　　＊　堅強的理由　只是自己騙自己　你眼中的恐懼　說什麼都多餘
　　　　　付出的一切值不值得　永遠不會有答案　只有天知道我有多麼愛你

　　　＠　一顆心屬於一個人　在愛情裡什麼算公平
　　　　　愛的深　也傷的深　是不是催眠了自己
　　　　　一顆心屬於我自己　愛情裡找不到公平
　　　　　而當你　最後選擇了逃避　我學會不公平

　　　　　ｒｅｐｅａｔ　＊　＠　＠

　　　　　本來就不公平

臨會考仲走去踢波．．．

今日卒之都係抵受唔住誘惑．．．．去左踢波．．．
仲有４日就電腦會考喇！！　不過就快溫完喇～～
１點食完早餐就溫書，溫到３點要去舖頭幫手．．．
幫手果陣見到金貓拎住個波行過，即係話佢地會踢波啦～～
又見到果班「茅柴」行過，咁即係有波鬥啦～～
４點返屋企繼續溫書，溫到５點幾就換衫去踢波．．．
去到原來好多人喎，有５隊，不過好快就走左２隊ｌｕ～～
鬥下波啦，原來有２個人阿廖識架喎，咪玩下囉～～
好極了，有波入呀～～　狀態無下跌到，
仲ｋｅｅｐ得幾好，無乜氣喘～～
踢到７點走人，直到果陣我地都係全勝！！　ｈａｈａ～～

夜晚又有波睇，森多利亞ｖｓ羅馬，
始終都係黑氣纏身，呢場又要輸１：２，其實２隊不分上下，只係羅馬無運：
先有文仙尼罰球中柱，後有迪羅斯頭鎚中楣，蒙迪拿右腳近射又被救出．．．
而羅馬門將古斯真係超水準！！人地個波笠去死角佢都救到！！
跟住法基單刀射遠柱又俾佢單手撲走！！勁過索迪ｎ倍啦！！！
不過仲係唔明點解一定要出埋ｄ廢人．．．
費拉利繼續不穩，表現時好時壞，
失１２碼果陣就係因為佢俾人ｃｕｐ過推入禁區，古菲焗住踢跌對手．．．
阿基蘭尼一直都無表現，打中場咁耐射門都未出現過．．．
但係羅馬有條豆腐防線，輸２球算少啦～～
完場前蒙迪拿射入１２碼呀～～　仲要係地波射死角！！　ｙｅａｈ～～
不過佢好似好唔開心，入波之後無扮飛機慶祝．．．

超無聊的一日！！！

今日真係無乜野好打，完全係發霉的一日．．．．
早餐買ｍ記食，我要多包醬佢竟然話要加５毫子．．．．
食完就溫書，之後又打下機，又溫下書，又玩下ｉｃｑ．．．
總之就係超無聊，人生日日如是的話真係唔知有乜意義喇．．．
本來今日有ｍａｎｄｙ　ｆｕｎｃｔｉｏｎ架．．．　為左學業，
都係唔去，仲叫左紙皮黎緊２個月都唔好叫我去ｆｕｎｃｔｉｏｎ．．．
一路溫書一路聽ＪＳ，真係唔錯呀，有錢的話會買佢的碟～～
ｍａｎｄｙ又話就出碟，唔知幾時呢？
最好唔好係會考期間出喇，免得引誘到我無心溫書．．．
要快ｄ捱過會考！！　否則一定悶死！！

ｐ．ｓ．　羅馬呀，近７場只取得１分，踢到想降班咁．．．
　　　　　托迪更因為上場賽事打人而被罰停賽５場．．．
　　　　　聽日面對森多利亞，希望有奇蹟的出現啦！！

返學校溫書～～

約左阿聰返學校溫書，因為放學會有社際足球睇～～
１２點幾行返去，又曬又熱．．．
返到去見唔到阿聰，見到林新華＆椰汁糕，跟佢地上５Ｃ溫，
溫溫下有ｄ　５Ｄ的人入黎話要補課，轉去５Ａ，
阿聰返左黎～～　一齊溫～～　我溫電腦，佢溫中文．．．
溫溫下果個好乞人憎的校工又入黎話要去１樓度溫．．．
真係好乞人憎，好想一齊打佢一鑊，橫掂都唔返李中架喇．．．
去到１樓繼續溫，電腦頭幾課唔明果ｄ都問晒新華，識晒～～
４點一齊去睇社際，見到屎忽窿、肥鵬、郭禮生果ｄ～～
今年ｄ人好屎，得１、２個識踢波．．．
入埋ｄ波符符碌碌咁，無球靚波，一ｄ都唔悅目．．．
之後我地係場邊一路猜波一路睇，
黃子健出場都無乜踢過波就係禁區手球．．．
總之今年無乜好睇啦．．．　真係戥李中足球前途擔心．．．
好彩仲有幾個Ｃ　ｇｒａｄｅ幾好波，幾扭得～～
比賽完我地係個場射波，因為著住校服，射到鞋又爛、襪又穿．．．
６點半走人～～　仲有５日就電腦會考．．．　一定要溫到好熟呀！！

ｐ．ｓ．　唔好再亂食／亂飲人地請的野！！ 　原因：
　　　　　http://www.suncat2000.com/050325/05032511.htm

補ｂｉｏ．．．

ｈａｐｐｙ　ｂｉｒｔｈｄａｙ　ｔｏ　ａｆｒａｉｄ＆潤潤～～

突然要早起身，有ｄ唔慣，無乜精神．．．　返學校補ｂｉｏ
出門口果陣仲諗住帶齊晒ｄ野啦：ｍｐ３／相機．．．．
行到半路先記得有ｄ買左我＄４０的朱古力未拎．．．
ｈａｈａ～　當俾個藉口自己，等我自己食晒佢先～～
ｓｏｒｒｙ呀～～　魚子、何淑瑩、ｍａｃｙ．．．
都唔知補乜．．．　唔返仲好．．．
只係做ｐａｓｔ　ｐａｐｅｒ　ｍｃ．．．
有一段時間係訓覺，因為真係訓得唔夠．．．
我個人一唔夠訓就無晒精神，直頭野都唔想講．．．
做完都ａｒｍ左唔少，懶理ｌｕ．．．
１２點放，諗住一齊跳「派對動物」啦，
點知拉登話太難，唔識跳，無練到喎．．．
搞錯呀，我練得咁辛苦．．．　
仲諗住有得參加「殘酷一叮」ｔｉｍ．．．
之後去「利口坊」食ｌｕｎｃｈ，食完ｇｏ　ｈｏｍｅ．．．
打左成個下午機ｌｕ．．．
爺爺拎左ｄ西餅返黎食，正呀！！
今晚要狂溫ｐｈｙｓｉｃｓ，過２日要溫返電腦，
仲有１個星期就開始會考喇．．．　要比心機！！

ｐ．ｓ．　羅馬又輸波，０：２呀，仲要係輸俾榜尾的錫耶納．．．
　　　　　好想蒙迪拿走人呀，之後我去捧過第二隊架，
　　　　　點知佢ａｒｍ　ａｒｍ宣佈蒙迪拿續新約到２０１０年．．．
　　　　　係你就生性ｄ贏番幾場啦，搞到蒙迪拿好似幾努力都無用咁．．．

ｐ．ｓ．２．　搞左成晚，問埋肥燊，終於都整到背景音樂！！　聽下啦～～

ＪＳ　－　殺破狼

歌詞：　　沉睡了千年的身體　從腐枝枯葉裡甦醒
　　　　　是夜鶯淒涼的歎息　解開咒語
　　　　　遺忘的劍被誰封印　追隨著簫聲和馬蹄　找到你
　　　　　最光榮的犧牲　是武士的宿命　揮刀的瞬間心卻在哭泣

　　　＊　生　是為了證明　愛　存在的痕跡
　　　　　火　燃燒後更偉大的生命
　　　　　殺　是為了歌頌　破滅前的壯麗
　　　　　夜　是狼深邃眼睛　孤獨等待黎明

　　　　　看不見未來和過去　分不清生死的差異
　　　　　不帶走喜悅或遺憾　離開這裡
　　　　　破曉和月牙在交替　我穿越過幾個世紀　只為你
　　　　　櫻花瓣在飄零　這悲涼的風景　長袖揮不去一生刀光劍影

　　　　　ｒｅｐｅａｔ　＊

　　　　　我　是否已經注定　這流離的宿命
　　　　　我殘破的羽翼　直到你　是你讓我找回自己

　　　　　ｒｅｐｅａｔ　＊

落舖頭幫手．．．

今日做過ｄ乜呢？？　唔係好記得喇．．．
對了，食完早餐之後落舖頭幫手．．．
去到乜都唔識，得個企字．．．
又係幫手賣下煎釀三寶囉．．．
走果陣要捧埋一大箱野番屋企，好彩唔重，但係好大箱．．．
成身油煙味，好臭呀．．．　一番到屋企就沖涼！！
之後打機，再同爺爺落街買野煮晚餐～～
夜晚溫左少少書，練舞：派對動物！！
我扮ｍｉｋｉ呀～～　哈哈～～
我覺得如果成功會一齊去參加「殘酷一叮」，
橫掂都唔怕瘀，又有錢收既～～
但係．．．聽日先算啦～～

又是悶的一天．．．

今朝有＄８０係手，有衝動食餐勁既！！
想食ｐｉｚｚａ　ｈｕｔ，家姐又番左學，夾唔到＄＄．．．
同阿妹行左好多地方，最後都係食茶餐廳．．．
剩低的錢拎左去買朱古力，星期４．．．
係ｈｏｍｅ溫書，溫左少少ｐｈｙｓｉｃｓ，
覺得唔係好難，索性唔睇ｌｕ，打機．．．
（因為決定左會考完先踢波）
之後阿迪同ｌｉｕｗａｙ打左個好無聊的電話黎．．．
（想鬧佢地架喇！！好彩我仲忍得住．．．
　但係都唔想同佢２個講咁多，拿拿聲收線．．．）
６點幾去買手卷俾阿妹食～～（因為朝早應承左佢）
夜晚又睇左ｄ　ｐｈｙｓｉｃｓ，都係覺得唔難．．．

有２件事：
１．　有個ｆｄ出街咁ａｒｍ撞到條友拉緊褲鍊．．．
２．　阿廖佢地同人地係５人場踢波，人地踢之前將個袋擺係場邊，
　　　踢完就唔見左．．．　其間無人上過去５人場，亦無人行近個袋．．．

拎身份證．．．

ｔｏｄａｙ得一件大事：拎補領果張身份證
去到要對指拇架喎．．．
本來好快搞掂既，點知佢無啦啦話ｈａｎｇ機．．．
等左５分鐘，由頭做過，都算幾快啦～～
身份證上面個樣就唔好睇，影到好似未訓醒咁．．．
之後係ｈｏｍｅ打機都唔溫書，
上網睇片，好多搞笑野睇，都多得「皮蛋黃」咋～～
玩左５個鐘電腦．．．　無溫過書．．．
因為睇唔起電腦，ｃｏｒｅ又唔想溫，
ｐｒｏｇｒａｍｍｅ又覺得易．．．
聽日轉戰ｐｈｙｓｉｃｓ先！！

會考前最後一次踢波．．．

無聊中．．．今日有ｄ心情想去溫書啦，
一拎起本ｃｏｍｐｕｔｅｒ書，電話響喎．．．
阿媽打黎叫我去舖頭幫手．．．　咪去幫囉．．．
去到乜都唔識．．．　唉，幫手買煎釀三寶啦～～
企左１個鐘唔夠，分別見到奧雲、臭汗、舊同學．．．．
嘩．．．　原來係果度捕人好易架咋，
下次邊個得罪我，一定要兜路行呀！！唔係佢就知～～
３點９走喇，問阿媽拎＄２０買鞋，踢波～～
上左５人場，贏晒～～　５點半第一次輸就轉戰７人場，
順手去阿波羅，一齊夾錢買左紅豆雪條食，唔錯～～
去到見到隊細路有個可口可樂波，好似之前我地俾人偷左果個，
就問佢地，佢地話係青衣執既．．．　我地算數喇．．．
有２隊，跟隊，ｗｉｎ　２場先，小肥入晒２球～～
之後輸番３場．．．　有球仲要係我回傳俾龍門（臭汗），
佢企得好出，追唔番我個回傳波．．．　近柱死位溜入．．．
之後再踢，努力左，贏晒幾場，我都有入波，笠死人地個龍～～
ｌａｓｔ一場我打龍，勁左，救左幾球波～～
家俊終於入番個波，都幾靚，勁射網頂～～
番到屋企又唔想溫書喇．．．
今晚一定要溫左ｄ　ｃｏｍｐｕｔｅｒ先訓！！
今日之後會係會考完先再踢番波．．．

ｐ．ｓ．　近幾日的相片已放到相簿中，大家可隨時觀看～～
http://www.fotop.net/tim24

好灰呀．．．

唉．．．無乜ｍｏｏｄ．．．
一早起身，立即ｉｃｑ　ｏｎｌｉｎｅ，因為想同ｄ同學聯絡下．．．
人地「心繫家國」，我就「心繫母校」．．．
好擔心唔知點去過日子呀．．．
好似ｄ歌詞講既咁：前路茫茫，不知何去何從．．．
睇黎，應付埋個公開試，我就等於一個「無業遊民」喇．．．
今日唔去踢波，想溫下書，既然以前已經無努力讀書，
而家要把握時間去溫習，免得將來後悔．．．
４點陪暴龍去睇手機，雖然佢拉攏我再番教會，
但係主意已決，溫書緊要，之後ｄ人又打黎叫我踢波，
雖然好吸引，但為了不再讓自己後悔．．．．．．．．．．

ｌａｓｔ ｄａｙ．．． 真正的「難忘星期五」

朝早起身，心情沉重，今日係最後一日，唔想時間過得咁快呀．．．
走番學校，一路行一路諗，仲會唔會有再著住呢套校服的一日？
番到學校，無早會呀，因為落微雨．．．
番到課室，已經有好多人係度，個個拎晒相機出黎係咁影，
阿ｓｉｒ黎左，捉住阿ｓｉｒ黎影相．．．無人想再上堂喇．．．
個個係咁傾計，時間得番一日，但就好像有說不完的話．．．
２堂ｍａｔｈｓ眨下眼就過，太快了．．．
英文堂，ｍｉｓｓ　Ｏ　話過下堂有得玩，
但係呢堂要做ｌｉｓｔｅｎｉｎｇ，做做下又完左一堂喇．．．
小息，最後一次食小食部的野，＄５買左蘿蔔糕，食完又打鐘．．．
時間過得好快，好似唔俾人係學校留耐ｄ咁．．．
又係英文堂，玩，太開心喇，雖然ｄ　ｇａｍｅ係舊ｄ，
但係同ｄ同學玩，己經無乜好埋怨喇．．．
玩完，ｍｉｓｓ　Ｏ　祝福我地會考成功，又派金莎俾我地食，
雖然得一粒，但係心意就好大份！！　

ｍａｃｙ已經忍唔住喇，喊左出黎，原來佢都好感性呀．．．
我上電腦堂，最後一次，阿ｓｉｒ乜都唔使我地做，
俾我地自由活動，仲同我地影相、傾計，都係咁，
祝福我地電腦成績好ｄ～～　好唔捨得個電腦室呀．．．
上番去，中文，熄晒燈，簡ｓｉｒ準備左三首離別的歌俾我地，
譚詠麟－朋友　　關正傑－相對無言　　陳百強－喝采
我地一路跟住歌詞唱，一路諗番起昔日美好的回憶，
呢個時候，ｍａｃｙ，阿朱，卓霖佢地已經喊晒．．．
唔敢想像離別的時候場面會幾咁傷感．．．
簡ｓｉｒ贈言左俾我地每一個同學，我果句係出自居里夫人的：
我們應該不虛度一生，應該能夠說：「我已經做了我能做的事。」
意思係叫我盡最大努力去度過呢個美滿的人生，唔好再ｈｅａ，
簡ｓｉｒ，我應承你，終有一日我會能夠講出呢句說話的！！

走之前簡ｓｉｒ都係派食野，一人一塊朱古力～～
ｌｕｎｃｈ，選擇左去西村，我又係食雞脾同魚蛋，係好食ｄ既．．．
食完，因為再無機會，決定全部一人傻仔一次，打機～～
真係有人笑架，我地唔理，照打，＄１可以換到快樂的時光，
咩都抵晒啦～～　肥燊仲拎＄１去夾公仔，一夾就夾到，勁呀！！
我地跑番學校，因為「快樂不知時日過」，原來就快遲到．．．
ｐｈｙｓｉｃｓ堂，又係唔上架喇，個個再次狂影相，
黎ｓｉｒ都同我地玩埋一份，擺「甫士」先影～～
又打鐘喇，又係ｍａｔｈｓ，梁ｓｉｒ又黎多次，今次真係唔理我地做乜～
我見人地個個都叫人係件學服度簽名，我咁ａｒｍ有帶ＰＥ衫，
就叫人簽係件ＰＥ衫度，ｄ人個個都好熱衷，仲好俾心機咁簽到好靚～～
差唔多落堂果陣，全班向梁ｓｉｒ致謝，圍繞住三樣野：
１．　梁ｓｉｒ最鍾意講既係冷笑
２．　梁ｓｉｒ教得我地最多既係人生哲理
３．　梁ｓｉｒ最鍾意既的我地５Ｅ

最後２堂係ｂｉｏ，ｍｒｓ　ｙｉｐ要我地堂上做工作紙．．．
我無理佢，係度寫紀念冊，好多張～～
都有喜訊既，ｂｉｏ要補課．．．　算俾多個機會我地再聚．．．
２堂又好快過．．．　放學喇．．．　叫左ｍｒｓ　ｙｉｐ同影相，

又叫埋隔籬班的人係我件衫簽名，簽完就番班房，有活動．．．
玩遊戲，好開心～～　一齊唱歌，好感動～～
之後大部分人都喊晒，包括我．．．
有個環節係每個人輪流講幾句兩年來有乜感想，講到個個喊晒．．．
之後又傾多幾句，總之依依不捨啦，
到８點幾都唔想走，個個都好唔情願咁走．．．
走之前同ｄ同學唱埋校歌先走！！
最後係同廿幾個同學一齊去酒樓食晚飯．．．

同魚子坐，完全估唔到的係華朗原來係果度做架喎．．．
同佢傾左２句，佢ａｒｍ　ａｒｍ做咋，＄６５００一個月．．．
叫左個千幾蚊的全包宴，都唔錯既．．．　但係每人要出＄７０
好多人都唔夠＄，荷蘭豆好好人，話出住先，佢帶左成千蚊．．．
食完，都係好唔捨得！！
「天下無不散之筵席」，同波波、ａｍｙ搭巴士番屋企．．．
再見了，順德聯誼總會李兆基中學！！
Ｓ．Ｔ．Ｆ．Ａ．　Ｌｅｅ　Ｓｈａｕ　Ｋｅｅ　Ｃｏｌｌｅｇｅ
真正的難忘星期五！！　２００５年４月１５日，我一定唔會忘記呢日！！

最後２日上課日．．．

今日都好，大部分的人都番左黎，得２、３個無番咋～～
早會，最後一次聽校長講早會，係囉，最後一次都講鬼咁耐，
長氣到死，內容又唔多關我地事喎．．．　真係丫．．．
２堂ｐｈｙｓｉｃｓ，派左８４、８５年ｍｃ俾我地做，
求其做啦，ａｒｍ左幾多下，係未溫果ｄ唔多識囉．．．
ｂｉｏ，講ｄ工作紙既答案，之前都派左答案啦，仲要講，悶．．．
打左鐘佢都唔理，照講，搞到個小息得番５分鐘．．．
我仲要未食早餐，落去食野要狼吞虎嚥咁食．．．
２堂ｍａｔｈｓ，叫我地做數（自由活動！？），
個個都傾計、影相，當然我都係啦，無做過數，因為識晒咁滯．．．
ｃｈｅｍ，無聊，派工作紙，成堂無講過野咁．．．
但話晒係ｌａｓｔ一堂ｃｈｅｍ，俾下面啦，聽左ｄ，又繼續影．．．
ｌｕｎｃｈ又去「利口坊」，食野果陣隔離檯有人成碟飯掉落地．．．
又有一檯人大大聲問ＩＱ題：有２隻貓，一白一黑，白貓掉左落水，
黑貓救番佢上黎，咁白貓第一時間會同黑貓講ｄ咩呢？
果個人話諗下就知，好低能架，阿迪估左個好搞笑的答案：喵．．．
到我地走果陣果個人都無開估．．．（可能係我地聽唔到啦）
２堂ｅｎｇ，仲係做ｌｉｓｔｅｎｉｎｇ，無計，焗住做．．．
２堂中文，講「會議紀錄」，好似唔容易，要背左個格式佢！！
放學喇，係咁捉人／俾人捉去影相，之後突然想踢波，約人去５人場，
去到有２個細路，我地有６個，拉埋佢地鬥波，佢地係全完ｄ小六學生，
有個肥仔好「狼」，阿廖慫恿之下就係咁「辣」人腳，我都中左招．．．
另人個踢法同飛機仔差唔多，踢到跳ｈｉｐ　ｈｏｐ咁．．．
之後我地用波係咁射「忍者龜」，佢撲波撲到好搞笑～～
跟住馬騮搶球，玩完去買野飲，再落７人場．．．
一心諗住今日鬥下波，踢埋今日就會考完先再踢波啦，
點知無人黎鬥波．．．　踢下波，玩下就算喇，
其間阿廖學佢同學，玩「獎門人」果ｄ作詩，講得好搞笑～～
金忠輝，金忠輝，中學讀晨輝～～　梁嘉威，梁嘉威，威過龍咁威～～
陳家俊，陳家俊，全完最英俊～～　李潤培，李潤培，叫雞無錢賠～～
曾穎豪，曾穎豪，日日食生蠔，生到一身毛～～
許錦富，許錦富，屙屎唔除褲，賴尿唔換褲～～
廖嘉偉，廖嘉偉，大蝦細，俾屎餵，搞到一身蟻～～
仲有好多，唔講喇～～　總之好鬼搞笑～～
聽日ｌａｓｔ　ｄａｙ喇，仲未覺得依依不捨，可能聽日先會好感觸啦！

最後３日喇．．．

最後３日喇．．．大家都好似唔多再想番學咁．．．
今日我地班有１６個人無番，有好多堂都係ｈｅａ咋．．．
經過尋日，覺得布魯狗個位好坐ｄ，加上佢又無番，所以坐果度～～
上英文堂之前我地玩「層層疊」，玩到ｍｉｓｓ　Ｏ　黎，
佢黎到都玩埋一份，不過輸果個係ｊｏｈｎ　ｗｏｎｇ～～
俾我地做埋ｌｉｓｔｅｎｉｎｇ個ｔａｓｋ，
但係我都唔諗住做，無理佢喇，偷偷地影相～～
２堂ｃｈｅｍ，測多次ｍｃ喎，我亂做，又抄下人咁，２３／５０，
跟住又係ｈｅａ，又係同阿迪狂影相，悶呀！！
中文堂，又講ｄ實用文，都聽下佢講啦，都係悶架喇．．．
２堂ｂｉｏ，講番上次ｍｃ的答案，我勁左呀～～
４４／５２，仲勁過家和、魚子果ｄ，哈哈，進步左呀～～
ｌｕｎｃｈ上西村，食完又猜過，老規矩，今次猜輸２個打機，
點知今次係我同暴龍輸喎．．．焗住打啦．．．
有ｄ其他學校的人行過望住我地係咁笑．．．
今日阿迪都有帶相機出去，同我地影左幾張相，唔知會唔會放上網呢？
之後ｍａｔｈｓ，派左張紙俾我地做數，
阿ｓｉｒ今朝仲好有信心同隔離班講我地班唔會特登唔番學既，結果．．．
小息同阿ｓｉｒ合照，之後玩ｋｉｌｌｅｒ，玩完入ｈａｌｌ，
「友校時事常識問答比賽」，有林護、安柱、譚伯羽黎～～
第一回合大家差唔多分數，第二回合林護揀答英文題目，屈機．．．
我地揀答中文題目，又係屈機．．．　２間學校都只答錯一題，
安柱「懶醒」揀數學題，好簡單果ｄ都唔識答，結果好低分．．．
第三回合係搶答，譚伯羽ｄ人好狗，特登答好長的答案博佢掃到答案，
但係佢地答親都掃唔中，ｈａｈａ～～
安柱就真係勁，ｄ問題次次問到一半佢就按鐘，仲要好多都答ａｒｍ！！
可能再無乜英文題，林護無乜搶答過．．．
最後安柱拎冠軍，我地拎亞軍～～
放學，玩左陣「層層疊」，影左ｄ相就ｇｏ　ｈｏｍｅ打機．．．

有ｄ無聊的一日．．．

今日都因為為勢所趨，帶左部相機番學～～　全級有幾十個人無番學．．．
英文堂，做ｌｉｓｔｅｎｉｎｇ，我睇都唔睇！！
因為覺得自己ｌｉｓｔｅｎｉｎｇ幾好，做少份無所謂～～
２堂電腦，又係溫書，開頭都有聽，之後就上網算喇，
因為有好多都識，唔識果ｄ真係太難，個個都唔識．．．
中文堂都唔知做過乜喇．．．好似係睇ｄ圖，講下點做看圖寫作～
２堂ｃｈｅｍ，今堂溫習下ｄ實驗，阿ｓｉｒ話俾我地影相，
之後個個都唔做實驗，掛住影相，連阿ｓｉｒ都俾人捉住影相．．．
ｌｕｎｃｈ落雨喎，照去「利口坊」，個身濕左．．．
梁勇話ｄ京都骨麻麻地，之後連汁都食埋，食晒仲要拎阿迪果ｄ食．．．
２堂ｍａｔｈｓ，頭痛，問人拎左ｄ必理痛食，訓左差唔多２堂，
之後２節入ｈａｌｌ，「中５離校講座」，校長訓勉一下，
其他老師又提下一ｄ要注意的事項，聽住先啦．．．
放學又捉人影相，影左唔係好多，聽日繼續～～
唉，連「縮水女朋友」都做晒喇．．．　可以專心開始溫書喇！！

Ｌａｓｔ １ ｗｅｅｋ．．．

應該係最後一次係李中唱校歌喇．．．
無乜感觸（話無就呃你既），但係好珍惜最後的機會，
有史以來最比心機唱，好唔好聽就見仁見智喇．．．
ｌａｓｔ一次上體育堂喇，當然都係踢波啦～～
許ｓｉｒ都好好人，叫我地做少少熱身就算喇，
猜到同梁勇、波波、哪吒、ｈｉｎｓｏｎ一隊，
估唔到ｌａｓｔ一次猜到可以屈人機喎～～
正！炒到人地隊無晒心機！眼見子彈想喊咁，無計，
我同荷蘭豆調隊啦，果面仲有桂文、ｓｔａｎｌｅｙ、ｊｏｈｎ，
之後２面拉成均勢，一人入一球咁，
踢完發現除了子彈，個個都開心，因為好多人都有波入，子彈無．．．
英文堂，哪吒生日呀，所以唱生日歌，仲影下相～～
順手係度同佢講聲「生日快樂」！！
因為好口渴，小息去飲野，幫埋阿ｗｉｎｇ佢地買野食，
之後中文堂，講番讀本問答份卷的答案，同埋睇下人地的作文～～
２堂電腦，唔講卷喎．．．題番本書ｄ　ｐｏｉｎｔｓ．．．
我同潘廷無聽，一齊上網，可能佢見到啦，
ｂｌｏｃｋ左唔俾上網喎．．．　我地照唔聽佢講書，玩打字～～
ｌｕｎｃｈ上西村食，因為大家都赤貧喇．．．
排隊果陣玩，猜輸要同果個人講「唔該俾隻最難食的雞脾」，
暴龍猜輸左，佢真係咁買雞脾喎，果個人笑左出黎～～我地都大笑！！
食完又玩過，六個人，猜輸果２個出錢，猜贏果２個要去打街機！
我又唔贏又唔輸，今次肥燊同阿迪輸左，２個真係去打，
我地拎左阿迪部相機拍ｍｏｖｉｅ，又影左佢地幾張相，公開左一定笑死～
之後２堂ｍａｔｈｓ，做左少少數，溫左一ｄ　ｐｈｙｓｉｃｓ～～
２堂ｐｈｙｓｉｃｓ，俾派左８４年ｍｃ俾我地堂上做，
ｇｏｏｄ呀，橫掂都想做下呢ｄ，順手當溫書啦～～
放學就拎波波部相機係咁影，因為無聊呀～～　玩左陣就走ｌｕ．．．　

你唔溫書，你又走去踢波！！

太大膽了．．．可能因為太耐無人鼓勵我，我竟然唔去溫書！！
成朝用晒去打機，ｗｉｎｎｉｎｇ８，ＣＳ，總之無溫書！！
打到差唔多４點，主動問人去唔去踢波，雖然得幾個，都去！！
去左７人場踢，因為有人鬥波，係果班茅柴．．．　照踢！！
今日有我、家俊、阿華、阿邦、阿廖５個人，拉２個佢地的人踢，
好熱呀，跑無兩步就出晒汗，但係佢地今日無乜照茅我地，
可能佢地醒覺喇．．．　我地可以發揮番ｄ水準喇～～
我入左３球！！　但幾球波係都入得唔靚．．．　可惜ｄ．．．
７點去ａｐｐｏｌｏ買野飲就ｇｏ　ｈｏｍｅ～～

係波波的日記睇到呢句，覺得好有ｆｅｅｌ：
一個人的離開　是令另一個人長大

第一次番教會！！

好彩尋晚無俾鬼嚇到，訓得幾好～～
今日無去踢波，因為約左暴龍，去番次教會～～
約左佢４：４５，點知我５點打俾佢，佢先ａｒｍ　ａｒｍ起身喎．．．
５：３０先到，照一齊去喇，去到有人講道，
又搵唔到組員，坐住最後先ｌｏｒ．．．　講的主題係奉獻．．．
講道果個人講得都幾搞笑，講ｄ野都幾有道理喎．．．
６點幾講完，要奉獻，不過我無準備，要暴龍幫我出埋．．．
搵番佢地喇，有好多李中的ｆｄ，包括：
潘婷、家寶、家誠、ｒａｕｌ、ｖｉａｎ、阿ｍｏｋ、關湲明．．．
因為要７點半先有房，佢地話出去督串牛丸先喎．．．　
出去果陣見到ｓｔａｎｌｅｙ．．．
出到去ｈｅａ左陣，潘婷去夾糖，暴龍原來唔知係咩黎，
以為係美國冒險樂園果ｄ．．．　小玉真係去督牛丸喎．．．
去番教會，一路傾一路等，暴龍好似好想我番多幾次咁．．．
佢話中５之後，番教會可能係唯一可以再見的途徑喎．．．
我又覺得幾ａｒｍ，有ｄ想番多幾次，不過唔係為左信教．．．
之後見到李慧玲、李瓊芝佢地黎聽講，
跟住兆龍、ｗａｙｎｅ都黎埋，有房喇，入去玩～～
唱下歌，祈下禱先，之後玩個ｇａｍｅ叫「ｃｈｉｈｕａｈｕａ」，
其實係「ｋｉｌｌｅｒ」咁，但係多左個救人的機會．．．
ｄ人係咁扮傻，亂咁估，好搞笑～～　暴龍係咁搞ｇａｇ！！
之後就係真正唱聖詩，我唔係好識唱．．．個個都好投入，除了我．．．
跟住係禱文分享果ｄ，教我地應該要咩心態先會有錢剩．．．
家寶講錯野，話要「視糞土如錢財」，ｄ人係咁笑！！！
暴龍就話原來踩到金等於踩到屎．．．　阿昌話暴龍平時無乜野講，
今日ｍａｎ左，因為上次暴龍去左個「男人之夜」祈禱會～～我笑到郁唔到！
笑完之後祈埋禱就走喇，講個房俾下一班人，原來係李慧玲佢地．．．
去左福來村「龍記」食晚飯，阿昌介紹架，ｄ野真係幾好食！！
原來果度都幾旺場，ｓｔａｎｌｅｙ佢地都有去果度食喎！！
食完就同暴龍番大窩口喇．．．

踢波 ＋ 見鬼１０

今日番學無乜野特別，好似平時咁．．．．
覺得而家番到學校無乜用，無野可以學到．．．
但係諗到遲下再無機會成班人一齊，照番啦～～
ｍａｔｈｓ做ｅｘｅｒｃｉｓｅ．．．
英文做ｌｉｓｔｅｎｉｎｇ．．．
電腦對卷喇～　ｐｒｏｇｒａｍｍｉｎｇ果份我全班最高！
ｔｏｔａｌ　６１分，好似連Ｃ都無．．．
中文又講番ｄ人既作文，阿春作果份真係幾好！！
ｌｕｎｃｈ係「利口坊」ａｇａｉｎ～ 　肥燊一路食一路講笑料，笑死我地！
ｐｈｙｓｉｃｓ講番ｄ卷的ａｎｓｗｅｒｓ，
又係ｍａｔｈｓ，又係做ｅｘｅｒｃｉｓｅ．．．
ｂｉｏ測驗，ｍｃ做得好似幾好，ｌｏｎｇ　Ｑ都應該唔錯～～
放學ｇｏ　ｈｏｍｅ換衫踢波，去亞斯理～～
去到又係得我地．．．好彩有叫埋阿廖去咋．．．金貓都有黎～～
５打５先，我地贏左，射龜，正呀～
之後「複卓」，佢地拉埋阿阮，好難輸啦， 我地輸左，調番轉頭俾人射．．．
之後買野飲，再射陣波，就話去睇戲～～～
番到屋企睇下有咩戲，１０點０５分青衣有見鬼１０睇喎，
阿廖話人地話好搞笑，咁咪去睇ｌｏｒ．．．
去到買飛，要有學生證喎，無計，我同金貓買成人飛ｌｏｒ．．．
仲有時間剩，去百佳，買左一排檸檬茶， 金貓肚餓，買左一盒＄２０的壽司，
阿廖就叻喇，＄８買左條手卷，食果陣ｄ配料掉晒落地，得番條菜＆飯，
即刻諗起果次係阿波羅買雪糕果條友！！！　笑死我喇～～
入場，一坐底就．．．都係唔講喇．．．
中間都幾搞笑，條友以為個細路係鬼，一腳踢埋去，搞到個細路喊．．．
之後又有２個人以為佢係度跳ｈｉｐ　ｈｏｐ，又跳埋一份．．．
總之，去睇下啦，真係唔錯～～　尤其係夜晚睇，刺激ｄ架～～
我地３個走果陣，都有少少驚見到鬼．．．

唔知打咩題目好喇．．．

今日爺爺有ｄ唔舒服呀，冷親喎，希望佢快ｄ無事啦～～
尋晚睇埋「縮水女朋友」先訓，今朝有ｄ唔想起身．．．
番到學校，一個好長的早會，因為學校參加創意思維比賽得到第一，
遲ｄ要去美國參加總決賽，介紹左ｄ概念，
仲用左ｄ錯覺去引導觀眾，好有諗頭呀～～
ｐｈｙｓｉｃｓ堂，派卷喇，卷二ｍｃ變左３０／４５，強呀～～
卷一諗住好差啦，點知都合格，５９／９０，ｇｏｏｄ呀～～
ｂｉｏ堂派埋最後一份卷，４５／１０５，好搞笑，
有題我唔記得點串，寫左中文，佢俾分我喎，第二次係咁喇～～
２堂ｍａｔｈｓ，做工作紙，做左ｄ，覺得好易，
所以唔做ｌｕ，調位坐，傾足成堂計．．．
ｃｈｅｍ堂，繼續唔理佢，傾計，又趴左係檯一陣．．．
ｌｕｎｃｈ又係去「利口坊」，為左ｄ野好食，同埋有電視睇．．．
２堂ｅｎｇ，對左少少卷，之後做ｐｒｏｏｆｒｅａｄｉｎｇ，有ｄ悶，
跟住２堂中文，對卷，卷二得３７分，好唔掂！！！會考加油！！！
放學又係搵人簽名，溫左ｄ　ｂｉｏ，因為聽日測ｌａｓｔ一次驗！！
今晚專心溫掂ｄ書佢！！順手當同會考做準備！！

又番學喇～～

今日又再番學喇～～　雖然得番８日時間，但一定好好珍惜！！
原來學校轉左鐘聲，早會果陣係音樂聲，轉堂果陣係門鐘聲．．．
今日番學當然係好緊張啦，因為：對卷呀！！
英文ｔｏｔａｌ　６７．２分，有Ｃ／Ｄ　ｇｒａｄｅ啦～～
ｃｈｅｍ堂．．．對番卷．．．咪講喇．．．
中文派左卷一，語文運用：３９／６０，作文６０／１００～～
但係我知卷二唔掂．．．上網睇到中文ｔｏｔａｌ係４９．．．
ｂｉｏ講番ｐｒａｃｔｉｃａｌ　ｅｘａｍ的答案，但聽日先有卷派番喎。
ｌｕｎｃｈ去「利口坊」，因為之前去過覺得好食～～
ｍａｔｈｓ堂，ｍａｔｈｓ同ａ．ｍａｔｈｓ卷都派番晒～～
原來我ｍａｔｈｓ高分過阿迪架～～　ｙｅａｈ～～
ａ．ｍａｔｈｓ個分就麻麻喇，６４／１１０，都合格既，應該拎Ｄ咋．．．
今日派左班相，放學搵人幫我簽名～～　仲係好懷念李中的校園生活呀！！

番黎香港～～

番左大陸，可能訓唔慣張床啦，成晚都訓得唔好，朝早無乜精神．．．
６點就醒左，７點先起身，擦左牙就睇陣電視，８點去拜山，
叔公做司機，同車的有爺爺，大、細Ｂ，同埋金叔個仔，
坐車去左２個地方，無幫手，因為ｄ大人搞掂晒，
燒左好多炮仗，搞到成身都係炮仗的紙碎，仲吸左ｄ煙，好臭呀～～
番到ｈｏｍｅ　１０點幾，歇一歇又要出發，去後山拜，
今次辛苦ｄ，要幫手抬炮仗，仲要行ｄ山路，幾辛苦下，但都頂得住～
去到幫手除草、點蠟燭、插香、燒衣紙．．．　總之就無時停啦．．．
燒衣紙燒到勁大火，仲要好熱呀～　終於明白點解ｄ人要生火取暖．．．
之後又係燒炮仗，今次好ｄ，因為可以企開ｄ，而ｄ風又吹向第二邊～～
番屋企，又係無野做，坐左一陣又要去祠堂拜．．．
今次同爺爺＆大、細Ｂ去，爺爺負責拜神，我地就企埋一邊，
捧左一卷炮仗去，燒果陣好響呀，耳都聾咁滯～～
終於拜完喇，番到去坐左陣就食飯，食完之後就番黎香港喇～～
走果陣２點，佢地係咁質ｄ野俾我地帶番香港，又雞，又鴨，又茶果．．．
入境果陣過關多人過出境果陣喎，但都排左唔係好耐．．．
到羅湖又麻煩ｄ，果個人要幫我打番ｄ資料入電腦，搞左一輪，
搭火車又要買飛喎，部售票機又唔收我果張＄２０，要去另一邊買又搞一輪，
不過都算幾快，５點半就番左屋企ｌｕ～～
因為太眼訓喇，９點幾就ｓｌｅｅｐ喇．．．

番左大陸～～

今日要番大陸呀，因為要番去拜山，聽日就番落黎～～
１１點起身，阿妹係學校打黎話唔舒服，要去帶佢番黎睇醫生，
去到見到好多小學老師，全部都唔認得我．．．
見到阿妹喇，佢話有少少發燒，又喉嚨痛，無計啦，帶佢番屋企～
佢拎埋個午餐番黎，我橫掂未食早餐，就幫佢食左佢～～

１點出門口，帶埋ｍｐ３上路，行李好少，帶左一套底衫褲咋．．．
搭巴士去大埔再轉火車，係大埔墟見到叔公，就一齊同行～～
到左羅湖就有少少麻煩，因為我之前唔見左身份證，而家等領新證，
過關果陣要填多張ｆｏｒｍ，要叔公係度等．．．
去到深圳就搭叔公架車番去，咁就出少左車錢喇～
途中又見到姑爺喎，咁ａｒｍ佢出黎辦貨，車埋佢去買就一齊番去～～
番到去差唔多５點鐘，原來得我地２家人番去咋，
因為無食ｌｕｎｃｈ，好肚餓，咁就梗係煮公仔麵食啦～～
夜晚同ｄ人傾計，個個都叫我讀好ｄ書，要入大學，唔係無前途喎．．．
搞到我好大壓力呀，咁就一定要考好會考佢啦！！！
又問我屋企點，間鋪點．．．　總之就問唔停啦～～
大陸要早訓喎，１０點幾就同埋大Ｂ一齊訓．．．

（有個遺憾：唔記得帶相機番去，影唔到相呀．．．下次補番～～）

腳痛 ＆ 開番相簿～～

今日，太累了，腳又有ｄ痛，所以街都廢事出ｌｕ．．．．
買完早餐就ｇｏ　ｈｏｍｅ，食完就成日都待在家裏，
真係想搵ｄ特別野打日記都無呀．．．
雖然係ｈｏｍｅ，但都無諗住溫書，
無心機呀，好似心入面好似有ｄ空隙咁．．．
打在半日ＣＳ，睇在平日電視，就連夜晚都唔溫書，
特登搵番隻「空軍一號」出黎睇，睇極都唔厭～～
聽日要番大陸，但因為之前補領左，都而家都未有得拎新證，
都唔知拎住果張紙聽日過唔過到關．．．
拖左咁耐，終於俾錢開番個ｇａｌｌｅｒｙ喇，得閒上去睇～～
http://www.fotop.net/tim24

傻左喇，又踢波！！

今日又係去踢波，因為之前約左江生鬥波～～
約左ｄ人１２點惠康等，全部ｐｋ黎既，個個都遲到！！！
再去荔景會合埋ｕ記＆阿聰就去美孚果個新的球場～～
出地鐵站就陪小肥買鞋，搵左一陣，仲要問埋人先知邊度有得買，
買完就行過去，一條大直路，好遠呀，真係熱身．．．
去到見到２、３隊人，佢地啤住我地，好唔自在，可能見我地新黎啦。
換完衫就見到對手喇，等左一陣就鬥波，佢地搵左個專人ｍａｒｋ我～
個場好大下，所以８打８，２０分鐘一節，第一節我地贏２：０～～
已經好累，因為尋日真係踢足成日，就快行唔到．．．
之後踢，俾人入左三球．．．跟住仲落後到３：４．．．．
因為佢地有個阿叔好勁，ｄ角球上黎助攻，用腳又用頭，入左２球！！
我地ｄ人又唔爭氣：梁嘉威不停浪費機會！！波都控唔定！！
奧雲就當表演賽，玩花式，無次得，３次單刀都唔入！！
臭汗就打右後，係咁助攻，好似好勁咁，但係就成人甩波，
得閒又底線傳底，攻完又唔番後，仲好意思話累，累就咪攻啦！
好彩後面有個阿聰頂住，佢連頭都用埋，瓦解好多攻勢，
而且佢仲要係帶傷出陣架，認真抵讚！
小肥又係抵讚，今場佢打前，入唔少波，而且得閒仲番後幫手，
有球仲要後腳助攻俾金貓單刀射入，同臭汗＆奧雲完全唔同！
最後，我都唔知幾比幾喇，總之贏左啦～～　最尾一球係我助攻ｔｉｍ～
走ｌｕ，係美孚食埋野先，「餃子妹」，平平地又幾好食～～
跟住搭地鐵趕去搵暴龍一齊去教會（暴龍叫到，去一次啦），
約左４：４５等，但係我５點先到，見唔到暴龍，周圍行都見唔到，
ｓｏｒｒｙ呀．．．我都唔想遲到架．．．最後無去到教會．．．
事後問番暴龍，原來佢都遲到，４：５０到，佢以為我唔等佢就走左．．．
算啦，總有機會既，下星期先再去過啦～～
夜晚問左爺爺，佢會同我一齊番大陸，咁番一日啦～～
溫ｂｉｏ真係要熟ｄ，因為８號又整多個ｂｉｏ　ｔｅｓｔ喎．．．
估計３日內要完全所有ｂｉｏ溫習！！
太累了，近乎虛脫，隻腳又有ｄ痛，睇黎係個天叫我唔好踢咁多波喇．．．

又係ｂｉｏ，又再狂踢波～～

今日係愚人節呀！　好彩無俾人玩到．．．
朝早約左椰汁糕佢地９點番學校踢波，點知我９點番到去，
見唔到識既人，仲要見到有籃球隊練波．．．
我仲以為俾椰汁糕玩左．．．打俾阿聰，原來佢仲未訓醒喎．．．
椰汁糕９點半先番到學校，見到無球場用，就決定落葵芳踢，
ｃａｌｌ晒ｄ人去葵芳場，差唔多１０點先齊人，
阿聰都黎左，但係先前佢番左學校，因為無通知佢改左去葵芳．．．
先係我地自己人５鬥５，我果邊贏晒，因為有阿聰、基華佢地～～
跟住同ｄ阿叔鬥，我地先贏２：１，我同阿聰都有份入波～～
之後椰汁糕、基華、張俊雄佢地番學校，因為佢地１１點補ｂｉｏ，
佢地走之後一陣我地又鬥過，當然我地實力減弱左啦，反輸１：３．．．
阿聰仲俾人ｋｉｃｋ低，「鏟草」式ｐｋ，２個膝頭都損晒．．．
踢完一陣就換衫，同阿聰去食ｌｕｎｃｈ，撞到ｄａｎｉｅｌ同金瀧，
佢地又係食ｌｕｎｃｈ，一齊啦～～　去左「利口坊」，都幾好食～～
食完先１：４０，我地補２：３０，諗住去林士德打乒乓波啦，
點知要夜晚十點先有場．．．　番學校射陣波算喇．．．
一堆人係度射波，打籃球咁，２：３０換番衫上去補課啦，
點知上到ｌｉｂｒａｒｙ見到ｄ人係度企，咪企埋一份ｌｏｒ．．．
企左陣先上去，ｍｒｓ　ｙｉｐ鬧我地，話我地遲到喎．．．
派番ｂｉｏ　ｍｏｃｋ卷，成績如下：
卷１（長問答）：５５／９６（高分左！連ｍｒｓ　ｙｉｐ都話我進步！）
卷２（ｍｃ）　：４１／６０（一早知，無驚喜）
總結：ｂｉｏ應該拎到Ｄ咋．．．（而家溫左好多，會考應該博到有Ｃ～）
５點先走到人，又想踢波，去葵芳見到樹熊果班踢，我又踢埋一份！！
嘩！對手幾強下，係ｄ咩地區聯賽果ｄ，有個係戴啟然表哥（伍少梅果個）
我入替扭計，落場踢左一陣都覺得好累喇，因為朝早又有踢，
聽佢地講原來呢場波踢左成粒鐘．．．　因為家誠表現神勇，屢救險球！！
最後我地都係輸波，我係前場甩左，人地俾左「阿牛」，
佢係右邊底線狂抽個波，家誠唔為意，遠柱入左．．．
之後有ｄ人ｂｏｏｋ左場，無得踢，ｇｏ　ｈｏｍｅ　ｌｕ．．．
可能踢得太多波，好累，係車度想訓覺．．．
晚飯食炒河粉，唔知係咪太餓啦，食左３大碗．．．