去葵芳逛、林士德踢波

今朝醒左，小肥就打黎，去阿廖ｈｏｍｅ集合．．．
去到阿廖ｈｏｍｅ仲講番尋日單搞笑野！　都仲係咁好笑！
ｈｅａ，睇十萬噸情緣，跟住搭小巴去葵芳，
兜左好多地方諗食乜好，決定去日昇，因為ｌａｓｔ　ｄａｙ，
不過因為太多人捧場，廢事等，就去左利口坊食．．．
估唔到ａｐｒｉｌ過左檔係利口坊做，
佢之前同我一齊係新地坊做架～～
食完就陪小肥買袋，行左好多間，佢同我一樣，好憎ｄ人貼身服務架．．．
之後買左個，雖然唔係潮爆，不過都幾型仔既～～
佢又幾醒，問阿媽拎＄３００，買個＄１００既袋．．．
跟住到阿廖，買皮鞋，佢又係醒，問媽拎＄２００，
＄１００買左對唔綁帶既，ｏｋ啦，
之後又話肚餓，去百佳行，壽司平到＄２．５一件，正！　每人買左４件！
仲順手估下ｄ燈謎：從小愛打架（猜雀鳥名）
ａｎｓｗｅｒ：　鸚鵡　（ｈｉｇｈｌｉｇｈｔ黎睇啦！）
出左去出面既樓梯度食，食完去ｒａｖｅ　ｚｏｎｅ度坐，
叫埋家俊黎，傾左好耐計．．．
ｇｏ　ｈｏｍｅ換衫去林士德，因為ｂｏｏｋ左５－７．．．
奧雲已經同阿峰、阿邦果ｄ踢緊喇，
收唔到場住，ｄ阿叔好煩！　跟住要同韓成果ｄ踢，心諗死梗，
點知又ｗｉｎ喎，肥蔡入波，贏就收到個場，同龍哥果ｄ踢．．．
我踢極都唔夠態．．．　因為一直都有傷．．．
踢到７點幾，有隊好勁既跟隊，無人想踢咁，
硬住頭皮踢啦，輸１：３．．．　人地真係質高嘛．．．
ｔｈｅｎ，去華潤買野飲，坐係出面一陣傾計，
阿邦又返林士德繼續踢，真係鐵人．．．
跟住同奧雲去葵涌廣場買校服果間講數，因為佢懷疑俾人呃，買貴左．．．
不過佢又無單，拗左好耐都退唔到錢．．．　最後都係走人．．．
齊齊買手卷，聽日當早餐食！　正！　之後搭的士返歸
唉，ｍ記青訓個阿ｓｉｒ仲未打黎，都唔知入唔入到ｔｉｍ架．．．
聽日就開學喇，無得再ｈｅａ喇．．．
要為大學既學位努力！　不過苜要係出年會考中文ｒｅｔａｋｅ要合格．．．
因為覆卷果邊已經回覆話成績無問題，中文係唔合格．．．

阿廖：「你２個做乜野呀！」

今朝差唔多到１點先醒，唔知做乜．．．
可能係尋晚ｂｂｑ，玩得太累了，不過唔理佢啦．．．
商量好後就落鋪頭拎ｄ煎釀三寶、買ｄ麵包上小肥ｈｏｍｅ，
係佢度食早餐，食完就打機，ｗｉｎｎｉｎｇ９，
阿廖都黎埋，３個人玩，之後家俊都黎，打左２鋪，
對我果陣輸０：２，跟住俾小肥用皇馬炒６：０．．．
有４球係輸１２碼，４球都由卡斯拿斯射入．．．
之後等佢返屋企拎衫，去左葵涌商場，葵涌村果個呀！
諗住去五十嵐試食，因為睇到廣告果ｄ介紹話平，好吸引，
不過晚市先有平果ｄ食，就係商場周圍行下先，
上左惠康，２萬幾呎，大得嚇人！　阿廖形容話係會行到盪失路．．．
去番五十嵐，佢俾我地入去坐住等，有個侍應好傻仔．．．
原來個＄３８既麵，話足４人份量，其實唔係好大，
唔夠食，要叫多個食，平丫嘛，是但啦．．．
仲見到ｋｉｍ　ｓｉｒ帶２個亞斯理ｍｉｓｓ撐檯腳！
食完去阿廖ｈｏｍｅ拎手冊，跟住去光輝圍果邊間惠康買野飲＆野食，
搭３２Ｂ去城門谷游水～～
去到有久未露面既飛機仔！　又帶左條女黎．．．　仲要唔靚．．．
入到去有ｄ悶，又有ｄ凍，不過勁搞笑！
事緣我地去完廁所，就要搵返飛機仔＆佢條女啦，
咁小肥見到有一對幾似，睇真ｄ又唔似既，
阿廖又以為佢地係喎，就走埋去啦，人地係度親熱緊啦，
阿廖就大大聲指住佢地話：「你２個做乜野呀！」
人地真係俾佢嚇死，條女望住佢，條仔就好愕然問阿廖咩事．．．
阿廖知道衰左，就ｓａｙ　ｓｏｒｒｙ先啦，
唔好意思，認錯人，之後就走開，果２個人俾佢打擾完，
無晒癮，就走人，走之前條女仲要啤住阿廖．．．
我地真係笑左超耐，笑到肚都痛埋！
游完就去左大窩口間ｍ記食野，跟住ｇｏ　ｈｏｍｅ　ｌｕ．．．

領袖訓練＋ｂｂｑ

今朝都算早起身，未到１０點就醒左喇～～
等到１１點幾先去葵芳，同埋阿迪、ｌｉｕｗａｙ食早餐：ｋｆｃ
食完就同阿迪搭的士返陳南昌，又好似上次咁分組，
領袖訓練，又係玩遊戲，用報紙串埋＆搭膞頭做架火車，
跟住去搵米色牌，我地唔理，咩色都拎，俾人扣分．．．
不過黃色、米色好相似，我地最後都係唔理，見到似就照拎．．．
之後砌同領袖有關的生字，我地組差唔多係亂黎！
ｓａｌｔ都砌得出，之後亂咁兜，話咩領袖要食得鹹魚抵得渴．．．
玩另一個ｇａｍｅ，用１０塊木頭、５個膠杯運水，
由我出招諗橋，梗係醒ｄ架啦～～　
一開始我帶頭做鋪路，快人一步，理想當然達到啦！
最後我地裝到個樽滿瀉．．．　勁到丫！
ｂｒｅａｋ，ｄｅｖｉｌ幫我地影相，仲偷拍ｄ女仔．．．
之後就每組諗一個活動出黎，對象係中一生，
要帶出和諧社區、健康身心既意思，
不過我地亂黎，只係諗搞ｄ咩遊戲，無人理個主題，搞到我無咩癮．．．
組組都試行，ｄ阿ｓｉｒ、ｍｉｓｓ扮中一生，
仲有ｄ特登搞事，考下我地點處理，佢地扮得勁搞笑！
完晒就ｂｂｑ，我地組有人有風扇仔，起爐都快ｄ！　勁！
搞到９點半走，陳南昌已經好唔掂，ｄ女仔又勁煩，
唉，搞到個個都話想轉校了．．．

去ｍａｎｄｙ活動見唔到ｍａｎｄｙ

ＪＳ的歌真係好好聽呀！！
哥哥妹妹的時代雖然唱功不太好，但歌曲的耐聽度都好高！

今日１１點幾起身，因為小肥ｆａｍｉｌｙ　ｄａｙ，
我搵唔到人陪，就要自己去食早餐．．．
食完，大概１點半出門口，去荃灣廣場，
因為紙皮話有ｍａｎｄｙ活動，我準時地２點到，
不過個ｓｈｏｗ３點先開始，周圍行下先，
見到小肥佢地一家人！　勁野！
上左書局睇左陣書，「超凡學生」，
不愧係十大好書，又真係幾好睇架喎，遲ｄ買本慢慢睇先～～
去返會場等，之後開ｓｈｏｗ，全港小學生歌唱比賽，
嘉賓得阿ｄｏｎ一個．．．　仲要見唔到有ｍａｎｄｙ的ｆａｎｓ．．．
大鑊喇，睇多陣都唔見佢地，唉，走囉．．．
上左三聯買書，排左好耐隊先買到１本咋，唉．．．
之後去７－１１換東方果２本意甲、西甲既波經，
仲順手去荃豐睇舊碟鋪，不過搵唔到哥哥妹妹的碟．．．
ｇｏ　ｈｏｍｅ，上ｍａｎｄｙ　ｆｏｒｕｍ，
原來都有幾個人俾紙皮呃．．．
紙皮原來都係今朝先收到通知個ｓｈｏｗ無ｍａｎｄｙ，
不過通知我地唔切．．．　算啦．．．

Ｓａｙ Ｆｏｒｅｖｅｒ

哥哥妹妹（ＪＳ）　－　Ｓａｙ　Ｆｏｒｅｖｅｒ

歌詞：

我一個人不孤單　想一個人才孤單
有伴的人在狂歡　寂寞的人怎麼辦

越過窗　看著長街　歡樂卻無聲　像一張卡片
燈光像繁星　燦爛整條街　思念的情緒　濕亮我的眼

＊　我一個人不孤單　想一個人才孤單
　　有伴的人在狂歡　寂寞的人怎麼辦
　　我邊想你邊唱歌　想像你看著
　　被感動了　我被抱著　眼淚笑了

圍巾　輕碰著唇邊　有點暖得像　親吻的感覺
吐氣變白煙　飄過了眉間　撞上了懷念　下了一陣雪

ｒｅｐｅａｔ　＊

氣氛太美　離你太遠　有太多的幻覺
不能快樂　不能改變　Ｃａｕｓｅ　ｂａｂｙ　Ｉ　ｍｉｓｓ　ｙｏｕ

ｒｅｐｅａｔ　＊
我被抱著　眼淚笑了　Ｓａｙ　Ｆｏｒｅｖｅｒ

睇ａｈｙ，ｍ記青訓，小肥唔見袋

１１點半起身，未食早餐就要去鋪頭幫手先，
因為家姐今日要出街，都唔知要做乜．．．
早餐都唔知食咩好，就自己夾ｄ煎釀三寶、買ｄ麵包食就算．．．
玩左陣電腦就做功課，ｐｈｙｓｉｃｓ呀，做得極慢．．．
做左２個鐘先做得２０條．．．
唉，聽日先繼續喇，帶埋ｄ衫去睇ａｈｙ！
４點４就去到油麻地，早到左５個字，白等．．．
ｃｏｎｄｏｒ帶我去到ｋｕｂｒｉｃｋ，ａｈｙ已經開始唱緊歌喇！
今日好正，ｋｕｂｒｉｃｋ係一個好有ｆｅｅｌ既地方，
充滿讀卷味、好有文藝氣息，好ａｒｍ人地鬆一鬆！
點解係大窩口又無ｄ咁既地方既．．．
ａｈｙ唱ｌｉｖｅ真係好好聽！
今日又可以聽到佢唱ｓｈｉｎｉｎｇ　ｍｏｒｎｉｎｇ！　正！
仲有另一隻我未聽過既歌：星月童話，都係好好聽～～
完左就去左新都會對面個場，同阿聰、志仔果ｄ跟隊鬥波，
對手係阿欽、康輝夾埋華森佢地．．．　輸梗．．．
之後去林士德練ｍ記青訓，練練下見小肥仲未走，原來佢唔見左個袋．．．
我地繼續練，之後鬥波，右腳唔知做乜肌肉有ｄ痛，唔理，照踢，
踢得唔係好好，不過都有２、３下射門，有１下爭ｄ入架！
完左就同小肥報警，先係同左ｄ行必既阿ｓｉｒ講，之後去左買撈麵食，
食完就一齊去警局報失，不過又唔多似俾人偷左，
因為佢個電話一直都打得通架喎．．．
最後就搭４３返屋企．．．
（唔打ｇｏ　ｈｏｍｅ，費事阿廖又話成日都係ｇｏ　ｈｏｍｅ．．．）
今晚又要睇ｍｏｎｓｔｅｒ，正！
搵到ＪＳ以前的舊作，都有隻幾好聽！
聽日有ｍａｎｄｙ　ｆｕｎｃｔｉｏｎ，好野～～

迎新日～

今日係陳南昌迎新日，咁就８點起身，唔食早餐就搭地鐵返去．．．
唔記得左阿迪手提，就無打到俾佢，自己返左學校先．．．
過多陣佢返到，一齊上禮堂，分組，佢Ｄ組我Ｅ組呀，
之後ｄ同學陸續入組，之前見過有２個幾靚既女仔都係阿迪果組．．．
我果組爭ｄ全男班，得１個女仔．．．　唉．．．
玩熱身遊戲：捉蟲、拖手打電話，阿迪可以拖住最靚果個女仔，氣死我了！
正式遊戲，雞蛋撞地球，唔知點好，佢地諗，我都費事諗喇．．．
不過誤打誤撞下，隻蛋唔爆喎，勁野！
上禮堂踩飛碟，開頭無咩策略，之後每人負責幾個ｎｕｍｂｅｒ，
試左幾次，時間都算快，就轉玩另一個喇～～
每人拎支棍督住個籃球黎運球，我地超快，１分鐘都唔使！
有ｂｒｅａｋ，不過要諗一條校規既問題，我都懶得理了．．．
ｐｈｙ派功課．．．　唉，仲以為咩都唔使做ｔｉｍ！
半個鐘講校規，勁悶，勁無聊！　陳南昌懶係嚴咁．．．
又玩遊戲，周圍去問下ｄ關於學校既學會之類果ｄ，
之後問答遊戲，要衝出去搶咪答，我都搶到一題答架～～
最後我地組第１，梗係啦，有我係度嘛～～
獎品係風扇仔．．．　唔理，拎個釘書機，無咁核突呀．．．
填埋問卷就走，去葵芳搵埋ｌｉｕｗａｙ，食大快活，
跟住３個人去打機，都幾好玩，不過又無左＄２０．．．
逛多陣就ｇｏ　ｈｏｍｅ先，等阿廖佢地，
開頭又實牙實齒話買袋，之後搞到得我１個會買．．．
咁就費事出去啦，佢地只去剪頭髮．．．
訓覺，因為早起身，都有ｄ累，７點半起身食晚飯．．．
聽日一定去睇ａｈｙ！！

悶，買書，踢ｍ記青訓．．．

尋日踢波盡晒力，踢到好累呀．．．　１１點就訓左喇．．．
今朝１１點幾起身，ｈｅａ到１２點幾，去集興買炒飯返屋企食．．．
食完就玩電腦，ｈｅａ下囉．．．　都唔想郁，又無咩做喎．．．
之前魚子又話會約我去打機，
不過佢又打黎話有事，咁就搞到無節目喇．．．
到左３點幾，１個人去買書，去啟明到睇，人都幾多，
要排隊，都執到４本既，咁就４百幾蚊．．．
之後特登行上千色店果度，都係見唔到果次果個女仔．．．
去到三聯，佢話我想要果ｄ書一係未出，一係無貨，唉，白行．．．
返到ｈｏｍｅ，就約埋小肥去ｍ記青訓，
去到林士德，奧雲同阿邦已經到左，仲同人鬥緊波ｔｉｍ，
我同小肥係場邊睇，之後阿聰黎左，一齊睇，
跟住阿聰仲好好彩咁執到個黑白波～～
阿廖黎埋，３個過左新都會果邊，諗住踢波，點知無得踢．．．
睇左陣波就返過黎，到我地踢ｍ記青訓～～
今日教單擋，我都唔知佢想點．．．　佢睇左個幾次，話我做錯晒．．．
之後鬥波又無乜態，梗係啦！尋日博成咁，今日仲邊有力呀．．．
練完就去左ｋｆｃ食，又玩ｄ售賣員，個女仔又俾我地玩到係咁笑～～
不過夜晚食ｋｆｃ，ｄ雞好似擺左好耐咁，好難食．．．
跟住去同阿廖買芒椰奶西飲，都幾好飲～～
之後去ＭＩＧＡ果間野睇袋，諗住買，
因為踢亞斯理杯果陣贏左張ｃｏｕｐｏｎ番黎．．．
２個女ｓａｌｅｓ，我地又同佢地傾下計咁，
有個同我＆奧雲都ｏｋ好傾既～～　佢又成日郁身郁世，有ｄ搞笑～～
另一個原來之前係讀李炳架，阿廖記得佢個花名係「大波妹」．．．
睇完就ｇｏ　ｈｏｍｅ，聽日先過返去買袋．．．

我地亞斯理杯得亞軍．．．

７點俾明仔打黎噪醒我．．．　問幾點開波．．．
７點３又到家誠ｓｅｎｄ訊息黎噪多次．．．　話黎唔到．．．
好彩之後小肥叫到肥房黎幫手打龍～～
起身玩電腦，８點半落去同小肥去集興食早餐，
之後等埋阿駒、肥房＆佢個ｆｄ，５個人搭的士去林士德～～
去到就射波，我隻腳仲係痛，唔想踢架，
不過我地ａｒｍ　ａｒｍ好得７個人，焗住要踢．．．
叫左阿邦幫我買必理痛，食左粒頂住先．．．
對小肥果ｄ港青既ｆｄ，我跑唔郁，踢得好辛苦．．．
先輸１球．．．　不過之後阿駒又幫我地追平～～
完場打和，互射９碼，本來阿廖射入就ｗｉｎ，不過佢又射失．．．
跟住肥房救到人地既射門，隨後自己又射入埋，咁就殺入決賽喇！
之後到亞斯理對李惠利，亞斯理連個正式門將都無，要猜龍．．．
佢地先失２球，踢踢下仲落大雨，要中止賽事一陣．．．
及後佢地連追２球完場，又要互射９碼．．．
不過亞斯理射輸左，只可以爭第３，衛冕失敗．．．
之後我地去左葵涌廣場頂層果度食飯，不過ｄ野唔好食既．．．
行返番去球場射波，見到家俊唔知做乜係馬路對面跑去林士德，
仲以為佢急屎．．．　之後明仔都到左～～
球証無啦啦吹雞，我地仲以為開波，
點知佢大叫話：「雙方球員熱身！」　我地啞晒，淨係識得笑．．．
季軍戰，亞斯理輸埋，只係得第４．．．
ｋｉｍ　ｓｉｒ有口齒，請我地飲野～～
到我地對李惠利，人地有幾個好勁，預左好難踢．．．
因為得２個人打後，肥房又唔夠態，而且有傷，就先失４個波．．．
大家諗住輸梗，一定無得追咁．．．
我就唔係咁諗，覺得一定夠踢，腳痛都唔理！
之後俾我射番個靚波追到１：４完上半場，
下半場阿駒打番後，好踢左，有明仔係度，靠佢既門前把握能力，
一球一球咁追番！　追到３：４！！
小肥都落力踢，不過林日廣好茅，踢唔到個波就炒起小肥，
之後仲撩小肥打架，最後得一張黃牌．．．
罰球我射，唔中龍架，明仔就補頂中楣！
球証又白痴，無啦啦吹雞，佢以為入左．．．
之後又問人個波入唔入喎．．．
因為場邊ｄ人係我地ｄ　ｆｄ，個個都話入！！
最後ｋｉｍ　ｓｉｒ就判個波唔入．．．
不過之後人地有個過頭波，阿駒頂唔到，西聯果個人亂射，
好好彩咁俾佢射入左．．．　３：５．．．
大家都想放棄，無乜心機咁，我都有ｄ想放棄．．．
點知明仔又好好彩咁執漏入波，４：５！！
不過得番３０秒，無機會追喇．．．
林日廣又串，佢行去阿廖度話：「得番３０秒，玩到玩死你啦！」
最後都係追唔到，輸左，得亞軍．．．
獎品係＄１００體育用品現金卷，獎牌都要後補．．．
抖到６點，過左新都會對面踢波，同班葵青女子足球隊踢，
佢地女仔都好勁，搓波好叻，走位都好好，仲勁過好多男仔！
輸左次俾佢地先，不過之後又贏番次～～
同其他人踢，男仔黎既，佢地無ｄ女仔咁勁．．．
我地踢番個陣出黎，好好踢，係咁ｗｉｎ！！
踢到ｄ女子足球練波，我地就走喇．．．　好累呀！！

去左荷蘭豆ｈｏｍｅ

次次都係咁，知道第２日要早起身的話就會訓唔著，
尋晚就係咁喇，成晚都訓唔著呀．．．
１０點幾起身就搭地鐵去荃灣，去到得我１個人．．．
１１點，波波、家和果ｄ準時出現，
其他人就慢慢黎，早知我食埋早餐先過黎啦．．．
係美心買包食，食完都仲係唔齊人．．．　遲到真係煩．．．
子彈後日就要上機去加拿大讀書了，有ｄ唔捨得．．．
之後上左荷蘭豆ｈｏｍｅ，有１８個人，
諗唔到有咩做，全部人睇十萬噸情緣．．．
睇完，有ｄ人去左食野，我地就有ｄ人打牌，有ｄ人玩７級豬～～
玩到２點就去滋味街食野，梁勇都黎ｊｏｉｎ我地～～
去惠康買野飲，順手探下明仔～～
之後去左會所打壁球，不過得我、阿迪、ｌｉｕｗａｙ．．．
打完去返荷蘭豆ｈｏｍｅ，好多人，玩ｋｉｌｌｅｒ～～
有ｄ悶，因為我一直都做唔到ｋｉｌｌｅｒ．．．　可惡！！
玩到６點，有ｄ人走，有ｄ人去打桌球，
而我就留低睇電視、打左陣麻雀．．．
ｅｄｉｓｏｎ俾左好多朱古力俾我地食，
我食左粒酒心朱古力，好唔掂，酒味好難頂！
食完之後有ｄ暈暈地喇．．．　好似有ｄ醉咁．．．
７點走，搭地鐵ｇｏ　ｈｏｍｅ．．．

林士德踢波．．．

１１點醒，又係自己走去新興食早餐．．．
之後打機，西貢個阿嬸黎探我地，就帶佢去鋪頭睇下．．．
跟住就同小肥、奧雲去荃灣津味食炸醬麵，
食完上左千色店搵果日見到果個女仔，不過搵唔到．．．
去左天天打陣機先，玩頭Ｄ，小肥ｗｉｎ左我，
佢有得玩多鋪，不過之後俾人挑機，輸到喊咁滯．．．
我同奧雲玩ｏｕｔｒｕｎ２，我贏～～
搭４３去林士德，ｂｏｏｋ左場，不過都無用，
ｄ阿叔唔肯讓個場出黎．．．　我頂．．．
鬥波，開頭都贏既，踢左陣就俾個阿叔茅．．．
左腳大脾食左下，好痛，即刻換臭汗踢，點知佢出場就輸左．．．
我抖左陣先再踢，點知今次都我一出場就輸波．．．
到另一面踢，又輸波，對面有個人唔著波衫，
我地成日認錯佢係自己人，成日交個波俾佢．．．
之後對康輝佢地，佢地有阿欽，我地都夠踢既，
不過最後我攻完之後回防唔切，仲以為臭汗會包人地個過頭波，
點知佢無包到，我再追都追唔切．．．
跟住阿廖仲要發我地脾氣．．．　唉．．．
返到大窩口，我地仲上５人場同老林果ｄ踢左陣，
之後教下佢地射波，同埋去阿波羅傾計咁．．．

動靜樂團 － 相信未來

動靜樂團　－　相信未來
作詞：阿滾＆小無　作曲：阿滾

歌詞：
　　　我怎麼還在記憶裏徘徊　一個我最愛的人已不在
　　　從沒想到你竟然狠心這樣　看著最愛你的人選擇離開

　　　手機號碼還在　隨時都開　為了你　不能改
　　　總在期盼　那天你真的會打來
　　　愛在我心裏面　像個小孩　要呵護　依賴
　　　沒有人可以一口氣說個明白

　＃　等待你接受我的愛　等待我給你的未來
　　　讓我這樣抱緊著你　不放開
　　　我要你接受我的愛　相信是上天的安排
　　　讓我可以手牽著你　永遠不要分開

　　　手機號碼還在　隨時都開　為了你　不能改
　　　總在期盼　那天你真的會打來
　　　愛在我心裏面　像個小孩　要呵護　要依賴
　　　沒有人可以一口氣說個明白

　　　ｒｅｐｅａｔ　＃

　　　分開～～
　　　ｒｅｐｅａｔ　＃　＃

去青衣出ｍａｎｄｙ活動～～

今日終於無同小肥一齊喇～～　ｈａｈａ～～
１１點半起身，玩電腦，玩到１２點幾就去食早餐，
食完就去青衣城喇，今日ｍａｎｄｙ有活動！
因為話風雨不改，出門口果陣都無雨，所以就去喇～～
不過都係無帶相機，落雨費事整濕整壞啦．．．
１點去到集合，得我同阿力．．．
之後有日清、藍嵐、阿峰、紙皮果ｄ都到喇，
我都叫左阿廖黎，不過佢遲ｄ先到喎～～
行過去海滂，見唔到個會場．．．
行黎行去，先知改左係另一邊既橋底．．．
會合埋到左既阿廖，去到就得個悶字，有排都未開始．．．
因為係嘉年華會，就拎左ｄ飛排隊玩遊戲，
獎品係個紫色袋，一ｄ都唔靚．．．
換過一枝噴霧，話係空氣清新劑喎，噴出黎一ｄ都唔香．．．
ｄ人仲拎黎玩，噴到周圍都好臭呀．．．
等多陣就開始，嘉賓致詞致左好耐，悶死．．．
之後ｍａｎｄｙ佢地出場喇，講左陣野，影左陣相就玩遊戲喇～～
紙皮、ｓａｎｄｙ佢地可以上台玩，
其實我有ｄ想上去同ｍａｎｄｙ近距離接觸架，但費事啦．．．
玩完就唱《天生不倒》呢首歌！　真係好有意思！
３Ａ果陣班際歌唱比賽就係唱呢首架喇～～　我係台下唱埋一份～～
唱完，散ｌｕ，ｍａｎｄｙ就即刻上左車走．．．
之後同阿廖去葵芳搵埋家俊買書．．．
因為要等，又去維園食下午茶，今日既服務質素都係麻麻地．．．
再去運動家，阿廖去買我地睇中果條白色波褲～～
去返買書果度俾錢，原來執得６本咋．．．
跟住我又去買袋，去返運動家果邊果ｄ睇啦～～
最先睇中個ａｄｉｄａｓ白色紅字既，
最後買左個ｎｉｋｅ白色藍字既～～　＄３００．．．
之後行返去新地坊問幾時出糧，似乎真係要等到７號．．．
無計啦，搭４３　ｇｏ　ｈｏｍｅ．．．

無睇ａｈｙ，無波踢．．．

９點俾人噪醒左，之後訓到１１點半先起身．．．
係咁落雨，好似唔會停咁．．．
早餐係去三寶買包食，都幾正～～
不過出街一轉已經全身濕晒．．．
之後打機，諗住４點出門口去奧海城睇ａｈｙ架，
但係一直都好大雨喎．．．　費事去到咁遠啦．．．
取消行程後就同阿廖、小肥諗住去葵芳打機，
不過今次俾人ｃｈｅｃｋ身份證，小肥入唔到去喎．．．
跟手就去維園餐廳食下午茶喇，
有好有壞啦，好既係隔離坐左２個女仔，有個都幾靚～～
壞既係佢漏左單，等左超耐先有野飲．．．
之後過林士德，阿ｓｉｒ話唔會練，點左名，
佢叫我地下次帶定相、身份證副本果ｄ，應該可以入第３階段啦～～
隨後就諗住踢波，不過阿ｓｉｒ唔俾，太危險喇．．．
無得踢，就去葵涌廣場買壽司、撈麵果ｄ食，
之後就搭返地鐵ｇｏ　ｈｏｍｅ．．．
無睇到ａｈｙ，又無波踢．．．　唉呀．．．

睇魔術展 ＆ 打機～～

１１點起身，小肥唔同我去食野喎．．．
自己去新興食囉，阿華都係果度，
同佢講左我地一ｄ人既會考成績＆去向．．．
返左ｈｏｍｅ打ｗｉｎｎｉｎｇ，
１點半就同小肥搭地鐵過荔景，
去到有２個佢既ｆｄ，情侶黎既，我都唔識．．．
咁ａｒｍ見到肥燊，佢要過銅鑼灣同阿羊、思恩食ｌｕｎｃｈ．．．
不過佢約左人１：３０銅鑼灣等架喎．．．
去到會展睇魔術展，＄２０入場，不過唔係好多野睇咋．．．
企係台前睇ｄ魔術師表演，ｏｋ好睇啦，
不過有ｄ俾我地估到個竅門．．．　企到腳軟．．．
之後周圍行，見到王浩信＆一個不知名靚女．．．
返去荃灣愉景新城既滋味街食野，叫埋家俊黎，
跟住上左去金星打機，又見到肥衍，佢又話見到我上電視喇．．．
呢間得一部ｏｕｔｒｕｎ２，無得一齊玩呀．．．
是但玩左鋪，就轉去金禾度打喇，果度仲衰，直頭無ｏｕｔｒｕｎ２．．．
但係有另一隻，都幾好玩，不過好多人玩，要等．．．
玩其他唔係咁好玩既賽車ｇａｍｅ先，之後先玩呢隻，
只係得２部有位，就我同小肥玩，都係無ｏｕｔｒｕｎ２咁好玩，
玩棍波，唔係好識用，同埋架車好飄呀，成日撞牆．．．
玩完就ｇｏ　ｈｏｍｅ，今日都使左唔少錢架．．．

小肥ｈｏｍｅ打機、ｍ記青訓

１０點鐘醒左，玩陣電腦，ｈｅａ下，等小肥睇完《孫悟空》．．．
落住雨，之後就同佢去新興食早餐，食完上左佢ｈｏｍｅ，
打機，陪佢細路打左陣３國無雙，
跟住我地２個又合作打ｗｉｎｎｉｎｇ　９，
不過今日好唔掂，打歐洲國家杯，用西班牙先，分組賽出局．．．
之後轉用荷蘭，好ｄ，不過都１６強出局．．．
唔打，返屋企拎埋ｄ衫，叫埋家俊，去左新都會間機鋪打機，
又玩＄４既賽車ｇａｍｅ，今次３個對打，鬥左３次，
我贏左２次，家俊真係唔勁，最後果鋪，
本來我可以係最後果個彎過小肥，不過家俊失控撞埋我度．．．
最後佢３次都包尾．．．　我就俾小肥贏番次囉．．．
跟住阿廖黎，佢話唔踢ｍ記青訓喎，
我地去到林士德，都係落住雨，小肥就練，佢地２個走左，
得我一個人坐係度．．．　好彩小肥有部ｍｐ３機～～
７：３０到我練，偶像同阿聰都有黎，係阿廖唔到．．．
今堂練撞牆，唔難，不過阿ｓｉｒ有ｄ燥．．．
ｌａｓｔ半粒鐘鬥波，我第２輪先出場，踢得幾落力，仲入左球波，
最後我地果隊贏３：０！！
走，要返屋企做節，就同小肥搭４３返歸，我係車上面換衫＆鞋．．．
今晚７月１４，不過無撞鬼喎．．．

踢亞斯理杯出線～～

要踢亞斯理杯！　８點就起身～
同小肥去集興食早餐，之後搭小巴去林士德，
小肥話落車先俾錢，之後唔記得，要個司機叫返佢俾錢～～
去到得我地２個．．．　射住波先囉．．．
之後我地成隊到晒，亞斯理都唔齊人，落大雨，推遲ｄ先開波．．．
本來講好左內定打和，之後我撻Ｑ笠死畢振宇，
佢地由家麟扳平，不過明仔之後又入波．．．
下半場，佢地好多機會都入唔到，連續幾次龍門口唔入．．．
見佢地都入唔到波，明仔之後入多球，完場ｗｉｎ　３：１．．．
睇波，奧雲＆臭汗佢地同全完果ｄ一隊，
李惠利ｄ　Ａ　ｇｒａｄｅ又有一隊，包括左林日廣．．．
奧雲佢地完全被比下去，梗係輸啦．．．
不過肥蘇打龍真係超勁，死球都俾佢飛盡撲出！
之後又有隊葵青對老林佢地．．．　老林佢地梗係都輸啦．．．
睇完就去食ｌｕｎｃｈ，去豆漿大王，見到ｍｒｓ．ｙｉｐ．．．
唔好食，又唔抵食，無餐叫既．．．　屈人地散叫．．．
食完又過番去，亞斯理最後都無失威，５：３贏ＫＦＴ，出線在望啦～～
我地又係睇波，奧雲入到２球，連阿邦都入到波～～
不過佢地領先３：１的情況下不思進取，
最後俾人追平３：３．．．　不過互射９碼都ｗｉｎ到～～
老林佢地踢得好好，不過到最後都係失波，輸０：１，好唔抵！
到我地，對幾串既ＫＦＴ，佢地又唔勁．．．
我地有８個人，要猜走個無得踢，最後阿廖輸～～
佢地一開波就俾明仔攻入左．．．　真係好廢．．．
不過上半場都再入唔到波，領先１球咋．．．
下半場，猜左阿聰無得踢，踢左一陣阿駒就入波～～
因為一直係咁攻，ｄ人都唔諗住打後ｌｕ，阿廖都上埋去入波～～
我都忍唔住，係禁區扭２下先射，都有波入～～
小肥玩野，唔多肯射波，成日引人黎ｍａｒｋ佢，之後係咁扭．．．
４球都夠啦，不過因為無人打黎，俾人打反擊破到蛋．．．
最後ｗｉｎ　４：１，我地２場全勝，首名出線～～
奧雲佢地ｌａｓｔ一場對老林，僅僅ｗｉｎ　２：１，靠花王擺烏龍．．．
睇埋最後果場，ｄ人打假波，內定賽果．．．
奧雲佢地飲恨第３位，出唔到線．．．
之後去葵涌廣場食撈麵、買西瓜椰果飲，
隨後陪阿廖去買ｓｔｅｐｈｙ隻新碟，跟住搭地鐵ｇｏ　ｈｏｍｅ．．．

去打機 ＆ 打機．．．

１０點半醒，之後同小肥、奧雲去集興食野～～
個阿姨又問我係咪上電視呀．．．
食完就一齊去左荃灣金禾打機～～
玩左＄２０，賽車ｇａｍｅ，
都有玩頭Ｄ既，不過都係太好玩，
又有另一隻＄４既賽車ｇａｍｅ好好玩！
奧雲唔識玩，唔多敢玩，ｈａｈａ～～
玩完就去左小肥ｈｏｍｅ打ｗｉｎｎｉｎｇ　９，
我同小肥一齊對電腦，用捷克打世界杯，
之後臭汗黎埋，爭住玩，同佢玩親都要失波．．．
跟住次次都要我同小肥入番ｄ波．．．
差唔多場場都和，場場都要射１２碼．．．
最後我地都係贏到世界杯～～　ｈｅｈｅ～～
阿廖黎左，玩多鋪就要走，因為小肥老豆都返喇．．．
買麵包，返到ｈｏｍｅ食晒就訓左陣．．．
聽日亞斯理杯，要爭取出線呀～～

ＪＳ － 最遠的位置

ＪＳ　－　最遠的位置
詞：陳忠義　曲：陳忠義

歌詞：
　＃　忘記會不會比較懂事　紀念的照片　看來多諷刺
　　　想念算不算一種窺視　反正沒有人　填心中位置
　　　愛太遲　我來不及解釋　你太直　傷害總不知節制

　＊　我站在離你最遠的位置　消失在寂寞氾濫的城市
　　　傷心的自以為是　像寵壞了的孩子
　　　你站在離我最遠的位置　用你最殘忍冷靜的堅持
　　　怎麼將傷口掩飾　對你微笑　用最優雅的方式

　　　ｒｅｐｅａｔ　＃　＊

　　　我們都太過不可一世　總是意氣用事　說到此為止
　　　我們找不到一種方式　結束這荒謬的故事

　　　ｒｅｐｅａｔ　＊

做校服 ＆ 踢波．．．

今日起身，小肥話悶喎，問有乜做，
就叫佢陪我返陳南昌買新校服～～
係葵芳ｍｔｒ會合埋阿迪就返去啦～～
返到去咪排隊買囉，見到個超靚既女仔，
似乎係中６架喇！　希望係讀理科啦，ｈａｈａ～～
買ｊａｃｋｅｔ，好大件，個袖好粗，好核突！
買長運動褲，又係咁，褲浪仲有個袋位．．．
無計，一定要買架啦，唉．．．
小肥話出去買校服平ｄ喎，咪信佢囉．．．
ｌｉｕｗａｙ黎左，阿迪要陪佢去荔天，
咁我同小肥就去葵芳打陣機先．．．
去到玩「頭Ｄ」，覺得唔夠＄４果隻好玩．．．
之後玩番＄４果隻，正！　一流即係一流！！
跟住玩捉錯處，第３幅真係睇唔到．．．
玩足球ｇａｍｅ，唔識玩，亂玩，
我同電腦打和，互射１２碼輸左．．．　小肥對電腦輸０：１．．．
玩射擊ｇａｍｅ，＄２一個，我地一齊玩，唔識玩，好快就輸左．．．
玩完就同番阿迪、ｌｉｕｗａｙ食吉野家，
食完陪佢地去玩夾公仔，之後就去買校服．．．
俾小肥老點，原來貴ｄ既．．．
之後食小丸子，ｏｋ好味啦，＄１２有６粒．．．
食完就搞掂喇，不過「殊」左佢地好耐都唔應喎．．．
走，ｇｏ　ｈｏｍｅ換衫，去左小肥ｈｏｍｅ打機～～
之後就同埋奧雲搭巴士去林士德，
佢係車上面食野，倒瀉晒ｄ湯．．．
同ｄ阿叔鬥波，都係咁啦，有得鬥囉．．．
有球去得太盡，收唔切，俾人地連人帶波踢跌．．．
撞到大脾有ｄ痛，唉．．．
我地ｂｏｏｋ左場架，不過ｄ阿叔好狗，照踢喎．．．
踢到差唔多７點，落雨，就去日昇食野，食完諗住去城門谷再踢啦，
不過我地有６個人，上唔到的士．．．
等小巴，第１架上唔到．．．　第２架又只上到５個人．．．
我同家俊無上到，之後就唔去踢喇．．．
去返林士德，同樹熊佢地射左陣波，之後食ｍ記，食完就返歸．．．

無工返ｌｕ．．．

今日早餐係食ｍ記，太耐無食過ｌｕ～～
照常地返工，都無咩特別野發生丫．．．
過左午市，家俊打黎，話叫我陪佢買袋．．．
諗住遲ｄ有外賣果陣就順手陪佢去買啦～～
之後ｃａｔ姐話有野同我傾，
佢話呢輪生意唔好，鋪頭唔使咁多人手，
佢見我係暑期工，就話叫我做埋今日就夠了．．．
計過喇，返埋今日係第１０日，人工＄１２ｘｘ．．．
之後就送外賣，陪家俊買袋，
返到去，食飯，食完就可以收工喇．．．
搵埋家俊、阿廖，去睇左陣碟，落機鋪打機，
有個傻仔玩打拳果個，入左勁多錢都唔知點玩．．．
我同家俊玩＄４果隻賽車ｇａｍｅ，正！
本來諗住同阿廖出去食，不過屋企煮左飯，無計啦．．．

交表、返工．．．

仲係好眼訓呀．．．　好大雨！　仲係１號風球．．．
早餐食壽司，唔係太好味．．．
要返學校交覆卷既申請表，等左超耐先等到有架３４．．．
狼狽地返到學校，好快就交到，仲見到周小姐．．．
行去葵芳返工，好大雨．．．　下半身濕晒，對鞋好似水浸咁．．．
今日係青協比賽，我做緊野果陣話響個不停！
仲俾人鬧．．．　唉！　都唔知點解ｄ人係都要打俾我！
阿聰今日返黎搞出糧ｄ野，佢有４千幾蚊！
食飯果陣有魚香茄子，好食！　我用黎撈左２碗飯食～～
之後勁大風，吹走晒門口ｄ野．．．　包括我把遮．．．
要走到去馬路口先執得番．．．
８點放，ｇｏ　ｈｏｍｅ，今日無咩ｔｉｐｓ．．．
英超開鑼呀！　不過睇唔到，因為屋企有人爭電視睇呀．．．
家姐發姣呀，係都要睇男人魅演唱會，睇吳卓羲．．．

累、返工、踢ｍ記青訓．．．

好唔情願咁起身，好想繼續訓！！　好累呀！！
去新興食完早餐就返工，已經知道掛起左１號風球了．．．
外賣少左好多呀，不過都幾多野做．．．
阿傑無返，更顯得佢既重要性．．．
手忙腳亂．．．　做又話，唔做又話．．．　唉．．．
捱到３點幾就開始少人喇．．．
到５點食飯，已經無人咁滯，可以白逗人工，ｈａｈａ～～
之後落大雨．．．　仲要出外賣．．．　仲要送到去都會坊．．．
人少，所以可以８點前走人，去林士德踢ｍ記青訓，
咩都住帶，問小肥借衫、波襪、鞋，
教守龍門既技巧．．．　無聊．．．　之後又係鬥波，贏啦～～
全部順利入到第２階段～～
踢完就同阿廖、小肥去日昇食車仔麵，
食完就陪佢地去買衫，佢地買左ｄ寫住潮爆既衫，認真潮呀！
我就買定盒壽司等聽朝食，之後ｇｏ　ｈｏｍｅ，
拎＄４５０去小肥ｈｏｍｅ，要叫佢既娘親幫我手開張支票．．．
聽日青協比賽，我要返工無得踢，
不過聽日可能掛３號風球，唔知踢唔踢得成呢？

陪暴龍 、 踢波

尋日阿ｍｏｏｎ打黎話今日放假喎．．．
咁就７點幾醒左，不過仲係好眼訓，
之後暴龍話遲ｄ先出門口，
９點半去到林士德既ｍ記會合，
同佢睇左ｄ資料，去左下葵問，佢話聽日再去試下．．．
去埋獅子會，佢話唔收架．．．
我就返左李中，拎覆卷既申請表，搵埋阿ｓｉｒ簽名，
原來只接受支票，唯有過２日先搞啦．．．
２個搭的士去嶺南，見到家信，不過佢地有ｄ串，
見到中文肥左就話唔收．．．
唯有行上去陳南昌，佢俾左ｆｏｒｍ暴龍填，好人勁多！
之後我地去葵芳吉野家食野，見到ｒｙａｎ、ｎａｊａ果ｄ，
佢地笑我尋日上電視ｄ野．．．
食完就同暴龍去荃灣見工，佢話３點先見．．．
ｔｈｅｎ我地ｇｏ　ｈｏｍｅ．．．　我眼訓，ｓｌｅｅｐ．．．
到５點，去踢波，有金貓、阿廖、小肥、家俊，
去到林士德，偶像又話尋日見到我上電視，又笑過．．．
老林佢地都係度，阿廖就俾人話見到佢尋日係葵芳拖住條女喎！！
佢又唔認！　唉，明架喇～～
之後同ｄ阿叔鬥，有個黑人，仲以為佢好勁，原來只識跑，基本功麻麻．．．
不過我俾佢踩左下．．．　踢到佢地ｂｏｏｋ左場玩汽水杯．．．
去另一個場踢多陣，之後有ｍ記青訓，我地偷左個波，去左新都會果面，
有阿欽果ｄ．．．　贏左佢地２場～～　我爭ｄ入波，可惜中柱．．．
返林士德，奧雲、阿邦夾埋偷左４個ｍ記波走人，勁！
上雞場，玩左陣波就有人黎鬥波，我地唔夠佢地踢．．．
人地都幾勁，有個跑得都幾快，我俾佢過左好多次，唉．．．
之後認真番ｄ，入番幾球，開始累、頸渴了．．．
輸多幾球就走ｌｕ，ＯＫ　ｈｅａ左陣就慢慢行返大窩口，
仲去左睇大戲果度睇睇．．．　唉，好累、好眼訓呀！！

放榜１７分，中文肥，入左陳南昌

成晚都訓唔著．．．　可能真係有ｄ驚．．．
６點幾就起身，對眼好乾．．．　好辛苦呀．．．
食早餐，之後搭３４返學校，等左幾個字車，
等待的時間好似特別漫長咁既．．．
返到去，傾下計咁，不過都仲係好緊張．．．
派果陣真係好驚低分，好彩最後都有１７分，水準演出！
不過最唔掂既係中文竟然真係不合格．．．
無計，問簡ｓｉｒ、梁劍平老師，
佢地話面試果陣要好誠懇咁話會考番好佢，
之後就填表參加聯招，我同阿迪都揀嶺南先．．．
去哈迪斯食野，之後係蘇浙門口排隊，
落好大雨，成身都濕左，紙袋都濕埋．．．
入蘇浙，行左個圈就可以出黎．．．
去下葵，等消息，等到嶺南話左唔會同我面試．．．
即刻搞手續，試下石天得唔得．．．
佢俾我面試，咪試下囉，最後都話考慮下先．．．
無計，拎新表再填啦，ｄ所謂的工作人員話去蘇浙拎，
去到原來係下葵已經拎到．．．
有個女仔心急得滯，喊左出黎．．．
返左下葵，諗住試下陳南昌，睇下佢肯唔肯收啦，
點知佢即見，見完已經即收．．．
因為無咩人報黎讀．．．　咁就入左．．．　
再拉埋阿迪一齊，因為佢都諗過呢間，佢又係即刻收左．．．
之後就幫下其他人手，同埋玩下咁．．．
見到ｄ記者，玩野，去撩佢地傾計啦，
點知無線果個走埋黎話同我做訪問，
仲要俾２個阿ｓｉｒ夾住，走唔到．．．
最後上埋電視．．．　２秒．．．　全港都知我中文肥左．．．
個個都打黎笑我，連我阿公都打黎問果個係咪我．．．
夜晚出街食，慶祝喎．．．

ｔｍｒ放榜．．

今日照樣返工．．． 　有機會請假，我就請左星期３果ｄ．．．
因為遲ｄ都有亞斯理杯的比賽．．．
我做野果陣都仲好輕鬆，無咩緊張既感覺，
仲要佢俾我放早喎～～　咁我就約人踢波啦～～
叫左阿廖同小肥去林士德踢，
果度仲有老林佢地，不過之後落雨．．．
停雨之後同小肥ｄ　ｆｄ一隊對ｄ阿叔，
贏梗啦，小肥入波，之後ｍ記青訓開始，小肥就練，
我同阿廖就同埋老林佢地去新都會果面跟隊，
同班著車路士波衫既踢，諗住贏，點知輸．．．
去華潤買野飲，去返林士德，到我地練，
咁堂教運球放甩對手喎．．．　之後鬥波，
我踢得好獨食，因為對我黎講係第１階段ｌａｓｔ一堂．．．
有波入，不過代價係要守龍．．．
踢完就ｇｏ　ｈｏｍｅ，搞ｔｍｒ要準備既野．．．

聽日就放榜，好驚會失手，
驚ｄ咩？
　　　　中文／英文會唔不合格．．．
　　　　數學拎唔到Ａ／Ｂ．．．
　　　　附加數／物理／電腦／生物拎唔到Ｄ　ｏｒ以上．．．

咁就１２分都唔夠．．．　我會死．．．
我一定要有１４分ｏｒ以上！！
目標：入石籬天主教中學（因為有ａｒｍ既科讀！）

返學校聽講座、５ｅ班踢波～

今日都１１點先醒，有假放呀！　正死了～～
食返尋日未食完既八爪魚壽司，都仲係咁正！
捱到１點出門口，拎錢，
就去青協諗住交表，點知無開．．．　可能係ｌｕｎｃｈ的關係．．．
等左幾個字先有班３４．．．　係車度見到ａｍｙ＆譚蘭心．．．
返到學校聽放榜、升學講座，都有用既，
不過有好多我都知，而且有ｄ又唔關我事，所以無留心聽，
只係ｋｅｅｐ好晒ｄ有用資料自己睇就算．．．
捱到４點幾，走人，同梁勇、暴龍去哈迪斯食野，
因為謝師宴有錢剩，每人有多＄２０用～～
之後好多人都黎食．．．　荷蘭豆細路ｅｄｉｓｏｎ都有黎！
食完就過林士德，梁ｓｉｒ佢地到左．．．
因為得１個老師，無奈地，要猜勻黎鬥波．．．
我同潤潤、ｓｔａｎｌｅｙ、阿迪、荷蘭豆、
ｅｄｉｓｏｎ、皮蛋一隊．．．
面對梁勇、波波、子彈、小喬、梁ｓｉｒ、家和、暴龍．．．
一面倒啦！　好難唔輸喎！　一直也只是捱打．．．
輸好多球，我果隊得我一個入到波．．．
不過有球又真係入得靚，未過半場就笠射，
中楣底入呀，果陣仲要係最高既梁ｓｉｒ守龍，ｈａｈａ～～
不過真係好辛苦．．．　要一個跑晒．．．　超人咩．．．
最後玩玩下，阿聰、椰汁糕果ｄ都有踢埋一份～～　好玩！
如果可以搞多ｄ呢ｄ活動就好啦．．．
踢完分頭走，我地唔想食ｐｉｚｚａ　ｈｕｔ，
擾攘一輪之後，就去「日昇」食車仔麵．．．
食完去左「美國冒險樂園」玩～～　玩到無錢ｌｕ．．．

忙．．． 請到假～～

今日返到去，就問可唔可以請假．．．
本來唔得架，之後ａｐｒｉｌ好人，
佢遲多幾日先放，讓個位俾我～～
咁我聽日就可以返學校　＆　踢波～～
星期日，外賣少左，無晒寫字樓既生意．．．
不過都有好多人堂食．．．
外賣單少左，不過都係要成日行．．．
夜晚諗住９點會放工，可以去踢波啦，
點知因為太忙，老細要１０點先俾我放喎．．．
去到雞場已經無得踢喇．．．
之後ｇｏ　ｈｏｍｅ食壽司ａｇａｉｎ～～

都係咁辛苦．．．

今日又係咁，１０點醒左，玩陣電腦，
之後食早餐，再搭巴士返工．．．
又係咁，好多單呀．．．
係咁送囉．．．　天時暑熱，送幾十轉．．．
你知我仲要好怕熱架啦．．．
係咁標汗囉．．．　真係會熱到溶架．．．
不過收ｔｉｐｓ果陣又幾開心架喎～～
今晚都係收９點，買壽司食，慰勞下自己．．．
真係幾正！　點知有一條手卷有一陣「縮」味，
我唔敢食，只係丟左佢．．．

F.I.R. 飛兒樂團 － 消失

ＦＩＲ　飛兒樂團　－　消失

歌詞：
　　　灰色的空氣凝結　變成零下冰冷的淚
　　　手指頭落下的灰　剩下就快熄滅的煙
　　　我打開窗簾　靠在窗邊獨自望著藍天
　　　腦袋裡留下　全都是你在的畫面

　＊　回想起我的童年　其實不算浪費時間
　　　發生過種種一切　我都把它當作紀念
　　　我打開盒子　拿出生日你送我的項鍊
　　　眼框裡落下　都是為你留的眼淚

　＃　愛情要消失的瞬間　是你要離開那一夜
　　　在一個冰冷的雨天　過了好久我還能感覺
　　　回憶起失去的昨天　你的聲音我聽不見
　　　那次分開　我們說好　不會再見

　　　ｒｅｐｅａｔ　＊　＃

　　　你那溫暖的手曾經拉著我　在身邊　每一天
　　　你手心的溫度我還能一直　有感覺　ｈｕｈ．．．

　　　ｒｅｐｅａｔ　＃
　　　那次分開　我們說好　不會再見

第３日，真係做到隻狗咁．．．

今日都係咁啦．．．　食完早餐先返工．．．
都無咩胃口，食左１半就食唔落喇．．．
返到去就是但做下野咁，本來都無咩特別架．．．
過左陣就勁多人打電話黎叫外賣．．．
果陣已經心知不妙喇．．．
之後真係要狂送呀，每次拎５、６袋．．．
走左好多轉呀．．．　死人咁滯．．．
之後又見到魚子，佢又陪我行左轉，不過只係拎ｄ醋俾人．．．
隻手超軟呀．．．　好似想甩出黎咁．．．
一直捱到夜市，真係走左好多轉呀！　踢波都無走咁多．．．
都有幫下手做樓面ｄ野．．．　總之無停過啦．．．
仲諗住有排捱，點知有個阿姐話收夜喎，
咁我９點就可以收工喇．．．
都好既．．．　唔係我真係會死架．．．
今晚踢唔到ｍ記青訓．．．
不過原來小肥、阿廖佢地都無去喎．．．

返工第２日．．． 夜晚踢波．．．

　↑　我條女，你信唔信？　ｈａｈａ～
　　　都幾靚女架～～　中俄混血兒，藍色眼架！

今日好似尋日咁，食完早餐就返工．．．
老細好似唔多ｌｉｋｅ我．．．
成日話我呢樣唔好、果樣唔掂咁．．．
嫌我手腳慢、唔醒目喎．．．
大佬呀，你坐係度叫人做野，梗係咁講啦！
試下我點你做野丫！　你仲唔做到成隻狗咁～～
仲有個ｂｏｂｏ又係衰既，又係係咁話我唔掂，
又話再係咁就換人做喎．．．
咪又係同我咁高咁大，懶係野咁．．．
聽你講就係俾面你咋．．．
不過其他都好好人～～　英姐好睇我架～～
成日俾ｄ野我做，同教我點樣扮多野做．．．
傑哥又好好人，成日都幫我手，我唔識咩都可以搵佢～～
水吧英姐、收銀阿ｍｏｏｎ都係好好人，
總之就無人好似ｂｏｂｏ咁啦．．．
希望可以捱耐ｄ啦．．．
今日有人去左派傳單，搞到好多人叫外賣！
行左好多轉呀我～～　有一轉仲要送５張單．．．
做到５點，食埋飯就走人，
叫我聽日收尾喎～～　（做到收鋪．．．）
夜晚去左踢波，同小肥上左去雞場，等埋阿廖，拉另１班人，
對之前係５人場好串果班．．．
幫我地ｄ人真係好咋．．．　我地係咁輸，俾人入４、５球．．．
之後奧雲、阿邦到左，我地歸隊，即刻連贏幾場．．．
佢地驚再輸，就走人，我地同幾廢果班踢．．．
呢班可能以為自己好勁．．．　入到我地幾球就有ｄ串．．．
我地去完ＯＫ買野飲，就再鬥過，佢地都係咁．．．
忍唔住，叫佢地出６個對我地５個．．．
之後就狂入佢地波，等佢地知下醜都好．．．
踢完，玩多陣射波，玩到球場熄燈．．．
場邊有副幾老土既眼鏡，我地就玩，猜輸果個要戴．．．
我輸左．．．　戴囉．．．　俾人笑．．．
之後玩到個個都有份戴，ｄ人戴到好似哈利波特，ｈａｈａ～～

返工第１天！

尋晚上網搵升學的資料，揀左某幾間中學去升，
而家機會最大的應該是石籬天主教中學．．．
３點幾上床訓，不過成晚都訓唔著．．．
朝早食完早餐就去返工，去到咩都唔識，要慢慢學．．．
有人入去要安排坐位、斟茶，
人地唔食就要收碟，人地走就執乾淨ｄ野，抺枱．．．
之後就跟人出去送外賣，再之後就要自己去送．．．
都唔係太難學既．．．　做左陣就上手了～～
過左２點，ｄ人開始少ｌｕ．．．　無乜野做．．．
去到５點，家俊黎見工．．．
之後我食埋飯就同佢一齊返大窩口～～
一ｄ累，因為尋晚訓得唔好．．．
要快ｄ搵到我既第１桶金！　ｈｅｈｅ～～

搵到工做喇～～

今日食完早餐，就同阿駒出觀塘見工．．．
去到就果間搵美容院，我地係應徵問卷調查員．．．
又係咁填表、跟住就見，點知一講就請．．．
我地揀做兼職，＄１５一個鐘，做到一張單就有＄４０．．．
不過，我覺得有ｄ似呃人咁．．．　就唔多想做．．．
行去ａｐｍ果邊，搵「直銷中心」見傳單員．．．
填完就等，之後就話個見工的同事出左去，
叫我地返屋企等電話喎．．．　即係間接話唔請啦．．．
就返葵芳，因為阿駒話想見茶餐廳．．．
去左阿聰之前做果間，佢話請人～～　正！
本來係２個請晒，不過阿駒寫１５歲，
果個人見到就話唔夠１６歲，唔請喎．．．
陪阿駒周圍行，睇下其他有無話請人咁．．．
之後陪佢去荃灣，去左愉景間惠康，不過見唔到明仔喎．．．
搵左個經理，寫低左ｄ個人資料就去左「滋味街」食野，
食完去左阿廖做果間問，佢話暫時夠人用，
又係寫低左ｄ資料，之後就ｇｏ　ｈｏｍｅ．．．
今晚都有踢ｍ記青訓，練頭鎚，有ｄ悶．．．
之後鬥波算好ｄ既．．．　不過都係無乜心機踢．．．
聽日開始要捱世界喇，有ａｈｙ　ｄ歌陪住我，
再大壓力都無問題～～　ｈｅｈｅ～～

踢波 ＆ 踢波．．．

９點半，家姐叫醒我，因為我約左人踢波，
不過我見太陽咁猛，唔想踢，就繼續訓．．．
１１點，梁勇打黎叫我去．．．　唉．．．　去喇！煩！
去到，都幾多人，久未露面既阿聰都復出喇～～　不過真係好曬．．．
又熱又曬，我除衫踢喇．．．　唔係真係會中暑．．．
鬥波，唔係好跑得郁．．．　不過都入波．．．
踢左２分咋，１：１，之後ｄ人就開始走，痴線．．．
踢左少少就走，都唔知踢黎做乜．．．
都夠７、８個，就同人地鬥波，人地有個哥哥仔之類，
都幾勁，可惜其他人好唔掂．．．
我地係咁入波，不過都俾佢地入到幾球．．．　總之贏好多～～
踢完，去食野．．．　卒之有野食入肚喇．．．
去上次小肥介紹既「日昇」食車仔麵～～　正！
得番我、阿聰、梁勇、明仔　４個．．．
因為有時間，去左機鋪，點知阿聰個樣太過似細路，人地查佢身份証．．．
佢又無帶喎，就好無奈咁係門口等，我地自己入去玩．．．
我陪左佢一陣，就入去打，玩左隻賽車ｇａｍｅ，
＄４盤，好似貴左ｄ，不過好好玩！
唔難控制，畫面質素又一流！
係入面又見到嗎啡、金瀧，同埋組長銘．．．
組長銘今日好無運，玩足球ｇａｍｅ場場都係互射１２碼先黎輸．．．
我返ｈｏｍｅ拎場紙，之後再返林士德，
去到無人跟隊，就唔清場啦，同ｄ阿叔踢．．．
唔難踢，不過我有ｄ累，而且大脾內側開始痛．．．
踢左１個鐘就走ｌｕ．．．
今晚又係買三寶食，不過真係好好食！
曬到好黑呀，就黎皮膚癌架喇．．．
原來今日要返學校做綵排，我唔記得左．．．
最後唔使我做ｌｕ．．．　都好既，因為我都唔會幫到ｄ咩忙．．．