落舖頭幫手．．．

個日記好似無人睇咁既．．．　唔想打喇．．．
今朝起身都幾好天架，過一陣就落雨，仲越落越大．．．
等到細雨，睇埋《少年包青天２》先去食早餐．．．
食完一返到ｈｏｍｅ阿媽就打黎叫我去舖頭幫手喎．．．
去囉，去到都唔覺得有咩生意做．．．
覺得有ｄ悶，試下整個ｈｉｆｉ，又俾我開到喎～
無碟，無歌聽．．．　焗住聽收音機．．．
之後見到老林又去買野食．．．　跟住何志偉帶埋條女黎幫襯．．．
到３點走ｌｕ，順手去惠康買ｄ餅返屋企食．．．
係ｈｏｍｅ打機，ｈｅａ埋個下晝．．．
借左果２本書，到而家只係睇左十份之一本咋．．．
ｔｍｒ本來有好多人去踩單車架，
點知ｄ人驚ｔｍｒ會落雨，個個都話唔去．．．

蔡依林 － 就是愛

蔡依林　－　就是愛
作詞：天天　作曲：周杰倫　編曲：呂紹淳　製作人：黃治平
吉他：羅希　合聲：馬毓芬　Ｓｃｒａｔｃｈ：Ｊｏｈｎｎｙ

歌詞：
　　　氣象說溫度會驟降　我預言愛情是晴朗　心能感應冷熱變化
　　　眼神它反映著溫差　直覺在瞬間的剎那　這回真的被電到啦

　＊　怎麼辦　夢裡想你裝傻　怎麼辦　知道我要什麼ｍｙ　ｇｏｄ
　　　如果愛像微風　和你一齊吹過　連空氣味道都變成甜的

　＃　當我才發覺　就是愛　世界變了　當你在傳達　你愛我　手牽著我
　　　當我正想你　就是愛　天空晴了　當我抬起頭　你在眼前了

　　　我不做回應沒說法　答案卻都寫在臉上　擋不住嘴角也上揚
　　　你眼睛突然眨一下　表情就靜止停在那　心怎麼跳的不像話

　　　ｒｅｐｅａｔ　＊　＃　＃　＃　＃

ｂｏｏｋ左林士德踢波～

今朝１１點幾起身，無野做，無聊得滯，就睇電視．．．
無錢喇．．．　買２個包食當早餐．．．
去林士德踢波，ｂｏｏｋ左場１點－５點，點知去到只係見到烏蠅．．．
等到２點先話夠人．．．　果陣阿廖都到埋ｌｕ．．．
自己人鬥，求其踢啦，黎黎去去都係踢我幾個架姐．．．
輸左球先，之後贏番２、３球．．．
李惠利果ｄ黎左ｌｕ，同佢地鬥啦～～
我唔踢住，因為日日踢，有ｄ累．．．
我地ｄ人，唉．．．　踢極都無乜具威脅性既攻勢．．．
之後俾人地入波先．．．　我都踢喇，因為遲ｄ亞斯理杯可能會對佢地，
所以我踢得比較落力，都扭到喎～～　ｈｅｈｅ～～
我地變得夠踢，仲入番佢地波ｔｉｍ～～
踢多２、３次，５點ｌｕ，華森果ｄ黎左跟隊，
我地明顯無佢地咁勁啦．．．　仲要肥燊守龍，輸．．．
華森仲要係阿廖面前射遠柱死角入．．．
去左買野飲＆野食，因為我未食ｌｕｎｃｈ呀．．．
之後華森佢地唔夠人，我幫佢地，贏左波～～
不過又有人ｂｏｏｋ左場．．．
係另一面跟隊，同班阿叔踢，佢地勁到丫．．．
我落左場，得個跑字．．．　掂左２、３腳波．．．　輸左．．．　唉．．．
踢到７點幾ｇｏ　ｈｏｍｅ　ｌｕ．．．　仲要落雨喎．．．

畢業典禮 ＋ 打機 ＋ 踢波

今日要早ｄ起身，因為要上畢業典禮呀．．．
約左魚子果ｄ　８：３０係荔景等，不過我到果陣只係見到小喬．．．
去到就傾計，傾左陣就入去，
同阿迪、子彈坐，子彈又係咁喇．．．　一坐低就訓．．．
都係咁傾計，因為真係好悶呀．．．
講到無野好講，搵野玩啦，猜輸就俾人玩．．．
子彈猜輸，我地叫佢問坐前面果ｄ中３拎電話／ｉｃｑ～～
不過佢又有ｄ淆ｄｅｅ喎．．．　最後都拎唔到．．．
最後遊藝表演，管樂團表演，都幾好聽喎～～　個指揮都幾型～～
同肥燊、阿迪、ｌｉｕｗａｙ走，搭船去尖沙咀食野，
ｄ野幾貴，唔係幾好食，唉．．．
返大窩口，去小肥ｈｏｍｅ打機，ｗｉｎｎｉｎｇ　８～～
同阿廖、小肥鬥ｓａｖｅ，我贏晒，ｈａｈａ～～
之後去７人場，叫埋阿華黎，同人地一齊跟隊鬥波．．．
一路踢都贏呀～～　勁！！　我都入到波既，不過都係覺得狀態未足．．．
小肥又有ｄ持住自己勁咁，成日扭，不過踢得都幾ｏｋ　ｌａ．．．
之後有２班勁人黎左，我地照踢呀．．．
拉左２個未見過既人，同我地差唔多大啦，估計係新搬黎葵涌村果ｄ．．．
佢地都幾勁喎，對住ｄ勁人都俾到波，無怯場，仲有射門ｔｉｍ！
第１場我打龍．．．不過小肥好快入波，個波無力都通左人地龍門大細．．．
第２場踢左好耐都ｗｉｎ唔到．．．
有球人地角球抽埋黎，我見唔頂會輸波，就頂番個波出禁區，
好痛呀！！　頂完之後個頭好似爆咁滯．．．
最後係見到人地龍門企得咁出，覺得有ｄ睇我地唔起！
我都唔理咁多，未過半場笠死佢！！　個ｆｅｅｌ好正！！
最後果場又係踢左好耐．．．
踢到無晒力喇，仲要缺水．．．　之後阿廖俾人大腳過左頭，
人地控定射近柱，個波擦內柱彈入．．．
過阿波羅買野飲！！　再唔飲就缺水喇！！
之後去左亞斯理，整比賽ｄ野．．．

５人場踢波．．．

ｔｏｄａｙ　１１點幾醒，食完早餐，
又到例牌既玩電腦喇～　當然又係ｉｃｑ　＆上網啦～～
玩到３點幾，同阿廖去亞斯理，搞手續，
參加亞斯理夏令足球盃２００５呀～
點知ｋｉｍ　ｓｉｒ又唔係果度喎．．．
是但拎張紙，填好晒ｄ人既資料，遲ｄ先俾ｋｉｍ　ｓｉｒ啦．．．
跟住上左小肥ｈｏｍｅ，玩左陣三國無雙．．．
佢地話踢波，其實我唔想踢，不過都去啦，唔係會好悶．．．
換衫，去到５人場，有老林果ｄ囉，
臭汗仲敢黎喎，仲同我地扮晒ｆｄ咁．．．
諗住請我地飲茶字典就當無事．．．　邊有咁著數丫～～
我地跟隊啦，已經無左輸要跑圈呢回事了．．．
我地都係咁ｗｉｎ～～　只係輸過１場而已．．．
不過小肥太多死扭，要改喇．．．　輸果場就係因為佢死扭．．．
之後咩獅子會隊長阿康都有一隊黎，同佢地鬥，點知又係因為小肥而輸．．．
唉．．．　又要係場邊餵蚊喇．．．
之後踢多２場就走ｌｕ．．．
今晚要早ｄ訓呀～　ｔｍｒ要去畢業典禮呀．．．

去沙咀道踢波～～

１１點起身，帶個妹去《新興》食早餐．．．
食完就玩電腦．．．　又係例牌，玩ｉｃｑ，上網咁啦．．．
借左２本書，都無乜心機睇，唉．．．
因為只係約到４個人踢波，所以揀左去沙咀道踢～～
得我、小肥、阿廖、金貓．．．
去到對黑柴佢地，拉埋ｄ唔知咩人，又落到鬼咁大雨喎．．．
好多積水，推唔到波，又斬唔起ｄ波喎．．．
輸左幾場，之後就俾人ｂｏｏｋ左場．．．
又另一面踢，同黑柴果ｄ一隊，對人地～～　有輸有贏咁啦．．．
因為我地人多，場場都要猜人走，不過我猜極都有份踢～～
人地都有ｄ茅，踢我後腳既．．．　爭ｄ　ｐｋ．．．
最後對阿廖ｄ　ｆｄ，佢地拉左屎忽痕打龍．．．
笑死我地，好似去到做「二五仔」，係咁俾波我地～～
最後我都入到波．．．　不過都唔係好掂．．．
因為都２、３日無郁過，無狀態．．．

買到飛喇！ 睇左《頭文字Ｄ》！

係大球場訓，５點幾醒左，就搬去前ｄ，同沙咀道果ｄ果堆一齊排，
係ｄ位度坐，聽住ｍｐ３，捱到８點，鋤多陣ｄｅｅ，
８：３０有得買喇，我地夾埋買左１０張．．．
搭地鐵返，原本諗住ｇｏ　ｈｏｍｅ，因為好眼訓．．．
不過見個個都仲有ｄ錢係身，就商議好去睇早場《頭文字Ｄ》！！
去葵芳睇，一去到就有！　正～～
好好睇，劇情好緊張，周杰倫好似好型咁，都有ｄ搞笑，
不過個收尾有ｄ交代唔晒咁，可能會有續集啦．．．
之後搭４３　ｇｏ　ｈｏｍｅ，一返到黎就ｓｌｅｅｐ．．．
夜晚７點起身，落三寶買野食．．．

ｏｒａｌ 會考！

成晚都係大球場呀，去到同阿廖＆小肥鋤ｄｅｅ，又聽ｍｐ３咁，
２點幾就訓，不過梗係訓唔到啦，塊地咁硬．．．
其實都係因為心掛掛，驚訓著左會俾人偷晒ｄ野．．．
閉著眼，等到５點幾，起身喇都係．．．
聽ｍｐ３，睇ｏｒａｌ果本野，都溫左ｄ啦．．．
８點幾，走ｌｕ，搭地鐵去旺角，去朗豪坊見仙跡岩．．．
到旺角都唔見阿聰，原來佢唔知醒．．．　我自己去先．．．
上到去就填ｆｏｒｍ，我唔記得帶相，之後佢就逐個見，
問埋ｄ我唔識既問題．．．　仙跡岩係咩黎架喎．．．
大佬，剩係知係賣野飲架咋．．．
另外問做店務員要有咩必要條件，我只係答要良好溝通技巧，落單準．．．
之後就話等通知．．．　睇黎機會都係好微喇．．．
搵番阿聰，同佢食早餐，好大雨呀，成對腳濕晒，對鞋入晒水．．．
食完就聽到掛左紅雨．．．　同阿聰ｈｅａ陣，佢就上去見，
見完就一齊返葵芳剪頭髮，剪到好短呀，好似無晒頭髮咁．．．
之後問阿聰借左＄２０，又陪佢買撈麵食，之後就去林士德換校服，
再搵埋魚子果ｄ，等佢地食埋ｌｕｎｃｈ就返學校練埋ｏｒａｌ．．．
返到去就玩左陣先，層層疊＆好似ｗａｒ　ｇａｍｅ咁既ｇａｍｅ．．．
之後練到４點走，好似練完都無再進步既空間咁．．．
去葵芳地鐵站會合椰汁糕＆阿蕭去試場．．．
係南昌站落車，行左陣商場，再一齊搭的士去大角咀．．．
去到就有少少怯場，不過過一陣就無野．．．
係ｗａｉｔｉｎｇ　ｒｏｏｍ等到第３輪先到我．．．
發揮得都幾好，ｒｏｌｅ　ｐｌａｙ　ｍｉｓｓ左一個ａｎｓｗｅｒ．．．
ｄｉｓｃｕｓｓｉｏｎ都已經盡量發言喇，可能緊緊合格啦．．．
會考全部完晒，放下心頭大石了．．．
之後一齊行去太子，搭地鐵走，返屋企食晚飯，
返過大球場，傾左陣就ｓｌｅｅｐ，因為太眼訓了．．．

ｏｒａｌ ｐｒａｃｔｉｃｅ

今日都係練ｏｒａｌ呀，９：３０返去．．．
去到有ｊｏｈｎ　ｗｏｎｇ，烏繩果ｄ，仲有ｍａｒｙ呀，又可以笑～～
之後魚子返，佢拎番張成績表俾我呀，仲請番我食朱古力，ｈａｈａ！！
考得都幾ｏｋ　ｌａ，全班２０呀！！全級４５囉．．．
ｍａｔｈｓ有ｄ可惜，９１分，不過全級第１０咋．．．　廢晒ｌｕ．．．
ｍａｒｙ話英文ｌｉｓｔｅｎｉｎｇ勁果ｄ係聰明人黎架喎～～
咪即係讚緊我囉，ｈａｈａ～～
做ｄｉｓｃｕｓｓｉｏｎ呀，一ｄ都唔掂，唉．．．
就連ｍａｒｙ都話對我無乜期望架喇．．．
做ｒｏｌｅ　ｐｌａｙ都ｏｋ既，
不過ｓｅｔ問題就成日轉錯ｄ　ｇｒａｍｍａｒ．．．
ｌｕｎｃｈ同梁勇、牛腩、魚子＆ｊｏｈｎ食ＫＦＣ，
不過魚子病喎，唔食得，就自己買包食．．．
再練過，ｄｉｓｃｕｓｓｉｏｎ，努力ｄ諗ｄ　ｐｏｉｎｔ，
不過都係唔識諗ｄ　ｒｅａｓｏｎｓ黎支持自己個ｐｏｉｎｔ．．．
之後俾多ｄ時間教我，ｍａｒｙ就話我有ｄ起色架喇．．．
比之前好好多喎．．．　其實自己知自己事啦．．．
之後梁勇要去考，但係又無遮，就拎左我把遮去．．．
咁我走果陣就焗住叫魚子遮埋我喇．．．
最後又係ｒｏｌｅ　ｐｌａｙ，好左好多喇，
講真，練左咁多次，真係有ｄ進步呀，有信心，無咁口疾喇～～
而家好有信心ｏｒａｌ合格呀！
同魚子走，鬼咁大雨喎，成身濕晒．．．
今晚同小肥＆阿廖去大球場排隊，買曼聯波飛．．．

古巨基 － 中箭

古巨基　－　中箭
曲：徐嘉良　詞：易家揚　編曲：涂惠元

歌詞：
　　　她恨下雨天　她酷愛古典樂
　　　她沈默寡言　她時常逛書店
　　　那一天她講了　丘比特常失手　愛情太危險
　　　她跟我約好了　讓彼此自由一點

　＊　我開始思念　和她的每一天
　　　聊了一整夜　說自己的從前
　　　忽然在心裡面　我隱約有一種　痛的感覺
　　　也許是我　被她命中了　我心中的缺

　＃　我猜是我中了箭　在遇上她第七天
　　　那一瞬間　我有些暈眩　像全世界　從此被偷走時間
　　　我中了愛情的箭　很痛但是心很甜
　　　我躲不開　也不想避免　她沒發現　卻在我身上應驗
　　　我中了一箭

　ｒｅｐｅａｔ　＊　＃　＃

練ｏｒａｌ ＋ 踢波

　　　　　家姐生日快樂～～

７：４５起身，同家姐食早餐，搭３４返學校練ｏｒａｌ．．．
又話９點開始，等我仲驚遲到ｔｉｍ．．．
我早到，等到９：１５，仲要上左５０１室先見到有人．．．（多得波波咋）
得我１個返左，佢叫我睇左ｎｏｔｅｓ先，等埋其他人喎．．．
邊睇邊等，差唔多１０點都未有人返．．．
開始住ｒｏｌｅ　ｐｌａｙ先，我太差了，
要ｍａｒｙ係咁教ｄ低級野．．．
之後有人返喇～～　ｓａｍ，牛腩，梁勇，ａｆｒａｉｄ．．．
同梁勇係咁搞ｇａｇ，笑ｍａｒｙ，鬥講笑，正！！
正經試ｒｏｌｅ　ｐｌａｙ　＆　ｄｉｓｃｕｓｓｉｏｎ，
唉，英文不嬲都曳，講到口疾疾咁，總之唔掂啦．．．
不過發覺呢個＄１００既真係教得好過上次＄５果個！！
上次果個都唔係教，係話，今次真係肯教！！
ｌｕｎｃｈ，同梁勇＆牛腩去大快活．．．
食完又黎，趁佢地未返，我地校好晒時間，收埋ｄ　ｔｉｍｅｒ！！
之後我地練練下ｄｉｓｃｕｓｓｉｏｎ，ｄ　ｔｉｍｅｒ係咁響，好搞笑～～
我地仲玩暗號，佢地完全唔知我地做緊乜，笑死！！
練到４點走，陪梁勇買燒碟機＆睇裙，之後ｇｏ　ｈｏｍｅ．．．
因為家姐生日，有蛋糕食！　正！　食左一件就去踢波～～
同家俊＆小肥去林士德，約左樹熊果ｄ．．．
ｄ人唔勁，我地攻多過守，贏左幾球～～
今日我ｄ射門唔係好掂，無１球中龍．．．　唉．．．
可能因為好多日無踢大場啦．．．
最後家誠輸左球白痴波，小肥地波回傳，佢控唔到，漏左，碌左入網．．．
人地ｂｏｏｋ左場，加上ｒａｉｎｉｎｇ，佢地走ｌｕ，
我地同頭丞＆明仔去新都會果面個場繼續踢，
因為爭一個，我地拉左個阿叉，好似幾勁，
同一隊淺粉紅色既鬥，人地應該好勁，我地明顯無攻勢．．．
人地踢得好埋身，波都未控定就俾人搶左，跟住俾人射多幾腳，就入左，
之後因為２面都有勁人跟隊，我地無奈咁走囉．．．
好野，有三寶食～　正！！

打機 ＋ 借書

痴線架．．．　９點都未夠，梁勇打黎噪醒我，
仲要講埋ｄ無聊野，話自己無短袖校服．．．　我頂．．．
之後就訓唔番喇，個天仲要行雷，仲要行到鬼咁大聲．．．
打電腦，ｙａｈｏｏ桌球，ｉｃｑ咁．．．
等到無咁大雨先落去，仲要順手幫個妹入數．．．
去三寶買左２個包食就算．．．
食完又打過機，玩左陣就打ｗｉｎｎｉｎｇ喇，
打到３點幾，等到家姐搞點晒，就一齊出荃灣ｌｕ～～
同佢去左睇電話先，睇左好多０機價，佢都話唔ａｒｍ．．．
跟住我就去圖書館，搵左２本關於電腦既書，家姐幫我借．．．
終於唔使日日悶，有得自我增值喇～～
今晚無聊，睇《秀才遇著兵》大結局，都係有ｄ白痴．．．

踢完波去游水～～

因為前２日無訓過好覺，今朝１２點半先醒囉．．．
就開電腦玩，同人ｉｃｑ左一陣，睇係ｍａｎｄｙ　ｄ消息．．．
已經差唔多２點，先至去食早餐．．．
行行下見到老林，佢叫我踢波，叫我約阿廖果ｄ．．．
都唔知食乜好，係咁行，行到美心，都覺得ｄ野唔ａｒｍ食．．．
橫掂都係，上埋百佳睇，ｄ壽司都好貴．．．
買左２枝野飲就算．．．　返集興買烏冬食．．．
食完，差唔多４點先去５人場，無人喎．．．
原來阿廖、小肥、家俊都係阿波羅．．．
等到４：３０先上返去，有人喇～～
鬥波，輸左又要跑圈，我地超勁呀！！　無輸過！！
跟住一輸左，佢地就去左亞斯理報名參加比賽，我地都跟埋去～～
去到佢地搞ｄ野，我地就飲ｄ水＆玩ｄ跑步機＆睇「多啦Ａ夢」．．．
返番上５人場，又鬥過，又係狂ｗｉｎ！！　ｈａｈａ～～
最後都係要輸番場，我地就跑１個圈，之後返屋企換衫．．．
７點半一齊去游水，去之前落三寶買野食．．．
家俊買豬扒食，人地找錯錢，佢俾人呃左＄３，ｈａｈａ～～
去到我拎上年果張學生證出黎，點知真係過到骨喎～～　ｈｅｈｅ～～
去外面個池玩，無咩人，不過見到個大約２０歲既女仔著３點式．．．
亂咁游下，玩下滑梯，搞下ｇａｇ咁．．．
ｈｅａ到得番１５分鐘就走，諗住去食野．．．
行到津味，打了烊．．．　去到金貓間ｍ記，又唔想食果ｄ野．．．
去左稻草人＆江戶前果度睇，又覺得貴．．．
我提議去龍記，就帶左佢地去福來村，去到又話無晒飯喎．．．
頂，家俊頂唔順，自己搭巴士走左ｌｕ．．．
我地繼續行，入左愉景，ｄ鋪頭又收晒喇喎．．．
去返地鐵站果邊，是但入左間野度食．．．
食完唔飽，去返金貓果間ｍ記買多個包食．．．
食完又行返屋企．．．　返到已經係１１：４５喇．．．

暴龍講見証呀！！！

今朝又８點醒左ｌｕ．．．　好唔掂呀．．．
同阿妹帶舅母＆表姐搭巴士去阿公度．．．　之後同個妹搭返黎．．．
去鋪頭拉埋家姐茶樓，搵埋爺爺一齊飲茶～～
不過我食唔落野，只係叫左菜肉包．．．
本來去睇ｍａｎｄｙ活動架，但係暴龍誠意打動下，去左睇佢做見証．．．
１點去英皇，阿迪同ｌｉｕｗａｙ　１：３５先到．．．
仲要一ｄ悔意都無，好似奉旨遲到咁！！
等齊人就去楊屋道體育館ｌｕ．．．　阿聰都到左～～
去到唱左陣歌，就玩遊戲，「誰是拉登」、「扑傻瓜」，好搞笑！！
關湲明講見証，原來佢因為神而變到無咁自我，變到關顧別人～～
睇短話劇，潘廷做主角喎！！　好搞笑！！
暴龍做配角，又係好搞笑，扮驚，之後仲走晒音，笑死！！
睇完，到暴龍講見証，佢既家庭背景原來同我都有ｄ似．．．
不過佢真係比我懂事好多！！　佢有個好好既媽咪！！
之後就俾時間我地自省過錯，寫低，
有專人會為我地祈禱，求神赦免我地既罪．．．
完ｌｕ，有紀念品，十字架鎖匙扣＆朱古力～～
一齊行去愉景新城「滋味街」食野，
又係果ｄ叉燒瀨，不過今次食左２碗，因為肚餓．．．
食完就搵地方做小組活動，我帶隊去左愉景屋苑入面個花園．．．
玩ｗａｒ　ｇａｍｅ喎，分２隊，１隊攻１隊守，
攻果隊掂到目標物就ｗｉｎ，守果隊就要守住唔俾人掂．．．
我地隊做守先，之後跑到一面唔乾既地下，咁就跣到．．．
膝頭流晒血了，但係又覺得唔係好痛咋喎．．．
玩到７點就同暴龍行返黎大窩口ｌｕ．．．

今日分享既一篇文章．．．

在某一個晚上，我造了一個夢，
夢見我和主漫步沙灘，又看見我一生的每一個片段在空中掠過，
每一個片段裡面，我都看見沙上有兩對足印，一對是我的，另一對是主的，
當我看過最後一個片段之後，我再回頭一望沙上的足印，
怎料我發現在我最低沉和難過的時候，沙上只有一對足印。
由於我很困惑，所以我質問主：「主啊！你曾經應許過，
當我立志跟從你，你就會一生一世與我同行。
但我發現在我最反受困惑的時候，沙上只有一對足印，
我不明白為什麼當我最需要你時候，你卻偏偏離我而去。」
主是這樣的回答：「我所寶貝孩子，我愛你，
我絕對不會在你受痛苦和被試煉時候，而離開你，
當你看見沙上只有一對足印的時候，其實我是背著你．．．．．．」

眼訓．．．

今朝８點半就俾人噪醒左，因為做廳長．．．
同舅母佢地去茶餐廳食早餐，不過佢地飲唔慣奶茶喎．．．
之後就返左屋企，睇電視，打電腦．．．
阿公黎左，黎到睇馬仔．．．
差唔多３點，佢地都餓，就去美心拎２打西餅．．．
食完，阿媽話帶佢地出去旺角、尖沙咀果ｄ行喎，
我都想去架，但係唔夠訓，係ｈｏｍｅ訓覺算喇．．．
阿打黎問踢唔踢波，眼訓，唔去喇．．．
打左陣機，就聽住ＪＳ黎訓．．．
阿媽好煩，隔幾個字就打返黎，問埋ｄ無聊野，阻住我訓覺．．．
無覺好訓既情況下ｈｅａ到８點，
等埋爺爺沖涼，一齊去平台大排檔食晚飯．．．
去到阿媽搵到張細細地既檯．．．　８個人喎．．．　焗住坐．．．
佢地返到黎，原來出去影左ｄ相，舅母去買花膠，
仲爭ｄ好似警訊講果ｄ咁俾人呃，最後佢地都無俾人呃到．．．
食完就ｇｏ　ｈｏｍｅ，睇黎要做多晚廳長．．．
聽日７點起身，帶佢地去阿公度飲早茶．．．

舅母＆表姐黎左 ＋ 踢波

今朝１１點起身，得到一個消息：舅母＆表姐＆阿公阿婆黎．．．
自己去食早餐，食完就聽歌＆打機，１點佢地黎到．．．
又去食野喎．．．　搞錯！？上一餐都未落格．．．
去「金輪」飲茶，叫左好多野，又要夾硬食喎．．．
亞斯理終於又有波踢喇～～　我叫阿廖叫埋ｄ人去．．．
去到，落微雨，夾埋晒，拉多４個細路先夠１２個人．．．
鬥波，唔多想郁，４日無踢過，有ｄ辛苦．．．
去左買野飲，見到老林果ｄ，就決定去５人場～～
亞斯理果ｄ都走人ｌｕ．．．　６點就走晒．．．
去到５人場，跟隊鬥波，輸左要跑圈喎．．．
我地第１場輸左．．．　跑左１個圈．．．　（實際上係行左１個圈）
第２場開始，場場都ｗｉｎ，有１隊唔識既，我地都ｗｉｎ佢地～～
踢到差唔多８點，輸左，不過都走ｌｕ，所以唔跑．．．
又出街食飯，又係「金輪」．．．　可惡丫．．．
叫左８碟野，無碟似樣既．．．
龍蝦又多殼，ｄ雞又好似隔夜咁．．．　總之無啖好食啦．．．
波波拎番ｄ碟俾我喇～～　ｔｈａｎｋｓ～～
今晚要做廳長，打地鋪，希望無蟑螂陪我啦．．．

悶到嘔喇．．

嘩．．．今日悶到丫．．．
又落雨喇．．．　無得去踢波．．．幾日無踢喇．．．
食完早餐就同小肥玩ｙａｈｏｏ桌球．．．
（你話係咪悶到離譜丫．．．）
玩完就拎空碟俾波波，幫我燒ｄ相入去，同埋ＪＳ既歌．．．
（我都唔支持翻版架，但係搵左咁耐都搵唔到佢的ｃｄ呀！！）
跟住打下機，聽下歌，睇下ｍｔｖ台咁．．．
ｈｅａ到７點，總之好悶．．．
悶到就黎日記都唔想打喇，點算呀？
工又無得返，日日愣係屋企．．．
要搵多ｄ野做下先得！！

石康軍 － 黑夜過後

石康軍　－　黑夜過後

歌詞：

＊　我是說真的　妳如果累了　別猶豫　隨時都　能來找我
　　我不善言語　但願意陪妳　讓妳至少不孤單　渡過難眠的夜晚
　　不管夜多漫長　天終究會明亮

＃　黑夜過後第一道陽光　是為了融化妳心中的霜
　　鬧過哭過　當力氣全耗光　發現妳不過又愛了一場
　　黑夜過後另一個早上　是最後一次和她說晚安
　　妳要相信　妳比想像勇敢　逃離夜的捆綁　奔向日出的方向

　　ｒｅｐｅａｔ　＊　＃　＃

　　像夜會過　天終究會再亮

去荷蘭豆ｈｏｍｅ玩ａｇａｉｎ～

又可以去荷蘭豆ｈｏｍｅ玩ｌｕ～～
今日本來係諗住去踩單車架，諗住落雨都照去！！
本來以為ｓｔａｎｌｅｙ會趕到，點知佢１２點都未黎．．．
因為ｂｏｏｋ左場，３點至５點打羽毛球，
如果去踩，３點前就趕唔到返黎，ｓｏ．．．
無打ｐｓ２，打世嘉，三國果ｄ舊式街機，正！！
又玩下電腦咁，叫波波ｓｅｎｄ左ｄ歌俾我，
ＪＳ成隻碟的歌，推介，荷蘭豆話想聽下，ｓｏ．．．
玩到２：３０落「滋味街」食野，＄２８食日式飯，麻麻地啦．．．
三點去到會所打波，阿聰都黎埋，２ｖｓ２，５分輪流～～
ｄｉｃｋｙ成日虛攻，成日都唔成功．．．　仲自稱「羽毛球王子」．．．
邊個拍住佢打，都無乜機會會贏．．．
打到５點，讓返個場出黎俾人打ｌｕ．．．
荷蘭豆ｇｏ　ｈｏｍｅ，我地幾個上機鋪見識下．．．
睇人打太鼓，條友屈機，最難果關都有９５％中喎．．．
有１關爭１粒星就爆，佢打到９９％．．．　死癲佬丫．．．
周圍行下，睇下，ｄｉｃｋｙ有事走先，
梁勇又玩，佢話想打鼓，人地玩難度１２、１３粒星，佢玩得４、５粒．．．
仲要得８０幾％既命中率．．．
之後行去荃豐，睇下有無新ｇａｍｅ，買左＄５　３包既撈麵，
ｔｈｅｎ　ｇｏ　ｈｏｍｅ．．．

甚麼是愛情？甚麼是婚姻？

甚麼是愛情？

柏拉圖有一天問老師蘇格拉底甚麼是愛情？
蘇格拉底叫他到麥田走一次，要不回頭地走，
在途中要摘一棵最大最好的麥穗，但只可以摘一次，
柏拉圖覺得很容易，充滿信心地出去，
誰知過了半天他仍沒有回去，最後，他垂頭喪氣出現在老師跟前，
訴說空手而回的原因：很難得看見一株看似不錯的，
卻不知是不是最好，不得已，因為只可以摘一株，只好放棄，
再看看有沒有更好的，到發現已經走到盡頭時，
才驚覺手上一棵麥穗也沒有．．．

這時，蘇格拉底告訴他：那就是愛情！


甚麼是婚姻？

柏拉圖有一天問又老師蘇格拉底甚麼是婚姻，
蘇格拉底叫他到杉樹林走一次，要不回頭地走。
在途中要取一棵最好、最適合用來當聖誕樹用的樹材，但只可以取一次。
柏拉圖有了上回的教訓，充滿信心地出去。
半天之後，他一身疲憊地拖了一棵看起來直挺、翠綠，卻有點稀疏的杉樹。
蘇格拉底問他：這就是最好的樹材嗎？
柏拉圖回答老師：因為只可以取一棵，好不容易看見一棵看似不錯的，
又發現時間、體力已經快不夠用了，
也不管是不是最好的，所以就拿回來了．．．

這時，蘇格拉底告訴他：那就是婚姻！！

都係咁無聊．．．

１０點幾醒左，打機，１２點幾自己去茶餐廳食早餐．．．
食完就上網同人捉象棋，好好玩～～　可能太耐無玩的關係啦．．．
之後又打ｗｉｎｎｉｎｇ，就快成個星期無打ｌｕ．．．
又要接個妹放學，次次接佢都係落住雨既．．．
又要帶佢買飯食，麻煩．．．
同佢行到成身濕晒咁滯，尤其是對腳呀．．．
跟住睇電視，有線１４台，睇ｍｔｖ．．．
之後又聽歌，都係ＪＳ，真係百聽不厭！！
晚飯，屈阿媽叫ｐｉｚｚａ　ｈｕｔ食，ｈａｈａ～～
落去買空碟，聽日俾波波幫我燒ｄ相，
同埋燒ＪＳ既歌，因為搵左咁耐都買唔到佢的碟．．．


　↑ｋｒｕｓｔｙ個ｊａｎ呀，靚唔靚呀？

好無聊．．．

尋日點幾先訓，１２點半先識醒．．．
早餐都唔落去買，係ｈｏｍｅ自己煮麵食．．．
食完都無諗過再去搵工，係ｈｏｍｅ打機，ｈｅａ．．．
打到３點幾，個頭有ｄ痛，無理佢．．．
ｈｅａ到５點，頭痛難當，食粒必理痛，跟住ｓｌｅｅｐ．．．
８點半起身，無咩事，食晚飯．．．
無啖好食，因為爺爺返左大陸，
阿媽淨係識煮ｄ我地唔鍾意既野食．．．
食完睇電視，《秀才遇著兵》真係好白痴．．．
跟住又打ｐｓ２，應該又係點幾先訓．．．

（ｋｒｕｓｔｙ入面個ｊａｎ太靚喇～～　
　有少少鍾意左佢ｔｉｍ．．．）


　↑個拾義妹好搞笑～～

睇ｍａｎｄｙ ＋ 踢波

７點起左身，去海濱踢波，江生叫我去跟操．．．
去到都係幫下手咁，無鬥到波，只係射波，好慘呀．．．
返到黎就去奧海城睇ｍａｎｄｙ，
約１２：１５，我１１：３０就到左，唯有自己行下商場先．．．
之後力哥黎左，等到齊人就去企．．．　個ｓｈｏｗ　２點先開始．．．
好多星呀，巨基、千嬅、ｋｅｎｎｙ、方力申．．．
到ｍａｎｄｙ黎都差唔多１：３０，我都有份舉牌呀．．．
仲要係同力哥舉最大的「雅文」２個字．．．
ｍａｎｄｙ見到我地呀，仲同我地揮手呀～～
佢同阿ｄｏｎ上台合唱《我蠢我認》，
ｄ　ｆａｎｓ（除了我）又大叫，又唱埋一份，不過好搞笑～～
佢地唱完就走ｌｕ，有個ｆａｎｓ想送個親手既的蛋糕俾ｍａｎｄｙ架，
不過ｍａｎｄｙ走左，要麻煩力哥拎去太子俾ｍａｎｄｙ的爸爸．．．
跟住我返大窩口踢波，不過又無人，去葵芳踢，
去到有班唔勁又ｏｋ茅既同我地踢，有贏有輸啦．．．
之後阿叉果班又黎左，仲有班阿廖樓下踢開果ｄ，跟住鬥波，
格食格，我地輸俾阿叉，阿叉輸俾雞場陀地，陀地又輸番俾我地．．．
踢到７點幾，陀地果班贏到我地喇，咁我地就搭的士走ｌｕ．．．

踢波（雞場 → 林士德）

今日係端午節，不過無去游水，都係揀左去踢波．．．
朝早起身睇電視ｄ爬龍舟．．．　好似ｄ無聊阿伯咁．．．
１點上雞場，ｒａｕｌ果ｄ約左踢波，去到好曬，
等左好耐先６打６，我踢左２分，ｄ人就話走，好似無踢過咁．．．
同阿廖、家俊落林士德，李炳果ｄ有人踢喎．．．
去到真係有好多人，有幾個係李賢堯Ａ　ｇｒａｄｅ校隊，
識左２個，１３號叫阿峰，１５號叫阿健．．．
阿健個樣睇落都幾似阿ｄｏｎ喎．．．
鬥波，有３隊咁多，我同埋阿峰、阿健果ｄ一隊，同ｄ人都唔熟．．．
不過踢落都ｏｋ，長勝，係踢到累先輸．．．　我有入波，唔靚既．．．
之後同番自己人１隊，得５個，又拉埋阿峰、阿健，
勁野，幾好踢，係後防有ｄ散，但係攻勢好流暢，贏左幾場～～
踢到佢地２個走，李惠利果ｄ又黎，拉左我同阿廖２個對ｄ阿叔．．．
都唔係咋，我地入波先，靠我斬ｄ靚既過頭波咋～～
之後果分我又打左前，都唔係咁ａｒｍ踢，最後輸左，就走ｌｕ，
７：００，搭的士ｇｏ　ｈｏｍｅ，因為要食晚飯做節呀～～

數數圖中，究竟有幾多人？　１２　ｏｒ　１３？

無波踢，去林士德睇波．．．

今日１２點半先起身，爺爺就同我講話返大陸．．．
之後爺爺就走左ｌｕ，我自己去買飯盒食．．．
食完又係打機，打到５點幾．．．
６點去踢波，大窩口，得４個人．．．
同奧雲搞埋ｍ記青訓的申請表，
點知佢唔記得黐埋張入數紙入去喎．．．
行上去雞場，無人，行落下面個５人場，又無人．．．
最後行到林士德，睇波，
２面都ｂｏｏｋ晒場鬥波，
好睇，有面藍衫ｖｓ紅衫，藍衫勁得滯，屈左好多球．．．
紅衫最後都破到蛋，不過都輸得好肉酸下．．．
另一面橙衫ｖｓ綠衫，２面實力差唔多，
好緊張，２面輪流攻下又守下咁，最後打成１：１，
互射９碼，橙衫幾好波果個１０號中柱．．．
綠衫３球入晒，射９碼贏３：１．．．
跟住同小肥＆阿廖搭４３　ｇｏ　ｈｏｍｅ．．．

ＪＳ － 遇見未來

ＪＳ　－　遇見未來
作詞：姚若龍　作曲：陳忠義　編曲：鍾興民／陳忠義

　　曾經愛過一個人　讓心破了不完整　再給的愛都少了靈魂
　　我只好把青春　變成偏僻小鎮　寂靜無聲　拒絕探問

　　你沒用力的敲門　卻像守候的路燈　點亮著溫柔在等
　　當了解的越深　感覺悄悄重生　你用認真　讓我的心回溫

＊　最絕望時遇見你　裹著晨曦還是懷疑　那麼長的黑夜真的已過去
　　最絕望時遇見你　又換了顆會跳的心　愛從雪地開出了花比春天　美麗

　　你安慰過的傷痕　化作遙遠的星辰　淡淡的不帶愛恨
　　幸福是兩個人　把愛變成信任　不轉過身　只看前方路程

　　ｒｅｐｅａｔ ＊

　　我原本再也不期待　有什麼美好會到來
　　忘了悲哀　忘了過得愉快　只平靜的走　卻碰到愛

　　ｒｅｐｅａｔ ＊

　　Ｙｏｕ’ｒｅ　ｔｈｅ　ｏｎｌｙ　ｏｎｅ　　　Ｏｎｌｙ　ｏｎｅ
　　Ｙｏｕ　ｍａｋｅ　ａｌｌ　ｍｙ　ｄｒｅａｍｓ　ｃｏｍｅ　ｔｒｕｅ
　　遇見你讓告別的愛像為了　等你

踢波呀～ 入４球～

今朝特登叫爺爺叫醒我一齊去飲茶，因為好耐無去過喇．．．
可以食番好鍾意食既蝦餃！！　正！！
食完去舖頭幫手，因為家姐今日要去考ｏｒａｌ．．．
之後ｇｏ　ｈｏｍｅ打機～～
裝到ｊａｖａ喇，可以ｙａｈｏｏ桌球　＆　網上對奕了！！
玩下，ｈｅａ下，３點半，落住雨，去接個妹放學．．．
跟住又帶佢去舖頭拎野食～～　我都拎左２串牛雜～～　ｈａ～～
食完，又ｈｅａ，等到６點幾去林士德踢波～～
去到得阿ｄｅｅ一個．．．　成班友７：１５先到．．．
跟住鬥波，ｄ人都唔勁．．．　話咁易就過到～～
贏左４球呀～～　我入左２球！！　仲要都幾靚～～
第１球，我係後搶到個波就係咁爆，到禁區頂射遠柱地波死角入～～
第２球，又係我搶到，今次係推到中場就遠射，曲墜遠柱入～～
ｂｏｏｋ左場，新都會果邊都係，ｈｅａ左陣，決定轉去大窩口踢～～
因為我地有１０個，之後我猜輸左，無份踢．．．
佢地贏左全完ｆｏｒｍ　７果ｄ，之後對ｓｕｎｎｙ　ｄ　ｆｄ．．．
佢地唔夠人，ｕ記幫佢，之後又換左我，跟住就食左龍哥一腳．．．
贏左，佢地又夠番７個，我又無得踢．．．
全完果班又輸，到番我地，我又踢，點知又入波，射入ｓｕｎｎｙ！！
對番全完果班，又係我入波，地波拉西，過左後衛大細，死角入～～
又對番ｓｕｎｎｙ佢地，今次好難踢，ｓｕｎｎｙ出左黎，
鬥到難分難解，個幾鐘都有，人地好多中龍射門，家誠全部瓦解晒！
我地都有阿冼射中柱，明仔幾個射門撻Ｑ．．．
最後，我地無晒氣，我都無回防，就俾人猜入左．．．
走，同阿廖去７－１１買中杯飲，之後ｇｏ　ｈｏｍｅ．．．　累．．．

又去荷蘭豆屋企玩～～

今日，又可以去荷蘭豆ｈｏｍｅ玩ｌｕ～～
ｄｉｃｋｙ約我１０點等，我已經１０：２５到架啦，都唔見佢出現．．．
我同梁勇自己上去，同俊明３個玩住ｐｓ２先～～
ＧＴ４，唔識控制，亂撞，都幾好玩～～
我肚餓，所以叫ｐｉｚｚａ　ｈｕｔ　ａｇａｉｎ～～　正死了！！
ｐｉｚｚａ　ｈｕｔ到左，ｄｉｃｋｙ都仲未到．．．
食左１半，佢同ｌｉｕｗａｙ先至到，已經係中午１２點喇．．．
食完就玩ｗｉｎｎｉｎｇ　８，我梗係贏晒啦．．．
跟住ｐａｔｒｉｃｋ都有黎，就玩《鐵拳》！！
好好玩，不過俾梁勇係咁屈機．．．
我地全部唔識，全部都亂按，亂出招，都好搞笑～～
玩到咁上下我都悶，就玩象棋，因為太耐無捉過喇．．．
贏ｐａｔｒｉｃｋ　２舖，都贏俊明２舖呀～～
梁勇驚輸左會俾我串，所以唔肯捉喎．．．
７點同梁勇走，陪佢行去荃豐買ｐｓ２記憶咭．．．　跟住返屋企．．．

第３日搵工．．．

搵左幾日工都好似無乜進展．．．

幾個原因：
１．　因為只請長工
２．　唔請暑期工
３．　今年畢業生唔考慮
４．　唔ａｒｍ做（做的話踢唔到波．．．）

今日同ｕ記出多最後一次荃灣搵工，
目標直指食肆／茶餐廳！！　一係做樓面，一係做外賣．．．
１點出去，好似早得滯，驚多人食飯，阻住ｄ人做野，
所以就行左陣街，順手睇定幾間先～～
睇左２、３間ａｒｍ做，就入去見，
去左１間茶餐廳，寫低左ｄ聯絡方法＆期望待遇，遲ｄ通知喎．．．
去埋附近的《八麵玲瓏》，填ｆｏｒｍ，１星期內覆喎．．．
入千色店行左陣，去間ＣＤ舖睇，問埋都無ＪＳ的碟．．．
去《北京拉麵店》食下午茶，＄１３．２咋～～
食完就一路行，去左荃灣廣場果面都再無ａｒｍ的工．．．
搭４３巴士ｇｏ　ｈｏｍｅ，之後打機．．．
魚子無啦啦打黎，問我做乜講佢同波波喎．．．
（講真果次我地葵芳鬥波果ｄ都見到你地２個做乜啦．．．）
我張成績表去左佢手．．．

今日玩的一個心理測驗的結果：
《你的魅力來自於直接、不做作》
你是個很有個性的人，凡事有自己的一套想法，
對事情的好惡表達直接，不會優柔寡斷，也不會矯揉做作。
你對朋友好惡分明，朋友對你也好惡分明。
雖然可能有人不欣賞你，可是也不缺欣賞你的異性追求者。
要注意的地方就是謹言三思而後行。
交一個朋友很難，卻很容易因為一句話就失去一個朋友。

邊個係「欣賞我的異性追求者」？　快ｄ同我講啦～～

搵工 ＋ 踢波．．．

今朝食完早餐，就順手去青協，拎ｍ記青訓果ｄ申請表．．．
之後都係去搵工，不過今日係同暴龍一齊．．．
特登去睇吉之島請唔請先，ｂｕｔ一去到就話唔請今年畢業生．．．
跟住係附近打左個白鴿轉，行過ｄ茶餐廳門口，
想入去見但又無乜膽，因為話明請熟手．．．
上返勞工處，抄低左ｄ電話＆電郵，試下問問啦．．．
跟住就返屋企換衫，約左學校ｄ人踢波～～
約就約６點，差唔多７點先見人．．．
等果陣睇左陣波，ｄ阿叔係林士德賭汽水，
好好睇，有ｄ勁好腳法，仲有球係一控即刻轉身抽死角入．．．
今日連阿冼（龍哥個ｆｄ）都有黎．．．
我一直覺得佢好勁架，龍哥就話係虛火黎架喎．．．
之後同人地鬥波，我地贏好多，輸少少咋～～
我都入左２、３球，有球係阿冼大腳斬入禁區，我入楔得好靚形成單刀！
踢到咁上下，葵芳＆林士德４個場都俾人ｂｏｏｋ晒．．．
上左中葵踢，４打４，踢到１０點幾ｇｏ　ｈｏｍｅ　ｌｕ．．．

搵工，無收穫．．．

今朝１０點已經醒左，ｈｅａ到１２點先去食早餐，
去左新興食，仲見到小肥成家都去果度食．．．
食完約埋ｕ記＆阿聰一齊去荃灣搵工．．．
去左千色店睇，無一間請人咁滯．．．
上左綠楊新村的百佳問，經理話得番清潔工．．．
到左南豐果面，都係無乜舖頭請人．．．
走左去勞工處，睇ａｒｍ幾份工，打電話去問，
阿聰打去間茶餐廳問係咪請人，果個人問幾多歲，阿聰答１７，
果個人話：「份工唔係幾ａｒｍ你．．．」跟住收左線．．．
我打去問有無倉務／跟車做，但係無人聽，可能星期日放假啦，
之後去愉景新城果邊睇，入惠康睇，又無話請人，又見唔到明仔．．．
食左下午茶先，又係果ｄ　＄１２既叉燒瀨．．．
上左３樓睇ｇｕｎｄａｍ，應該花左好多＄去整．．．
睇晒都無話請人，有ｄ又唔請暑期工喎．．．
行去力生，ｕ記跣親．．．　不過無乜事，只係俾ｄ人側目．．．
經過７－１１買雪條食，行去沙咀道球場，
見到有個人著我地件粉紅色波衫，１０號，但又唔係奧雲喎．．．
到左荃灣廣場，諗住見吉之島，見工時間只限星期１－６，
聽日去過，之後行晒，有個結論：ｓａｌｅｓ無得做．．．
聽日開始要向飲食業果ｄ埋手ｌｕ．．．

踢波＋踢波＋返教會＋唔見電話

６點就起左身，約左荷蘭豆去青衣公園同子彈一齊踢波．．．
去左青衣城，等到７點都唔見荷蘭豆，自己去左青衣公園先．．．
去到又見唔到子彈．．．　自己又無帶波．．．
等左一陣荷蘭豆黎左，佢帶左波黎，就射住波先～～
過一陣，人地鬥波，我地就係場邊猜波，子彈差唔多７點半先到．．．
跟住就鬥波，ｄ人都唔係好勁．．．　連自己友都係．．．
踢到８點，我地贏２球，我有球用後腳助攻呀～～
之後ｂｏｏｋ左場，精英足球邀請賽，小學黎既．．．
無波踢，去左食早餐，跟住就返番屋企打機喇．．．
一早約左江生踢波架，雖然落雨，但都照踢，
２點幾去到，因為無乜人去，得１０個，就５打５，
完全係挑戰體能極限，因為個場好大，仲要只可以係小禁區射波．．．
我都可以入到幾球，算幾好啦，因為個個都怕跣腳，得我一個人肯跑．．．
抖一陣之後又踢過，今次５打６，係我地５．．．
已經唔夠人架啦，家俊仲要唔肯跑，波都唔肯追，我地就走到死咁滯，
跑到好辛苦，但係都係輸．．．　不過我地都入到波，唔會輸晒．．．
４點幾ｇｏ　ｈｏｍｅ換衫，同暴龍返教會．．．（連祖記對傑志都唔睇！）
去到又係聽佢講道理，將個電話校做無聲，費事噪住佢啦．．．
今次又有ｄ講得幾ａｒｍ聽，係講做領袖既，
點樣去帶動一個群體，原來只要有好的品格就得，
其中有４種必須的品格：順服、積極、忠誠、聖潔
聽完就搭的士去翠豐臺玩小組活動，點知落車先知跌左個電話係車度．．．
打過去，個司機應該都聽唔到，因為未校番做有聲．．．
無晒計，小組住先啦，唱歌，之後玩「我係死傻仔」，我輸左４次．．．
跟住入房，分享呢個期內的騎呢野，ｆａｎｎｙ真係好騎呢，
去溜冰果陣去摸ｄ　ｆｄ屎忽，點知認錯左第２個人．．．
之後打去我個電話試多次，終於有人聽喇，個司機執到呀～～
佢真係好有心，出左深水埗果面，都車番過黎俾番我～～　ｔｈａｎｋｓ！
小組完就去龍記食飯，有得睇返場波的精華！　正！
祖記好似讓人咁，下半場放軟晒手腳，俾傑志追番２比２．．．
１２碼戰又係講運，強隊黎親都係輸俾傑志，今次都唔例外．．．
１１點幾同暴龍、小玉走，行到咁上下得返我同小玉２個．．．

徐若瑄 － 愛笑的眼睛

　　如果不是　那鏡子　不想你　不藏秘密
　　我還不肯相信　沒有你　我的笑　更美麗
　　那天聽你在　電話裡　略帶抱歉的關心
　　我嘟的一聲　切的比　你說分手　徹底

＊　淚濕的衣　洗乾淨　陽光裡　曬乾回憶
　　折好了傷心　明天起　只和快樂出去
　　這愛的城市雖然擁擠　如果真的遇見你
　　你不必訝異　我的笑　她無法代替

　　離開你我才發現自己　那愛笑的眼睛
　　流過淚　像躲不過的暴風雨　淋濕的昨天刪去
　　離開你我才找回自己　那愛笑的眼睛
　　再見愛情　我一定讓自己　讓自己決定

　　ｒｅｐｅａｔ　＊

　　離開你我才發現自己　那愛笑的眼睛
　　流了淚　當一個人看舊電影　是我不小心而已
　　離開你我才找回自己　那愛笑的眼睛
　　再見到你　我一定讓自己　讓自己堅定

　　離開你我才發現自己　那愛笑的眼睛
　　流過淚　像躲不過的暴風雨　淋濕的昨天忘記
　　離開你我才找回自己　那愛笑的眼睛
　　再見愛情　我一定讓自己　讓自己堅定
　　再見到你　我一定讓自己　假裝很堅定

出ｃａｍｐ ｌｕ．．．

今朝差唔多８點半先醒，一起身就沖涼先！！同埋刷牙．．．
沖完得番十分鐘食早餐的時間，拿拿聲跑去飯堂！！
有火腿通粉　＆　腸仔　＆　春卷，正呀～～
食完就等到１０點去玩ｇａｍｅ，射箭　＆　爬繩網～～
我揀射箭，第１次玩咋，都要用幾大力架，要輪流玩，
每次要射４／５支，射左３次，都有幾支射中個靶，算幾好啦～～
之後趁有時間剩，去埋爬繩網！！
開頭都唔係好掂，爬繩梯都搞到震震下．．．
有１關我覺得好難，要企係ｄ無蹬直的繩上面過，
好彩有家和拉住我ｄ重心腳咋，唔係的話一定過唔到．．．
另外有１關係要爬過得２條打交叉的繩，仲要掂唔到中間個車胎．．．
係中途停左陣，諗左點去平衡，慢慢過，卒之俾我征服左！！ｙｅａｈ！！
ｌａｓｔ係坐用繩＆車胎整成的吊車，好刺激！！　但係就一身汗．．．
食埋ｌｕｎｃｈ就收拾行囊，差唔多２點離開．．．
又要行返果條路，又曬又熱，又係要避過好多蜘蛛網呀．．．
出到去巴士站等車，係隔離的士多ｈｅａ，因為好熱．．．
上車之後舒服晒，因為有冷氣，同荷蘭豆一齊聽住ｍｐ３～～
去到西貢市中心就分頭，其他人搭小巴出市區，
我地５個人搭巴士去鑽石山地鐵站．．．
去到見到間好大的美國冒險樂園，就入去行個圈先搭地鐵．．．
返到ｈｏｍｅ的時間係５點．．．　我諗今晚一定好好訓架喇．．．

去ｃａｍｐ第２日～～

今朝６點半起身，諗住可以少ｄ人同我爭機打，
果然，得６個人起到身，我地輪流打ｗｉｎｎｉｎｇ，正！！
打到８點半食早餐，炒米粉＋白粥，夾埋食真係好正！！
玩ｔｅａｍ　ｇａｍｅ，要過９關，
有掌上壓、剔波、插花、接網球、自轉十圈、吹氣球、射波等等，
我地輸左，可能因為淑ｌｉｎｇ吹氣球吹得慢啦．．．
都有打機，都係有好多人爭，唉，打２鋪就算．．．
食ｌｕｎｃｈ，有京都骨呀，正死了！！
去玩刺激ｇａｍｅ喇！！　空中飛人＆ｈｉｇｈ　Ｖ！！
我揀左做空中飛人！！　係半空跳去捉實枝杆～
我係成功左架！！　ｈａｈａ～　可能個距離調校得太近啦．．．
半天吊果陣，男仔會俾安全帶勒住下面架．．．
玩完之後全班要去挑戰難度，好似《學警雄心》咁爬上４米高既牆．．．
本來無頭緒，係咁試都係一個都爬唔到，
阿ｓｉｒ教路之後就２個最高的合力，ｓｔａｎｌｅｙ推哪吒上去，
哪吒自己用手向上拉，幾經辛苦卒之上到，全班都超開心！
慢慢咁，幾個人做底，ｄ人就踩上去，上面的人就幫手拉人上去，
一個個咁上到去，最後全部都上到去呀！！
ｉｍｐｏｓｓｉｂｌｅ　ｉｓ　ｎｏｔｈｉｎｇ！！
梁ｓｉｒ、簡ｓｉｒ　＆　ｍｉｓｓ　Ｏ　入左黎睇我地呀！！
傾左陣計，一齊食晚飯，都好多謝佢地以前的教導！！
之後就有個短聚，幾個老師講下野，都係想我地唔好忘記呢份友誼～～
老師們走左之後又玩ｔｅａｍ　ｇａｍｅ，係環繞個營搵牌仔，
我地組去搵第１個牌仔果陣出事呀．．．
我、子彈　＆　ｐａｔｒｉｃｋ都俾蜜蜂針到．．．　好痛呀！！
個牌附近可能有蜂巢，但係都俾我睇左個圖案先走．．．
好彩唔係ｄ好毒既蜜蜂咋．．．　搽左ｄ藥就繼續去搵其他牌仔～～
好多都係由我睇到，勁開心，覺得自己好叻仔呀～　ｈａｈａ～～
最後有２個超難搵，其中一個俾荷蘭豆細心分析之後搵到，勁！！
仲有一個係最難，４組都無人搵到呀．．．　佢仲要係唔開估喎．．．
我地組拎左第１，搵到２０個牌～～　ｙｅａｈ～～
１１點幾返房等沖涼，已經等到差唔多１點，中途鋤左陣ｄｅｅ，
又食左ｄ杯麵、薯片咁，係床訓係度等，之後無啦啦訓著左喎．．．

去ｃａｍｐ！！第一天

Ｙｅａｈ～～　今日去ｃａｍｐ！！
１０點出葵芳搵埋梁勇一齊食早餐，
食完就一齊行萬寧＆屈臣氏，買一ｄ入ｃａｍｐ要用的日用品，
之後到百佳買野飲、買零食，都使左差唔多＄２００．．．
１２點半返學校搭旅遊巴入西貢，
地點：西貢香港小童群益會白普理營
落車之後要行廿幾分鐘先去到，好熱呀，行到一身汗．．．
沿路有好多有蜘蛛既蜘蛛網，唔小心掂到的話真係可以當做面膜．．．
去到２點，佢地就話明唔准踢足球，之後就收左我地個波．．．
房都未分配就玩喇，換衫玩「紮竹筏」，
本來唔識，之後有阿ｓｉｒ教，有個ｍｏｄｅｌ，就照住整，
ｄ人紮麻繩果陣紮到隻手起晒水泡．．．
好辛苦咁卒之都整到，落水玩，竟然浮得起，仲無散到，正～～
用槳爬左出海，就跳落水游，因為著左救生衣，
好ｈｉｇｈ，鬥快，我地ｔｅａｍ第１，ｈａｈａ～～
返到房就沖涼、換衫，之後食ｄｉｎｎｅｒ，有咕嚕肉！！
晚上的節目係聽李廣生牧師講野，佢講得好大聲，
仲要講到好悶，無乜心機聽．．．
仲有活動架，每ｔｅａｍ比賽，蒙眼夜行遊繩，我地合作分最高！！
玩完就返房打機，梁勇帶左ＰＳ２去，個個都爭住玩．．．
因為太多人爭，我１點訓，諗住第２朝起身先打．．．