睇科學館，放學無練波，同海豚一齊

今朝唔知醒呀！　個鬧鐘俾個妹按左．．．　遲左幾分鐘先到．．．
ｓｏｒｒｙ呀海豚．．．　我下次唔敢喇．．．
一齊返去學校，今日我地情侶裝呀，我又著ＰＥ衫返呀～～
返到去，買野飲先，果個人好似撞聾咁，講極都聽唔明，傻左．．．
同佢去下面坐，幫佢作半篇文，佢又作半篇文～～
又同佢影相，我地有合照喇～～　ｈａｈａ！
ｐｕｒｅ　ｍａｔｈｓ，講ｓｅｔｓ既野，唔難囉，不過我仲未交功課．．．
第２堂開始唔使上，理科班可以去參觀科學館，ｙｅａｈ～～
同海豚ｓｍｓ呀，唔知有無阻住佢上堂呢？
去到就參觀啦，都幾好睇，係咁影相，影返去俾海豚睇架！
返到去就ｌｕｎｃｈ，去文華坐住先，海豚黎到之後又話一齊食，
咁我地就係文華食喇～～　ｈａｈａ，同佢一齊排隊買飯食～～
石仔叫我去練波，唔知呀，睇下點先啦．．．
食完就坐陣睇相、傾下計咁啦，叮噹係咁扮野，好搞笑呀！
返學校去下面坐啦，一路行一路勁多人望住我地，都唔知做乜．．．
傾一陣，陪左佢一陣，又要返課室．．．　唉．．．
係課室睇報紙，無人理我地．．．　我又悶得滯，唱下歌咁啦．．．
落去南昌銀行試玩，我唔想理佢，係度坐住ｈｅａ下就算喇．．．
海豚係都唔肯俾佢張相我睇喎．．．　好慘，嗚嗚．．．
放學要去禮堂綵排，決定之後陪海豚，唔去練波喇！
好白痴，身為社長既我咩都唔知，ｈａｈａ～～
完左就同海豚走，去左葵芳，因為佢要去佢表姐度拎野．．．
之後就同佢行街街，陪佢買耳針，佢好驚俾佢表姐見到！
跟住佢陪番我去ＣＤ鋪睇野，ｔｈｅｎ就同佢搭４４Ｍ返青衣～～
係車度，有班女仔係後面係咁話蒙羅麗莎咩咩咩咁．．．　勁白痴！
我地一於少理，同佢十指緊扣，佢挨係我膊頭度訓，好舒服呀～～
送左佢返去就自己搭番地鐵返屋企喇．．．　聽日卒之唔使返學喇！正！

差唔多全日都同佢一齊！

今朝６點半起身，訓左都好似無訓過咁喎．．．
入青衣，本來可以上去佢屋企架，可惜佢媽咪又返左喎．．．
同佢一齊返學呀，一齊拎ｄ禮物返去，ｙｅａｈ～～
返到去就一齊坐喇，好開心可以日日都係咁！
頭３堂都訓住覺．．．　太眼訓了！
ｐｕｒｅ　ｍａｔｈｓ夾硬頂住咁上堂，捱得好辛苦．．．
中化堂個ｍｉｓｓ好體諒我，竟然無話我．．．
小息又見到太多人，所以唔買野食喇，落去搵海豚．．．
真係好眼訓，想訓埋個小息佢架喇．．．　佢係度，就唔訓啦．．．
可能因為見到佢，之後就精神左！　２堂ｐｈｙｓｉｃｓ都無訓，
阿仲都同我地一檯，玩左ｄ　ＩＱ題，唔使點聽書啦～～
ｏｒａｌ堂個個都要出去講講自己既ｆａｍｉｌｙ，咪是但講下囉．．．
ｌｕｎｃｈ，去左美心，海豚都黎埋，哈哈～～
一齊食飯，好正！　不過佢係都唔俾我請佢喎，搞錯呀．．．
又一齊行返學校，好鍾意同佢一齊！　感覺很奇妙的！
英文堂，派番測驗卷，３０／８５，不過原來佢計錯左，
我其實係３７／８５，都算合格呀！　好野！
落ｈａｌｌ聽人分享，玻璃骨的祥仔．．．　好搞笑！
放學要開會，同海豚一齊去，我地同阿迪３個都唔做野，
因為唔使我地做，ｈａｈａ！
同佢傾計，一齊趴係度，好享受這一刻的時間！
到５點半就走ｌｕ，送到佢去青衣，佢又陪番我等車，好開心！
之後ｇｏ　ｈｏｍｅ喇．．．　希望快ｄ到星期６！

返學，夜晚踢波

尋晚早左ｄ訓，１０點幾就訓左，今日都幾精神～～
照平時咁去荔景啦，竟然係佢早過我．．．　唔制呀！！
又係咁一齊行返去啦，又係去下面果度坐喎～～
尋晚無帶英文功課返屋企做，唔理佢喇．．．
今日英文又要ｑｕｉｚ，又要測驗，好煩呀！　唔溫喇！
又佢一齊既時間最好就無人阻住，無野煩，唔係的話我會受不了的！
今朝要集會，又要曬，好彩唔算好熱，無流到汗．．．
２堂中化，睇人辯論喇，題目係「婚前性行為可以存在」．．．
諗住正方一定ｗｉｎ，因為其實係ｈｋ已經有啦！
點知佢地真係可能太緊張，唔識講．．．　搵左阿迪出去做主持．．．
另一面有欣欣．．．　佢講完就到黎俊聲．．．　美女與野獸的表現．．．
又有ｋｅｎ　ｋｅｎ果ｄ屈下機咁，搞到反方ｗｉｎ晒．．．
最後有潘國武，佢係咁震，我地係咁笑！
英文堂ｑｕｉｚ，好多都唔識．．．　佢話好差，呢次唔計，下次再測．．．
小息，搞左好多野先落到去搵佢，都傾到幾句既，仲見到黃仁昌當值．．．
佢地話佢好衰，我暫時都唔覺，放長雙眼睇下點啦．．．
３堂ｐｈｙｓｉｃｓ，唉呀，講ｄ野又係唔算難，ｍｏｍｅｎｔ，
ａｐｐｌｙ　ｍａｔｈｓ都講左啦．．．　又訓左陣．．．
ｌｕｎｃｈ去酒樓買飯盒食，佢地又係喎，早知叫佢幫我買埋啦．．．
開會，坐得好遠，有佢講無你講．．．　我地都唔理喇，當一齊食飯算．．．
ｏｒａｌ，又係咁，好似無野學咁，叫我地返去作文．．．
２堂英文，睇文章計速讀既ｒａｔｅ，咁就ｈｅａ左堂，
之後就要ｔｅｓｔ，唔算好難，是但做，唔識就撞，
無用心做，做完就趴係度訓．．．　係咁上下啦．．．
放學又要繼續開會，唉，唔係好想聽，仲要海豚等我放學，
好彩有阿迪陪下佢傾計，唔係一定悶死佢呀．．．
之後同佢去左下面果度計數，佢話唔想計，但係又係咁計喎．．．
女人心真係海底針呀．．．　原來佢唔係唔識做，而只係唔想諗．．．
６點就同佢果ｄ一齊搭地鐵ｇｏ　ｈｏｍｅ喇，返到黎就買三寶飯盒食，
之後去７人場踢波，對大窩口鋼龍果班，唔夠佢地黎，因為君傑幫佢地．．．
踢到１０點幾去７－１１買野飲，傾計到１１點返屋企ｌｕ．．．
佢打左好多次電話俾我，唔知做咩呢？

眼訓．．．

今朝又係同海豚拍住返學呀！　尋晚真係．．．　唉，我都唔想再講喇．．．
返到去又教佢ｍａｔｈｓ，跟住坐埋一齊，好享受這些時間呀，
可惜ｄ人又好噪，想靜下都唔得，搞到佢都發脾氣，我第１次見識到喇～～
唔理佢做ｄ咩都好，我都咁鍾意佢架喇！　我咩都會包容佢架！
３堂ａｐｐｌｙ　ｍａｔｈｓ，成個人都完全唔醒呀，咩都計唔到．．．
小息同阿迪去排隊買野食啦，排左勁耐，到我地果陣就無三文治！　可惡！
無時間喇，就唔行落去搵海豚喇．．．　搞到自己都無咩心機．．．
３堂ｐｈｙｓｉｃｓ，超眼訓！
佢講ｄ　ｆｒｉｃｔｉｏｎ、ｒｅａｃｔｉｏｎ　ｆｏｒｃｅ，爆易！
就唔聽，訓左陣，醒果陣都仲係教果ｄ．．．
ｌｕｎｃｈ，見到海豚架，佢俾人捉住，就廢事叫佢陪我食喇．．．
同阿迪落美心，ｌｉｕｗａｙ都係度，之後阿傑、叮噹都黎左，就同佢地食，
食完就丟低阿迪，３個人返學校先，要３個人用１把遮～～
小肥話我呃左佢帶衫返去練波，因為我無帶，落雨嘛．．．９成封場啦．．．
搵海豚，唔想同佢分開呀，好想只係同佢談心．．．無奈係無可能．．．
ｌａｓｔ　３堂ｐｕｒｅ　ｍａｔｈｓ，唔難，教ｃｏｎｃｅｐｔ，
講ｄ　ｌｏｇｉｃ、ｓｅｔｓ咁，都應付到啦，不過我仲未交功課．．．
放學，見唔到海豚．．．　去左開會，足球隊，小事啦．．．
之後返左課室，ｓｅｎｄ　ｓｍｓ俾佢，就做ｍａｔｈｓ喇，
佢黎左搵我，咁就一齊放學喇～～　ｙｅａｈ～～　又可以陪佢喇～～
同佢行去搭地鐵ｇｏ　ｈｏｍｅ，係地鐵站見到阿迪，
跟住就送埋佢去青衣先返大窩口喇．．．

返學囉，有ｄ ｄｏｗｎ．．．

今朝６點半起身，７點先出到門口．．．
仲諗住佢到先，點知佢遲到喎，咁都好ｄ，唔使佢等．．．
佢揹新袋，尋日買果個靚靚袋呀，仲用埋個新樽，上面個到期日係我個生日！
返到去之前落雨，２個人用１把遮，呵呵～～
之後又係落下面坐啦，去到得我地２個人，正！　做咩都得，ｈａｈａ～～
咪諗其他野呀，做功課咋．．．　教佢做ｍａｔｈｓ～～
佢又作週記，不過又唔肯俾我睇喎．．．
２堂ｐｕｒｅ　ｍａｔｈｓ，個個都未做晒功課，
個個都話唔識做，佢俾多１日我地返屋企做好晒佢喎．．．
中化，聽帶，辯論，之後要做ｗｏｒｋｓｈｅｅｔ，條條都唔識．．．
小息，本來阿ｓｉｒ叫我搵佢，之後我話肚餓，佢俾我去食野～～
食左個三文治囉．．．　之後繼續中化，唉，亂做算喇．．．
２堂ＰＥ，落雨無得上，聽理論，又講皮下脂肪，又度下咁．．．
ｌｕｎｃｈ去文華，佢又唔同我一齊喎，去食麵包．．．
阿傑打瀉左成盤野，好彩只係有少少係身度，唔係的話都幾難搞．．．
返學校，同佢坐，傾計，一齊睇ｆｉｎｇ＆小肥影既貼紙相，
佢又話想影，下次啦，遲ｄ出街一定陪佢影！　仲要陪佢買果隻鞋仔呀！
包包跣親呀，希望佢無咩事啦．．．　之後仲聽聞佢同佢條仔鬧交．．．
跟住佢話我聽ｆｉｎｇ　＆　江南星又嗌交．．．　唉．．．
好彩我同佢唔會咁～～　ｈｅｈｅ～～
３堂ａｐｐｌｙ　ｍａｔｈｓ，捱得好辛苦．．．
係咁計ｃｅｎｔｅｒ　ｏｆ　ｍａｓｓ．．．　好彩都識計既～～
放學又唔走得住喎，要問ｍｉｓｓ拎錢，
不過佢又係咁同其他ｍｉｓｓ傾計，我地得個等字．．．
佢都要走先，唔等我喇．．．　等左成個鐘先問到，走果陣已經５點喇．．．
返到ｈｏｍｅ都好悶，６點幾先同佢傾到陣電話，阿媽又係咁鬧我．．．
好ｄｏｗｎ呀，落街買飯食，唔食屋企ｄ飯．．．
其實目的係想自己行一轉冷靜一下，唔係真係想食飯盒．．．
食完就做功課，唔想出聲喇．．．　做做下就突然間諗起佢．．．

觀塘一日遊～（愛情一日遊，ｈａｈａ）

今朝勁興奮呀！　９點幾就醒左喇！　之後就打左陣ｗｉｎｎｉｎｇ　９！
開機ｍｓｎ囉～～　仲未見佢ｏｎｌｉｎｅ，就去左集興食早餐先～～
返到黎佢就ｏｎ左喇，傾陣計先～～　到左差唔多１２點半就過青衣喇．．．
會合左海豚，就一齊搭巴士去觀塘喇，４２ｃ，我無散紙．．．
一路搭車，一路傾計，又一路睇風景，好正呀！！
早左落車，我地２個唯有行去ａｐｍ啦．．．　第１次呀！
去到就由最高果層開始行啦，行左好多鋪頭，
睇左好多精品，好想全部帶晒返屋企呀！
行返去２樓，睇ａｒｍ左個袋，咁就買啦，＄２５０，幾靚呀！ａｒｍ晒佢！
之後幫佢拎，又一齊行啦，阿廖、小肥、臭汗都過埋黎喇，就去左開倉，
又睇左好多野，見到ｄ鞋仔鎖匙扣，諗住一人買一隻，佢話唔好，就唔買喇，
又睇左個＄１５０既得意扭糖機，遲ｄ提議做ｌａｓｔ一份大獎～～
行到咁上下就去ｍ記食野啦，２份食囉．．．
想走走唔到，好大雨呀，不過佢又可以遲ｄ先返喎～～
等到無雨走啦，唔想咁快返到ｈｏｍｅ，就同佢去遊車河，
搭地鐵去香港站轉搭去青衣，多左時間一齊呀～～
最後，送到佢去青衣就返歸喇，夜晚無傾電話，
不過有ｍｓｎ囉，之後好乖仔咁做ｐｈｙｓｉｃｓ～～

＊行街街～

今日１０點幾，俾人ｍｏｒｎｉｎｇ　ｃａｌｌ呀～～　好爽呀！
傾ｍｓｎ囉，到１１點幾就去新興食早餐，食完就入青衣喇～～
等到海豚、阿迪都黎左，見到李奕敏同條仔行街！
一齊去葵芳，等埋財政＆佢個ｆｄ黎到就睇住先．．．
因為ｅｄｄｉｅ要整眼鏡．．．
周圍行囉，睇ｄ精品店，之後陪海豚去買水，排隊，超多人！
ｅｄｄｉｅ同佢個ｆｄ到左，就一齊買野啦，先買左個桶．．．
之後買按制式日曆，ｃｄ架，小熊維尼風扇仔．．．　仲買左個枕頭！
行果陣仲見到阿廖喎～～
佢地走先，我地３個就去睇下有咩可以買，最後咩都無買．．．
去ｒａｖｅ　ｚｏｎｅ坐啦，我地都好累呀．．．
之後同海豚拎ｄ野去佢屋企擺，ｔｈｅｎ就ｇｏ　ｈｏｍｅ喇～～
今日玩得好開心呀！　原來真係可以日日都係咁架！

午飯社長開會，放學練波入２球

今日早ｄ起身，入青衣幫海豚手拎書，有ｗｏｏｄｙ同行．．．
返到去又搵位坐，之後又要幫人作英文作文．．．
返課室果陣有個人講晒粗口咁鬧人，有個ｍｉｓｓ叫佢唔好亂講野．．．
中化，阿仲無返，無人做短講．．．　講書，有聽架，唔多明．．．
２堂ａｐｐｌｙ　ｍａｔｈｓ，繼續講ｃｅｎｔｅｒ　ｏｆ　ｍａｓｓ，
計就好易呀，要明就好難．．．　我ｄ積分真係唔掂嘛．．．
黎緊我一定要學返積分，搞掂ａｐｐｌｙ　ｍａｔｈｓ！
小息，同阿迪買野食，之後就同個中化ｍｉｓｓ傾計，
佢話我地個樣好細路．．．　可惡！
落去見到ｆｉｎｇ　ｆｉｎｇ俾人整到喊．．．
原來就係俾朝早果個人鬧，喊足３堂，連埋小息．．．
２堂ｐｈｙｓｉｃｓ，睇左阿ｓｉｒ以前ｄ相，正！
講拋物線運動，唔難明，又唔難計．．．
英文，講野吹水咁，好似由開學到而家都無正規講過書咁．．．
ｌｕｎｃｈ社長開會，同李順勤去酒樓買飯盒食，個人覺得唔掂．．．
講下黎緊社員大會果ｄ野，要買禮物．．．　講完ｌｕｎｃｈ都完喇．．．
３堂ｐｕｒｅ　ｍａｔｈｓ，講ｉｆ　ａｎｄ　ｏｎｌｙ　ｉｆ，
一ｄ都唔難，原來背都仲學到既，唔使明既．．．
要出黑板計數，唔難，好似就計到．．．
ｍｉｓｓ又講下ｄ私事、舊事咁，試過有學生上上下堂爬窗走．．．
放學，海豚走，佢腳痛唔練水喎，我就同小肥果ｄ去樂富練波！
今日狀態唔係幾好，Ａ　ｇｒａｄｅ又唔夠人，踢踢下仲要落埋雨．．．
不過我咁都入到２球，小肥都射入左個罰球，我地就咁贏２：１！
ｇｏ　ｈｏｍｅ，食飯，無乜ｍｓｎ喇，因為今晚轉左傾電話～～
嘩～　好開心呀～　以後日日都係咁就好ｌｕ．．．

唔係太開心咋．．．

今日係ｍａｎｄｙ生日，係度祝佢生日快樂先！
睇報紙無佢的新聞，反而同１日生日既Ｔｈｅｒｅｓａ就有，
仲要講有成百幾人同佢慶祝．．．　唉．．．

今朝早ｄ出門口，因為我要早ｄ到，ｈａｈａ～～　又係咁一齊返學呀～～
我都唔知講乜，但係我就係鍾意唔多出聲，有著默契地一齊走～～
返到去又係去坐，ｄ人係咁圍住我地走黎走去．．．
２堂ｐｕｒｅ　ｍａｔｈｓ，講番ｓｔａｔｅｍｅｎｔ，仲係有ｄ唔明．．．
ｐｈｙｓｉｃｓ，係咁講，好似唔想停咁，小息都爭ｄ無埋．．．
去完廁所就即刻去下面，得返１分鐘．．．　仲要唔理我，好快就閃左．．．
中化堂，小濤講短講，ｏｋ　ｌａ，之後對閱讀理解，我唔記得做．．．
２堂ｅｎｇ，交住份作文俾佢先，唔夠字都照交喇．．．
阿迪ｐｒｅｓｅｎｔ剪報，講到唔知點咁．．．
ｌｉｓｔｅｎｉｎｇ，做錯１個咋．．．
ｌｕｎｃｈ，文華ａｇａｉｎ．．．　之後又去下面一齊坐，傾計．．．
２堂ａｐｐｌｙ　ｍａｔｈｓ，又計積分，唉．．．　一定要學識番晒先得！
ｌａｓｔ係自修，成班男仔就圍埋講搞笑＋咸濕野，ｈａｈａ！
放學要ｔｅｓｔ　ｐｕｒｅ　ｍａｔｈｓ既ＭＩ，佢出得好易呀．．．
之後去開藍社既會，影相做ｂｏａｒｄ呀，見到面都無乜２句，慘呀．．．
搞掂就走，同小肥搭地鐵ｇｏ　ｈｏｍｅ，係地鐵站見到荷蘭豆！
佢間學校係東涌，朝朝６點起身趕返學，佢係果間學校又無ｆｒｉｅｎｄ，
有ｄ仲要係其他國家的人，包括尼泊爾、馬來西亞．．．
傾電話，ｓｏ　ｇｏｏｄ！　當係今日心靈上的一點慰藉啦．．．

正！英文無交４樣功課，夜晚踢波！

今日得我地２個一齊返呀！　人少少感覺很好！　每朝都係咁就正！
不過今日要佢等我喎．．．　唔得呀，聽日要早過佢到！
返到去，去最底果層坐，無人敢坐埋黎，好似怕左我地咁．．．
佢介紹左好多個人同我識，搞到我好似好出名咁．．．
時間好快咁過，要集隊喎．．．　又係曬住，係咁出汗．．．
個中文ｍｉｓｓ黎左，以為係佢堂，之後又扮講２句野就走左去．．．
ｐｕｒｅ　ｍａｔｈｓ，佢話放學測驗，但係要補ｐｈｙｓｉｃｓ喎．．．
２堂中化，２個人講短講，我無心機聽呀．．．
之後又講書，是但聽下啦，因為我都想入大學既～～
小息喇，咪睇人打波囉，估唔到又一齊喎～～　不過好快就完左．．．
２堂ｐｈｙｓｉｃｓ，講左好多野，我又唔想聽，因為佢話遲下詳細教．．．
ｏｒａｌ，同ｄｉｃｋｙ作故仔，點知佢叫我起身分享喎．．．
是但講，好搞笑，佢話有ｇｏｏｄ　ｒｅｃｏｍｍｅｎｄａｔｉｏｎ！
ｌｕｎｃｈ，去文華，黎左我都唔知．．．　點會咁架！
食完返左學校，又坐埋一齊傾計，好正呀～～　以後都係咁就好ｌｕ～～
時間又過得好快．．．　唉．．．　２堂英文．．．
佢叫左我個名，話我４樣功課無樣有交喎．．．　聽日係最後機會喇．．．
上上下堂又唔使上，去禮堂幫手叫人去參加數學學會．．．
之後有人係台上面表演拉丁舞，正！　何ｓｉｒ爭ｄ俾人抬上台度跳埋一份！
放學唔走得，要補ｐｈｙｓｉｃｓ．．．　之後就偷雞唔做ｂｏａｒｄ！
同小肥ｇｏ　ｈｏｍｅ，之後就開電腦喇，梗係又ｍｓｎ、ｉｃｑ咁啦！
好快就要ｏｆｆ喇．．．　食左個麵就去７人場踢波．．．
肥房都有黎！　對馬賽果班，有個好茅，不過唔勁，我地都搓到佢地～～
踢得幾ｈａｐｐｙ，我有波入，最後４：４，
最衰阿邦發神經擺烏龍，唔係既話就贏埋架喇！
今晚有排都無得訓，要做英文功課！　救命呀！

好開心！ 中文辯論ｗｉｎ！

唉呀，心掛掛，成晚都訓唔著．．．
今日無同小肥返學，要早ｄ返去做中文呀，就同海豚一齊返喇～～
一路上都唔知講咩好．．．　之後又見到阿傑、叮噹，就一齊返，
仲諗住入百佳，點知又未開喎．．．
做中文，原來得阿迪一個有準備，我就唔埋喇，自己即刻作篇野出黎先！
好彩佢話天氣唔穩定，唔使早會．．．
上到去就中文堂，先係芬芬個人短講．．．
之後到我地喇，由我做結辯，好緊張呀～～
叮噹講得超搞笑，佢話：「ｄ細路，想搵個老豆都無呀」講到好似哄細路咁！
到我講果陣係咁震，唉，係咁上下啦～～
最後我地組ｗｉｎ！　無乜準備都贏，ｈａｈａ！
到英文堂，ｍｉｓｓ無返，正，唔使交功課住，ｈａｈａ！
小息，周圍行呀～～　睇到條友打籃球，射入左扮飛機仔，超搞笑！
３堂ｐｈｙｓｉｃｓ，完全無心機上堂．．．
ｌｕｎｃｈ只係同阿迪果ｄ去左文華食，我竟然食唔晒．．．
之後又係睇人打波，我唔識打排球，就企係度算喇．．．
ｏｒａｌ，ｎｅｗｍａｎ要我地每人起身一次講野，
又係講自己叫咩名，超無聊的一課．．．
最後問佢知唔知ｓａｖａｇｅ　ｇａｒｄｅｎ，可惜地佢話未聽過．．．
ｌａｓｔ　２堂英文，又可以ｈｅａ，不過我用黎計ＭＩ，聽日測驗．．．
放學要做數學學會個ｂｏａｒｄ，唔走得住．．．
阿ｓｉｒ又去左開會，乾等不是辦法，就去打波，
打左２分ｄ人就走．．．　之後踢波，踢左２腳ｄ人又走．．．
好熱，入教員室扮幫手涼冷氣．．．
之後阿ｓｉｒ返，又話ｔｍｒ先搞，全世界白等．．．
走囉，同小肥、海豚一齊走囉～～
今晚ｍｓｎ、ｉｃｑ得好開心！　希望以後都係咁．．．

許紹洋 － 花香

許紹洋　－　花香
詞：陳信榮　曲：周傳雄

歌詞：
　　　風　沒有方向的吹來　雨　也跟著悲傷起來
　　　沒有人能　告訴我　愛是在什麼時候　悄悄走開

　＊　風　伴著花謝了又開　雨　把眼淚落向大海
　　　現在的我　才明白　妳抱著紫色的夢　選擇等待

　＃　記憶是陣陣花香　我們說好誰都不能忘
　　　守著黑夜的陽光　難過卻假裝堅強　等待的日子裡　妳比我勇敢
　　　記憶是陣陣花香　一起走過永遠不能忘
　　　妳的溫柔是陽光　把我的未來填滿　提醒我花香常在　就像我的愛

　　　ｒｅｐｅａｔ　＊　＃

　　　ｏｈ．．．
　　　記憶是陣陣花香　我們說好誰都不能忘
　　　守著黑夜的陽光　難過卻假裝堅強　等待的日子裡　妳比我勇敢
　　　記憶是陣陣花香　一起走過永遠不能忘
　　　妳的溫柔是陽光　把我的未來填滿　風吹起花的香味　就像妳的愛

尋晚ｂｂｑ完，今日去做中文．．．

尋日ｂｂｑ，玩得都幾ｈａｐｐｙ架！
同小肥去家俊ｈｏｍｅ拎野上５人場，辛苦到丫．．．
去到已經有金貓，上到去就踢波啦，大鼻妹果ｄ又上左去．．．
之後ｄ人都到左，就起爐啦，大鼻妹果ｄ又爭住起．．．
有個幾大隻既飲晒酒，爭住起爐，驚佢爆我地樽，
就廢事出聲喇，好彩佢地玩完火就走人．．．
燒野食啦～～　又好搞笑，阿迪果ｄ係咁搞ｇａｇ！
燒完就玩汽水杯，每人＄５一場，我連贏３場呀，ｈａｈａ！
小肥就最慘，３場都輸晒呀．．．
踢完就執垃圾啦，之後個個都好頸渴，去左７－１１買野飲．．．
我頂唔順，ｇｏ　ｈｏｍｅ先，即刻訓覺．．．
１２點半訓醒，就去沖涼先，食早餐，集興無開，要去新興呀．．．
食完，ｈｅａ一陣，就去左青衣，同海豚行左陣就去長發ｍ記，
同阿迪佢地傾中文ｄ野啦．．．
其實好似咩都無做過咁，我去到都係用阿迪部手機打機．．．
ｈｅａ到８點幾ｇｏ　ｈｏｍｅ，根本就無結果做到出黎，聽日大鑊喇．．．

ｐ．ｓ．　行街果陣見到好靚既波板糖形既美容皂，買黎送俾你好唔好呀？

中秋節快樂呀！

　↑　係咪好正呢？　唔使錢架！　親筆簽名ＣＤ黎架！

今朝９點幾就醒左ｌｕ．．．　咪打ｗｉｎｎｉｎｇ　９囉～～
買大快活食，肉醫意粉，ｏｋ好食啦．．．
之後上小肥ｈｏｍｅ，跟住同佢買線裝ｔｖ　ｃａｒｄ，得左！
佢同屋企人食飯，咁我就去荃灣交電話費同埋拎新眼鏡！
返黎果陣係悅來坊見到有ｆｕｎｃｔｉｏｎ，
有ｓｔｅｐｈｙ，就叫埋阿廖、小肥黎睇啦～～
之後我地扮晒野入去，結果每人拎到１隻ｓｔｅｐｈｙ親筆簽名ＣＤ！
似乎係今年收到最開心既中秋節禮物呀！
跟住叫埋家俊黎，去左大屋街果邊買燒野食果ｄ野～～
買完搭小巴返黎，係百佳買埋ｄ飲品、炭果ｄ，全部拎去家俊屋企．．．
希望今晚唔好落雨啦．．．　中秋節快樂呀！

去小肥ｈｏｍｅ打機＆一齊食晚飯

今朝趁銀行仲開，就去拎多＄３００出黎，用黎ｔｍｒ拎眼鏡．．．
之後就同阿廖、小肥去滇園食早餐，米線，幾好味～～
ｔｈｅｎ去埋小肥ｈｏｍｅ打ｗｉｎｎｉｎｇ　９，
上去果陣有個細路係咁嘟住個咀啤我地．．．　ｏｎ９既．．．
去到就打機，我用森多利亞，挑戰小肥既利物浦、阿廖既車路士．．．
開頭係咁輸．．．　包晒尾．．．
之後先知原來打雙循環，最尾連贏２場，得８分．．．
排第１既係電腦９分既華倫西亞，我竟然可以有第２，
小肥同我同分，得失球輸俾我而排第３，阿廖得７分排第４．．．
跟住去同小肥搵ｔｖ　ｃａｒｄ果ｄ線，
行左好多間都無，決定聽日先再搵過．．．
叫埋家俊，帶埋個妹去食飯．．．
本來諗住去打邊爐，係無既情況下決定去龍記食．．．
去到無人架，之後有教會ｄ人黎左．．．　見到小玉．．．
佢地好噪，我地照食．．．　跟住有個人洗筷子，ｄ水倒左落我背脊．．．
佢地又有人生日，大唱生日歌，噪住我地睇「殘酷一叮」喎．．．
食完就搭３４　ｇｏ　ｈｏｍｅ．．．
一返到ｈｏｍｅ就去廁所先．．．　肚痛．．．
之後玩電腦，ｍｓｎ，ｉｃｑ，咩都齊！
今晚要睇ｍｏｎｓｔｅｒ魔剎！

放學去樂富練波～

今日又係遲左ｄ落去．．．　無計啦，尋晚做功課、諗好多野．．．
阿冬今日又唔知做咩唔同我地返喎，
咁ｆｉｎｇｆｉｎｇ搭地鐵果陣就唯有係咁同我地講野喇．．．
返到去又係去百佳買野飲先囉～～
頭３堂都係ｐｕｒｅ　ｍａｔｈｓ，弊喇．．．　講積分果ｄ野呀．．．
會考果陣我都仲係唔知做咩架．．．　佢講極我都唔識計．．．　好大鑊！
睇黎要學返ｆｏｒｍ　５果ｄ先得喇．．．
小息，無聊啦，去睇人打籃球．．．
３堂ｐｈｙｓｉｃｓ，講ｄ勁簡單既野．．．
好眼訓，頂唔住，訓左陣，仲流左少少口水，ｈａｈａ～～
之後講ｗｏｒｋ　ｄｏｎｅ，都仲係咁簡單．．．
ｌｕｎｃｈ，去文華，叮噹同阿傑果個又係等左超耐．．．
去圖書館，搵ｅｄｄｉｅ，佢叫我搵ｍｉｓｓ．．．
搵唔到，ｍｉｓｓ未返，唔搵住喇．．．
去左搵海豚果ｄ，叫佢地搵同班既ｆｄ放學開會．．．
３堂ａｐｐｌｙ　ｍａｔｈｓ，個ｍｉｓｓ好搞笑！
我地係咁問佢一ｄ私人問題！
之後講新課題，都唔難既，所以之後我唔聽，玩數獨．．．
有個ｃｏｎｄｉｔｉｏｎ我諗左勁耐都唔識．．．
最後唯有當自己識，背左佢算喇．．．
放學去開會，不過之後走，同小肥去練波．．．
成班人去樂富，行去地鐵站果陣見到欣欣，個個都跟住係佢後面～～
去到就做熱身，分組搓波，之後練進攻，最後Ａ對Ｂ－ｇｒａｄｅ．．．
唔夠氣，體能好差呀．．．　希望遲ｄ有改善啦．．．
踢完就去ＯＫ，ｄ人買野飲，我地扮俾左＄，就咁斟黎飲．．．
去ｍ記，小肥換麥樂雞食，１人分左１件食～～
同小肥、阿曾、阿東、高興一齊搭地鐵，高興係咁講佢北上果ｄ野，好搞笑！
返到屋企就打ｗｉｎｎｉｎｇ　９～～　夜晚ｍｓｎ好開心！　ｈａｈａ！

平凡的上學日．．．

尋晚踢完波，好累，今朝唔知醒．．．　遲左落去．．．
著住ＰＥ衫返學，條褲超長呀！　拖晒地．．．
又要去百佳涼冷氣呀．．．　買蘋果綠茶！
２堂ｐｕｒｅ　ｍａｔｈｓ，教ａｐｐｌｙ果個阿ｓｉｒ黎睇．．．
講埋最後果ｄ　ＭＩ，發覺有ｄ唔多明．．．　要計多ｄ先得！
２堂中化，講閱讀理解，中間有個小息，俾左題目俾芬芬做短講架喇，
不過佢講到唔記得左．．．　ｔｍｒ先喎．．．
２堂ＰＥ呀！　仲諗住有得鬆下啦，不過超無聊．．．
係咁做熱身，拉筋．．．　做左堂幾，最後又要教ｄ太極．．．
ｌｕｎｃｈ就著住短褲去文華，好快就食飽ｌｕ～～
去百佳，著返條長褲．．．　買利賓納飲，ｇｏｏｄ！
睇小肥果ｄ打排球，有ｄ無聊，因為我地無得打．．．
ｌａｓｔ　３堂ａｐｐｌｙ　ｍａｔｈｓ，講ｍｏｍｅｎｔ．．．
其實唔難，不過又要記過ｄ新概念，有ｄ煩．．．
放學去足球隊果ｄ，講黎緊會點，聽日要去摩士公園練波．．．
有個教練教，佢一ｄ都唔後生，就黎做我阿爺都得．．．
上去補ｐｈｙｓｉｃｓ，講上次野既答案，好多都識啦．．．
之後ｇｏ　ｈｏｍｅ打ｗｉｎｎｉｎｇ　９．．．

放學返大窩口踢波！

尋日訓得幾好，發左個好夢，當然唔會話你聽係點架啦！
又係果幾個咁返學囉．．．
地鐵到站，我趕唔到上車，小肥同我等下一班．．．
我地係葵興會合番．．．
到荔景見到阿迪，一齊返，佢又要拎中文短講題目．．．
題目：如果知道朋友考試出貓，你會唔會告發佢？
佢想作ｎｏ，我叫佢揀ｙｅｓ，因為我覺得易諗ｄ．．．
幫佢諗ｄ　ｐｏｉｎｔ　＆　一ｄ例子咁啦．．．
中文堂，叮噹去拎報紙，佢單手捧住返黎．．．
先討論報紙ｄ新聞，我唔理佢，自己睇體育版．．．
到阿迪講，好似上次咁好多「咁」，就有５分．．．
２堂ａｐｐｌｙ　ｍａｔｈｓ，真係唔難計，係煩．．．
芬芬個袋穿窿，ｄ汽水＆麵包掉左落地．．．
小息，去圖書館，同ｅｄｄｉｅ傾下放學個會要講ｄ咩．．．
２堂ｐｈｙｓｉｃｓ，無心聽書，玩數獨．．．
佢講ｆｒｉｃｔｉｏｎ果ｄ概念，其實好多我都知啦．．．
之後我地３個玩天下太平，我同阿傑夾份整死阿迪～～
英文堂，欣欣ｐｒｅｓｅｎｔ剪報，
ｄ男仔全部都好留心，不過佢篇野好長，好似無人聽得明佢講咩．．．
搞左好耐，成堂咩都無教過咁．．．
ｌｕｎｃｈ，去文華，又要排下隊咁啦，Ａ餐ｏｋ抵食既．．．
返到學校悶，搵小肥，同佢買野飲，之後搵老師．．．
ｌａｓｔ　３堂ｐｕｒｅ　ｍａｔｈｓ，個ｍｉｓｓ超煩，
我計唔到果題就叫我出去做，計到果ｄ又唔使我做．．．
ＭＩ，背左個ｆｏｒｍａｔ，試晒佢教果ｄ招就一定會做到架啦．．．
放學去開藍社今年度既第１個會，其實我都唔知要點做．．．
是但講下ｄ野，叫ｄ人提議下就算喇．．．
搵埋打緊籃球既小肥一齊搭３０號ｇｏ　ｈｏｍｅ．．．
第１時間唔係做功課，係打ｗｉｎｎｉｎｇ　９！
食完晚飯就去小肥ｈｏｍｅ，俾個ｓａｖｅ佢．．．
跟住一齊去阿波羅，又撞到阿廖喎．．．　一齊落球場，得我地班人．．．
射下波，斬下波咁，之後返阿波羅買水果ｄ，買完又返球場，
有班幾勁下既，鬥波囉．．．　輸多贏少，人地有個高大後衛．．．
唔講喇，總之我有波入啦！　埋齋黎架，因為果陣ｄ人累我先入到波．．．
差唔多１１點返屋企，唔想做ｄ功課呀！

買左ｗｉｎｎｉｎｇ ９喇！

今朝又係咁，唔想起身呀．．．　又係果幾個人返學囉．．．
唔買金桔檸檬，買綠茶呀～～　因為茶應該有助提神！
唔使早會，咁都好ｄ．．．　同阿迪第一次最先返到課室，ｈａｈａ～～
阿仲佢無返呀，似乎真係變左做蜻蜓了．．．　好慘呀！
２堂ｐｕｒｅ　ｍａｔｈｓ，功課無做都無事，
因為個個都話唔識，可以遲ｄ先做，遲ｄ先交喎～～　正！
講真，我第１次ｍａｔｈｓ完全唔識做．．．
ｄ野佢完全無教過就要人做，書又無ｅｘａｍｐｌｅｓ喎．．．
之後ｐｈｙｓｉｃｓ，講左少少功課答案，就要走火警演習了．．．
好無聊，無秩序，個個都好遊閒、好懶散咁．．．
直接小息，買左隻熱狗食，麻麻地．．．
ｍｉｓｓ叫阿迪去搵佢，點知去到佢又話唔使喇喎．．．
又排隊買野食，買左腿蛋治．．．
中化，講閱讀理解，速讀，要練到３分鐘睇１篇喎．．．　黐線架！
２堂英文，１號要ｐｒｅｓｅｎｔ剪報，聽唔明佢講咩喎．．．
要寫低ｄ　ｍａｉｎ　ｐｏｉｎｔｓ，寫到少少咋．．．
講ｗｒｉｔｉｎｇ，好多都唔知係乜．．．
ｌｕｎｃｈ，去文華食，因為要１：１０返到學校開社職員大會，
叮噹果個等左勁耐，就快夠鐘先有得食．．．
開會，認識左少少藍社社職員啦．．．
２堂ａｐｐｌｙ　ｍａｔｈｓ，ｄ野對我黎講好易，
佢都算教得幾好，因為講到好白，好易明！
ｌａｓｔ係空堂，自修，我用黎ｈｅａ，同阿迪唱歌．．．
放學去圖書館，搵中化個ｍｉｓｓ講點做辯論．．．
自己去啟明買書，仲要幫佢地３個買埋．．．
好重呀！聽日都唔知點拎返學校．．．
返到ｈｏｍｅ，小肥又話唔想出去喇喎，我自己去買ｗｉｎｎｉｎｇ　９，
一返黎就玩，用ｒｏｍａ玩ＭＬ，５勝１和！　正！

陳奕迅 － 美麗謊言

陳奕迅　－　美麗謊言
作詞：馮穎琪　作曲：柳重言　編曲：ｂａｒｒｙ　ｃｈｕｎｇ

歌詞：
　　　只因不應該聽而聽　此刻不知怎樣去反應
　　　你問這事情　有沒有內情　這刻可否只當夢醒

　＊　只因不應該聽而聽　此刻不需裝作你反應
　　　我為這事情　背負了罪名　假使不想荒廢餘生的那光景

　＃　我用心欺騙　想把你留下　卻沒心的揭了創疤
　　　餘剩已是無時間　於這舊地方　我對你說白　你會遠去嗎
　　　我用心欺騙　想把你留下　你又可知我更痛嗎
　　　如若你願聆聽真話　如看到這世界可怕　別怕

　　　ｒｅｐｅａｔ　＊　＃　＃

配新眼鏡！

今朝又要早起身返學喇．．．
返學唔係問題呀，日日都咁早起身先大問題嘛．．．
仲要ｄ功課都未做得晒喎．．．
又係咁，同小肥果ｄ返學，今日ｄ女仔仲多過上次．．．
係百佳買左金桔檸檬先返學校，又係去吹風扇．．．
要早會，唉，熱死人架！　出汗出到成身臭晒！
阿迪話我做左社長，卒之有ｐｏｓｅ喇！不過唔係心儀既．．．
上到去，英文又未做剪報，ｐｈｙｓｉｃｓ又未做書．．．
第１堂係純數，唔記得帶書．．．　是但咁過到骨～～
第２、３堂要入禮堂聽中樂團演奏．．．　超悶呀！
小息，周圍ｈｅａ，無野ｄｏ．．．
跟住２堂ｐｈｙｓｉｃｓ，講返ｄ功課，個個都唔識做呀．．．
計ｅｒｒｏｒｓ，發現原來微積分真係超準！
ｏｒａｌ堂，外籍阿ｓｉｒ，叫ｎｅｗｍａｎ，澳洲人，
遲ｄ要問下佢聽過ｓａｖａｇｅ　ｇａｒｄｅｎ未先！
個個人都要自我介紹，講左２句，佢已經讚我地ｅｘｃｅｌｌｅｎｔ！
ｌｕｎｃｈ，去圖書館影印，之後又去美心食．．．
英文堂，本來有人要ｐｒｅｓｅｎｔ剪報，最後要等ｔｍｒ．．．
做ｌｉｓｔｅｎｉｎｇ，寫ｎｕｍｂｅｒｓ，唔難～～
ｌａｓｔ　２堂中化，講書，「情」與中國文化，
孔子真係好多咀，係咁同人地辯駁．．．
分組抽中我地，下次要我地出去做辯論，大鑊．．．
放學，同小肥、阿迪去葵芳，我要去恒生拎錢，要排隊，超多人．．．
拎左１千，同阿迪去買書，佢話賣晒．．．
買野飲，見到阿聰、金瀧，之後臭汗黎埋，
因為佢要拎條褲去換，大碼對佢黎講太細喎．．．
買手卷，搭４３，好多人，好彩都有位，
係車食手卷，佢２個食到ｄ飯周圍跌．．．　唉．．．
同小肥去左荃灣，我要配眼鏡，阿廖黎埋，幫我眼睇下ｄ款，
最後揀左深灰色，幾ｏｋ丫，而左眼既近視就深左２５度．．．
搞掂就去荃豐，諗住買ｗｉｎｎｉｎｇ　９，
又唔記得帶ｓａｖｅ咭喎，都係ｔｍｒ先啦．．．
去啟明睇睇，又係無果本書喎，要聽日先返貨呀．．．
去萬象睇襪啦，ｄ　ａｄｉｄａｓ襪＄５０有３對，
不過睇落又好似係假野．．．　決定唔買！
返去悅來坊，入左吉之島睇下，睇左ｄ餅食，＄１０有２包，
我同小肥夾，佢得＄１００紙．．．　我出住先囉．．．
幾好食，不過有ｄ鹹囉．．．　連阿廖都忍唔住要買！
之後就ｇｏ　ｈｏｍｅ做埋ｄ功課佢喇．．．

ｍ記輸晒．．．５人場踢波

今朝８點半起身，打左陣機就去左小肥ｈｏｍｅ，
幫佢裝ＴＶ　ｃａｒｄ，不過佢無果ｄ線，要遲ｄ先整到．．．
之後去集興食野，叫埋家俊一齊，搭小巴去林士德．．．
去到好曬，睇老林踢啦，佢係同齡果ｄ真係超勁，開波一陣就入波！
跟住仲有２個助攻，屈晒機．．．　佢果隊贏４：０．．．
到睇矚目大戰！　小肥果隊ｖｓ奧雲果隊！
開波之後大家都係均勢，不過之後奧雲睇穿個龍門成日走出黎，
未過半場就黎個笠射，真係入左．．．
唔知點解，好想小肥果隊ｗｉｎ，就教下路．．．
下半場，有球角球開短，小肥推橫就射近柱，肥蘇封唔晒位，入左！
完場前，小肥係右邊壓過守衛單刀射遠柱，今次肥蘇撲入．．．
就咁樣，憑住小肥精彩的演出，反勝２：１，不過最後只係第２，可惜．．．
到我地出場，對韓成果班．．．
開頭以為無得踢，踢踢下又發現我地唔係無攻勢喎！
開波一陣我就係半場遠射中楣喇．．．　真可惜！仲諗住又首名入球！
之後人地搶番ｄ控球權，無幾耐就係右閘爆過２號果個廢柴，仲射入埋．．．
上半場輸左１球，下半場無心機踢ｌｕ．．．
一開波就亂踢，後防好快就俾韓成入多球，
佢係禁區頂控定個波，跟住腳面拉遠柱死角．．．
之後好番ｄ，後防全部一腳清，我就繼續亂射，浪費左好多機會．．．
最後韓成搶甩我地後防既波射入埋．．．　輸夠３球．．．
完了，我地已經係對韓成輸得最少既１隊了．．．
成堆人去左小雨天食，我無食，因為唔餓，跟住陪臭汗買波褲，
佢用＄１３５買左條我覺得唔係幾好既波褲．．．
係巴士站見到李惠利果ｄ，就齊齊搭３３Ａ去５人場，
去到見到阿華，仲有阿文．．．　ｄｏｏｎ．．．　同埋好多人！
我、阿廖、小肥、老林４個一隊，屈人機，嚇到ｄ人即刻唔踢，走佬．．．
又剩低我地２班，就猜均踢，我同阿華一隊，
都唔係太好踢，不過我落力ｄ咁踢，有番狀態喇！
踢到６點，去７－１１買野飲，ｔｈｅｎ　ｇｏ　ｈｏｍｅ，
夜晚出街食，食完即刻返去睇羅馬ｖｓ烏甸尼斯，
蒙迪拿無態，幾次都唔入，踢左上半場就被調走了．．．
最後ｒｏｍａ輸０：１．．．　唉．．．　仲有好多功課未做呀！！

阿廖生日！陪佢食壽司、影貼紙相

　↑　正！　不過翻影質素有限．．．

今朝好早起身呀．．．　９成慣左啦．．．
之後同人ｉｃｑ呀，都幾好傾丫～～
早餐買麵包食，因為唔想使咁多錢．．．
本來去睇ａｈｙ，之後佢地話要陪阿廖慶祝生日，咁就要取消行程．．．
１點惠康等，有阿廖、小肥、臭汗，
臭汗尋日踢波整親隻腳，要跛下跛下咁行．．．
搭地鐵去西九龍，去到就行下先啦，
有ｆｕｎｃｔｉｏｎ，ｄ人鬥打機，又唔係ｗｉｎｎｉｎｇ喎，勁悶．．．
另外有試玩，行埋去睇，有個傻仔以為我地係ｄ飛仔打尖，驚到彈開，
上去睇野，周圍行，去壽司鋪拎籌，之後上最頂睇兒童樂園果ｄ．．．
有個兒童機鋪，１６歲以下先入得，
不過入面ｄ機同普通機鋪見果ｄ一樣既．．．
去返食壽司果度，因為金貓仲未黎，我地唔理佢喇，入去食．．．
正呀！食左沙律、太卷果ｄ，勁好味！！又食到好飽！
不遠處有個阿嬸，佢隻左手按左落隻碟，ｄ壽司係衫袖度入左去．．．
過ｄ轉角位有個男人食ｗａｓａｂｉ食到係咁「呵」．．．
笑左勁耐！　直到食飽金貓都無黎．．．
跟住去左影貼紙相，小肥以為無人，開左黎睇，人地係度影緊．．．
之後臭汗諗住串小肥，扮佢啦，點知佢又開左格有人既．．．
揀左個都好似幾靚既啦，＄４０影８次，揀４張，
好搞笑，係咁走位，不過ｐｏｓｅ就欠奉了．．．
影完就加效果啦，我整到臭汗個頭有個蝴蝶結，ｈａｈａ！
修剪完就過埋膠啦，好似好靚咁！
跟住搭３３Ａ，等左勁耐，見到阿廖個ｆｄ．．．
黎左架熱狗，熱死．．．　返到黎去左５人場，奧雲、阿駒佢地踢緊波，
睇左陣就ｇｏ　ｈｏｍｅ做埋ｐｈｙｓｉｃｓ．．．

選社幹事，係學校踢波

今日我最遲到，就俾人話遲到．．．
朝朝都果個時間出門口架啦，係等ｌｉｆｔ等耐左之嘛．．．
返到去有ｄ頸渴，入左百佳買金桔檸檬飲．．．
小肥卒之都俾人捉佢染髮喇喎．．．
今日係ｄａｙ　６，頭２堂係中化，又搵２個人出去短講，
第１個講到自己係咁笑，但係就幾細聲，幾乎聽唔到佢講咩．．．
第２個係崩頭，佢講故仔，講自己同個老婦人係沙灘咩左，好搞笑！
跟住係英文，咩都住做過，只係叫我地訂英文報紙果ｄ．．．
小息，又係無聊咁ｈｅａ囉，又同阿迪去買飲食，因為肚餓嘛．．．
３堂ｐｈｙｓｉｃｓ，又繼續講果幾張ｍａｔｈｓ既野，
不過又教左ｄ向心力、睇圖、微積分果ｄ，都幾快，
何成仲可能識晒，佢訓覺，俾我發現佢流口水！！
ｌｕｎｃｈ，又去美心，行去果陣阿迪諗住搞笑，
扮拍人膞頭，點知俾人發現左，我地笑到郁唔到！！
飛機仔返左黎學校，同我地傾左２、３句就走ｌｕ．．．
小肥同阿曾就打籃球，只見他們成身都是汗．．．
ｏｒａｌ，個ｎｅｔ　ｔｅａｃｈｅｒ仲未上堂，
班主任黎左，叫我地玩下數獨，又出左ｄ　ｐｈｙｓｉｃｓ問題俾我地，
最後仲派左ｄ疊功課，叫我地星期１交．．．
ｌａｓｔ　２堂係英文，叫ｄ人出去短講１分鐘，好彩又抽唔中我！
有個好搞笑，講咁耐笑咁耐，以為咩事啦，原來佢笑個ｍｉｓｓ唔記得計時！
放學，去左選社幹事，等左好耐先到我．．．
自問做唔到社長，但係又無副社長，諗住做下ｄ幹事就算啦，
個ｍｉｓｓ又我話無信心，又同我講社長都唔係太難做，
最後問我如果有得做社長會唔會做，咁我焗住都要話會啦．．．
之後去踢波，淨係識小肥１個，好彩都仲有個阿曾．．．
同佢地１隊，場場都贏，屈晒人機．．．
第１次踢，已經入左３球喇！　睇黎以後又排入波喇～～
跟住同埋阿銀果ｄ搭地鐵ｇｏ　ｈｏｍｅ．．．

支票拎唔到錢．．

今朝又係咁，又係呢幾個人一齊返學，
不過多左２、３個，有阿銀、海豚．．．　其實我都唔識既．．．
返到去，一定係去男廁吹下風扇架啦，好快就上課室．．．
頭３堂係ａｐｐｌｙ　ｍａｔｈｓ，
講左ｄｖｅｃｔｏｒ既野，不過其實有ｄ唔關事既．．．
計左ｄ都ｏｋ難既數，不過到仲應付到既．．．
仲哥無返呀，無人可以俾我問ｔｉｍ．．．
小息，阿迪話肚餓，一齊買野食，又要食餐腿治．．．
３堂ｐｈｙｓｉｃｓ，ＡＬ　＆　ＡＳ一齊上，
去晒ｌａｂ，講黎緊個高考會考ｄ乜、點考法．．．
３堂都係咁講，悶到死，咩都學唔到．．．
ｌｕｎｃｈ，唔想再去文華度逼，就去左美心食，
無咩特別野，只係交換左電話咁．．．
原來阿俊好搞笑，係咁講有味笑話，我次次聽都會笑到停唔到！
睇佢個樣係好大隻，好正經咁架，完全估唔到佢可以咁講得笑架～～
返到學校就傾計，仲有同２個靚女欣欣＆芬芬一齊傾～～
２堂ｐｕｒｅ　ｍａｔｈｓ，個ｍｉｓｓ就係唔記得我個名．．．
佢教得都算好，起碼我聽得明，追到個進度，計到ｄ數．．．
之後叫我出去寫一條ｓｏｌｕｔｉｏｎ，我未計完就完堂ｌｕ．．．
ｌａｓｔ一堂要去禮堂，聽校長介紹「南昌銀行」．．．
勁無聊，唔諗住參加，就圍埋幾個人傾計，玩．．．
放學，一個人去葵芳，張支票真係拎唔到錢，要有戶口先得．．．
ｇｏ　ｈｏｍｅ，諗住踢波，小肥都想去架，
不過搵唔到阿廖＆臭汗，就無去喇，
小肥話聽日放學有得踢波，咁就聽日先踢啦．．．

出糧喇～

今朝好眼訓，唔想起身呀！！
等登早ｄ出門口，一定要做最早到果個！！
今日見唔到臭汗呀，可能佢驚我地笑佢啦～～
頭２堂係ｐｕｒｅ　ｍａｔｈｓ，
其實個ｍｉｓｓ都幾好既，搵左ｄ其他書既題目俾我地做，
何成仲又係屈機得滯既．．．　條條都好快搞掂，
仲有時間可以偷偷地講電話，勁！
到中化，睇佢ｄ紙，講考ＡＬ既野．．．
小息，又係地下門口傾計，之後肚餓，買左個餐腿治食．．．
另一堂中化，有人出去講短講喇！
１號講得唔係幾好，內容有ｄ唔貼題，個ｍｉｓｓ俾３分佢．．．
２號係靚女欣欣，個個都好留意佢，反而我無乜心機聽．．．
可能靚女真係著數ｄ，ｍｉｓｓ都俾高ｄ分，大約６．５啦，
到ＰＥ堂，係個鬍鬚阿ｓｉｒ教．．．
講左半堂介紹既野，諗住有得郁下啦，
熱緊身果陣話到我地２班影相．．．
唉，影囉，希望影到個樣好睇啦，唔好影到好似傻仔咁．．．
等到ｌｕｎｃｈ，去文華食，真係勁多人．．．
好耐先有位，有位又等左差唔多半個鐘先有野食，
又唔係平，又唔係特別好食喎．．．
係學校睇人打波，之後去圖書館ｈｅａ下．．．
３堂ａｐｐｌｙ　ｍａｔｈｓ，有少少眼訓，
計落問題都唔算太大，不過好多時都唔小心計錯．．．
放學之前叫我聽日計一條ｓｏｌｕｔｉｏｎ俾佢睇，
去ｐｈｙｓｉｃｓ　ｌａｂ，講番上次功課ａｎｓｗｅｒｓ，
好悶，捱到５點幾先放，同阿迪去葵芳，去到撞到肥燊，
同阿迪去志力，無ａｐｐｌｙ本書．．．
去左新地坊，老細唔係度喎．．．
去三聯，買到本ａｐｐｌｙ喇，之後ｇｏ　ｈｏｍｅ．．．
７點去過新地坊，出到糧喇，係支票，唔知可唔可以拎到ｄ錢呢．．．

第１日返全日．．．

今朝唔知做咩，６點３就彈起身．．．
捱到７點半落去，我竟然係最遲到果個．．．
今日要帶４本書．．．　重到哩．．．　要用手拎ｄ．．．
終於見到臭汗揹住個大書包喇！
書又唔裝多２本，個書包有佢半個人咁高．．．
去到荔景見到ｄｅｖｉｌ，就一齊行返學校，
好熱，走左去更衣室吹風扇．．．
第１堂中化，１號果個唔記得準備短講，ｍｉｓｓ不悅．．．
講書，問有咩文化，ｄ人亂咁講ｄ　ｔｅｒｍｓ．．．
叫我地返屋企要睇課文，好似好長喎．．．
２堂ａｐｐｌｙ　ｍａｔｈｓ，阿ｓｉｒ教既，
睇得出佢教左好耐書，因為佢畫圓形畫得都幾圓．．．
先講牛頓３個ｌａｗ，我唔記得晒ｌｕ．．．
跟住又指出其實佢ｄ　ｌａｗ　ａｒｍ唔晒，有ｄ錯喎，
太耐無計數喇，個腦唔夠靈活，一時又計唔到，一時又計錯喎．．．
小息，周圍行，ｈｅａ下，同英文ｍｉｓｓ傾左陣計～～
上去果陣見到小肥俾佢ｄ　ｆｄ除褲，可惜最後ｄ人唔成功丫．．．
２堂ｐｈｙｓｉｃｓ，繼續講ｗｏｒｋｓｈｅｅｔ，
講返好多舊既野，有ｄ都識，不過我舉錯左例子，搞亂左面積＆周界．．．
跟住我地又１討論牛頓ｄ　ｌａｗ．．．
英文堂，佢原來記錯我個名！　Ｔｉｍ　變左　Ｋｉｍ．．．
抽人出去短講，有個女仔出去先，講得都ｏｋ　ｌａ，第１個嘛．．．
第２個係阿迪！　正！　中文完又到英文！
佢出左去就搞笑，搞ｇａｇ，完全無講到野．．．
ｍｉｓｓ要佢下次準備番，要講好ｄ．．．
ｌｕｎｃｈ，文華好多人．．．
落左去美心食，不過ｄ野都唔算好食．．．
我地班好多人都係果度食！
ｄｅｖｉｌ、阿ｋｅｎ、ｚｅｒｏ、ｋｉｄ、阿俊．．．
食完返到學校，睇人打波，之後直落３堂ｐｕｒｅ　ｍａｔｈｓ．．．
係果個之前營新日扮反斗既ｍｉｓｓ，佢果日真係發晒癲咁架，
都教得唔錯，ＭＩ，我都掌握到既．．．　何成仲真係勁都屈晒機．．．
放學，同阿迪做埋２題數，就去太子果邊拎ＰＥ衫．．．
去到果間野真係唔掂，下邊ｄ鋪頭就好ｉｎ，果間野就．．．　唉．．．
拎完就搭返ｍｔｒ　ｇｏ　ｈｏｍｅ，做埋ｄ功課佢！

返學．．． ｈｅａ．．．

Background Music : Gareth Gates - Too Serious Too Soon

今朝又係約小肥果ｄ一齊返學，不過要去鋪頭拎錢，
錯過左睇臭汗揹住個大書包！　可惜．．．
小肥都唔知係咪路既，一邊行一邊同周圍ｄ人打招呼，似乎太出名了．．．
又要早會，唉，曬到丫．．．　汗一直流．．．
頭２堂係班主任堂，搞左一陣班務就去ｐｈｙｓｉｃｓ　ｌａｂ，
教少少量度既野，一ｄ都唔難！
第３堂係ｐｈｙｓｉｃｓ，派左張ｗｏｒｋｓｈｅｅｔ，
講左ｄ基本數學概念，都有好多掌握到架喇～～
小息，陪阿迪搵ｍｉｓｓ拎中文短講題目：鉛筆和鉛筆刨的啟示
佢諗唔到，要幫佢諗埋，叫佢老吹我地係鉛筆，
無老師呢個鉛筆刨的幫助，我地一係無事處，發揮唔到本身的功用！
最後佢講完，老師俾６分佢，第１個講，算幾好啦～～
餘下時間講左ｄ　ｓｙｌｌａｂｕｓ既野．．．
２堂英文，ｍｉｓｓ個樣好似都幾友善咁既，
不過頭盤係堂上即刻作篇２００字既文俾佢．．．
之後又係講ｓｙｌｌａｂｕｓ．．．
放學，搵唔到小肥，就同阿迪２個去葵芳食吉野家．．．
食完去夾公仔，ｌｉｕｗａｙ都有黎，真係贏到個手板公仔，
之後走，行到個報紙檔果陣，ｌｉｕｗａｙ掉左個公仔係雜誌櫃底度．．．
好白痴！　最後都執得番．．．　不過一定俾ｄ人笑弱智！
搭４３　ｇｏ　ｈｏｍｅ，努力做ｐｈｙｓｉｃｓ．．．
睇左少少中文，跟住就睇屎忽窿果ｄ足球短片，
阿廖之後上黎試ｍｐ３機，都係用唔到，
夜晚食飽就同佢去換啦，原來問題係我地驚整爛部機．．．
要大力ｄ插條線架．．．　搞掂就同佢行返屋企．．．

ｍ記比賽，１和１負．．．

今日１０點幾起身，訓得唔係幾好，可能又緊張啦．．．
１２點同個妹去集興食早餐，食完去惠康買野飲返屋企補倉．．．
到２點就同小肥、阿廖、家俊搭的士去新都會對面個場，
係ｍ記青訓比賽呀！　足球界１年１度既盛事呀！
派左藍衫俾我地，都幾好睇丫～～　見到潘永權，招呼都唔同佢打．．．
第１場就對潘永權果班，有李錦、阿欽、阿牛．．．
有好開始架！　我罰球入波，雖然唔係咁靚，不過好過無啦！
不過人地始終高質，話咁易就反入３球．．．
包括李錦罰球射網仔．．．　俾人串ｔｉｍ．．．
我半場就被調離陣，果陣係１：１架咋．．．
輸波之後去買手卷落球場食，食完就第２場，對平時練波鬥果班，
諗住好易就ｗｉｎ啦，點知踢得都唔係幾好，個阿ｓｉｒ唔識用人．．．
又係我入波先，過半場遠射，龍門撲入，正！
其實我睇唔清楚架，因為唔俾我戴眼鏡，好似盲左咁．．．
不過人地又反入２球．．．
又包括１個射死角既罰球．．．　龍門真係唔使救．．．
最後都要靠人地擺烏龍先可以打和．．．　真係踢得有ｄ肉酸．．．
我、阿廖下半場都抽筋，要被調離場，無份射９碼，
最後互射９碼，阿聰、阿希都爭ｄ唔入架喇．．．
好彩我地ｗｉｎ左，先無咁羞家．．．
去葵涌廣場食左餐難食既飯先返屋企．．．

同魚子打機、睇正音樂ｓｈｏｗ！

今日１２點先起身，梗係啦，呢２日都要咁早起身．．．
１點幾先去食早餐，食完要我去鋪頭幫手喎．．．
幫到差唔多３點，ｇｏ　ｈｏｍｅ換衫出荃灣，同魚子去打機．．．
去左金禾，無ｏｕｔｒｕｎ２玩．．．
同佢玩ｐｈｏｔｏ　ｈｕｎｔ，好貴，＄２鋪．．．
玩左陣到４點，轉去天天度打，玩ｏｕｔｒｕｎ２，我ｗｉｎ！
又玩ｐｈｏｔｏ　ｈｕｎｔ，好難睇！
成日都爭１個睇唔到，都唔知想點．．．
走之前玩多次ｏｕｔｒｕｎ２，都係我贏，ｈａｈａ～～
玩完，佢送我去地鐵站．．．　第１次俾女仔送．．．
去左九龍塘，等人既時候，見到譚玉瑛．．．
會合力哥，又見到阿ｔｉｍ，就一齊過浸大喇～～
早到，就等，等到紙皮黎，多陣排隊，可以入去喇！
個ｓｈｏｗ超正！　有好多人睇！
除了ｍａｎｄｙ，仲有好多其他既明星睇！　ｄ歌又勁好聽！
又可以聽到王凱駿既緣崖！　ｋｒｕｓｔｙ活躍的跳舞！
發現林苑唱歌好好聽，佢同王菀之合唱我真的受傷了，好聽極了！
今日紙皮要人嗌歌，嗌到我就黎啞了．．．
做到１１點先完，送埋ｍａｎｄｙ走之後就返屋企煮麵醫肚．．．

第１天上課日．．．

　　↑　　你想試邊個先呀？

今日好似尋日咁，同小肥佢地搭地鐵返學．．．
不過今日行另一面既樓梯上去，都幾熱下，好彩唔使早會．．．
頭２堂係班主任堂，我都仲係好掛住梁宏業呀．．．
第３堂係中國語文及文化科，係ｍｉｓｓ教既，
一聽佢講就覺得佢好有大陸ｆｅｅｌ．．．
講左好耐，解釋中化係ｄ咩，聽到我地都好驚．．．
星期１開始就每日都要搵人做短講，果日係５號，
就５號開始喎．．．　咁ａｒｍ就係阿迪．．．　佢有難了！
小息，全校都要落地下喎．．．　唉，白痴架！
跟住係２堂ｐｈｙｓｉｃｓ，大部份女仔都修統計學．．．　唉．．．
第１次上堂已經派左好多Ｗｏｒｋｓｈｅｅｔ喇，
不過我有信心，我應付得黎既！
最後係ｏｒａｌ，個ｎｅｔ　ｔｅａｃｈｅｒ唔知做乜無上黎，
咁就傾計ｈｅａ左成堂．．．
放學搵唔到小肥，就同阿迪去左葵芳先．．．
小肥幫左我報Ａ　ｇｒａｄｅ足球隊，
佢自己又報埋Ａ　ｇｒａｄｅ喎，似乎係挑戰喎！
等埋佢、阿廖、家俊就去食ｌｕｎｃｈ，
小雨天果ｄ又多人，利口坊又話唔想去，我就同阿迪諗住食粥，
佢地都黎，去左新地坊果面果間粥鋪，
平時經過就好多次，今次都係第１次入去食咋．．．
諗住食炒麵、炒米果ｄ，點知佢話買晒喎，呃人既．．．
＄１５食麻麻地既碎牛肉粥、唔好味既蘿蔔糕、ｏｋ既炸兩．．．
食完，佢地玩電話，打俾魚子．．．　有ｄ無聊．．．
阿廖個妹返左屋企，就唔上去啦，搭的士返屋企，
之後小肥話可以上佢ｈｏｍｅ，咪上囉！
又打ｗｉｎｎｉｎｇ　９，家俊依舊都係咁廢．．．
有ｄ眼訓，５點幾返屋企訓左陣．．．
其實都訓唔著，好熱呀，又懶得去開冷氣喎．．．
原來志仔、阿聰、阿廖都入晒，星期日比賽掂喇！

開學日．．．

新學年又開始了，又要朝朝都早起身了．．．
尋晚睇埋尋秦記先訓，又試例牌地訓唔著喇．．．
６點半起身，食尋日買果條手卷做早餐，
７點半去到惠康，同小肥、陳美冬返學．．．
跟住我同小肥係葵芳落車，因為話要等埋ｆｉｎｇｆｉｎｇ．．．
點知佢又上左車．．．　又見唔到阿迪．．．
原來阿迪又要送ｌｉｕｗａｙ返學，又唔同我地返．．．
返到去就覺得陳南昌好唔掂．．．
早會，問ｄ老師排邊啦，個個老師都唔知．．．
企果陣又要曬住，勁辛苦．．．
上禮堂開學禮，唱校歌，唔識，首歌仲要好似唱山歌咁．．．
個校長又明顯比李中既校長唔掂．．．
無咩講來年大計、展望果ｄ，只講暑假入面發生左ｄ咩事，
同埋其實ｄ事都幾無關痛癢．．．
跟住又話來年搞個南昌銀行，好似好好諗頭咁．．．
講真，都唔會有咩人去參加架啦．．．
講完又到張ｓｉｒ講校服．．．　悶到死！
介紹新老師，又無俾機會佢地發言．．．
完左就返課室，見到新班主任，就好掛住梁宏業．．．
搞ｄ班務，我地就係咁傾計，到落堂．．．
去葵芳搵ｌｉｕｗａｙ，新都會搵埋阿廖、家俊，
跟住又去利口坊食，好搞笑，係咁講搞笑野～～
食完周圍行，個個都見到熟人．．．
諗住去小肥ｈｏｍｅ睇碟，不過無乜心水想睇，
就上左去打ｗｉｎｎｉｎｇ　９，好過係ｈｏｍｅ悶啦，
玩到５點幾走，家俊唔見左＄２０．．．
好野！　阿ｓｉｒ打左黎，可以比賽喇！